c.vieri 發表於 21-8-17 07:43 
佢都罪有應得啦
坐完之後，可以返加拿大歸隱
原本唔多想講張哲瀚，呢度好多佢嘅粉，利申我唔係任何人嘅粉，即使我比較鍾意胡歌、陳坤、陳寶國、陳道明等，佢地如果翻車，我一樣會吐糟。。。
早於月前，張哲瀚被爆料女友有孕，又話佢求婚成功，兩人將會好快結婚，爆料嘅據說係張嘅前大粉，爆料有埋相有堆姓名，當然又係被張粉話個女炒作，不過有業內博主講佢地真係男女朋友，不過因為張而家仲營業緊老婆形象，所以女友亦盡量配合。
其後張哲瀚被爆出席朋友婚宴，舉辦地方為如同靖國神社性質嘅乃木神社，是供奉明治時代人物乃木希典、乃木靜子夫婦。乃木希典是日本陸軍上將，對外侵略擴張政策的忠實推行者，軍國主義的急先鋒，於明治天皇駕崩時切腹自殺。乃木神社不如靖國神社出名，但對中國人嘅意義差不多，就係日本軍國主義嘅表徵。據說乃木神社行嘅係會員制，唔係人人都入得去舉宴會，一般日本人都唔會去呢類神社舉行婚宴，而且入去呢類神社，有大大張告示寫明要參拜入面供奉嘅人物。婚宴嘉賓當中亦有兩名非常出名支持日本軍國主義嘅人物，而張同其中一位黛薇夫人亦有合照。
原本只係一個婚宴一張半張相都可以開脫，但持續被人再爆料，張嘅個人IG上面有佢多年來貼嘅相，有佢連續唔只一年"參觀"靖國神社時影嘅相，仲有其他神社，亦有多年前影咗放上IG嘅日本旭日旗標誌，跟住業內不少人爆佢麻煩，未紅先驕，接咗工作遲到，成棚人等佢一個，唔係半小時一小時，甚至有等足大半日而最後當日冇拍到嘅，4000年美女粉之前鬧佢鹹豬手自己偶像，近日有佢坐喺蘇小小墳墓上影嘅相，洋洋灑灑十幾廿條指責，真係唔死都幾難。
最初人民日報只係點名佢要補課，要熟讀中國歷史，後來輿論走向一面倒遣責，人民日報被指責為二流報紙，不為國民把關，隨住多次參觀靖國神社相片流出及業內一片聲討，其後中國演出行業協會發出公告「會員單位對其進行從業抵制」，形同被業界封殺。繼他的名字消失於《山河令》演員名單，8月16日晚間再傳出消息，網友發現《琅琊榜》少年林殊戲份已經刪除了，事源山東衛視正在播出《琅琊榜》，劇中張哲瀚扮演少年林殊，戲份已經被剪，該網友稱讚「手速相當可以」、「再追劇看劇瞬間都舒服了，做藝先做人，做人德為先……。」原本「少年林殊」有一段和「靖王」蕭景琰、霓凰郡主河邊對話，笑稱好友「水牛喝水咕嚕咕嚕」的名場面，在大陸電視頻道已經看不到。
人民日報改風向加入遣責行列，而家張同佢工作室嘅微博號被封，連演過嘅劇都要刪減或下架，可憐瑯琊榜不再完整，仲有好幾套張有份演出嘅劇都要被處理。
有張粉矛頭指向龔俊，覺得佢係既得利益者，咁講未免武斷，業內差不多類型男演員又豈只龔俊一個，爭資源駛黑手已非新事，只是每個藝人都要注意自己言行，犯法嘢故然唔好做，但有D底線亦不能挑戰，相片唔係其他人發，係當事人自己出喺個人IG，多年前已經有張粉提醒佢有關旭日旗嘅相片，但張唔當一回事，如果果陣刪去的話，未必會今日被人大做文章（不過亦唔排除有人已備份），靖國神社對我冇點讀中國近代歷史嘅人嚟講，冇太大了解，但我有印象每次日本官員去參拜嘅時間，中國政府都會遣責，咁當中嘅忌諱不可能唔察覺，何況於國內讀書成長嘅人，應該更為清楚，一次半次可說敏感度不足，多次的話，就不能推脫責任，至於責任去到邊？係咪要被封殺，係咪要從此消失？呢樣都要睇下人緣同人際關係，即使如鄭爽之前個個鬧佢，佢被禁言，銀行戶口都被凍結，但冇咩人對佢落井下石，佢或者成日發顛，但心地態度可能都未去到好多人想佢死，佢亦有朋友借錢俾佢渡日。
享受社會上嘅紅利，就要盡對社會嘅責任，因為影響力大，更加需要小心言行，事實如何，非我輩能夠知道清楚，不過觸及社會上輿論嘅底線，呢次都算係由民間發起翻車，連權威傳媒都要投降。
瑯琊榜前傳如果一早拍就可以借勢，而家拍少年林殊少年靖王真係過晒氣，免不了搵流量明星，是否真適合？我對編劇果個冇信心，瑯琊榜2已經差好遠，選角有D唔得。
花旗太太生活在花旗國，留意時差，你問我未必即時答到。
發表於 
，不過見微微果時個遊戲古裝做型，覺得唔會太差）
唔係有排翻煲再翻煲
返回列表
