第二日阿妹返工，同事見到阿妹眼腫腫，關心問吓，阿妹一講到男人間公司，啲同事就話呢間公司啲人係咁，男男女女都玩到癲，仲話班人話咁先係teamwork 喎……放工後6299約阿妹食飯，同佢傾計…同阿妹講放心，唔好理佢個仔，新抱得你一個……而個男人就冇搵過阿妹…但阿妹又點會甘心就咁俾咗個老公人丫…兩日後阿妹收工就唔聲唔聲走去男人個公司度等個老公…等到點幾鐘，終於等到個男人行出嚟，佢無追上去，佢話想跟住佢睇吓佢去邊度飲嘢喎…個男人一出公司門就往尖沙咀地鐵方向行，阿妹一路係後面跟住…直至到咗地鐵站附近，突然見到個女人彈出嚟同個男人會合，呢個女人同一間公司，分開走仲要喺附近等個男人收工，關係係點唔使多講啦！呢個女人廿零歲，懶青春嗰種…唔怪得之咁鍾意搶人老公啦，咪就係要証明自己靚囉，(點解會話佢鍾意搶人老公，朋友a同男人傾計果時自己講話過女人本身有男友㗎，但奇怪在fb ，朋友，都冇人提過故懷疑個女人既男友都係有婦之夫，唔見得光)阿妹見到咁就追上前同男人講:" 冇得抵賴啦…"男人就問"咁你想點丫？"阿妹就話:"你問我想點?係你究竟想我點呀？你而家玩夠未呀？仲細呀？"男人可能有美相伴而唔衰得就答咗"未喎，未玩夠喎…"而個女人見人地兩公婆嘈緊就唔該死埋一邊啦！仲要企係個男人身邊博乜呀？阿妹就問個女人:"你知唔知醜㗎?佢有老婆㗎，我地個女得幾個月大咋…"個女人冇出聲，仲要發脾氣走咗，個男人都唔知俾佢嚾咗啲咩迷湯，竟然掉低個老婆喺街去追個女人……
原帖由 puicps0614 於 12-12-15 發表
你細妹唔放手，小三唔放手，但個男人既心係向住邊個？可能真係會唔甘心放走呢個男人，但係爭左返黎呢個人仲 ...
"我不段問阿妹點見到佢㗎?你去搵佢?個天俾你見到就係想你死心啫，唔好再諗佢喇…!你而家係邊呀？我出嚟搵你丫？但佢一句都冇答我…只係喺度喊…喊吓又叫吓…重復講住"我好心痛…我真係好心痛呀…"直至佢講到我好辛苦呀…我好想死呀…就收咗我線…打返俾佢都冇接，我心慌了，打俾佢6299同佢地講，6299就即刻揸車出去，62估個新抱落去阿仔公司搵佢，應該會係附近，所以就係尖沙咀兜圈，99就打俾個仔想問頭先喺邊樹同個老婆嘈…阿仔冇接，再不停打俾新抱，直至佢聽為止…而我就打俾其他姊妹，希望可以搵到佢…終於99和阿妹聯絡上，就問佢咩位置，阿妹都唔講，剩係話我冇事…坐一陣就會返去…6299點都唔放心，話一定要接到佢至安心，阿妹先肯講位置，62揸車去到海旁接到佢就打俾我報平安，雖然有6299係身邊陪佢返阿媽度，但係媽咪住緊既舊式屋村中間嗰個井型設計，都咪話唔心寒…所以我打定電話返阿媽度，叫阿媽同最細既妹妹要小心好好睇住佢，媽咪聽完已經好緊張，開住電視既蔽路睇住，又叫醒印印做好一級防備，直至畫面出現襯家同阿妹，阿媽就出定去口接佢，門一開，阿媽就㩜住阿妹入屋，印印就企喺附近就位，直至阿妹入屋先放鬆啲……阿媽當然唔會放過呢個機會同襯家講佢點嬲啦…呢晚總算平安度過…
原帖由 puicps0614 於 12-12-15 發表
可能你細妹真係有自己一套想法，至重要係企知道唔好再為呢個男人傷心，因為呢個人已經唔值得企再花心思同眼 ...
發表於 
返回列表
