少年成長 今日: 1 | 主題: 16099

積分: 4442

1562^#

發表於 11-8-23 13:27 |只看該作者

SandraLo 發表於 11-8-22 23:23
ShingYan1 :

唔駛太担心住, 有d 小朋友受藥物影響, 情緒係會有波動, 重撞啱佢剛開始返學......... 睇定d ...

Dear SandraLo,
好多謝及好感激你嘅回覆呀。我囝囝係外面就冇打其他人，但如佢係外面遇到唔如意嘅事，就會行埋嚟打我地囉。至於係外面講打人，就時常都有，佢無論係外面同屋企講打人嘅次數係非常多，係屋企: 例如問佢飲唔飲水，佢話打，即係唔飲，我地已經教佢，你講個打字我地唔明，你淨係答飲定唔飲，有時佢都聽，會答番我地話唔飲囉。不過佢已經當咗係口頭蟬。沖完涼唔願起身，就話打打打。每朝一起早，都係話打，就算有時發夢，都講過打字。至於係外面，叫佢叫人時，例如落樓一定會見到看更姨姨，我就話叫姨姨啦，佢就話打，有時我都費時叫佢叫人，但人地看更姨姨叫佢，佢都係答人地打，但有個成日坐係大堂嘅婆婆，佢見到人又唔會咁講喎，唔明佢個腦仔諗嘜。另外佢去到酒樓，侍應埋嚟加水或收野，佢就話打。出到街有時買野會接觸sales，佢又向人講打。又或去到人多嘅地方，即係好似係條街行，但很多人，人逼人，佢又會講打。係屋企佢一忟，所有應對都係個打字，我有時真係唔明佢嘅意思，咪問佢囉，佢就只會講個打字，我真係投哂降喇，好辛苦呀。另外，佢出到街除咗去到公園入面(即係話有滑梯嘅地方)、超級市場、反斗城，佢就肯自己行，其餘地方一概要抱，就算氹到佢行，佢都只係行幾步，有時甚至係會行，但唔憤氣，一路行一路喊一路講過打字。其實我覺得佢除咗講野比同齡小朋友叻d之外，其餘physical嘅野係比同齡小朋友慢(例如佢係十個月時係唔識爬，佢係識行咗之後先識爬，玩滑梯，佢都係呢幾個月先肯同識自己上上落落。)但我覺得佢都幾聰明，好多野講野比佢聽，佢會記得講番出嚟，其實我有d懷疑佢會唔會係d資優兒童(純粹自己諗法，唔係自誇)，所以比較難教及溝通。

私人傳訊

積分: 1317

1563^#

發表於 11-8-23 16:58 |只看該作者

Dear SandraLo

我有好多問題想請教你.
我有個兩歲的小朋友.我係全職MAMA.我仔而家返緊N1.上堂時成日都坐唔定.周圍走,(尤其是老師講故仔)又好容易受其他小朋友影響走來走去有樣學樣.有時會無啦啦大叫.做咩都好心急(就好像食茶點.一見到就要立刻食.叫佢等埋其它小朋友佢就開始喊,又大吵大叫).俾主任投訴過好多次.講得最傷心就係呢次.話平時屋企家教唔係好得.我聽完差D喊左出來
要點做先可以令佢坐定定唔會周圍走.佢平時係屋企自己玩都係三分鐘熱度.
佢想要果樣嘢或者係想玩某一樣嘢就要立刻得到.叫佢等或要排隊佢又開始喊大叫.

私人傳訊

積分: 33215

1564^#

發表於 11-8-23 22:30 |只看該作者

ShingYan1 發表於 11-8-23 13:27
Dear SandraLo,
好多謝及好感激你嘅回覆呀。我囝囝係外面就冇打其他人，但如佢係外面遇到唔如意嘅事，就會 ...

ShingYan1 :

「我覺得佢除咗講野比同齡小朋友叻d」~~ 如佢表達能力高, 但响咁多情況下佢都淨係講個打字？冇加任何解釋？咁佢豈不是當個打字係粗口咁講？我想知你依家係咁處理嘅？冇再俾反應佢？

「好多野講野比佢聽，佢會記得講番出嚟，其實我有d懷疑佢會唔會係d資優兒童(純粹自己諗法，唔係自誇)，所以比較難教及溝通。」~~ 呢樣只係表示佢好記性............ 資優兒童都有唔同範疇嘅强項, 亦唔一定難教同難溝通, 即使係難教, 都唔係咁細個嗰陣.......... 資優兒童俾人覺得難教, 好多係因為學習環境唔啱佢地, 於是出現挑戰老師嘅行為, 再大d, 學識多咗, 就容易嫌同齢嘅人低b, 被人以為難溝通.

私人傳訊

積分: 33215

1565^#

發表於 11-8-23 22:36 |只看該作者

king-cow 發表於 11-8-23 16:58
Dear SandraLo

我有好多問題想請教你.我有個兩歲的小朋友.我係全職MAMA.我仔而家返緊N1.上堂時成日都坐唔定.周圍走,(尤其是老師講故仔

king-cow :

「要點做先可以令佢坐定定唔會周圍走」 ~~ 咁依家佢响屋企係点嘅？例如能否食完一餐飯才離枱？你地同佢一齊玩可以玩幾耐？佢想要一樣嘢唔即刻俾佢, 佢就喊, 咁你係咪會俾佢？鬧佢定点？

私人傳訊

積分: 1317

1566^#

發表於 11-8-23 23:15 |只看該作者

回覆 SandraLo 的帖子

HI.
SandraLo: 佢平時食飯都會同我地坐定定一起食,但有時食唔到一半就會起身去玩或者要打電視(食飯時間我地都會關電視).
而家諗諗下同佢一起玩的時間真係好少.有時掛住家務或忙其他事情.都係要佢自己一個人.但佢對每一種玩具玩的時間都好短.唔會超過五分鐘.跟住又走去玩其他玩具.
佢想要一樣嘢.有時太忙唔得閒理俾佢吵到冇辦法都會俾佢.試過有幾次唔俾佢就開始大吵大閙.又喊咁.有時太嬲都會打佢閙佢.我都知咁唔好.佢會有樣學樣.但有時真係俾佢激到失到理性.
係咪每個小朋友讚下都會乖D.聽話D???
有咩辦法可以令佢冇咁怕羞???佢一返到學校見到D老師都好怕羞,躲係我後面唔肯出來打招呼.但一過左關卡就立刻冇事.

私人傳訊

ShingYan1

積分: 4442

1567^#

發表於 11-8-24 13:46 |只看該作者

SandraLo 發表於 11-8-23 22:30
ShingYan1 :

「我覺得佢除咗講野比同齡小朋友叻d」~~ 如佢表達能力高, 但响咁多情況下佢都淨係講個打字？ ...

Dear SandraLo,
好多謝你嘅回覆呀。我而家遇到下列情況，我係會咁處理的：
1. 問佢飲唔飲水，佢話打 - 我就話你講個打字我唔明喎，你係要答飲定唔飲，咁佢有時會答番我地話唔飲囉。
2. 沖完涼唔願起身，就話打打打 - 我就話唔好咁講，唔啱架，明天再沖啦。
3. 每朝一起早，都係話打 - 我就會話唔好咁講，係應該話早晨呀。
4. 至於係外面，叫佢叫人時，例如落樓一定會見到看更姨姨，我就話叫姨姨啦，佢就話打，有時我都費時叫佢叫人，但人地看更姨姨叫佢，佢都係答人地打 - 我就話喂，唔可以、唔好咁，冇禮貌。(其實我係有教佢見到人要講hello或叫人，而佢亦都知，因為有時搭緊lift落樓下時，佢係lift入面會講，見到姨姨，要hello，但真係見到時，佢就講打。)
5. 另外佢去到酒樓，侍應埋嚟加水或收野，佢就話打 - 我就話應該係唔該先啱，姨姨嚟幫你做野嘛。
6. 出到街有時買野會接觸sales，佢又向人講打 - 我就話，喂唔係咁，係唔該呀。
7. 又或去到人多嘅地方，即係好似係條街行，但很多人，人逼人，佢又會講打 - 我就話，唔係呀。
8. 今日返學，佢見到輕鐵、車車，佢會講：hello鐵鐵、hello車車，但我冇要求佢講。但返到學校，見到老師們、校長、清潔姨姨，我就會同人講早晨，佢一聽到我講早晨後，佢就會跟住講打。

私人傳訊

積分: 33215

1568^#

發表於 11-8-24 22:51 |只看該作者

king-cow 發表於 11-8-23 23:15
回覆 SandraLo 的帖子

HI.SandraLo: 佢平時食飯都會同我地坐定定一起食,但有時食唔到一半就會起身去玩或者要打電視(食飯時間我地都會關電視).

king-cow :

老師咁話你囝囝, 加埋你咁講, 似乎都應該係你响屋企時對佢完全冇要求, 以至佢唔知有規舉要跟呢樣嘢. 相反, 佢只須大吵大閙大喊, 就可以有想要嘅嘢, 咁佢點會同你等？要乜就有咁大吵咁大, 就會即刻有, 你事實係教緊佢用吵鬧嚟向你要求, 亦教緊佢唔駛有耐性, 吵鬧就得！
小朋友唔係讚下就會乖D, 讚係針對佢壞行為嚟讚, 讚錯冇效, 讚佢地嘅能力重可能會令佢地自大, 你先睇点用讚嘅topic (1st and 2nd post), 再試下用响食飯度！
最重要一点：同小朋友玩絕對優先於家務！唔係話要一日玩到黑, 而係每日起碼20分鐘另加起碼10分鐘 bed time story！小朋友嘅學習係透過玩响模仿/角式扮演裡面學, 你俾件玩具佢, 佢唔會識玩, 因此, 揸住幾分鐘就會放低, 係好正常的！
最後, 你要幫囝囝的話, 先要改變自己. 唔能夠「佢想要一樣嘢.有時太忙唔得閒理俾佢吵到冇辦法都會俾佢」, 基本上, 佢想要一樣嘢你就先要決定係唔係可以俾佢, 得就即俾, 唔得就解釋一次点解唔得, 之後就冇得反口, 佢喊幾多個鐘都冇, 咁佢慢慢先會知唔係喊就得！

私人傳訊

積分: 33215

1569^#

發表於 11-8-24 22:52 |只看該作者

ShingYan1 發表於 11-8-24 13:46
Dear SandraLo,
好多謝你嘅回覆呀。我而家遇到下列情況，我係會咁處理的：
1. 問佢飲唔飲水，佢話打 - 我就 ...

ShingYan1 :

ok, 咁你有冇 idea 点用 ignore ?

私人傳訊

積分: 1317

1570^#

發表於 11-8-24 23:46 |只看該作者

回覆 SandraLo 的帖子

hihi:Sandra Lo

呢兩天我都有用你之前的post中講的讚同埋 ignore但我唔知用得啱唔啱.希望可以俾D意見我.
例如:今天中午食飯佢都好乖自己食.都唔使我喂佢.咁我就讚佢"BB好乖好叻自己坐定定食晒碗飯"我見佢被我讚完佢都好開心.一直都笑笑口.
之後我叫佢自己收拾碗碟然後要去午睡,佢就開始發脾氣又大叫大吵話要玩電話.我話要先午睡.瞓完先再玩啦.佢唔肯一直係咁發脾氣,大叫大吵話要玩電話,我就冇再理佢由得佢係度吵.跟住冇耐佢又話要開電視睇.我話唔得要先瞓.瞓完先身再開電視.佢都係喊到叫唔到聲.然後我就扮講電話.佢立刻冇事就走埋來八掛. 我同佢講佢頭先唔聽話唔乖所以媽媽唔會理佢.唔知我咁做方法啱唔啱呢???

私人傳訊

joyceyyk

積分: 4309

1571^#

發表於 11-8-25 09:12 |只看該作者

hihi Sandra Lo,

我呢幾日就煩緊我個女既教養問題就見到呢個ＴＯＰＩＣ，希望你可以指教下丫，我個女19個月，平日日頭婆婆凑，我地夜晩接返,咁我岩岩生完所以近期我自己凑，妹妹由姐姐凑。因為我同老公兩邊屋企都無其他小朋友，佢係第一個，所以我覺得佢被縱壞了，平時都係得我一個惡，婆婆同老公就成日做架倆（我話左佢地好多次）,近期我老公和婆婆都開始發現佢有問題所以開始附和我。

佢既問題：
1. 超級坐唔定，上playgroup 所有小朋友可以開始時坐定，上到一半先開始唔耐煩，佢一開始就行來行去，鍾意企正在老師面前，或企出去望返住所有人。我抱佢返埋位就扭計大喊，我唔知點教佢坐耐Ｄ，又怕佢係咪有專注力不足既病。佢在家玩玩具係三分鐘都無，拎完一個，玩兩玩就講bye bye, 跟住就放好拎第二個玩具，我想同佢講故仔，或者講下動物顏色佢都有好快走左去，我可以點？佢咁樣我怕佢第日邊有學校收。

2. 有時佢明我地講乜，特登做相反既野黎激我地，如佢拋條洗好既裙落地，我叫佢執返（有唔該的），佢有時係特登跑開去最遠既大門邊，再叫就再跑去屋的另一邊，前日仲衰到跑到條裙旁邊，踩條裙兩腳。佢又試過特登掟野落地，叫佢執返就望住我執，再掟多次落地然後走開。我之前無睇你個topic ，我打佢手板同鬧佢都做過。咁既情況我應該點做呢？

3. 唔鍾意正經食飯，佢不停地指住不同既東西話要呢個果個，唔係就擰開塊面唔食，我呢幾日剩係俾多個碗佢,同俾粥佢等佢自己餵自己，我就隔離餵，但有時佢都係扭，甚至特登吐出來，琴晚又係咁我又狠狠地鬧佢（我知唔岩，但實在控制唔到）．通常佢Ｏ向我地之前食，咁到我地食時佢又食少少，但如果佢自己既野無食完我就唔俾佢食我地既野，佢就勁喊勁扭，我地係咁叫佢講對唔住佢又唔講，問佢知唔知錯呢，佢要我地提"知"佢就講，但我覺得佢係見到Ｄ野食先講

4.超硬頸，如以上佢做錯野，我地教佢講唔該，或對唔住，佢可以喊成粒鐘都唔講，聽到我地叫佢講佢就發脾氣再喊，我地有同佢解釋但佢就繼續大大聲咁喊囉。

5. 佢好似唔知咩叫罰，叫佢naughty corner 佢會想跑，死喊爛喊，但佢好似係因為去唔到佢想去既地方而喊，唔係知道俾人罰而喊囉

我唔知我係咪對佢要求太高，又係好清楚19 個月應該知幾多．好多時爸爸臨訓前又同佢講返,但佢都係無唔同，受唔到教訓咁。

私人傳訊

ShingYan1

積分: 4442

1572^#

發表於 11-8-25 09:57 |只看該作者

引用：Quote:ShingYan1+發表於+11-8-24+13:46+Dea

原帖由 SandraLo 於 11-08-24 發表
ShingYan1 :

ok, 咁你有冇 idea 点用 ignore ?

真係要完全唔啋佢？但出到街係人面前唔阻止佢，好似好冇家教。
另外，想問吓如佢出手打或用物件（例如玩具）打我地，有時佢會打到爸爸副眼鏡都跌落嚟，咁點可以做到ignore呢？謝謝回覆。

私人傳訊

Michley

複式洋房

積分: 229

1573^#

發表於 11-8-25 12:51 |只看該作者

回覆 SandraLo 的帖子

Sandra:

哦....明白!
其實我真系好多謝你, 自從我改用你D方法之後, 我同仔仔關係有明顯改善, 雖然仲有好多要改進空間都需要時間慢慢改變過黎, 但呢D好改變已令我好感恩! 我會繼續努力, 有問題我會再請教你, 各位媽媽加油!!!!

私人傳訊

Muimuipig

積分: 2361

好媽媽勳章醒目開學勳章

1574^#

發表於 11-8-25 13:44 |只看該作者

Dear Sandra,
你好! 我都因為個女一d壞行為而上星期開始睇呢個post 1 頭30 頁( 如我有時間会繼續睇落去), 並跟住見意做'讚','獎','ignore'...但還是想請教你...

我女2歲9個月大,脾氣差,冇耐性, 如玩具or lego玩唔到就大叫尖叫,繼而推或大力掉玩具落地下...我上星期開始用'讚',及當她大叫掉玩具時就說她咁樣唔岩之後就ignore佢, 佢亦好快收聲(5 分鈡)過來同我 say sorry... 我亦每日繼續 praise and ignore, 而之後大叫掉玩具嘅情況減少但還會出現... 但我想問佢嘅行為應該係在發洩情緒多過似attention seeking, 我應該繼續ignore佢呢個壞行為嗎? 但我又唔知點樣處理佢嘅情緒發洩...

另一個更嚴重嘅問題係推或打小朋友...佢以住冇咁嘅行為, 但自從放暑假有一次係會所遊戲室比小朋友推辻一次之後, 佢就经常性推小朋友,我每次都有教佢唔可以但情況冇改善... 上星期四佢就係好大力推咗個小朋友落地下，仲撞到個頭，我叫都叫唔切，好彩個小朋友冇事，佢家人亦冇責怪, 但我好內疚，返到屋企喊咗好耐，覺得要正視問題, 所以揾到呢個post 並開始 praise and ignore, 每日都大讚佢冇推小朋友好乖約4,5次,獎佢貼紙 or 小食, 佢好開心話自己乖，故事時間亦有提及...
一個星期後的今天, 我如常出門前大讚她好乖冇推小朋友，亦事前講定如果推小朋友就唔比玩即刻返屋企, 跟住我地出去會所玩... 點知佢又係一野打落個小朋友到，我即刻say sorry抱佢出去著鞋走, 話佢知打人唔啱所以媽媽唔比佢玩要即刻返屋企，佢有大喊大叫, 但又係好快收聲(5分鈡內) 安靜拖住我行返屋企...返到屋企我再同佢講推/打人唔啱，所以罰佢坐naughty chair, 佢完全冇喊過仲叫'媽媽開心d呀!' , 我再同佢講打人唔啱，唔可以再有下次...

Sandra, 我咁樣做啱嗎? 我好frustrate, 我覺得做得好唔好，但又唔知應該點做，請你教下我，非常感謝!

私人傳訊

積分: 33215

1575^#

發表於 11-8-25 22:36 |只看該作者

king-cow 發表於 11-8-24 23:46
回覆 SandraLo 的帖子

hihi:Sandra Lo
.............我話唔得要先瞓.瞓完先身再開電視.佢都係喊到叫唔到聲.然後我就扮講電話.佢立刻冇事就走埋來八掛. 我同佢講佢頭先唔聽話唔乖所以媽媽唔會理佢.唔知我咁做方法啱唔啱呢???

king-cow :

查實唔駛咁驚佢喊, 當佢知喊冇用, 佢又唔會咁易喊！
你話佢「頭先唔聽話唔乖所以媽媽唔會理」其實係一種「嚇」, 因為唔係真嘅, 呢類嚇嘅說話對細嘅小朋友嚟講看似有效, 但大大吓就傷感情, 佢亦學咗用咁嘅方式同你講嘢！
你可以每日 lunch 前嚟一個預告, 食完飯會做d 乜, 之後又点 (亦即大個d 用嘅 timetable), 然後 firm d 咁跟住做完一樣到一樣, 再民主d 甚至可以俾佢話吓事, 同佢一齊訂, 你容易d manage而佢亦學識跟規舉同尊重承諾, 記住一決定咗就唔可以反口！

私人傳訊

積分: 1317

1576^#

發表於 11-8-25 22:48 |只看該作者

回覆 SandraLo 的帖子

hihi.SandraLo :
咁我應該點樣話佢知咁樣扭計係唔啱呢.同埋咩時候係最好時機?

私人傳訊

積分: 33215

1577^#

發表於 11-8-25 23:25 |只看該作者

joyceyyk 發表於 11-8-25 09:12
hihi Sandra Lo,

我呢幾日就煩緊我個女既教養問題就見到呢個ＴＯＰＩＣ，希望你可以指教下丫，我個女19個月，平日日頭婆婆凑，我地夜晩接返,咁我岩岩生完所以近期我自己凑，妹妹由姐姐凑。因為我同老公兩邊屋企都無其他小朋友，佢係第一個 ...

joyceyyk :

1. 19個月好多時都真係坐唔定, 較難睇到有冇問題.......... 好似我同 king-cow咁講, 佢咁細個你俾件玩具佢, 佢唔會識自己玩, 因此, 揸住幾分鐘就會放低, 係好正常的, 你揾d 幼兒雜誌, 裡面有陣有教一d 同小朋友玩嘅遊戲, 你可參考吓, 小朋友係透過玩嚟學習, 所以你一定要花時間同佢玩！
2. 小朋友拎嘢落地好多時係attention seeking, 引你注意, 呢個注意包括鬧同話, 你唔理佢, 佢就冇乜癮做, 你睇咗点用讚個topic 未？用讚就可以搞掂.
3. 佢唔會 snack 太多而未餓？等佢餓d 先食........ 都係 keep 住讚就可以.......
4. 假設佢次次都肯同你講對唔住, 但之後又照做, 咁呢句「對唔住」或者「我知錯」係冇乜實質意義, 你試吓唔好要求佢講, 但你地自己有嘢做錯/搞錯嗰陣就同佢講 sorry, 佢好快會識講, 同硬頸冇乜關係.
5. 查實用讚 + ignore已經好 work, 如冇影響人(例如打小朋友), 最好唔好用罸住, 重未計要花時間同佢糾纏！

私人傳訊

積分: 33215

1578^#

發表於 11-8-25 23:29 |只看該作者

本帖最後由 SandraLo 於 11-8-25 23:30 編輯

各位：

希望明天可以續答......... 因為這幾天要搬 office, 所以忙得很, 請耐心等候, 我會盡快回覆！

私人傳訊

joyceyyk

積分: 4309

1579^#

發表於 11-8-26 12:35 |只看該作者

回覆 SandraLo 的帖子

SandraLo,

多謝哂，我會努力試下，都會叫婆婆同爸爸配合。
你話用讚，但會唔會讚反而提醒左佢去做呢？有時佢係聽到一樣野即刻做

我仲有兩個問題，佢出街食飯好坐唔定，鍾意企在highchair，鍾意搞呢搞路，我之前係同佢講你如果想食野就坐靚靚，咁佢會坐一陣（幾分鐘都無），跟住又要再提。咁樣會唔會係用左條件叫佢乖呢？定純用讚，咁佢唔乖時我地要點？佢有時會爬上桌上，或企在highchair 勁危險囉。

佢入人地既舖頭又係不停搞人野，如在連鎖時裝店會不停掛在架上的東西，跑來跑去，在連鎖家庭用品店有梳化賣，佢就爬上一張，落地爬去第二張，我地躲起來佢都唔驚（咁算唔算ignore?)，係咁爬上爬落，我知細路係會百厭，但咁樣係咪真係無問題！？

私人傳訊