親子旅遊 今日: 28 | 主題: 161728

積分: 8901

好媽媽勳章醒目開學勳章畀面勳章

142^#

發表於 05-8-5 16:36 |只看該作者

Re: 泰國旅行一問

各位我返咗黎啦

幾好玩OK喎, 一切順利最緊要我個仔冇病冇痛, 阿彌陀佛

第1日去夢幻樂園我個仔玩得好happy呀, 我地冇入雪柜玩, 驚我仔仔又熱又凍"奶"嘢, 但好彩冇入, d團友話出面排完, 入到去都打哂蛇餅, 後尾都冇玩出返黎, 而我地就o係對面個兒童樂園玩咗個幾鍾, 淨係玩兒童過山車都玩咗有10次, 諗起平時o係冒險樂園玩要4個金幣玩1次, 依家任玩重唔駛排隊, 佢玩得開心, 我都好happy

我個仔一落機第1餐就飲咗o個邊d水啦, 因唔記得帶水落車, 個仔又頂唔順要飲水, 好彩冇肚疴啫

我地終於冇join珊瑚島, 因我地去到芭提雅又風又雨, 我見個beach都有白頭浪, 所以决定唔去, 我同個仔落去食早餐, 我老公就瞓到9点幾, 跟住去咗Royal Garden行, 跟住返咗酒店游水, 跟住join返團去古法按摩.
o係芭提雅搭篤篤記住講價, 我o係酒店(jomtien beach)搭去mike$40bht咋, 最多都係$100bht返到酒門口, 所以一定要講價.
而shopping方面o係芭提雅就好夠時間, 行到你唔行, 但o係曼谷就真係唔夠駛, 行big-c得個幾鍾行, 但都買咗好多衫, 我老公買咗d汽車用品, 佢話幾平喎, 佢重想買埋d車油, 我話咁大技咁重唔比佢買 :tongue:
總括今次旅程幾滿意, 導遊, 領隊, 司機都唔錯, 但係唔知係唔係旺季, 我覺得食住都冇前幾年咁好, 因我以前絕小旺季去旅行, 所以比夠唔到, 不過都唔錯唔錯

私人傳訊

積分: 8901

好媽媽勳章醒目開學勳章畀面勳章

143^#

發表於 05-8-5 16:46 |只看該作者

Re: 泰國旅行一問

e-mame,

我做古法按摩前個仔啱啱瞓咗, 差唔多做完佢先醒, 開心死我地

我o個團另一個小朋友冇瞓都係同我地一齊, 自己o係度玩, 冇特別安排喎 :tongue:

私人傳訊

helloruby

大宅

積分: 3790

144^#

發表於 05-8-6 00:25 |只看該作者

Re: 泰國旅行一問

今朝9點幾果班 ox 超級 delay 到下晏5點幾先有得飛, 希望今日無 bk 媽咪搭果班機去泰國喇!!

:wave: :wave:

私人傳訊

010

積分: 23002

好媽媽勳章醒目開學勳章

145^#

發表於 05-8-6 00:47 |只看該作者

Re: 泰國旅行一問

e-mame,

我自己無做古法按摩，因我唔”好”，所以帶埋仔仔媽咪去Ｍｉｋｅ　ｓｈｏｐｐｉｎｇ，我老公有做但佢話唔係好好喎．而同場無得做ｄ細路係無特別安排嫁！
做ｓｐａ一樣無特別安排，原本以為有，所以呢個節目係唯一一個我有ｄ後悔ｊｏｉｎ．但好在仔仔同我浸浴時好開心好ｅｎｊｏｙ咋！

BOSKERMA ，
我有帶仔仔入”雪柜”，因事前一早做晒準備，帶晒厚褸手套比佢，佢玩得好開心嫁！但真係好多人，因撞到好多學生！

因我基本上都跟晒佢個行程，所以shopping時間唔係好夠, 曼谷　central big-c得個幾鍾咋，重要我係唔跟佢食（因帶仔仔去食Sweesen-ice-cream火鍋，佢好開心呀！）但都買左ｄ bar，個sales重好好人，叫我買３件送條under，而家返來真係後悔無買多幾個，因真係好正．所以未買媽咪記左唔好手軟！另外買咗好多衫比ｄ細路, 因計落都係$１ｘ－２x件，汽車用品我老公唔夠時間無得買（因佢好好負責看仔）！

helloruby
咁我地咪好好彩

！

私人傳訊

積分: 8901

好媽媽勳章醒目開學勳章畀面勳章

146^#

發表於 05-8-6 13:08 |只看該作者

Re: 泰國旅行一問

010,

我因為好驚仔仔凍親, 所以一早已經諗住唔去, 唔係萬一凍親成個旅程都玩得唔happy就唔好啦

雖然我都知仔仔入到去都會好開心, 佢馬騮黎ga ma

我都買咗好多衫比仔仔, o係big-c買咗兩件超人衫比佢都係$2x蚊1件好平呀. 行夜市買咗兩套女仔o既泰國文族衫裙比朋友d女, 好過癮ga

你老公又幾好喎, 全程負責睇仔, 我地兩公婆輪流睇咋

今日小詹返黎喎, 記住報料呀

私人傳訊

010

積分: 23002

好媽媽勳章醒目開學勳章

147^#

發表於 05-8-8 00:05 |只看該作者

Re: 泰國旅行一問

BOSKERMA

d衫真係好平，我係珊瑚島都買左件泰國文族衫比仔仔，HK$20咋，留返第日學校ｄfunction著．可惜我太肥，ｄ衫無我份！:-(

返來後我真係好好好掛住BigC，香港ｄ超市真係無得比！

我老公ｏｋ啦，因佢shopping麻麻好咋，不過下星期我地去碧桂園，佢要去foot message，（佢話好過Thai個ｄ喎！）我便會負責看仔仔．一人一次公平ｄ嗎！ :lol:

小詹小詹，你行程又如何呢，期待報料！ :lol:

私人傳訊

積分: 8901

好媽媽勳章醒目開學勳章畀面勳章

148^#

發表於 05-8-8 12:41 |只看該作者

Re: 泰國旅行一問

010,

你返大陸玩呀?!!!其實我都想返大陸玩吓, 但係我仔仔冇証件. 我想問人地話用passport都返到大陸ga, 當遊客身份喎, 你知唔知係味可以呀? 過關會唔會耐d ga? ?-(

私人傳訊

2kidsma

積分: 5556

149^#

發表於 05-8-8 13:19 |只看該作者

Re: 泰國旅行一問

Hi 010,

我會在 26/8 跟團出發, 但我個B只得22個月, 我是否要帶自己的厚衣去? 曼谷是否很容易找到 7-11, 因我的BB 是第一次出門, 怕水水土不服.

Please advice.

私人傳訊

小詹

積分: 9917

好媽媽勳章

150^#

發表於 05-8-8 18:00 |只看該作者

Re: 泰國旅行一問

咁多位,我星期六晚返左黎啦,今次行程ok呀,好舒服好好玩,康泰領隊同導遊都帶得好好,睇到你地個個唱錢都對5.2幾,我個導遊只係對5.1,不過個導遊真係帶得唔錯呀,算啦.比佢賺你開心佢又開心.
食方面,ok喎每餐都有辣有唔辣,我個細囡都食得,唔駛另外買野比佢食.
住,芭堤雅我地住Jomtien Palm Beach,係呢間我就覺得麻麻.d床好唔掂,其他都ok.
原來我地個團係唔去珊瑚島架,係去一個唔知咩沙灘玩水上活動,導遊話個沙灘唔係好岩bb去,所以我地冇join到,留係酒店泳池游水.
shopping.芭堤雅"Mike"諗住買Bar,點知實在太多人,見到試身室條龍都冇興趣,只係買左d under wear同埋d 衫比我個囡.
行Big C個到真係好大,原本有3.5hrs shopping,點知我地掛住周圍食野,所以得返好少時間行,真係好後悔.
我阿媽係Big C 掃左好多soap 柯華田 & 咖啡,佢話平香港好多.
導遊都有帶我地去做spa,2800銖2小時.
夢幻樂園.我又係同阿囡玩左好多次過山車&同水上單車,佢地玩得好開心.
其實今次旅行我最擔心既係我細囡,驚佢要早起身扭計,水土不服,但係佢又冇扭計又冇唔舒服喎,真係要學下BOSKERMA咁講句 "阿彌陀佛"

係呀,我upload左d相,你地有時間去睇下呀

私人傳訊

irenewan

大宅

積分: 1218

151^#

發表於 05-8-8 18:45 |只看該作者

Re: 泰國旅行一問

BOSKERMA 寫道:
010,

你返大陸玩呀?!!!其實我都想返大陸玩吓, 但係我仔仔冇証件. 我想問人地話用passport都返到大陸ga, 當遊客身份喎, 你知唔知係味可以呀? 過關會唔會耐d ga? ?-(

妳個仔在那裏出世呀！拿什麼passport先！ :lol:

私人傳訊

SandyKL

琥珀宮

積分: 164095

152^#

發表於 05-8-8 20:38 |只看該作者

Re: 泰國旅行一問

睇黎個個媽咪玩完都好開心，只係購物時間唔多夠，尤指BigC。原來大家住既酒店都唔同喎。

小詹:

你去果個行程同Ruby果個好似喎，又係去北柳河，我幾鍾意你有得去夜間動物園，小朋友會好開心。真係好勒，出門個個都身體健康，平平安安，理點最重要。

睇左你泰國d相，第一間酒店唔錯，個泳池好正，又有露台，我諗你住四星級酒店。你去果d地方，例如哪吒廟，確新鮮，

下次再去泰國，我會考慮去你理個行程。

我都嫌行BigC時間唔夠，我團個女領隊好好笑架，佢話佢買好多日用品，見佢買獅王去漬牙膏、衛生巾、護墊、甚至清潔劑，佢話平香港成10幾蚊，所以佢次次都去掃家庭日用品，佢咁掃貨法，我覺得大陸人黎香港買果d日常用品咁，好攪野。

2kidsma,

我建議如果你入去真雪屋，可以帶件風褸，再著借佢既小童碼厚褸，其實到時都行唔得好耐架咋，入面得零下5度，又冇野啱咁細既小朋友玩，入去頂多7至8分鐘，就要出番黎，如果為果幾分鐘，成個夢幻樂園帶住件厚衫都幾煩。

泰國要搵7仔，一d都唔難，不過我建議你都係帶定幾支鑛泉水/蒸餾水去，以備不時之需。

各位:

我去Spa用信用卡俾錢，一如領隊話齋，用信用卡找數抵d，我要俾2500銖，而帳單番黎，我要付港銀$474.25，平左約$5，所以去泰國，有得碌卡就盡量碌卡啦，抵d。

私人傳訊

小詹

積分: 9917

好媽媽勳章

153^#

發表於 05-8-8 22:06 |只看該作者

Re: 泰國旅行一問

SandyKL,

我地個導遊都係話碌卡抵d,所以我做spa同買蜂蜜都係碌卡架

你團個領隊又係咁講呀,我個團既男領隊又係咁講喎,佢又話次次帶親泰國團都會掃好多日用品返香港,不過又真係平過香港好多既

私人傳訊

010

積分: 23002

好媽媽勳章醒目開學勳章

154^#

發表於 05-8-8 23:34 |只看該作者

Re: 泰國旅行一問

BOSKERMA
返大陸要回鄉咭+回港證/passport，只用passport除非係拎外國護照先得嫁！若本身係香港人唔合用，申請回鄉咭約需14工作天！
我新年年初二搭船去珠海唔多人，回程年初七由東管搭火車再經羅胡都ｏｋ快．今次我都係搭車直上碧桂園，我會係星期五下午便出發我諗會無咁多人，但回程星期日希望好彩ｄ啦！
順便一提，我去泰國廋左可能因整天行行行

，但一上大陸一定肥因食食食．．．． :-(

2kidsma,

正如SandyKL所言，你小朋友得２-yr，我諗唔會係入面玩好耐，帶件風褸再加佢件”厚褸”應可以，因其實入面無咩野玩，係我仔仔唔肯走啫（佢玩左成大半個鐘都吾肯走，我見佢真係凍所以先的返佢出來咋！），所以若見凍你地影幾張相便咪返出黎。咁咪唔使拎咁多野！

我住地方都好多7仔/Family Market，幾方便，水我買Nestle比仔仔 or 酒店水，其實每間餐館都可叫佢比ｄ水你入返落個樽到，幾方便嫁．

小詹，歡迎回來，大家都好開心！

私人傳訊

SandyKL

琥珀宮

積分: 164095

155^#

發表於 05-8-8 23:38 |只看該作者

Re: 泰國旅行一問

小詹:

我都有去蜂蜜屋，但冇買到，反而去健康草藥中心買左果個中藥包，見我地果團有一個團友，佢爸爸4月去過，買左一個，佢有肩周炎，敷左唔痛兼可以舉起隻手，我又買左一個，真係幾好喎，前一個星期因為感冒肩膊痛，敷左真係鬆d，不過，真係好大陣藥味。

原來好多香港領隊都係咁，鍾意買日用品，最衰係去BigC時間好短，我淨係掛得買小朋友T-裇及內衣褲，冇時間再去搜購日用品，聽我領隊講，有隻媽媽麵，幾好架，細細包，好啱煮俾小朋友食，另外有隻蛇牌爽身粉又係幾好，都冇時間去搵離買。 :-(

私人傳訊

010

積分: 23002

好媽媽勳章醒目開學勳章

156^#

發表於 05-8-9 00:07 |只看該作者

Re: 泰國旅行一問

小詹
你ｄ酒店真係唔錯喎，泳池又好！我個ｄ３星真係ｏｋ嫁咋！一分錢一分貨麻

SandyKL
我有去蜂蜜屋，買左蜂王漿送左支細蜂蜜，成為$400一元，最好笑佢一講話ｄ蜂王漿食入口係酸酸地，我即話自己蠢，因我妹妹早兩年買左比我仔仔，我試入口話酸酸地變左即掉，而家先知咁貴同原來係咁！返來話比佢知重比佢話左一輪呢！

蛇牌爽身粉我係Mike買左10 cans，返來分晒比ｄ兄弟姐妹啦！10b-11b，真係好平！（我識買因我奶奶曾經買過比我老公用，咁我係超市一見咁平，即買，後ｄ團友先話比我知係好野咋！

私人傳訊

小詹

積分: 9917

好媽媽勳章

157^#

發表於 05-8-9 00:59 |只看該作者

Re: 泰國旅行一問

SandyKL,

我都有去健康草藥中心,不過就冇買到個中藥包呀,我老公想買架,但係唔知有冇用,所以冇比佢買,早d知道係咁work我就買返個啦... :-(

010,

係呀,d蜂王漿真係好難食,個到d人話越酸就越新鮮喎.

我買黎比細囡開奶食,希望佢肯飲啦 :lol:

私人傳訊

hoganmama

伯爵府

積分: 17623

158^#

發表於 05-8-9 09:20 |只看該作者

Re: 泰國旅行一問

010,

what is 蛇牌爽身粉?? Thanks!

hoganmama

私人傳訊

積分: 8901

好媽媽勳章醒目開學勳章畀面勳章

159^#

發表於 05-8-9 15:32 |只看該作者

Re: 泰國旅行一問

小詹,

你返黎啦

玩得幾開心咁喎, 嘜我唔同你個行程咁 o既? 你間酒店正好多喎, 我住兩間酒店都唔係好掂, 早知join你o個團啦 :tongue:
你有3.5hrs行big-c 咁正呀? 我得個幾鍾行咋, 我個導遊都有介紹我地買隻媽咪麵話好好食喎, 但係去到忘哂形唔記得搵.
我都有買蜜糖比我仔仔飲, 因為入到去味人人送一杯仔o既, 我個仔好鍾意飲呀, 又係有益嘢, 味買比佢飲囉.
你講個隻藥包我有買呀, 老公話買黎試吓, 不過後尾比咗奶奶.

010,

咁我即係返唔到大陸玩啦点都好啦, 唔該哂你先

咁你玩得開心d, 食得開懷d啦

私人傳訊