夫婦情感 今日: 7 | 主題: 42773

積分: 24069

141^#

發表於 05-9-27 18:19 |只看該作者

Re: 人馬座既朋友入黎傾下啦!

mirandalaw,

唔講我bf 而家個單, 又講埋另外一單, 又係佢ex既野....我都唔知係咪天生有桃花劫...次次都問題纏身!

bf既ex時不時都有搵佢, 雖則我唔介意, 但好衰唔衰, 佢ex打來十次有九次我都係到(我唔係到個d就唔講啦).... 咁我都醒水, 專登行開少少, 唔洗佢咁embrassed...但佢應該知道我feel到邊個搵佢...

最唔好既係, 你bf都會話「同女朋友睇緊戲」, 我bf 冇咁講之餘,仲要話「我晏d搵你」...哈...你話死唔死?? 佢仲要次次都冇話番我知邊個搵佢(傻既都知啦), 你對我單聲我條氣都順d吖, 但佢冇咁做, 佢到底有冇care我既感受?

唉......越講越嬲, 今次件事都唔知點收科呀?? :cry:

私人傳訊

積分: 4549

142^#

發表於 05-9-28 14:33 |只看該作者

Re: 人馬座既朋友入黎傾下啦!

mirandalaw、elf ~~

容許我加點意見嗎?大家都是人馬女，我都想分擔下你地既唔開心呢!!!

mirandalaw~

恕我直言，我覺得你bf仲未定性，佢仲想選擇或者佢喜歡身邊有好多女仔圍住既感覺，所以佢唔會為左你而斷絕同其他女仔交往(我ex-bf就係咁)，但呢單野就咁睇，佢未必同個女仔有野，可能只係普通聯絡，佢可能知你介意，所以咁神秘..你有無同佢傾下，講出你的感受，你可以同佢道歉(因你check佢手提)，你話大家以後要坦坦白白，跟住之後對佢放鬆d(表面上)，最重要係幾時都要裝備好自己，比佢覺得佢無左你係佢損失!!!

...以上都只是我小小意見，有講錯唔好介意...

私人傳訊

積分: 11325

143^#

發表於 05-9-28 16:44 |只看該作者

Re: 人馬座既朋友入黎傾下啦!

我而家都係咁諗... 但係我真係好唔鍾意個個女仔
我開頭o既唔開心, 係點解要應承我唔再同佢聯絡, 但係要呃我.....

但我知我check佢電話record係我唔o岩,所以我都已經同佢講左sorry架啦
但佢而家話唔係呢個問題, 佢話以前我成日唔比佢去邊去邊, 令佢同以前d同學冇哂聯絡等等.. 佢話唔想再係咁
佢話就得我好辛苦
而家同佢一齊 (一齊住) 但係我覺得佢同以前都係唔同
我覺得佢成日都唔想同我一齊 (包括食飯), 成日都同朋友出左去..... 我覺得佢仲係避開緊我
但我真係好後悔架啦!!! :-(

私人傳訊

elf

積分: 24069

144^#

發表於 05-9-28 20:49 |只看該作者

Re: 人馬座既朋友入黎傾下啦!

mirandalaw 寫道:
我而家都係咁諗... 但係我真係好唔鍾意個個女仔
我開頭o既唔開心, 係點解要應承我唔再同佢聯絡, 但係要呃我..... 但我知我check佢電話record係我唔o岩,所以我都已經同佢講左sorry架啦
但佢而家話唔係呢個問題, 佢話以前我成日唔比佢去邊去邊, 令佢同以前d同學冇哂聯絡等等.. 佢話唔想再係咁
佢話就得我好辛苦
而家同佢一齊 (一齊住) 但係我覺得佢同以前都係唔同
我覺得佢成日都唔想同我一齊 (包括食飯), 成日都同朋友出左去..... 我覺得佢仲係避開緊我
但我真係好後悔架啦!!! :-(

mirandalaw,

你同bf一齊住, 起碼都可以睇住下, 有野要傾都有多d機會, 尤其我覺得夜間pillow talk可以令大家了解更多。但我呢, 我一星期都係見bf 兩、三次, 每次都只係幾個鐘, 我又唔係咁方便o係佢到過夜, 溝通時間更加少得可憐, 佢成日怪我乜都唔同佢講(有時間先得架!).... 有時去佢屋企, 同佢傾計, 佢三句唔埋就訓著覺,唔係個腦就諗埋d衰野.... 有時我真係好嬲, 好想鬧佢「你當我係咩呀?」...唉, 最近黑過墨斗呀... :-( :-(

私人傳訊

積分: 11325

145^#

發表於 05-9-29 00:31 |只看該作者

Re: 人馬座既朋友入黎傾下啦!

一齊住都冇咩幫助, 佢跟本都唔想講......

私人傳訊

elf

積分: 24069

146^#

發表於 05-9-29 19:38 |只看該作者

Re: 人馬座既朋友入黎傾下啦!

mirandalaw 寫道:
一齊住都冇咩幫助, 佢跟本都唔想講......

mirandalaw,
你盡量試下同佢傾啦...... 我都明白要你既情況, 但你試下啦, 你地總會有d時間係一齊架嘛

如果你仲鍾意佢, 一定要用方法改變而家既情況, 至少你要俾佢知道你鍾意佢吖嘛

私人傳訊

積分: 11325

147^#

發表於 05-9-30 09:11 |只看該作者

Re: 人馬座既朋友入黎傾下啦!

我已經同佢傾架啦... 但佢跟本都唔想傾咁
但我應承左佢同自己, 今次一定要改我d臭皮氣
因為呢個亦都係一個好大個問題

但係尋日佢都開始有返少少改變, 雖然都未好似以前咁, 但係都開心架啦

希望我同你都可以快d同bf冇事, 好似以前咁開開心心啦

私人傳訊

elf

積分: 24069

148^#

發表於 05-9-30 09:50 |只看該作者

Re: 人馬座既朋友入黎傾下啦!

mirandalaw 寫道:
我已經同佢傾架啦... 但佢跟本都唔想傾咁
但我應承左佢同自己, 今次一定要改我d臭皮氣
因為呢個亦都係一個好大個問題

但係尋日佢都開始有返少少改變, 雖然都未好似以前咁, 但係都開心架啦

希望我同你都可以快d同bf冇事, 好似以前咁開開心心啦

mirandalaw,

聽到你咁講就好啦, 兩個人相處, 總有d地方要大家遷就下....脾氣唔好會係一個問題, 盡量改下啦..

至於我就死火啦.....我呢兩三日同bf好似冷戰咁, 冇聯絡過, 我都唔知發生咩野事?

平時都係佢搵我多, 佢返工、lunch同收工都會打俾我, 但呢兩日冇喎, 咁我初初冇留意, 諗住佢都會搵我, 但過左一日又一日, 咩都冇....我都有sms佢, 但just the same...nothing is back, 算點喎?

因為我最近忙到暈, 佢o個件事又煩, 而且我啖氣都未有時間吞.... 我唔理架啦...我做野空間比較free就話可以隨時on call(佢唔係), 但其實我都係專登就時間接佢call (我試過電話放左o係bag到成日唔記拎出來, 佢搵左我成日我冇聽, 發哂脾氣,so我已經特登就時間聽佢電話)...

好多野都係我去 fit to 佢, 我唔係話計住邊個付出多d, 但而家我係睇唔到佢「有心」in我地既關係...我好似「呼之則來,揮之則去」....

私人傳訊

積分: 11325

149^#

發表於 05-9-30 10:19 |只看該作者

Re: 人馬座既朋友入黎傾下啦!

以前都係我bf打電話畀我多架, 但呢個禮拜佢都好少主動打畀我呀... 咁你bf唔call你, 咪你call佢囉.. 雖然你條氣未順返, 但係好似你咁講, 你係鍾意佢就唔好諗呢d住囉!! 其實我都未順到條氣架 (佢同ex有聯絡,呃我話冇), 不過我又仲鍾意佢, 又真係幾衰 (check佢) 所以我照認衰女先啦, 遲d大家好返d,穩定返d先再

私人傳訊

elf

積分: 24069

150^#

發表於 05-9-30 22:42 |只看該作者

Re: 人馬座既朋友入黎傾下啦!

mirandalaw,

又過左辛苦既一日啦!!! 攰死我啦, 上來呻下先!!!

我今朝十點幾打過一次俾bf, 佢冇聽到....咁我都唔理啦, 話之佢吖, 佢係有心唔聽我都冇辦法, 跟住我一路做野, 都冇收到佢reply...(其實有d嬲)

點知六點幾既時候, 我因為開緊會, 做緊presentation, 加上冇拎電話入conference room,八點幾一睇個電話, 嚇c 我,有18個missed calls, 全部都係佢打黎。

嘩, 我仲以為佢有咩事(因為三日都冇contact佢), 咪即係打番比佢囉, 點知到佢冇聽喎(作死佢), 我打左幾次之後, 佢終於聽左, 佢一開口好勞氣「你終於肯聽電話啦, 我今朝一早過左分公司開會, 冇聽你一次電話o者, 你洗唔洗唔聽我十幾次咁多呀? 」

我聽左之後, 實在係好好好好好好嬲, 眼淚都標埋, 我死頂咁話番佢「我今朝有時間諗住打個電話俾你o者, 你冇聽到, fine, 我唔mind, 但頭先我做緊present, 唔知你搵我, 你又唔留言俾我, 我唔知你有咩事架, 你而家即係話我有心reject你電話啦?, 你開得會, 我唔開得呀?」

我之後即cut線, 一路做野一路流眼淚, 我真係好嬲..... 佢根本打橫黎既, 佢係咪有心唔聽我電話我唔理, 但佢唔可以咁冤枉我。

mirandalaw你話啦, 如果你bf 打18次電話俾你, 一個正常人都會諗對方會唔會有急事....你搵到佢之後, 都未擔心完, 佢仲一輪咀話你有心玩佢, 你嬲唔嬲啦...

再加埋佢最近做錯既事, 我而家好x100次嬲佢.... 好吖, 我就reject哂佢所有電話....正衰人, 浪費哂我d眼淚!!!

私人傳訊

elf

積分: 24069

151^#

發表於 05-10-1 01:23 |只看該作者

Re: 人馬座既朋友入黎傾下啦!

攰到死, 都要呻埋先去訓!!

十二點bf打來, 我聽左, 咁大家今日咁僵, 冇咩野講都好正常o者....dead air左一陣, 佢就話「我諗住俾個電話你睇下你點, 你冇野講, 我收線啦...」我都未出聲, 佢講完個「啦」字,bye bye都冇句, 已經cut左線....

我......真係想鬧佢架, 佢根本冇俾機會我講野都算啦, 係咪我冇野講, 佢都一樣吖, 咁佢打電話俾我做咩??佢憑咩話我呀?

跟住佢隔左一陣又打來, 我執緊房, 電話俾番被冚住左聽唔到響.....之後我有覆佢, 佢又冇聽喎。再之後佢又打番俾我, 我洗緊con又聽唔到, 咁我又再打番俾佢, 佢就話佢入lift, 一陣打番俾我...一陣又一陣,已經一點半啦...

我冇氣啦....都唔知而家發生咩野事, 我淨係覺得 i am totally sick of all these things...好辛苦呀 :-( :-( :-(

私人傳訊

elf

積分: 24069

152^#

發表於 05-10-2 01:00 |只看該作者

Re: 人馬座既朋友入黎傾下啦!

再呻:

我已經1個星期冇見過bf, 今日大家都放假, 但係都冇見面。呢個星期, 我有好強烈既距離感, 覺得大家越來越遠, 我唔知佢做緊乜、唔知佢諗緊乜、唔知想做乜,乜都唔知。

我開始怕接佢既電話, 好怕同佢冇野講。今朝我搵過佢一次, 諗住搵個機會同佢傾下, 但由於佢冇聽, 我都冇再搵佢。之後佢覆番我, 我正想開口問佢有冇時間既時候, 我聽佢把聲, 佢好攰(事實上我都係), 講左兩句, 佢話有公司野要做, 咁我都無謂出聲, 廢事阻佢做野。

呢排我情緒實在係好波動, 我覺得大家有好多問題都冇空間解決, 我珍惜呢份感情, 但得我一個努力,根本好難做到......冇錯, 大家都忙冇時間, 但我覺得bf 冇好認真諗過大家咁落去會變成點, 我appreciate佢對工作有熱誠, 但眼前既情況話俾我知, 我係被忽略。

我好易滿足, 唔需要金銀珠寶, 一句說話已經可以令我開心好耐, 初初同佢一齊既時候, 我屋企俾左壓力我, 但佢一句「放心,我唔怕喎」, 已經俾到我keep on呢段關係直到而家既好大理由, 到呢個moment, 我都記住呢句說話...

我對而家呢一刻既bf, 突然感得好陌生....

私人傳訊

elf

積分: 24069

153^#

發表於 05-10-3 21:31 |只看該作者

Re: 人馬座既朋友入黎傾下啦!

我開始覺得bf好自私, 好多野都係為左「責任」先做, 根本唔係出自真心 :-( :-(

私人傳訊

魚生

禁止訪問

積分: 35771

好媽媽勳章畀面勳章

154^#

發表於 05-10-4 02:15 |只看該作者

Re: 人馬座既朋友入黎傾下啦!

提示: 作者被禁止或刪除內容自動屏蔽

私人傳訊

積分: 11325

155^#

發表於 05-10-4 08:41 |只看該作者

Re: 人馬座既朋友入黎傾下啦!

elf,

我同我bf散左啦...
而家都要準備執野走
往後的日子都唔知點過呀 :-( :-( :-(

私人傳訊

積分: 4549

156^#

發表於 05-10-4 10:23 |只看該作者

Re: 人馬座既朋友入黎傾下啦!

魚生~~

你bf係天秤，我bf都係，我覺得天秤男佢地都比較"木獨"、"模棱兩可"，我bf都唔識"乙水" 我架，要我教架...(好無奈!

)，但佢個人係咁，大家要互相配合lor~~佢就我既脾氣，我就佢呢d性格...

私人傳訊

積分: 4549

157^#

發表於 05-10-4 10:33 |只看該作者

Re: 人馬座既朋友入黎傾下啦!

elf~

照你咁講，我覺得你bf都唔係唔理呢段感情(起碼最後佢都有打比你)，佢可能覺得你在生氣，但佢亦覺得自己沒有錯，唔知打唔打好，所以拖了成個禮拜先打比你，佢打比你，可能唔知講咩(佢可能同你一樣，都唔知發生咩事，但亦知道係有d野)，不如真係搵機會傾下，一定要傾，就算係你搵佢先都要，我覺得就算結果係點都好過而家咁...

私人傳訊

積分: 4549

158^#

發表於 05-10-4 10:45 |只看該作者

Re: 人馬座既朋友入黎傾下啦!

mirandalaw~~

既然已經決定左，就唔好諗咁多啦...你仲有大把機會，之後o個個可能仲好呢!!佢走左，代表你可以開始你的新人生，keep住自己狀態，大把男仔選擇啦...唔駛怕，我地呢班人馬女實撐你!

私人傳訊

積分: 11325

159^#

發表於 05-10-4 11:18 |只看該作者

Re: 人馬座既朋友入黎傾下啦!

其實我都唔知自己撐唔撐得住...
衰衰地都同佢一齊左5年幾, 其間未試過超過3日唔見面架!
不過我諗我都會努力o既...
我係驚唔知要幾耐先可以重新習慣新的生活
畢竟同佢一齊已經成左我一個習慣

最可笑係尋晚想執野走, 但係自己又唔舒服
更令我覺得可憐, 以前唔舒服唔會冇人理, 但尋晚佢真係可以理都唔理下我!!!

私人傳訊

elf