KS_Baby1 發表於 12-3-24 22:21 
寶寶龍,若你有時間,幫我找番給我鼓勵!我呢排有d down down 地 (本來BB上星期出世了)!
我對子宮頸鬆弛的題 ...
寶寶龍你叫我呀??? 哈哈哈哈哈.....
Hi KS Baby, 我明白你.....我2009年都經歷過最痛苦既一年。我當時24w左右, 因為子宮鬆開....所以係20w就已經安排入院, 仲好記得當時....好開心咁去做每月一次既產檢, 但醫生突然話...要我即時入院, 腦海即時一片空白。當時有位姑娘話佢都有子宮頭鬆既問題, 而佢就係醫院瞓咗四個月....最後佢個bb 都安全出世,
佢咁樣講...我當時都仲係好輕鬆咁面對。真係完全唔識嚴重性去到邊度。
但當我去到23w時...情況就開始改變(當時醫生話安排我24w時做手術), 不過某一朝早我開始發燒...
醫院即刻安排我轉院...轉去設備再好d 既醫院, 間新既醫院即刻幫我做手術, 手術完成我已經瞓係MFICU,
但可惜........................到最後都係留唔住。當時手抱住自已個bb........個心真係痛到唔識形容, 我喊足幾個月......成日問點解會係我?
我用咗整整一年半時間先可以企得起身, 再次接受做IVF......我同bb講, 媽媽我依家好努力去打針食藥,
希望你係上天玩多一陣, 等媽媽完成治療就可以再接你返黎。
到咗上年....我再一次成功懷孕, 懷孕時我已經同醫生講....要求兩星期產檢一次, 而醫生就安排我14w (最好15w) 做子宮收縮手術, 手術後....我足足留院三個星期, 就算出院後都乖乖食咗一個月藥, 最後我bb 係3月平安出世。
我只可以講.....時間可以慢慢沖淡傷痛, 要喊時就盡情大喊.......但要記得, bb 係上天等你接佢番黎,
所以做媽媽既.....就要好好調理好身體先, 身體一好先有機會。 KS Baby 你要加油呀, 傷心過後....記得盡快企番起身, bb 等緊你架。
2009年6月3日這天....我失去肚裡的愛女。
マリン媽媽永遠愛妳!!
發表於 
多謝你分享
返回列表
