BabyHilary 寫道:
winwin,
如果可以嘅話問d關於"無痛分娩"同陪產嘅問題啦﹗
(1)"無痛分娩"係咪可以生嗰陣痛痛吓頂唔順先要求打架？
==> 無痛係可以隨時要求既, 仲要比其他醫院優勝, 因為冇時間限制(有d醫院要係office hour先provide到服務), 亦冇quote之限, 全日24小時, 你幾時開聲都會幫你做, 至於點解有人話要開到3度先可以做呢, 因為我地入院係住產前病房, 要等到子宮開到3度先落產房, 所以止痛方法, 包括聞笑氣同止痛針都要係產房先有得做既, 故此有要開到3度先可以做既講法, 而今日姑娘就話, 如果產房唔full(total8間獨立房), 而個位產婦開1,2度而好痛的話, 都可以安排早d落產房既, 而另一方面, 如果產婦已開到7-8度既話, 助產士就唔贊成你做無痛, 因為成個過程, 要佢地call麻醉醫生黎, 同你講解一輪, 簽同意書, set位連打針(這部份都要搞半個鐘), 隨時set好位, 你已開到10度啦(頭幾度開得慢d, 過左3度會快好多)
(2)hubby係咪去到醫院嗰陣同姑娘講要陪產就可以入去產房架？
==> 係入院個時, 已經要同姑娘講, 丈夫想陪產, 咁姑娘就會通知產房預備
唔該哂﹗
[quote]
winwin815 寫道:
大家, 我聽日去pwh上堂, 今堂講分娩, 不如大家有咩野想問, 寫低, 等我聽日問啦
BabyHilary 寫道:
winwin,
唔該哂呀﹗
喺開到7度之前隨時都可以決定用無痛咁就好啦﹗
咁我唔買扣嘅m巾，淨係買貼都okay啦﹗
今日我都收到d料呀﹗有個幾個月前喺威爾斯生左baby嘅同事話，陪產理論上要接近生嗰陣先比hubby入去產房架，但如果妳不斷要求話想hubby陪喺身邊，姑娘會早d比妳打電話call hubby去產房門口等，然後就有人去接佢入去架﹗
知唔知威爾斯用緊邊隻奶粉呀？any話一向都係雪印思敏兒，唔知而家有冇轉呢？
發表於 
返回列表
