吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 親人過身，大家怎樣走出傷痛？

自由講場今日: 122|主題: 1359333

收藏本版

發帖

返回列表

跳至頁

樓主: Pighead_mommy

6 789 10...13

積分: 925

141^#

發表於 21-7-2 11:41 |只看該作者

Pighead_mommy 發表於 21-7-2 11:30
跟住去到3月30日朝早，發覺佢有啲唔對路，有少少發燒，呼吸好急速，嗌極佢都係醒一醒望一眼，跟住又瞓番， ...

由於當時我情緒激動，開始發癲，跟住就比啲姑娘推翻出去，冇耐，有個姑娘走出嚟拎張紙比我簽，內容大概係經過佢哋搶救後，佢需要入住SCU裡面嘅負壓病房，再加埋需要用一啲大型啲嘅呼吸儀器之類咁嘅嘢，費用係七萬蚊一晚，由於當時情緒混亂，亦都冇任何選擇，所以就簽咗，跟住冇幾耐就推咗佢上SCU了，上到去我即刻叫SCU啲姑娘馬上通知咗馮正輝嚟睇左佢先，跟住馮正輝就真係即刻嚟咗睇佢，原來佢正在做緊手術，睇完之後，馮正輝話我媽咪暫時冇事，有得救嘅，會即刻搵個呼吸係嘅專科醫生跟進，然後佢就返去做手術喇。雖然名義上主診醫生仍然係馮正輝，但係正式醫佢係另外一個醫生

私人傳訊

333s

象牙宮

積分: 234790

142^#

發表於 21-7-2 11:46 |只看該作者

Pighead_mommy 發表於 21-7-1 13:25
我媽咪四月下旬過身了，因為一月尾時發現有個良性腦腫瘤，於是二月初便接受了切除腦腫瘤手術，手術後，醫生 ...

到現在還是接受不到，傷痛得很，正常。尢其是父母。＂良性＂腦腫瘤，該選保守醫療，較為安全。因此生為子女，心多少產生自責。
傷心，是一定。至少１－３年。

良性腦腫瘤，引起吞咽困難同精神錯亂，成日食嘢落錯格，搞到肺炎？　精神線意外被切？

良性腦腫瘤併神經障礙後遺症
腦腫瘤. 良性. • 生長比較緩慢. •　一單是良性，無需要急于做手術的。

想不開、就別想. 得不到、就不要. 失去了、繼續笑. 擁有了、要珍惜。
快乐不是拥有的多，而是计较的少。

生悶氣，發脾氣，煩躁，焦慮，失眠. 是指因生气（生闷气、怒气、着急上火生成的火气、思虑生成的郁气）。
理性討論交流者。

私人傳訊

Pighead_mommy

別墅

積分: 925

143^#

發表於 21-7-2 11:57 |只看該作者

Pighead_mommy 發表於 21-7-2 11:41
由於當時我情緒激動，開始發癲，跟住就比啲姑娘推翻出去，冇耐，有個姑娘走出嚟拎張紙比我簽，內容大概係 ...

由佢三月尾入返醫院直至到佢離世嗰日，都係一個姓楊嘅呼吸系嘅專科醫生醫我媽咪，啲姑娘話楊醫生係SCU嘅主管，由於媽咪係因為肺炎入院，所以馮正輝都做唔到啲咩，只係循例每日巡房時睇吓我媽咪，楊醫生亦會同佢報告返我媽咪嘅情況，响咁多日內，由於媽咪個肺真係太花，加上之前電擊過，傷到個心臟，然後要加個心臟科醫生跟進，因為佢嘅病情，好多藥都要落得好重，咁又話傷到個肝同個腎，跟住又加入左個微生物系嘅專科醫生同佢調藥，但調完又係唔得，呢隻藥調少咗，個肺又再花返，加返多少少，個腎又再傷d，最後搞到條腸都塞埋，個肚又脹到好大，最後捱到4月21日就離世了。

私人傳訊

wan_sosin

珍珠宮

積分: 49812

144^#

發表於 21-7-2 12:05 |只看該作者

Yammiewu 發表於 21-7-1 23:15
個醫生真係專業操守好有問題, 做完手術要清淡飲食, 係人都知啦！仲有做大手術, 一定不可能在法國醫院, 佢 ...

我係政府做咗兩個超大手術(非腦科手術)，一次7個小時，另一次近10小時，住咗5個月ICU，兩次手術後唔比食野，要等言語治療師來評估我嘅呑嚥能力，因為我唔合格，建議用鼻胃喉，以免吞錯導致肺炎。

見到樓主家人嘅情況，真的很難過！
喪傷來自深切地愛家人，家人會感受到的，會安息！

私人傳訊

milkteabb

子爵府

積分: 12877

145^#

發表於 21-7-2 12:14 |只看該作者

如果樓主對宗教方面有興趣, 可以上youtube睇下衍陽法師講道。曾經有一段, 法師講到「你e家既心理狀態，正正反映左先人e家既情況」。如果你過得好, 先人都會過得好, 如果你過得痛苦, 會因為你既腦電波/心靈上連繫到先人而令先人擔心, 會影響到先人既前路, 所以我地都要學會放下。
如果你信有輪迴, 媽媽只係去緊開展下一個旅程, 或者睇埋你過左個豐盛人生先開開心心等埋你一齊再出發。你地之間既緣份會牽引你地以新既關係再相逢, 樓主加油!

私人傳訊

Pighead_mommy

別墅

積分: 925

146^#

發表於 21-7-2 12:25 |只看該作者

333s 發表於 21-7-2 11:46
到現在還是接受不到，傷痛得很，正常。尢其是父母。＂良性＂腦腫瘤，該選保守醫療，較為安全。因此生為 ...

因為去照完個腫瘤時，已經發現個腫瘤好大，壓住咗啲神經線同個腦干，馮醫生話個手術要盡快做，如果唔係會隨時死，當時我有問過我媽咪，你個腦腫瘤咁大，你個頭一啲都唔痛咩？從來冇聽過你講話頭痛嘅，跟住佢話真係冇痛喎。但係其實之前嘅一年半載，佢成日話膊頭，乳房側邊，手臂同背脊啲骨都好痛，咁因為十幾年前，佢患過乳癌，做完化療電療，醫返好。咁我驚佢復發同d癌細胞轉移去其他地方，於是搵返當年幫佢做手術嘅劉永鑄幫佢做PET Scan檢查，照完出嚟係正常冇事，冇任何腫瘤個喎，咁就繼續去同佢搵其他醫生睇，到最後先至覺得可能係腦部問題，

私人傳訊

Pighead_mommy

別墅

積分: 925

147^#

發表於 21-7-2 12:27 |只看該作者

Pighead_mommy 發表於 21-7-2 12:25
因為去照完個腫瘤時，已經發現個腫瘤好大，壓住咗啲神經線同個腦干，馮醫生話個手術要盡快做，如果唔係會 ...

因為今年一月時，發現佢啲手腳唔協調，反應越嚟越遲鈍，平衡力亦好差，就即刻上網搵腦科醫生資料，我就搵左馮醫生喇。

私人傳訊

Yammiewu

男爵府

積分: 7780

148^#

發表於 21-7-2 12:51 |只看該作者

Pighead_mommy 發表於 21-7-2 12:25
因為去照完個腫瘤時，已經發現個腫瘤好大，壓住咗啲神經線同個腦干，馮醫生話個手術要盡快做，如果唔係會 ...

我爸爸也是腦腫瘤, 不過是惡性, 當日頭痛突然爆破, 在診所被送到急症室, 雙腿不能行路, 好在仲認得家人, 出院後在老人院住了3年。由於疫情上年開始不能探訪, 估唔到口腔又再次出現腫瘤, 最後都係太大, 引起併發症離逝。

私人傳訊

Yammiewu

男爵府

積分: 7780

149^#

發表於 21-7-2 12:58 |只看該作者

wan_sosin 發表於 21-7-2 12:05
我係政府做咗兩個超大手術(非腦科手術)，一次7個小時，另一次近10小時，住咗5個月ICU，兩次手術後唔比食野 ...

所以醫生話手術後可以食野, 真係有D問題, 一吞錯格就會變肺炎, 至於腦部手術, 要涉及郁到腦內D神經, 萬一搞亂咗就會有其他後遺症, 所以除非好必要, 也不要做開腦手術, 12對神經每條都主宰不同機能, 真係要好小心才好。

私人傳訊

Yammiewu

男爵府

積分: 7780

150^#

發表於 21-7-2 13:04 |只看該作者

Pighead_mommy 發表於 21-7-2 00:14
本帖最後由 Pighead_mommy 於 21-7-2 00:17 編輯

多謝你的鼓勵，我呢世都唔會再踏入法國醫院同埋成個九 ...

要刻服陰影, 反而不要逃避, 不用不踏足九龍城區, 錯不在妳無需自責, 事情已過去, 妳要好好生活下去, 努力加油！

私人傳訊

Nancy20090615

瑪瑙宮

積分: 137683

151^#

發表於 21-7-2 13:05 |只看該作者

真係好難, 好難, 節哀.

私人傳訊

judycyk

公爵府

積分: 27346

2024年龍年勳章

152^#

發表於 21-7-2 13:18 |只看該作者

saladhk 發表於 21-7-1 13:57
媽媽過身兩年, 我仍然傷痛, 係好突然, 醫護過失, 加上煩固阿爸, 我還要食抗抑鬱药。。。。
唔好俾自己太得 ...

me too，我今年7月都踏入兩年，夜欄人靜都會喊，諗起佢生前，又會內疚以前對佢唔夠好

私人傳訊

Pighead_mommy

別墅

積分: 925

153^#

發表於 21-7-2 13:35 |只看該作者

wan_sosin 發表於 21-7-2 12:05
我係政府做咗兩個超大手術(非腦科手術)，一次7個小時，另一次近10小時，住咗5個月ICU，兩次手術後唔比食野 ...

其實由我媽咪第一次落錯格開始，我有要求馮正輝搵言語治療師幫手，但佢話唔關事，係腦神經線問題，搵言語治療師唔會幫倒手，浪費金錢。而當初唔用鼻胃喉係因為怕佢用左鼻胃喉之後，會倚賴左唔識再吞野，同埋插左鼻胃喉一樣有肺炎風險，直至佢三月尾最後果次入院，SCU個楊醫生先同佢插鼻胃喉，然後話等佢好轉d之後，安排言語治療師跟進，楊醫生話比我知，佢都有同馮正輝傾返揾言語治療師幫我媽咪嘅事情，但馮正輝都係同佢講，搵言語治療師係冇用，但係楊醫生堅持話等媽咪好轉翻啲之後，一定要睇言語治療師，點都要評估吓先，可惜我媽咪最後等唔倒。

私人傳訊

wan_sosin

珍珠宮

積分: 49812

154^#

發表於 21-7-2 13:37 |只看該作者

Yammiewu 發表於 21-7-2 12:58
所以醫生話手術後可以食野, 真係有D問題, 一吞錯格就會變肺炎, 至於腦部手術, 要涉及郁到腦內D神經, 萬一 ...

腦手術就算我呢啲身經百戰，聽見都驚！腦手術影響好大！

私人傳訊

金金人

子爵府

積分: 10532

155^#

發表於 21-7-2 13:45 |只看該作者

看完所有留言，自己有經歷過，眼淚還是忍不住落下。未來日子，會不斷重覆一些念頭，例如，會責怪自己，是不是做錯了什麼？那裡做得不夠好？看到有關的東西，又會忍不住落淚，夜欄人靜，想起了，又是難以撫平的錐心之痛，每逢大時大節，更是難受！但請相信我，時間是最好的良藥，不要勉強自己，亦不要期望傷痛可以復原，就讓這種傷痛伴隨著自己，沒關係的，其實亦是另一種接受。如你想找人傾訴，互相支持，歡迎你pm 我，祝福你

私人傳訊

Pighead_mommy

別墅

積分: 925

156^#

發表於 21-7-2 13:46 |只看該作者

milkteabb 發表於 21-7-2 12:14
如果樓主對宗教方面有興趣, 可以上youtube睇下衍陽法師講道。曾經有一段, 法師講到「你e家既心理狀態，正正 ...

因為當初我幫媽咪辦喪事嘅時候，南嘸師傅計算到佢會投身落”地道”, 即係下三道，所以我好擔心，我而家盡量都會以佢名義做啲善事，響屋企念六字真言同埋報父母恩咒迴向返比佢，希望可以幫倒佢，另外由於怕佢同歷劫嘅冤親債主繼續糾纏，所以嚟緊農曆七月同將來嘅日子，我都會繼續念經同埋幫佢地做附薦法事，希望可以超道倒佢地。

私人傳訊

Pighead_mommy

別墅

積分: 925

157^#

發表於 21-7-2 14:03 |只看該作者

Yammiewu 發表於 21-7-2 12:58
所以醫生話手術後可以食野, 真係有D問題, 一吞錯格就會變肺炎, 至於腦部手術, 要涉及郁到腦內D神經, 萬一 ...

其實媽咪做完第一次腦手術後，一直都唔想食嘢，就算肯食，都係食好少，馮正輝就一直叫我哋俾多啲嘢食媽咪，但我媽咪好多時都唔肯食，成日吐番啲嘢食出嚟，咁我哋唯有少食多餐咁餵，安排啲護理員，每隔兩三個鐘，就餵啲嘢俾佢食，而我就會去行吓九龍城d食店，睇吓有乜嘢啱佢食，例如鮮奶燉蛋白，蛋撻裏面嘅蛋，蒸水蛋，或者九龍城裏邊有間專賣老人用品嘅文化村，入邊有賣好多比有吞咽困難嘅老人家專用食物，只要佢肯食，盡量就要爭取時間餵佢食，另外都有比d營養奶溝埋啲凝固粉比佢飲，不過佢飲小小，之後就唔肯再飲，就係因為咁，所以佢就開始冇晒營養同抵抗力。

私人傳訊

Pighead_mommy

別墅

積分: 925

158^#

發表於 21-7-2 14:13 |只看該作者

Pighead_mommy 發表於 21-7-2 14:03
其實媽咪做完第一次腦手術後，一直都唔想食嘢，就算肯食，都係食好少，馮正輝就一直叫我哋俾多啲嘢食媽咪 ...

所以到咗佢最後果次入院，亦都冇晒抵抗力去打啲肺炎菌，呢個亦都係其中一個致命原因，我其實真係好冇腦，手術前，就應該要考慮返佢年紀，係咪適合做開腦手術，或者唔做手術，淨係做電療，可能可以電返細個瘤，呢d佢手術前，諗都唔諗，先至攪成今日嘅結局。我知道後悔係冇用，但已經令我足夠痛苦一世。事實的確改變不了，現在唯有照顧好爸爸，多啲關注佢身體狀況，多啲考慮，少啲衝動，唔可以再俾自己犯相同錯誤