夫婦情感 今日: 7|主題: 42771

babyhowie 寫道:
小manman,

其實間唔中都會留意到你d topics，
印象中你同你honey都應該好young，
你地兩個思想都仲好幼嫩，
記得你個honey都好受佢媽咪影響/控制。
基於好多理由，我認為結婚唔係一件兒戲o既事，
唔係鍾意就結，唔高興就離，
承諾係一生一世，無論將來貧窮或富貴，
大家都要互相扶持、互相愛護。
再者，結婚亦唔係想像中所講：兩個人o既事，
背後仲有兩個家庭o既親戚同朋友。
之前你honey個媽咪入院，你都試過因此而唔開心，
既然佢媽咪對你地o既關係都咁有影響力，
我諗呢個都要在你倆結婚前考慮o既因素之一。
講真，如果兩個人真心相愛，
有冇野做，同結唔結婚都唔係問題。
我有個朋友，自己quit左份job，諗住搵d野攪（生意），
end up兩年都冇嘜頭緒，
兩年後，佢最終都做番佢老本行（I.T.)。
期間佢女友從來冇push過佢搵工or結婚。
如果你真係唔介意你honey冇野做，
你地婚可以照結架，但係你地好似鑽牛角尖咁，
將好多野混為一談，攪到自己打晒困籠。
另一方面，你話結唔成婚就分手，
分手就要死？就更加幼稚！
留得青山在，那怕無柴燒？
或者真命天子根本唔係呢個？
冷靜d，諗下自己到底想點？
如果真係鍾意佢米唔好理佢有工冇工都結囉，
但係你要對自己o既決定負責任喎，
唔好到時又埋怨佢餓死老婆瘟嗅屋喎！
如果你因為佢冇野做，結唔成婚而同佢分手，
你就應該豁出去，瀟灑d，再搵過第二春，
而唔係輕易話去死。
難為個d身患絕症想活多日都難o既人！
祝你好運啦！

mclam 寫道:
唉! 我都投降啦! 留返啖氣吹下蠟燭好過

pacy 寫道:
[quote]
mclam 寫道:
唉! 我都投降啦! 留返啖氣吹下蠟燭好過

小manman 寫道:
原本今年初打算今年8月會結婚,因為我honey話會做生意(其實,我地拍左拖一年多,佢識我個陣時已經無野做,佢個陣時已經話想搞生意,但佢需要時間揾人幫佢)
到今年,我比左個限期佢,我話今年內一定要結婚,最好係8月前,如果唔係就分手,佢話佢會盡快,佢都好想快d做到生意~~~
結果今年已經過左1/4,到依架佢都無乜行動,仲因為咁同佢媽咪吵架,原因係佢媽咪原來一直都唔贊成佢做生意,而我honey的積蓄全交由佢媽咪保管的,所以因此而鬧不快~~~
最慘就係唔係我honey唔想揾野做,而係揾唔到,連4,500的文員都唔請,直情連見工的機會都無,但保安員佢唔想做,連我都唔想佢做,佢最想就係做生意,但佢媽咪成日都話驚佢蝕左無哂d錢,我honey就話佢點都想試下,未試過點知,其實,我honey的阿姨都做開生意的,咁都叫做有個有經驗的人幫佢,但佢媽咪點都唔肯,依架我honey成日都唔開心,佢話唔係佢唔想做,佢都好想快d結婚,但佢都唔知可以點~~~
唔怪得聽過有人講過,男人無野做就無自尊,我依架深深體會得到,我honey依架成日都鬱鬱不歡:cry:
其實,我的心情都唔好得佢好多,每次聽到佢把唔開心的聲音,我個心就好唔舒服,但又幫唔到佢,但再咁拖落去都唔係辦法,如果今年真係結唔成婚,我就要同佢分手了 :-(
其實,如果要同佢分手,我係唔捨得既,但我都唔可以無了期咁等佢,而且,我講得出的野就要做得到,我講過今年內唔結婚就分手,我覺得好痛苦呀,或許同佢分手後我會死左算吧!!!
我依架都面對唔到我屋企人、親戚、同事,佢地成日問我幾時結婚???問我佢幾時搞生意,我話我都唔知,叫佢地自己問佢喇!!!連佢地都話"成年前已經聽見佢話做生意,得個講字,做到依架都未做"我真係好想揾個洞捐呀???真係唔知點面對佢地,我依架好怕佢地再問我,我都唔知自己塊面擺邊度呀!!!
我好想死呀!!!反正,同佢一齊就好似依架咁痛苦,同佢分開我亦都會好痛苦~~~