Baby Kingdom - 親子王國 香港 討論區 › 首頁 › 婆媳關係› 比幾錢養6299

婆媳關係

收藏本版
發帖
返回列表
跳至頁

首頁
56789

尾頁
   5
sweetieyuki


侯爵府

積分: 22284


141#
發表於 12-7-22 15:21 |只看該作者

引用：Quote:wongjoetabo+發表於+12-6-4+10:43+回

原帖由 spiderlily 於 12-06-04 發表
Hey,

很好奇你上BK的目的 ---> 看你經常"咥"人唔使本, 作出無益無健設性的回應。
佢亂講野唔洗本
私人傳訊

sweetieyuki


侯爵府

積分: 22284


142#
發表於 12-7-22 15:53 |只看該作者

回覆：比幾錢養6299

我由你發帖睇落去，其實我完全唔覺得你埋怨，你亦有盡力去照顧兩老，如果唔重視佢地根本你唔會同jm討論咁耐。

我都係中產家庭，我明白你既處境，有自己生意並唔等於個個月會賺同唔洗支出，淨係交租已經令人抓爆頭。

好多人會問，你搵咁多，無人叫你咁多開支，中產一樣有基本衣食住行開支，亦因為係中產好容被歸類為「好環境」，當然自己同C6為人子女要養自己外家同夫家。最重要係兩公婆咁努力做野，但只係提升身邊既人既生活質素，而自己同小朋友既生活質素就由佢，呢D資源就死慳死抵又係咪講得通呢。我不會埋怨要交稅，這是公民責任，但我地有好多福利都用唔到，唯有比心機為自己打算，你的擔心不無道理。那在孝順和自己生活質素中取個平衡好了。

所以樓主，你點樣對待身邊的人天知，你知，小朋友有眼見，只要問心無愧就夠，閒時搵渠道舒發下亦不為過。
私人傳訊

華美


侯爵府

積分: 21308


143#
發表於 12-7-22 16:59 |只看該作者
sweetieyuki 發表於 12-7-22 15:53
我由你發帖睇落去，其實我完全唔覺得你埋怨，你亦有盡力去照顧兩老，如果唔重視佢地根本你唔會同jm討論咁耐 ...
係啊, 不過bk一講親涉及錢嘅嘢實好多noise. 一家唔知一家事, 好多嘢千絲萬縷亦唔係三言兩語解釋得到, 好多錢亦係無諗過洗但結果要洗. 例如阿囡學校家長日, 一堆家長話要gathering, 咁我話好. 原來佢地玩好大, 租會所租吹氣堡壘, 每家人要500蚊. 咁耐唔耐一次, 阿囡又未玩過, 又有十幾個同學去, 唔通覺得貴縮沙咩. 今朝阿媽叫飲茶, 佢揀咗間ok貴貴地嘅酒樓, 但唔通又因為咁而唔同阿媽飲茶咩. 幾百幾百, 洗下洗下就係幾千. 每個階層洗錢方法都唔同, 等如我都唔知陳震沖點洗得晒小甜甜一車一車運比佢嘅錢, 比著我, 一兩車可能夠洗成世.
私人傳訊

karmankama


男爵府

積分: 7051


144#
發表於 12-7-22 17:24 |只看該作者

回覆：比幾錢養6299

6299家用更係c6負責，你就負責你爸爸媽咪，咁你咪要揾好多先夠，養兩邊，有都留比自己做私己錢啦。

私人傳訊

allah


侯爵府

積分: 20913


145#
發表於 12-7-22 17:49 |只看該作者

回覆：比幾錢養6299

我老公俾萬六，佢係獨仔，冇辦法
不過我唔會理佢俾幾多，影響唔到我就算
始終照顧自己父母係應該的
私人傳訊

wifeki


大宅

積分: 2782


146#
發表於 12-7-22 17:56 |只看該作者
你老公無養你同個女
就叫佢去佢阿爸阿媽果到住啦~
私人傳訊

Jayelle


侯爵府

積分: 21587

認識瑞士牛牛第二回 認識瑞士牛牛第一回 我的育兒心得勳章 想生BB熱投 冬日勳章 陪月勳章 畀面勳章


147#
發表於 12-7-22 20:34 |只看該作者

回覆：比幾錢養6299

睇完樓主成個post，忍唔住出句聲，唔該d人未了解清楚就懶義正辭嚴咁插人啦，人地本身已經好多唔開心，上黎呻仲要比人插仲更加唔開心，可唔可以尊重下人地！成件事我覺得樓主在新抱，老婆角色上本分已經做到好足，仔女養父母係天經地義，但新抱養人地父母唔係天經地義掛，佢自己父母都未養啦，唔通嫁左就係賣身俾人地屋企？話就話d錢係佢c6出，但c6俾完之後俾屋企錢少左，樓主要負擔大部分錢，咁變相係咪樓主都有比錢6299？仲有聯名戶口攞唔知幾次十萬講明係聯名戶口果d錢樓主係咪有份？如果佢c6淨係養自己父母唔養仔女嘅唔該一早唔好同人結婚生仔害人，佢唔係害緊個女人佢係害緊小朋友，老人家都係大人冇收入都有積蓄有能力照顧自己，小朋友咁細個父母唔養佢你唔通叫佢去乞呀？小朋友生出來都要照顧唔係俾最好嘅野佢都唔好刻薄佢地好似孤兒仔咁，幾個大人顧住自己犧牲小朋友呢d叫大蝦細！我c6成日掛住做野唔學下照顧個女仲成日要我執佢手尾服侍佢好似大少爺咁我已經火到想離婚！我服侍都服侍我個女先啦！小朋友係跟男家姓架，我地唔係單親阿媽！而且一個家庭男人俾多女人俾少好應該，屋企打點家頭細務，照顧仔女同佢地溫習功課，全部都係女人做，唔通男人會做咩？我出去打工計番時薪最低工資都有廿八蚊個鐘啦！你奶奶好有問題，嫁左人就老公養老公服侍、仔大左就仔養仔服侍，自己唔使付出呢d咁自私嘅case如果佢係後生女好似lazy姐果d，係BK俾人鬧爆左啦，就因為佢年紀大所以佢嘅錯就可以合理化左！？同埋我睇你c6細個都係老豆搵錢養家多d，佢俾錢想養番老豆仲要俾阿媽洗哂d錢但又唔理個老公，你99自己享受就刻薄個老公，涼都唔同佢沖，咁你c6有孝順到「父」母咩？唯今之計，你首先要立即停止共產，計清楚仔女有咩使費俾張單你老公一人一半，等佢知道仔女佢要負擔番，聯名戶口你要轉番兩個人簽名先攞得錢，或者你攞番一半放落自己戶口，同你c6三口六面講清楚你有咩換樓計劃，想儲幾錢，屋企宜家財政係點，等佢知道點去配合你，你c6d使費都要cut，你都講兩公婆共同面對啦，咁有咩理由佢可以有錢應酬置裝，而你同d仔女就好似草根家庭咁，6299果便管埋佢地盤數，叫你c6開口藉口知佢地行動唔方便，話幫佢地買埋日用品同餸上去，然後吩附工人去買攞番單，幫佢地交埋租水電煤，然後先話俾兩三千蚊佢地買野飲茶，總數cut到萬二三蚊左右，你唔好話唔想煩你老公唔想辛苦佢，你係佢老婆同時係你d仔女嘅阿媽，你咁係辛苦自己d仔女，你唔係為自己享受，你要為佢地諗，幫佢地出聲同爭取，坐言起行做d野啦！支持你！

點評

booboo_long  agree~停止共產係首要任務  發表於 12-7-25 13:52
私人傳訊

華美


侯爵府

積分: 21308


148#
發表於 12-7-22 21:23 |只看該作者
Jayelle 發表於 12-7-22 20:34
睇完樓主成個post，忍唔住出句聲，唔該d人未了解清楚就懶義正辭嚴咁插人啦，人地本身已經好多唔開心，上黎 ...
都係果句, 其實最嬲係比咗啲錢99但佢用不得其所, 我覺得浪費咗資源. 學你話頭, 點解可以由得個老公唔沖涼幾個月, 要你沖就話辛苦啫, 我地請埋工人比你唔係就係要你睇住個工人照顧好62咩?! 不過講句公道說話, 99比62學歷高, 佢後生都對頭家好付出嘅, 當年香港經濟好, 99搵到2萬蚊, 仲唔係好辛苦(佢講過比我知做嘢下午好得閒, 星期五又有long lunch, 食完返去就唔駛做, 好爽). 所以, 可能佢覺得今時今日個仔搵5萬係好多錢, 洗唔晒. 正如有啲jm都好覺得唔知點解我地比咗萬五99, 仲有3皮幾都話無乜錢剩一樣. 我係對生活有要求, 由其有細路, 真係想做到一代比一代好, 以前阿媽成日話讀書靠自已, 邊間讀都一樣. 係, 我都係讀屋村小學/中學, 然後靠自己入大學, 但出到尼做嘢都發現, 就算大家都係大學生, 你成長背景唔同, explosure唔一樣, 其實都實在係有分別. 所以會想仔囡比自己好, 想佢讀好啲學校, 多啲見聞, 呢啲全部都係錢.
至於我老公, 其實佢整體算ok, 我好阿Q咁諗, 如果佢咁perfect 就唔駛揀我啦. 最希望99快啲有公屋, 同佢老人家唔好一句話派得遠就唔要再等過, 我就心足啦.
私人傳訊

華美


侯爵府

積分: 21308


149#
發表於 12-7-22 22:13 |只看該作者

引用:6299家用更係c6負責，你就負責你爸爸媽咪，

原帖由 karmankama 於 12-07-22 發表
6299家用更係c6負責，你就負責你爸爸媽咪，咁你咪要揾好多先夠，養兩邊，有都留比自己做私己錢啦。



...
咪就係好在我爸媽有錢唔洗我養囉，唔係仲大獲。有時我啲信用咭有折，阿媽會叫我幫佢買嘢，幾百蚊咁，我阿媽都知我地開支大，一定會比返錢我。 我都會收，但個心其實好難過，因為又唔係多，好想叫佢唔駛比啦，但就多一個出世真係大把錢洗，加上我真係好想呢幾年內換樓，等仔囡各自一間房，所以我都有收番錢。都會覺得自己好無用
私人傳訊

Stepmother


大宅

積分: 3277


150#
發表於 12-7-22 22:21 |只看該作者

回覆：華美 的帖子

萬五夠供層靚樓lu...
私人傳訊

華美


侯爵府

積分: 21308


151#
發表於 12-7-22 22:26 |只看該作者

引用:萬五夠供層靚樓lu...

原帖由 Stepmother 於 12-07-22 發表
萬五夠供層靚樓lu...
其實都唔係，因為我老公都差唔多四十歲，再供樓嘅話都唔會想供30年啦，唔通供到70歲咩。咁如果供15年或20年，萬五蚊都供唔到啲乜，除非比好多首期囉
私人傳訊

fatmon81


別墅

積分: 980


152#
發表於 12-7-23 00:49 |只看該作者

回覆：比幾錢養6299
私人傳訊

debbieths


別墅

積分: 941


153#
發表於 12-7-25 04:06 |只看該作者

回覆：比幾錢養6299

真係一家唔知一家事呀
私人傳訊

岚月亮


侯爵府

積分: 20164


154#
發表於 12-7-25 10:43 |只看該作者
回覆 華美 的帖子

你好似我有個同事!

講真,你唔到個個年紀有病有痛,你唔會覺得自己有甘既需要買呢d所謂呃人既野,如果唔系都唔會甘多老人家上當啦!

就等于我媽成日話我:買個袋都成万,同一般幾百個d又咪差唔多!

唔系用個個始終都唔會明白個种需要咖
私人傳訊

華美


侯爵府

積分: 21308


155#
發表於 12-7-25 13:15 |只看該作者
岚月亮 發表於 12-7-25 10:43
回覆 華美 的帖子

你好似我有個同事!
佢買果啲係不知明大陸嘢, 大陸嘢有幾危險大家都知啦, 大陸人都仆落尼香港買藥, 佢就返上去買. 仲有啊, 又唔係有人食得好介紹佢, 佢真係睇住人地張單張就信架啦. 之後樓下開咗果間元氣乜乜, 專呃老人家嘅呢, 賣十萬蚊個pillow果啲呢, 佢爭啲想搬咗人地間鋪返屋企啊, 中晒毒咁啊, 比佢個仔鬧到pk先無買咋. 唔係就過多幾十萬比佢都唔掂啊.
我覺得奇怪嘅係, 你靠晒果啲丸仔, 但飲飯一啲都唔注重, 話住比你聽62嘅病唔應該食乜乜乜, 佢就偏偏日日都比果啲嘢佢食, 糖尿喎, 但日日飯後一條蕉啊?! exactly係飯後啊, 然後比一大堆丸佢啪, 咁你話為乜? 然後兩年都唔幫佢篤手指, 咁樣照顧個62你話恰唔恰當

然後佢涼都唔比沖, 床單都唔比人洗為咗要慳錢, 遇著呢啲保黨就二話不說想成副身家比晒人, 咁你做屋企人點就手旁觀呢.......
私人傳訊

booboo_long


大宅

積分: 4653


156#
發表於 12-7-25 14:00 |只看該作者
呢個情況我都好明，老實講，我都係搵萬幾，但响少部份朋友眼中叫"中產'...因為我早幾年上咗車，E家供緊樓，仲有個細，娘家環境都算OK，我真係唔明我邊忽似"中產"，又唔係搵得多過人，加埋C6都唔夠3皮，成日俾人話我好命...
好命就唔駛做PTM，仔要阿媽幫我湊，我做野份人工都係俾家用同個細既開支，C6負責供樓雜費，所以呢度應該有好多媽媽會明白，亦唔明點解成日都唔理解人地情況就插人，人地又冇話唔養6299，樓主連自己父母都唔養咪仲衰女....
真係家家有本難唸的經
私人傳訊

karenng115


男爵府

積分: 7066

陪月勳章


157#
發表於 12-7-25 14:03 |只看該作者
ac321 發表於 12-6-4 08:31
其實，凡事都有因果：

1 我父母因為知道我們當年一無所有，所以為我準備了一畢可觀的現金作我的嫁莊。我 ...

恭喜你搵到個好老公, 亦有一對好父母.
你父母係你老公最辛苦既日子幫左佢, 而佢地亦都因此你老公既好先肯幫佢.
私人傳訊

華美


侯爵府

積分: 21308


158#
發表於 12-7-25 14:23 |只看該作者
booboo_long 發表於 12-7-25 14:00
呢個情況我都好明，老實講，我都係搵萬幾，但响少部份朋友眼中叫"中產'...因為我早幾年上咗車，E家供緊樓， ...
我係覺得超好彩, 我地唔係兩邊父母都要養, 我阿媽果邊我真係手鬆就買啲嘢比佢, 同佢飲茶食飯, 比啲錢老豆買嘢食, 佢地自己大把錢, 我真係無壓力, 係自己個心唔舒服啫.

點評

booboo_long  我情況同你倒番轉，99唔駛C6俾家，只係新年同平時食飯飲荼  發表於 12-7-25 14:26
私人傳訊

karenng115


男爵府

積分: 7066

陪月勳章


159#
發表於 12-7-25 14:25 |只看該作者
華美 發表於 12-6-4 17:46
問題係搬咗番尼住佢根本唔開心。 上面係住花園洋房，佢食住唔駛慳，可以日日飲茶，餐餐食雞。而家同工人三 ...

每個阿媽都想將最好既野俾自己仔女. 當你c6細時, 你奶奶都係將最好既俾你c6.
點解而家俾好少少既生活俾c6父母就唔可以?

你諗一諗將來, 你只可以依靠你個仔俾既家用, 但你新抱唔想俾, 叫你住公屋睇政府.
其實一人一間房真係咁重要?
我細時屋企都有3間房, 不過我都係同我阿哥同一間房, 讀大學時先分房.而家同我阿哥感情好好.
反而我c6同佢家姐, 好細個就唔同房, 而家大家都唔會主動約大家食飯, 只有節日先一齊食, 但同枱都好似搭枱咁, 大家唔會同大家講野.
私人傳訊

華美


侯爵府

積分: 21308


160#
發表於 12-7-25 14:41 |只看該作者
karenng115 發表於 12-7-25 14:25
每個阿媽都想將最好既野俾自己仔女. 當你c6細時, 你奶奶都係將最好既俾你c6.
點解而家俾好少少既生活俾c6 ...
咪就係話錢又洗咗生活又唔係好咗, 佢自己又唔開心咗囉, 住公屋係佢自己一早講架, 亦係咁樣先計掂數, 長期租屋我地係頂唔順架, 咁係咪上一代要要乜有乜, 用到佢唔用先比啲仔囡用先係岩啊. 睇政府我都解釋咗, 香港地, 普通人家長期病大獲嘢排政府我覺得好正常, 我地自己亦都係咁, 所以我地買危疾唔會買好大額, 因為知道如果大獲, 手尾長嘅一定係去政府. 佢平時高血壓, 病果啲咪睇私家囉. 點解要一人一間房, 我覺得男女有別, 分房會好啲. 咁我都知大把人成家都同一間房添. 我要一人一間房啫, 又無話一人一間套房, 放到床, 書枱衣櫃我就收貨架啦. 好老實, 我地計數係有為老來打算, 目的就係唔想將來要仔囡養, 如果大家將就下可以分配到資源照顧到6299, 仔囡, 自己養老, 咁唔係好過洗晒去6299度, 然後比唔到資源裁培仔囡然後老來又要靠佢地養咩?你都識講阿媽都想最好嘅野俾自己仔囡, 我都係阿媽,但我而家都做唔到囉.

如果你覺得無辦法滿足老人家所有要求所以我地係根本無資格生bb, 咁我無說話好講, 當我自私囉, 無錢又要學人生囉.

算啦, 大家價值觀唔同, 呢啲嘢無model answer, 無對與錯.
私人傳訊


首頁
56789

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy