母乳餵哺 今日: 0 | 主題: 85707

積分: 40343

好媽媽勳章醒目開學勳章陪月勳章

141^#

發表於 07-12-16 08:50 |只看該作者

rose-mag, 靖嵐,

十分多謝你地o既鼓勵! 我知道人奶路唔係得我一個, 仲有你地支持我:loveliness:

呢個星期泵奶的奶量明顯係上星期(病緊)的double或以上, 好開心! 以泵出來的量計, 通常3小時有2.5oz, 全日密密泵都差不多夠bb食全日了, 可能補少少奶粉! 可是奶奶同老公唔係幾合作, 成日嫌坐熱人奶慢餓親個b, 次次都開奶粉, 激死我!!! 不過我終於坐完月(=坐完監:lol ), 所有野可以under自己control, 就算埋唔到身, 總之盡量比bb食人奶都好好

昨日和今朝試埋身, 其實係因為情急之下拿拿臨比bb食奶, 埋咗2次身暫時未痛, 不過我都知唔頂得幾耐. 如果真係無法次次埋身, 可否好似要返工的媽咪咁, 埋身+泵? 諗住比nipple休息下, 但bb剛一個月會否太細, 還有沒有nipple confusion的問題?

私人傳訊回覆引用

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

142^#

發表於 07-12-17 03:14 |只看該作者

方麗娟，
努力一定有回報，多咗奶咪好囉。你同奶奶老公講凑BB冇捷徑，熱奶嘅時候，可以同BB換片，順便同BB倾吓計，玩一陣，唔駛一喊就即刻餵樽，熱奶都係5－10分鐘，換片都去咗一陣啦，同BB傾多D計，等BB習慣知道就會有奶食，以後佢會喊得冇咁犀利。以前我一放口水堅，囝囝就唔喊，因為佢知道就有得食。

坐完月都要小心身體，補身可以補到一百日，所以飲食上都仲係要注意，一日都仲係奶媽，你食嘢都係以BB為先。

如果真係無法次次埋身, 可否好似要返工的媽咪咁, 埋身+泵? 你可以埋身＋泵，唔埋身果次就泵，可以保持奶量。如果頂唔順太痛，就睇下可以埋身幾多次，餵樽就最好由老公或奶奶做，你可以休息，BB又可以分清楚nipple 同bottle係由唔同人餵。

bb剛一個月會否太細, 還有沒有nipple confusion的問題? nipple confusion 可以去到6個星期，不過恐怕BB慣咗食樽就唔想啜，因為容易又唔駛用力。有D BB就慣咗埋身唔肯食樽，好似我個囡，依家我同我媽咪仲train緊佢用樽，因為媽咪乳頭又軟又暖，不過有時佢啜得勁，我D奶就係成幾條奶柱咁噴出，有時佢食唔切濁到就喊到死死吓，又搞到我成身到係奶，依家梳化同地毯都好多奶漬。初初你想BB埋身食，就應該多D試埋身，只有多練習，你同BB先可以進步。到6個星期後或者BB已經可以埋身食，係就要考慮，如果以後你想有時可以自己出街唔同BB去，咁都應該埋身同樽兩樣都做。

花旗太太生活在花旗國，留意時差，你問我未必即時答到。

私人傳訊回覆引用

積分: 4412

143^#

發表於 07-12-17 12:11 |只看該作者

食奶咀我估唔駛掛... 但係食奶樽/ 埋身時就一定要~

原文章由 oliviaj 於 07-12-14 10:39 發表
我現在會繼續用 CHU CHU的奶嘴, 及每次食奶時都迫BB上下嘴唇向外翻, 請問大家這樣做對嗎? 是不是食奶嘴時都要上下嘴唇向外翻的呢???

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

oliviaj

別墅

積分: 850

144^#

發表於 07-12-18 07:53 |只看該作者

原文章由 李小B太太 於 07-12-17 12:11 發表
食奶咀我估唔駛掛... 但係食奶樽/ 埋身時就一定要~

是, 我是指食奶樽時, 希望有幫助

私人傳訊回覆引用

積分: 4412

145^#

發表於 07-12-18 09:07 |只看該作者

啊, 食奶樽時呢, 我無聽姑娘特別教, 但我見小笨係上下唇都外翻0架~ (小笨食樽又埋身, 兩樣都識~)

原文章由 oliviaj 於 07-12-18 07:53 發表

是, 我是指食奶樽時, 希望有幫助

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

積分: 40343

好媽媽勳章醒目開學勳章陪月勳章

146^#

發表於 07-12-19 10:37 |只看該作者

本來諗住全泵算, 但泵極都meet唔到bb的奶量, 呢幾日仲好似少咗奶, 好驚呀~~老公話我可能食少咗野(奶奶陪我坐完月了), 加上唔夠休息......但要湊bb真係"死症", 係一日24小時的工作, 仲可以點呢? 落親街第一件事就諗阿b仲欠d乜要買, 第二件事就諗老公要食d乜......最後返到屋企才發覺唔記得買野比自己食...

我而家有時會埋身, 一日一次, 驚乳頭又損連泵奶都痛, 其餘盡量泵+餵人奶+奶粉, 目前計小b大約3小時食一次, 每次4oz, 試過食到5oz. 泵奶方面約4-5小時泵一次, 每次2.5-3oz, 有時得2oz添.

問：
- 埋身餵一日一次會否太少?
- bb已滿月, 我每次泵奶的份量是否太少?
- 泵奶(手泵)的速度：應模仿bb吸啜的速度, 還是快些也可以? 我而家係15-25分鐘內泵完.
- 前2日出咗全日街只係泵過1,2次, 會因為咁而開始收奶嗎?
- 有時我會盡量拖到4小時才比佢食, 會隔得太耐嗎?
- 埋身餵完人奶後是否需要比啖水bb飲?
- 埋身餵完, bb訓到覺1小時或以上, 是否代表夠飽?

謝謝!

私人傳訊回覆引用

積分: 174325

147^#

發表於 07-12-20 06:45 |只看該作者

食、飲水、休息係基本餵人奶要注意的地方。如果你食得唔夠，你搵咩餵BB？你剛剛坐完月，身體都仲未恢愎，加上餵人奶，一日5－6餐就差不多。你可以襯周末，C6得閒一起shopping買多D食物，即使冇新鮮食物都唔會餓，湊BB加上家務係好唔得閒，但BB有奶食係大前提。食少咗的夠會影響奶量，所以你要記住食嘢。

問：
- 埋身餵一日一次會否太少? 好似少咗D，如果得最好次次都埋身先，唔夠先補，真係想有朝一日全埋身就唔好怕，埋身太少BB就好難學啜，D奶又會慢慢少。
- bb已滿月, 我每次泵奶的份量是否太少? 其實就唔係真係好少，我認為要多埋身，多D刺激先可以多D奶，因為泵始终冇埋身咁有效。
- 泵奶(手泵)的速度：應模仿bb吸啜的速度, 還是快些也可以? 我而家係15-25分鐘內泵完. 初初可以慢D，先刺激乳頭，等有let down 就加快，我通常等一至兩個let down。
- 前2日出咗全日街只係泵過1,2次, 會因為咁而開始收奶嗎? 會有影響，只要努力，追番一D都唔難。
- 有時我會盡量拖到4小時才比佢食, 會隔得太耐嗎? 如果係個B有增磅，4小時係可以的。但要睇情況，如果上餐食少咗，咪唔好等足4小時。
- 埋身餵完人奶後是否需要比啖水bb飲? 見人見至啦，我大仔就由細到大都有俾水佢飲，細囡因為唔肯用樽，莫講話水，奶佢都唔要，所以比較少俾水佢飲，其實未食固體食物前，奶裏面水份都足夠，除非天氣太熱。
- 埋身餵完, bb訓到覺1小時或以上, 是否代表夠飽? 應該都okay，如果有6塊濕片一日，BB就係食得夠，呢D叫有入有出

。

捱完一個月，BB的起居飲食習慣，你應該開始掌握到啦。以後只會更好，所以，你要努力，記得要食、飲多D水同休息多D。

花旗太太生活在花旗國，留意時差，你問我未必即時答到。

私人傳訊回覆引用

積分: 40343

好媽媽勳章醒目開學勳章陪月勳章

148^#

發表於 07-12-21 05:49 |只看該作者

thanks~

真的, 食返多d野(勁食飯

)d奶又好似多返少少, 仲有埋多幾次身. 不過一決心埋返身(死就死啦...個nipple)又遇上挫折---bb嘔奶嘔得好勁, 睇咗醫生, 醫生話佢係疴嘔, 建議盡量飲人奶, 如要飲奶粉就開稀, 又比咗d藥, 好彩冇發燒.

而家問題係, 埋身但試過bb食完嘔返晒出嚟, 因為打橫抱??? bb嘔到聲沙沙, 好心痛!

bra緊會影響奶量嗎?

[ 本文章最後由方麗娟於 07-12-21 05:51 編輯 ]

私人傳訊回覆引用

積分: 4412

149^#

發表於 07-12-21 11:13 |只看該作者

你不如試下埋身唔好一口氣食咁耐, 食一陣就整甩佢, 掃下風, 等佢落下格, 休息下, 等一陣至再食, 睇下會唔會好0的。

bra緊不單會影響奶量, 仲好易攪到乳塞同乳腺炎...

原文章由 方麗娟 於 07-12-21 05:49 發表
而家問題係, 埋身但試過bb食完嘔返晒出嚟, 因為打橫抱??? bb嘔到聲沙沙, 好心痛!

bra緊會影響奶量嗎?

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

積分: 4412

150^#

發表於 07-12-21 11:21 |只看該作者

叫老公食自己啦, 最好叫佢買埋你同亞 b果份~~~

原文章由 方麗娟 於 07-12-19 10:37 發表
第二件事就諗老公要食d乜......

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

積分: 174325

151^#

發表於 07-12-23 08:32 |只看該作者

原文章由 李小B太太 於 07-12-21 11:13 發表
你不如試下埋身唔好一口氣食咁耐, 食一陣就整甩佢, 掃下風, 等佢落下格, 休息下, 等一陣至再食, 睇下會唔會好0的。

bra緊不單會影響奶量, 仲好易攪到乳塞同乳腺炎...

...

係呀，試下掃風多D，餵慢D，BB應該係有風，肚仔唔舒服，試下抱佢直D，等BB容易D落格會冇咁易嘔。之前我個囡病晚晚都勁嘔，睇見佢眼定定就知死啦，嘔完之後佢好可憐咁望住我，真係好心痛，跟住佢又未飽，唯有等佢休息一陣又餵過。

唔好著好緊嘅bra, 一來唔舒服，二來你會好易背痛，三來真係會影響奶量，D人想回奶就會著細D嘅bra，生完BB後，通常都要用大一至兩個size 嘅bra，特別係谷奶個cup會起碼大一個呎碼，有D人由A升到C杯。我就連瞓都用bra，防止漏濕，又冇易下墜。

花旗太太生活在花旗國，留意時差，你問我未必即時答到。

私人傳訊回覆引用

積分: 40343

好媽媽勳章醒目開學勳章陪月勳章

152^#

發表於 07-12-23 16:36 |只看該作者

李小B太太, rose-mag,

唔好咁激動, 我係想講生咗阿b之後終於覺得自己係人地阿媽&人地老婆

我老公都好take care我, 驚我食唔飽成日買野比我食:loveliness:

bb睇醫生後好咗一兩日, 昨晚和今日又嘔奶, 唔係餐餐嘔, 但嘔親我估有10ml掛...個鼻仔都會噴奶, 好心痛!! 便便方面, 今日又好似去睇醫生之前咁, 條條片都有dd屎, 一日有2-3次大便, 呢幾日比多咗人奶佢食, 多咗埋身希望少d風(好神奇, bb突然識埋身食

)

响另一個topic見到有媽媽的bb嚴重嘔奶, 跟住check到有胃酸倒流, 我好擔心阿仔係咁. 醫生話如果持續嘔奶就轉飲豆奶, 但我唔明, 人奶已經係最天然最易吸收, 點解反而要轉豆奶? 我唔想阿仔要飲豆奶, 所以幾辛苦都密密埋身餵.

老公會問bb係咪唔夠飽, 點解幾乎個個鐘要食奶(間中仍有補少少奶粉), 講真我都唔知, 咪當係少食多餐, 反正阿b腸胃唔舒服. 同埋我話大家要有一個信念, 就係人奶係可以食得飽, 唔好成日話唔飽.

著bra方面, 我之前應該係太緊, 呢兩日响屋企試下唔戴bra, 果然d奶好咗, 約2小時就滴奶要pump or埋身了. 雖然pump出嚟大約1.5-2oz, 但次數多咗. 有時耐少少3-4個鐘pump就有3oz.

想問下我泵奶時, 一開始會"ba ba聲"咁出, 跟住冇乜, 隔一陣 or pump咗另一邊, 再pump返第一邊又出返. 正常嗎? 但bb埋身時就一邊連續食20-30分鐘, 其實佢係咪食唔到幾多?

私人傳訊回覆引用

積分: 40343

好媽媽勳章醒目開學勳章陪月勳章

153^#

發表於 07-12-24 11:39 |只看該作者

呢一兩日大部份時間bb都係埋身食人奶喇~

好開心! 只係有時半夜or朝早我訓咗/未醒就由老公餵奶粉(因未有儲備).

我有幾個問題:

1. bb多咗便便, 邊隻尿片比較好用? 試過huggies, pampers棉柔和nepia, 唔係大脾位緊就漏屎or必屎上背部, 好煩!

2. "花生醬便便"黃得嚟帶啡同埋好似花生粒咁(唔係硬屎), 係咪算熱氣?

3. 人奶會令bb肚仔唔舒服嗎? 我主要食外賣, 味精會否影響bb腸胃?

4. 昨晚開始bb食到2邊了! 訓到個幾2個鐘, 而我的奶也剛好2小時左右要放了. 想儲人奶可以點做?

5. bra
胸正常時啱戴, 一開始漲就有d吉吉地好唔舒服, 是否算緊? 應該戴咩size, 以唔漲的size還是漲後的size為準?

[ 本文章最後由方麗娟於 07-12-24 11:46 編輯 ]

私人傳訊回覆引用

積分: 174325

154^#

發表於 07-12-25 07:31 |只看該作者

1. bb多咗便便, 邊隻尿片比較好用? 試過huggies, pampers棉柔和nepia, 唔係大脾位緊就漏屎or必屎上背部, 好煩!

BB細個係比較煩，漏尿係尿片包得唔好或者尿片脾位唔啱，又可能尿片太細。我用huggies同pampers，睇邊隻減價。囝囝同囡囡最初幾個月我都係用pampers，因為質地軟D同棉層可以分開尿屎，令BB pat pat dry & clean。至於你話必屎上背，呢個係死証，因為BB未識坐，你抱住BB通常打撗，BB一大大好易必咗去後面，真係冇計。試下如果你聽到BB放屁或感覺BB開始大大，即刻抱直佢，希望可以防止必上背。BB大D會冇咁煩架啦。或者你又可以試下用大D嘅片，摺低片片頂部少少，包得多D BB pat pat，可能有D幫助。

2. "花生醬便便"黃得嚟帶啡同埋好似花生粒咁(唔係硬屎), 係咪算熱氣? 都未必一定，黄中帶啡同埋花生粒都係正常，人奶BB的屎係咁架，如果係硬就有問題，顏色同稀杰係反映你食嘅嘢，餵BB係要戒口，少食熱氣、煎炸、辛辣、凍、生冷嘢，咁BB同你腸胃都好D。

3. 人奶會令bb肚仔唔舒服嗎? 我主要食外賣, 味精會否影響bb腸胃?
人奶係最易俾BB消化，不過，你食嘅嘢會影響BB，最好少食味精啦，始终都係冇益。

4. 昨晚開始bb食到2邊了! 訓到個幾2個鐘, 而我的奶也剛好2小時左右要放了. 想儲人奶可以點做?
你可以BB食完之後泵清，或者以後等BB可以瞓耐D先開始儲奶。我以前都係由一兩安奶儲起，慢慢BB開始食得多，你埋身餵自然會多D奶，BB有時瞓耐咗你又谷奶，就可以泵出嚟儲起。

5. bra 胸正常時啱戴, 一開始漲就有d吉吉地好唔舒服, 是否算緊? 應該戴咩size, 以唔漲的size還是漲後的size為準?
你D bra係唔係未生前著開果D？你應該買大一至兩個size，尢其是杯位，未生前同生之後可以差一至兩個cup。我就買大一個cup，等漲奶時個bra有位extend，平日我有用nursing pads，所以未漲奶都唔係太鬆。我用緊Medela sleeping bra，幾舒服但就冇support 同cup, nursing pads 容易走位，但都幾貴，40幾蚊美金一個，香港唔知咩價錢。另一隻係 ebay 買叫Yes! Nursing bra，專係哺乳用，方便餵奶，你可以度好漲奶前後size 俾buyer，佢會建議你買邊一個size，十幾蚊美金一個。

6. 想問下我泵奶時, 一開始會"ba ba聲"咁出, 跟住冇乜, 隔一陣 or pump咗另一邊, 再pump返第一邊又出返. 正常嗎? 但bb埋身時就一邊連續食20-30分鐘, 其實佢係咪食唔到幾多?
"ba ba聲"咁出, 跟住冇乜就係叫let down, 泵完一陣再泵都有奶係正常，正如BB食完後，你身體會重新造奶，所以，你想多奶可以俾重覆BB食兩三次，直到BB飽為止。食兩邊會比只係食一邊食得多D奶，BB大咗就會食得快D同多D，即使食15分鐘都可以食到三安奶架，當然要睇BB有幾aggressive啦。

花旗太太生活在花旗國，留意時差，你問我未必即時答到。

私人傳訊回覆引用

積分: 40343

好媽媽勳章醒目開學勳章陪月勳章

155^#

發表於 07-12-25 12:06 |只看該作者

rose-mag,

記得之前問過你咩叫let down, 睇完都唔係幾明, 而家到我自己有喇~ 好開心, 有進步

想問下:
逐d儲(如每次1oz), 係咪要用不同的樽分開儲? 可否放埋一齊?
雪凍的奶(4-5度)可否倒埋一齊? 但有d奶會痴住個樽身, 應該點?
人奶已放在雪櫃(4-5度)2日, 係咪要即刻轉放在冰箱?
餵人奶時bb食緊一邊, 另一邊就滴奶, 但我又唔想泵出嚟, 應該由得佢滴(搵野墊住)還是用杯裝起(冇咁浪費但唔係好方便)? pls share.

私人傳訊回覆引用

積分: 174325

156^#

發表於 07-12-25 14:37 |只看該作者

方麗娟，

我會先雪凍新鮮泵的奶，等餵果時先放入一個樽度。新鮮人奶係暖的，如果即時加入雪奶度會令溫度改變，破壞營養，如冇必要最好唔好啦，如果唔夠樽，我會雪凍D奶先溝埋一齊。

人奶雪凍後會分離成兩層，面層係脂肪，令BB飽肚，也提供BB必須的營養，下層係水份，所以，餵BB前要先輕輕搖勻，或一邊坐暖奶一邊搖勻。

如果你想即日餵，就唔駛放入冰箱，因為冰硬咗D奶要12個小時至溶。雪奶可以放雪櫃3－7日，冰奶可存2－3個月，視乎溫度同存放位置。通常造冰奶，我會泵完即刻放入冰箱，唔駛等D奶凍咗先。如果人奶已放在雪櫃2日又未必會咁快食,都可以即刻放在冰箱，不過我會只係當不時之須，如非必要都唔食，因為温差會破壞奶嘅營養。倒咗就好似浪費D奶，而且儲奶初時都幾辛苦，你可以keep 住先，唔駛用就最好，即使要用都只係營養差少少啫。

餵人奶時bb食緊一邊, 另一邊就滴奶, 以前我會用杯裝起，但有時唔係太多，慢慢儲都好煩，所以而家就由得nursing pads索晒就算，懶得搞咁多嘢。

[ 本文章最後由 rose-mag 於 07-12-27 07:50 編輯 ]

花旗太太生活在花旗國，留意時差，你問我未必即時答到。

私人傳訊回覆引用

積分: 4412

157^#

發表於 07-12-27 09:33 |只看該作者

每次泵完的奶, 可放下格雪半小時, 然後加入上格的冰奶度。

上格冰奶可放 1-2 個月, 下格雪奶放 24 小時。

原文章由 方麗娟 於 07-12-25 12:06 發表
想問下:
逐d儲(如每次1oz), 係咪要用不同的樽分開儲? 可否放埋一齊?
雪凍的奶(4-5度)可否倒埋一齊? 但有d奶會痴住個樽身, 應該點?
人奶已放在雪櫃(4-5度)2日, 係咪要即刻轉放在冰箱?

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

積分: 40343

好媽媽勳章醒目開學勳章陪月勳章

158^#

發表於 07-12-28 12:16 |只看該作者

我將雪櫃中間一格騰空只放人奶, 一路以為可以擺48小時添~ 我從未雪過冰奶所以唔知d奶一過咗2日之後可以點做, 通常都係倒. 不過其實我冇儲備的, 最多兩三次分量而已. 莫非我都係窮奶媽:-(

而家bb 6星期大, 呢幾日埋身越食越密, 比bb多d啜, 有時佢食完一邊就訓到1.5-2小時, 但有時兩邊食晒都唔夠, 補奶粉要補3-4oz, 今朝仲慘補咗足足5oz(2小時內), 食1oz就掃下風咁驚佢勁嘔奶, 搞咗好耐. 食完都好似仲唔夠咀lam lam唔肯訓, 我淨係拍下佢同佢講下d悶野悶到佢訓咋.

係咪"猛長期"? 定係我d奶真係少到咁可憐?

昨晚累極一訓就訓咗成7-8個鐘, 到今朝才泵奶都只有3oz. 平時2小時泵有1.5oz. 日頭勁比bb啜, 昨日幾乎成個下午係bb咀仔不離身, 連續5個鐘不停要食, 我知係我唔夠但冇辦法要做野, 行唔開去沖奶粉, 同埋想迫自己埋多d身. 可是咁埋身法都無助增加奶量? 好洩氣!

昨日和今朝其中2次埋身餵bb都勁嘔奶, 老公又叫我唔好再埋身了! 唉......成日遇到咁多挫折. 不過我都會試下搵1,2日全日泵出嚟睇下bb情況點(講真我就唔信食奶樽好得過埋身, 但又搞唔掂bb嘔奶問題).

我仍需要你地不斷鼓勵和教導! 好想繼續餵人奶, 最少3個月啦~ 要堅持!!!

私人傳訊回覆引用

積分: 174325

159^#

發表於 07-12-29 07:40 |只看該作者

方麗娟，
其實係因程况而定，如果室內19－22度人奶可以放10小時，雪櫃0－4度最多可以8日，但如果你時常開雪櫃，人奶又唔係放埋面，咁最好唔好儲咁耐。最初係儲備少D，慢慢嚟啦，儲修多用唔晒又會過期，最後都係要倒，咁不如夠食就算。

bb 6星期大應該係又到猛長期啦, 係會食得得密咗, 比bb多d啜, 過咗會食得正常番架啦。

埋身多咗都唔會即時多奶，起碼都要三幾日先見到成果，仲要配合飲食同休息，先可以增加奶量，俾D心機啦。

bb嘔奶有好多原因, 未必因為埋身，會唔會係多風，你有冇掃夠風？BB咩情况下嘔？食得太多都會嘔架。有時你要俾BB休息一陣先再餵，有D BB胃口細，一次過食得太多都會番晒出嚟。

想繼續餵人奶要堅持, 好快就3個月架啦，到時就諗下6個月。。9個月，話唔埋咁就一年都唔定。加油～

花旗太太生活在花旗國，留意時差，你問我未必即時答到。

私人傳訊回覆引用