吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 男人訴苦水 II

夫婦情感今日: 3|主題: 42762

收藏本版

發帖

返回列表

跳至頁

樓主: john_doe

男人訴苦水 II

[複製鏈接]

4 5 6 78

HoneyBee30

子爵府

積分: 11500

141^#

發表於 13-8-14 00:25 |只看該作者

sandychan0707 發表於 13-8-13 07:54
男人永遠覺得自己冇問題？

that's not what john_doe meant, i think he meant to at least start a conversation with his wife, let her tell him what's wrong. But sounds like his wife is not willing to talk, and that's a problem.

Display Picture from Rita et Machin

私人傳訊

rayhong9

男爵府

積分: 8035

142^#

發表於 13-8-14 01:12 |只看該作者

樓主，深表同情。

但你的問題真係非常普遍，絕不是個別例子。星期六日通常都係親子日或者教仔讀書日。生左孩子，做左爸爸，預左失去老婆。

至於sex，好彩係按月，更多係按季，甚至按年先一次。

修心養性，善哉善哉!

[img align=left]C:\my documents\IMG_1427_1_1_1[/img] [img align=right]C:\my documents\DSCN1156 10-04-2004_1_4_1[/img]

私人傳訊

TimTimbaba

複式洋房

積分: 409

143^#

發表於 13-8-14 01:58 |只看該作者

回覆 john_doe 的帖子

其實會不會太太已經冇左感情，所以不會再理你，只注重小朋友。我太太就係話已經同我冇左愛，我們的生活只因小朋友維持。她想離婚但我不想小朋友受影響不肯

私人傳訊

MC媽

伯爵府

積分: 15282

144^#

發表於 13-8-14 02:33 |只看該作者

回覆：男人訴苦水 II

無疑樓主真係嗰好老公，驚老婆辛苦請D工人幫下太太，又會安排節目氹吓老婆.

但你話太太以前唔係咁嘅，咁一定有原因令佢變成咁，慢慢引導佢講出來，你話佢之前想做full time mom，而家做左又成日黑面，原因會唔會係自我身份認同降低？又或者做左ftm之後先發覺唔開心，但又晤知點同你講？屈屈埋埋係心！
樓主係好老公，言語間都覺得你好着緊老婆，比多D時間太太，幫吓佢！加油啊樓主！晤好質疑太太對你的愛，只係有太多事令佢分心啫！

私人傳訊

vet

水晶宮

積分: 52963

好媽媽勳章畀面勳章

145^#

發表於 13-8-14 03:41 |只看該作者

回覆：john_doe 的帖子

如你所講的全部係真，我真係好同情你

你有冇試過寫信講你的感受？你太太好似一D都唔愛你，有冇咩事發生左令佢心淡了？

私人傳訊

鏡姬

別墅

積分: 850

畀面勳章

146^#

發表於 13-8-14 04:01 |只看該作者

本帖最後由鏡姬於 13-8-14 04:04 編輯

試問下,你有比到個女人"關懷"?你"了解"她嗎?你知佢寄托既係咩?
乜都唔知既,就唔好係度靠估無辛苦,去問啦!!!!

溝通=你地既慢慢長路。

既然依家所做既野都work...

咁你自己諗下,你地當初未結婚,仲係拍拖既情景吧~
諗返你地曾經開心既畫面...
去過既地方,做過既野,講過既說話,傻傻咁表示你對佢既愛...
再做多次都唔驅,亦會幫到你挽救婚姻唔少。

幸福並非是什麼都一帆風順，而是擁有處理難題的能力。

私人傳訊

little_chamo

男爵府

積分: 6990

BK Milk勳章

147^#

發表於 13-8-14 08:08 |只看該作者

john_doe 發表於 13-8-13 17:56
Hello A+++多謝你回到覆，我既回應如下:

首先，佢唔係一腳踢，小朋友現有既課外活動入面，70%係我多方打 ...

你好勁, 一個番工養全家加兩個工人!
你老婆講明性冷感又真係好大鑊, 佢生b前都係咁架?
佢係咪屈住屋企悶得濟呀?
定係太大壓力想對仔女成為最top呀?

又放假!!!

私人傳訊

cky34979

伯爵府

積分: 15838

育兒性格勳章畀面勳章

148^#

發表於 13-8-14 12:05 |只看該作者

樓主~~
我系FTM 老公搵錢我無工人但有6299,6299幫我好多

我老公平時放工就系沖涼食飯抱仔洗消毒奶瓶放假仲要做埋家務
講真...可能我餵人奶我講下我心聲...
真系好累,如果老公吾幫手我一定日日黑面笑吾出,基本些我已經晚晚腰痛到訓吾到三日病一次,,, ,,,
我老公1上班我就跑去同個仔訓..
點解?吾洗走黎走去無咁累

我覺得你同老婆應該先一齊訓反先
你放假亦幫手洗碗吸塵汁野睇下老婆會吾會同你關系好D

私人傳訊

點算好

別墅

積分: 934

149^#

發表於 13-8-14 13:26 |只看該作者

回覆：男人訴苦水 II

老馮呢家野我完全接受唔到，睇離你做多尐，佢做少尐，久而久之成為常態，唔做就系你問題。

私人傳訊

zitzai

珍珠宮

積分: 35458

150^#

發表於 13-8-14 15:07 |只看該作者

一口氣睇晒。唔想 take sides，但畢竟我都係女人，可能寫O野唔夠 objective

1）我都好唔贊成你搵朋友 ’評理’。其實你想搵人評理，唔多唔少係因為你覺得你著佢唔著。ok，就當你o岩晒，佢錯晒，所有人都咁講，咁跟住點？睇唔到你地關係點樣會因此而改善。問多幾個人，好容易就變o左 ’公審’，第時一提呢件事佢就起扛，你地仲無彎轉

2）有 2 個工人＋ 99 幫手－＞從你經濟狀況估，你應該都起碼係中層管理人員。你有無遇過老細會做 d 唔合理o野，從旁指指點點，而你只有硬食敢怒不敢言？你係咪所有下屬都咁聽你話？從來唔會自把自為，唔叫都會自動自覺？你 d 客係咪個個都好好湊，無人會有無理要求，無人會 lur 呢樣o個樣？你屋企有 4 個女人＋ 2 個細路，你媽媽就係 ’老細’，工人係下屬，細路係 ’客’，你太太就係同你一樣涉o係中間又要顧上又要顧下仲要顧 ’客’ o個個中層。唔好以為有 3 個人 ’幫手’ 你太太就無乜o野做！仲有，你o係屋企時眼見o既，同你返o左工時，所有o野又係咪一樣呢？你媽，工人＆細路對你同對你太太o既態度可以好唔同。個人經驗：我 99 試過背住我老公同我講：’你小心睇住我個孫呀，唔好跌親佢’。賓印族群都仲幾男尊女卑，所以好多工人驚先生多過驚太太，我老公講一句，好過我講 10 句。我仔對住我係最痴身，曳＆扭，對住爸爸會收斂 d。可能你眼見到o既就會覺得：好簡單o者，d o野 run 得好 smooth。如果你老婆係 ’副經理’，根本無你呢個 ’總經理’ 咁有牙力，好多o野你呢個 ’總經理’ 亦唔會知道

3）睇o左咁耐，記得你提過細路讀緊小學，但好似唔見你提過 ’功課’。你對仔女o既功課係邊個跟？如果係太太係主力，咁有壓力都唔出奇

4）唔買禮物俾 6299 －＞你買囉。春秋二節，都係我一個人準備晒我父母，6299，夫家娘家所有長輩，老公所有兄嫂o既禮物。當然，到我俾我父母親戚時，就梗係會話係老公買俾佢地o既。以前 d 人話好女兩頭瞞，其實好仔都一樣

5）同仔睇戲－＞呢個我都覺得有 d 奇，但又唔好一來諗到佢想賣甩你。我o係度諗，會唔會佢地係有其他同學仔＆媽咪一齊去，所以約 weekday 少人 d 日子？會唔會你老婆想慳錢所以睇 weekday 平 d？而家去睇場戲都幾重皮o架！我同老公唔係返 normal office hours，都會專登揀平日睇。又會唔會你老婆係同 d 細路屈o係屋企屈到頂唔順，帶晒佢地出去放電，但大熱天時無地方去無o野做於是即興決定去睇戲？同唔到細路睇戲咪做第二樣囉，仲有好多親子活動。有好多 sports／跑跑跳跳係你作為爸爸先同細路玩到，主攻呢類

6）你地上一次一家四口旅行係幾時？或者試下 plan 個短 trip，剩係 4 個人，無 99 無外母無工人。老實講你老婆咁 attached to d 細路，二人行就真係有 d 難度o架啦，我都無本事掉低個仔幾日同老公去旅行。但去第二度起碼有 d 新意有 d 轉變，或者容易 d 傾下計。你地當年去邊度 honeymoon o架？同佢重溫下。男人記得呢 d，女人會好 lum

私人傳訊

a+++

複式洋房

積分: 382

151^#

發表於 13-8-14 23:33 |只看該作者

回覆 Bling11 的帖子

你觉得我无看版主所写，那就当没有啦，有什么所谓。

人一般都只会看到自己想看，听自己想听，说自己想说，想自己所想。

版主写自己做了几多几多，对老婆几好几好，我只系想带出，老婆系米甘觉得，又系米她想要的。会唔会如我所问，她觉得自己做所有？有工人令她兼顾的多了，两个工人相处好不好，达要求帮到手还好，帮倒忙就烦多样，所以几多人也没意思，帮到的一个都足够。如果奶奶在，有时婆媳关系也很花心思。

得罪讲句，版主讲过实现幻想，太太知道吗？若要人不知除非己莫为，会唔会太太因为甘面黑？

讲到尾只有问不要猜才可以解决根本问题。

好明白版主处境，希望好快雨过天清。

私人傳訊

salem8899

複式洋房

積分: 307

152^#

發表於 13-8-15 00:27 |只看該作者

回覆：john_doe 的帖子

你嘅情況我非常感受到。好似做乜都唔啱口味，硬係無病呻吟。一方面又話比上不足比下有如；一方面又好似全世界欠左佢咁。

女人係矛盾嘅，魚與熊掌兩樣都要齊仲要有獎抽。好難搞。

私人傳訊

mugtaitai

公爵府

積分: 28239

153^#

發表於 13-8-15 00:41 |只看該作者

john_doe 發表於 13-8-13 17:56
Hello A+++多謝你回到覆，我既回應如下:

首先，佢唔係一腳踢，小朋友現有既課外活動入面，70%係我多方打 ...

想問問太太同令堂之間有婆媳問題嗎？令堂有幾經常喺你屋企？
我咁問係因為我99都好經常喺我屋企，我99算係一個合理嘅人，亦都對我好客氣，我地相處上冇大問題，我亦好感激99喺我當年仲要返工嘅時候幫手湊過我仔（我一路都有工人，但99同令堂想法一樣，覺得細路有個自己人睇住矜貴d，所以 volunteer 過來幫手），而家仔大了（9歲），我又做埋 FTM，其實99並冇需要再過來幫手，我其實好想過返自己一家一主嘅生活，但我講唔出口，一來99唔難相處（生活習慣上嘅分歧當然有，相就一下並唔太難，但仍然有嘢要相就），二來我做唔出過橋抽板，而家唔使99幫手就叫佢唔好來，但餘生99都會介入我地一家嘅日常生活呢個事實相當困擾我，未至於影響夫妻感情，但我唔否認當我連續對住99好幾日時，會覺得有d厭悶，情緒多少會受影響，係會冇咁歡容

私人傳訊

Bling11

子爵府

積分: 12943

154^#

發表於 13-8-15 13:22 |只看該作者

a+++ 發表於 13-8-14 23:33
回覆 Bling11 的帖子

你觉得我无看版主所写，那就当没有啦，有什么所谓。

人一般都只会看到自己想看，听自己想听，说自己想说，想自己所想。

版主写自己做了几多几多，对老婆几好几好，我只系想带出，老婆系米甘觉得，又系米她想要的。会唔会如我所问，她觉得自己做所有？有工人令她兼顾的多了，两个工人相处好不好，达要求帮到手还好，帮倒忙就烦多样，所以几多人也没意思，帮到的一个都足够。如果奶奶在，有时婆媳关系也很花心思。

得罪讲句，版主讲过实现幻想，太太知道吗？若要人不知除非己莫为，会唔会太太因为甘面黑？

讲到尾只有问不要猜才可以解决根本问题。

好明白版主处境，希望好快雨过天清。

你聯想力都幾豐富，連樓主冇講的你也可想像出來，有埋場景，勁！可以做編劇。冇工人又話辛苦，有工人又話辛苦，即係想點...

私人傳訊

snoopylin

大宅

積分: 1183

認識瑞士牛牛第二回育兒性格勳章

155^#

發表於 13-8-15 14:14 |只看該作者

回覆 john_doe 的帖子

我有個男性朋友同你差唔多, 有2個女, 老婆細佢8-9年, 所以成日發老公皮氣, 老婆好惡, (大,小事都嘈,遲返5
分鐘回家食飯都昭嘈) , 食到老公啪啪聲.

唉......我知道男性朋友好可憐, 但唔知點好, 做老友都出唔到聲.

不過, 你要加油, 慢慢同老婆傾下, 老公同小朋友都可以同等級對待, 明天會更好, 離婚會影響小朋友將來,萬

萬不可.

私人傳訊

pywongpywong

大宅

積分: 1088

156^#

發表於 13-8-16 00:59 |只看該作者

引用：回覆+john_doe+的帖子其實黎黎去去得幾條路

原帖由 mini1204 於 13-08-13 發表
回覆 john_doe 的帖子

其實黎黎去去得幾條路:

講得好！非常認同！

私人傳訊

pywongpywong

大宅

積分: 1088

157^#

發表於 13-8-16 01:06 |只看該作者

回覆：男人訴苦水 II

不如考慮下寫信給你太太，把心裡不開心的事和開心的事寫出來，最少你可以給她知你的感受和希望大家想怎樣改善。希望可以幫到你。

私人傳訊

gbmama

大宅

積分: 1516

158^#

發表於 13-8-16 11:11 |只看該作者

回覆：男人訴苦水 II

我認為做full time mum一定攰過返工，諗食咩，做咩功課，溫咩書，分配時間…………所以我唔會做囉，哈哈。。。

其實你地有冇拍拖時間？即係兩個人，冇細路。
我都生左兩件，就算有工人都好少時間兩人共處。

其實你可以坦白d同老婆講你既感受，難處。
我有排又係“性冷感”，搞到老公出走偷食。我希望你唔會啦。

私人傳訊

poopoob

大宅

積分: 1317

159^#

發表於 13-8-16 18:51 |只看該作者

樓主唔係唔想二人世界, 佢認為生左小朋友之後都應該有D獨自相處嘅時間.
不過佢老婆就" 仔啊, 我D仔啊, 我對眼唔可以離開我D仔啊!!!"

你唔想24-7 都仔啊仔, 你老婆應該就係覺得想一日要30個鐘圍住D仔.
你試下有時比半日Break 個老婆, 幫佢做家務, 睇小朋友功課, 等佢可以抖下. 可能佢都唔記得左,自由自在過半日係咁爽.

要一個人開心同你去行街, 我諗你要清楚老婆心裡面個list.
當日要做嘅野未處理, 佢應該老死都唔要出去.

某程度上, 令另一半開心, 就係幫佢解決困難.
佢開心, 你都應該有得益嘅.