想生BB 今日: 3 | 主題: 109568

積分: 452

141^#

發表於 07-2-14 16:08 |只看該作者

Re: 今日好down.....

仲有件事都唔記得講添, 平時我既行程會去吓萬0同屈人行吓睇吓有咩減價呀! 但係點知我呢幾日去個兩間搵棒棒喎, 點知無哂貨喎! 仲要係全線呀! 都唔佑做乜會咁呀!
激死呀! 我未入貨嘛! 都唔知幾時返貨呀!

私人傳訊

積分: 1511

142^#

發表於 07-2-14 16:15 |只看該作者

Re: 今日好down.....

Naiyauso,

係唔係大減價呀 ?
我上次在萬0買了葉酸而家日日食，遲 d 等減價時都想買鈣及iron 食呀 ~

你有沒食呀 ?

私人傳訊

積分: 452

143^#

發表於 07-2-14 16:22 |只看該作者

Re: 今日好down.....

ccmssm, 我都有食葉酸呀! 我係食HCL既妳呢?
其他我諗住等有咗先食呀!

私人傳訊

積分: 30295

144^#

發表於 07-2-15 12:54 |只看該作者

Re: 今日好down.....

ccmssm, Naiyauso, timlc,

哈哈~~ 傻啦, 我邊有咁好記憶力呀, 我個腦豆潤咁細架咋~~~
其實我係開左個word pad, 一邊睇住大家既留言一一邊打回覆~~ 嘻嘻~~
咁做除左可以一次過回之外, 仲可以防止我唔小心手痙攣禁左2次esc! 我試過好多次架啦, 就黎打完, 忽然手痙攣咁連禁2下, 結果就全部洗晒...... 真係激到我c 咁濟呀!!!!
所以而家一到打d大篇野, 我一定會用wordpad!!!

係呢, 大家有冇量基礎體溫架?
我d體溫好奇怪, 上上落落咁, 人地應該好靚咁有少少上落, 但唔會好似我咁, 好似坐過山車一樣, 上到98.幾度, 跟手就直插落96.幾!!! 真係痴鬼左線!!!

大家尋日情人節去左邊呀?
我同老公去左海洋公園玩~~
今次冇乜點玩機動遊戲(老左啦麻, 唔似得18,22), 剩係玩左摩天輪, 同埋一個會一邊轉一邊升上去望風景架呢, 幾得意~~
以前都去過海洋公園, 不過同老公黎就第一次! 覺得好新鮮, 好特別, 即使係睇潛水員餵魚都睇到嘩嘩聲, 睇到d海獅游黎游去又覺得好好玩!!
跟住夜晚去左維園行花市, 剩係買左d野食, 行足成日, 腳到跛呀~~
跟住就搭車返到元朗, 買壽司刺身返屋企食, 真係完滿的一天呀~~~

ccmssm,
冇呀, 老公放假呢幾日都係一齊執屋, 仲要執到鬼死咁攰!! 邊有力

呀!!

尋日同老公去海洋公園玩, 熱到死, 都唔敢買杯雪糕食呀~~
有冇覺得, 我地為左想生bb, 生活飲食健康左好多呀!!!!

我直頭覺得我99佢好有問題啦!!! 明明有好多野佢自己都唔會做, 但就要求新抱一定做!! 呢d咪叫做"待人以嚴, 律己以寬"囉!!

其實我都仲會嬲架, 不過一黎而家佢未有野激到我, 二黎我覺得與其成日用d負面既語氣去講, 倒不如用d反諷既方式去講出黎, 人地聽唔嫌, 我都悶啦~~~ 改變方式, 大家笑下, 幾好~~

我覺得勝利牛丸唔係真係咁好食姐~~ 唔明點解咁多人鐘意去食?!
其實元朗仲有好多好野食架~~ 不過一講開食, 真係3日3夜都講唔完~~ 下次妳地入黎元朗, 我介紹幾間好食既野比妳地丫~~

timlc,
嘩~~ 杜ec都幾西利架喎~~ 如果呢個醫師唔掂, 我就去睇妳呢個啦~~

老火湯都唔得架?! 咁花膠湯呢?? 我婆婆成日煲比我飲架喎~~
好彩我平時d湯都唔係煲好耐架姐~~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

積分: 442

145^#

發表於 07-2-15 15:06 |只看該作者

Re: 今日好down.....

小寶貝兒:

你住元朗, 我住屯門, 都好近喎~
如果你想去看杜EC, 可以同我講, 我再比佢個contact 你, 花膠湯好多BK sister講對bingo有幫助, 咁之前我都有飲, 不過杜EC話我體質不能進補, 就算花膠同燕窩都唔好, 可能一DD人啱飲, 不過佢就話涼茶同老火湯害人不淺, 佢話打邊爐D湯都係滾足2個鐘, 都覺燥, 咁如果老火湯成2-3個鐘都係一樣, 而且無益, SO45分鐘至1個鐘可以LA.
我都有量基礎體温, 不過真係好麻煩, 有時又唔記得量, 不過D體温又係好似你咁, 時上時落, 可能排EGG那日又唔係最低温喎(m前14日量), SO 我懷疑自己無排EGG, 有時又担心自己D M來得5日,覺得子宮璧THIN 咗, 因為上年做咗子宮頸瘜肉切除, 個醫生仲刮埋宮添, 好担心, 希望3月份檢查能夠無事LA

"待人以嚴, 律己以寬"

我發現這種人真係好差, 自己就咩都得, 對人地要求又高,又無同理心, 唉

昨晚同老公去咗辨年貨, 去PK超巿買禮物, 99就在家執屋, 我地叫佢一齊出去吃飯都唔肯, 怕做電燈膽,佢真係好通氣.
雖然無咩節目, 不過我C6都送咗禮物比我, 不過我就無野比佢LA

私人傳訊

積分: 1511

146^#

發表於 07-2-15 16:28 |只看該作者

Re: 今日好down.....

Naiyauso,

我就食 GNC ，不過都幾貴 $5X/100 TABLETS/400MCG.
我同事買那 D $2X/100 TABLETS/ 2MG...唔知點解那麼平呢 ?
你那隻幾多錢呀 ? 我聽 D 藥劑師話鈣食左先對自己本身好。
因為 BB 會要好多鈣去生長，而我們會大量流失，因此我們也先要保一保 ~.~

私人傳訊

積分: 1511

147^#

發表於 07-2-15 17:11 |只看該作者

Re: 今日好down.....

小寶貝兒,

等我都學下你先，那就可以一口氣講曬我想講的說話先。你琴日都幾正啊 ! 全日都是2人 WORLD.
我就沒啦，因為 99 得一個人在家又唔通氣..而且我們又打算四時放假去旅行想儲錢，因此邊到都沒去。在家食飯而且大家都沒買禮物比對方 :cry:
不過，發生了一段小開心事。事緣我朋友借了齣"大話妹"老番比我睇，點知家的 DVD 睇唔到 :-(
我老公景然主動話落行買部新 DVD 機 (因為要大陸 DVD 機先睇到老番 ) ，嘩 ! 開心都我呀 !!!!

因此，我琴晚仲自己煲到成點幾呀 ...
這個就是我們第一個結婚後的情人節了

講到飲湯呢 ~ 以前我一定唔飲我 99 煲 D 藥材湯，而家為在保下身體，我都會啃

飲食真是節制了，我以前是 M 記等垃圾食品超級 FANS..而家一個月先食一次。見到 D 凍奶茶真是流到一地口水都唔感飲...COFFEE 又因為我胃唔好要開始介 ... 真是好像沒曬人生樂趣一樣。不過，我同自己講，只要我努力上天是知道的，他一定聽到我想要一個健康寶寶的聲音

我都好鍾意睇你形容你 99 D 部份，因為真是形容得幾生鬼。那一句"待人以嚴, 律己以寬"真是要自己都時常反省 ~

其實我中學時住過元朗，因此記憶中勝利同 B 仔都縛正...不過多年都沒再食過啦。次次入嚟都是留在家姐家玩 DOG...講開又講都有幾個月沒入過去了。那下次你一定要介紹下 D 好野食比我啦，因為我是勁愛食之人。

timlc,

我 99 成日都煲藥材湯都唔知我受唔受得。唔飲又好唔比面。上次佢知我因為虛來唔到及走唔到 M 後，琴晚煲在 D 高麗人參+當歸湯比我飲。我都唔知我飲唔飲得，不過都照飲左 ~ 不過，佢成日哦我叫我今次睇完沒事就唔好再睇，否則沒病都比 D EC 用藥引到 D 病出嚟呀 !!!
我就唔打算理佢，照睇，因為我唔多同意佢睇法。問題係，煲藥佢一定知，那時實又哦...

都唔知點好 ~
仲有呀 ! 3月份檢查實無事，你唔流擔心，你努力是不會白費的 *.*

番多一日，就可放假啦，真係好期待呀 ! 唔知有沒得收早呢 ~
今年是我第一年派利事，好緊張，我唔知要派幾多，因此我換了好多啊 ! 希望有得靜啦 ~ 你們，第一年時又是點的心情呀 ?

私人傳訊

積分: 452

148^#

發表於 07-2-15 17:41 |只看該作者

Re: 今日好down.....

ccmssm,
我個個係59/100 tablets/ 5mg呀! 都ok掛!
依我聽妳咁講我都去吓先!

私人傳訊

積分: 442

149^#

發表於 07-2-15 18:39 |只看該作者

Re: 今日好down.....

CCMSSM,

承你貴言la, 希望三月check 到無事la

哈~返埋明天就放假, 原本我放到初四, 而家Law 2日假陪C6, 可能計劃下去澳門LA,
我今年第2年比利是,記得第1年時唔係好慣, 不過比D FRIEND時又好開心, 因為我要求佢D 要講祝賀說話到我滿意先比, 我個FRIEND仲抵死,去佢家裏拜年, 佢預咗人人都有利是, 但佢準備咗唔同銀碼利是, 大家當抽獎咁抽, 有人抽到100, 有人抽到1元, 不過最後1元那位都有比多封$10,

那年我好似抽到100, 哈, 佢又住得近我, 有EARN 呀!

私人傳訊

積分: 30295

150^#

發表於 07-2-16 13:51 |只看該作者

Re: 今日好down.....

timlc,
咦~~ 妳住屯門邊頭架? 我細個都住係屯門架, 而家間屋比左公公婆婆住, 我媽子老豆就搬左去天水圍, 我結左婚就搬黎元朗~~
我以前住係"虹橋"架~~

好呀好呀, 我到時問妳攞杜ec既contact丫~~
我個醫師都話而家我唔補得, 會虛不受補, 仲會肥多幾錢重~~ 所以我婆婆煲比我既花腸湯我都只好冰住佢, 等過多一排先飲~~

我都擔心自己究竟有冇排卵, 我之前睇果個西醫, 我比體溫佢睇, 佢就剩係話我亂, 荷爾蒙好亂, 叫我食排卵藥, 結果咪lai晒野囉.....

唔使擔心, 3月既檢查一定冇樹既!!
話唔定未到3月就bingo左呢~~

唉~~ 我99d野, 真係講都講唔晒, 今日之麻, 我頭先落去幫手拜神同埋攞d野上黎拜神, 因為我好多年前受左浸, 所以99叫我唔好整拜神野! 話我咁耐冇得生, 就係因為我幫手拜神!!!
但唔夠5秒, 佢又叫我拜3拜!!!
清明重陽又要我返去拜山拜祖先, 結婚當日又要我拜, 又要我跪!!
我知呢d係中國傳統, 但我真係好無所適從囉!!
第一, 佢而家覺得我未有bb, 責任全在我身上, 我頭先都唔知幾想同佢講 "你個仔唔掂我, 我點有bb呀? 有左你地都話我勾佬啦!!!"
第二, 明明話我信教, 叫我唔好拜, 5秒唔夠就叫我拜3拜!! 呢d咩理論黎架?! 都未計佢叫我去作福轉運呀!!!
講到尾佢都係覺得冇得生係我既責任, 然後將我曾經受浸呢樣野攞黎做借口!!
大姐呀, 我受浸果時都未識你個仔, 我點知將來你會因為咁而將責任推落我度架姐!!!!

妳就好啦, 99咁通氣~~
我前日都唔知幾驚, 因為99好興係我地去拍拖行街既時候打電話黎, 講到十萬火急叫我地返去, 返到去就若無其事, 仲講埋d風涼話 "哎呀, 咁快就返啦, 唔玩耐d先?" 然後我地就發現, 佢所謂既"重要"野, 只係叫我地攞某樣野比佢!! 當時我地仲同緊佢其他仔一齊住, 叫佢地攞過去都冇問題架啦, 點解一定要急召我地返去?

timlc,
咦~~ 我公公果邊又係會咁樣架~~ (抽利是)
因為我公公初六生日, 每年呢個時候個個都會黎食飯(平時個個星期都會黎, 但未必咁齊人), 咁新年既利是就派左, 所以呢次派既就係公公生日既利是, 前年開始媽咪話搞d新意思, 於是就分100蚊, 50蚊, 20蚊同10蚊封
結果前年我屋企抽到3封100蚊呀~(total只有4封), 我自己都抽到50蚊呀~~
到左上年, 又係勁旺, 我老公抽到100蚊~~ 哈哈哈~~ 結果d舅母妒忌, 話以後邊個抽到100蚊, 邊個就要洗碗!!! (因為成廿幾人食飯, 要開2檯, 剩係d碗碗碟碟都洗死人!!)
其實平時佢地都唔洗架啦, 搵借口之麻!!!
好好笑架, 我地仲會攞住封100蚊同公公影返張相, 影到好似"班"獎咁~~

今年都會繼續呢個好玩既遊戲, 今年我屋企仲陣容龐大, 有成8個人呢~~ 有我爸媽啦, 我同老公啦, 我細妹同佢bf啦, 仲有細佬同新鮮出場既女友~~ 咁抽到大野既機會又高好多啦~~ yeah~~

到時d舅母實會妒忌, 又會講呢講路, 我呢, 就一定會同佢地講 "邊個叫妳地生咁少呀~~ 有bf/gf又唔帶黎~~ 我都冇計架喎!!!"

ps, 我地全家人都成日串黎串去, 大家都唔mind既~~

ccmssm,
我就係食緊28蚊100粒果隻喎~~
唔知有冇咩分別架呢??

但係食得過多鈣會唔會唔好架??
等我見醫生時都問下佢, 使唔使食定先~~
我都怕有左bb之後會牙痛同骨頭脆呀~~
我d牙本身已經唔算好健康, 再比晒d鈣bb, 睇怕我都要提早整付假牙lu~~

呢, 我頭先又手抽筋啦, 係咁狂禁個esc制, 好彩我係用word, 唔係又全部冇晒, 我會發癲架!!!

嘩~~ 一齊去買dvd機呀~~ 好sweet呀~~~~

哎呀~~ 妳都唔知, 我好難得先有日可以同老公2人世界去玩下架~~
平日佢就要返工, 星期六日又要補課, 放左工就係係屋企攤係梳化望電視!
所以真係要到有長假期我地先可以去行下玩下架~~~ 好珍貴難得架~~~

我仲記得上年情人節老公要返工, 咁我就買左d材料整西餐, 係屋企食candle light dinner (結左婚, 乜都要慳, 食唔起成千蚊既西餐, 唯有自己煮~), 結果佢比左個驚喜我~ 放左工叫我出去接佢, 叫我去m記等佢一陣(佢搭緊車), 原來佢尋日就係m記附近既花店訂左札香檳玫瑰比我!!
於是佢就攞住札花, 攞入黎m記, 送比我!!!!
當時真係好開心啊~~ 因為呢次係佢第一次識得主動送花, 唔使我提唔洗我搵埋花店比埋電話佢!!
跟住我地就攞住札花係元朗遊街, 之後就返屋企食我煮既西餐啦~~ 好彩我一早打算用d現成野(罐頭龍蝦湯, 忌廉汁海鮮意粉) 沙律一早整好, 爭個汁, 仲有甜品又係一早整好, 所以好快就可以上碟~~~

上年就懶浪漫, 今年就好健康~~ (行左咁多路仲唔健康?!

)

我都成日反省自己有冇好似99咁乞人憎架!!!
不過我份人對自己都隨隨便便冇乜所謂, 所以我對人都冇乜要求~~

好呀, 下次妳想食咩類型既菜, 我再介紹妳邊間好食丫~~
我覺得元朗都幾多好野食架~~

我上年唱左4,5千蚊, 差唔多派晒~~
今年因為上年結婚時我媽咪封左2千蚊既20蚊利是比我結婚當日派, 當日派唔晒, 所以我留返今年派, 都有成千蚊架~~ 真係多謝晒媽子~~ 聽日見到佢真係要"岳"返2啖~~ (我地屋企人好興鍚黎鍚去既~~ 我每次見到公公婆婆都要鍚下佢地, 臨走又會鍚下佢地, 我都會鍚下媽子老豆同細佬妹架~~)

上年派利是果陣真係有少少唔好意思咁架, 同埋我同timlc一樣, 都要佢地講返幾句恭賀說話先會比~~~ 嘻嘻~~

私人傳訊

積分: 442

151^#

發表於 07-2-16 15:16 |只看該作者

Re: 今日好down.....

小寶貝兒,

我住係田景健生那邊架~ 我覺得你d樂觀性格可能真係因為你有個快樂的大家庭, 你d家人都好warm呀, 一大個family都咁close, 我媽只生得我一粒咋, 由細到大都只是一家三口去拜年, 所以未試過團拜, 因為我d 舅父同婆婆公公全都在內地, so 我都幾悶, 好羨慕d 人有兄弟姊妹, 起碼可以分擔下屋企, so 如果我生得, 起碼生2個, 我老公那邊那大家庭既, 雖然佢得一個細佬, 但62同99有好多兄弟姊妹架~

我都係基督徒呀, 我受咗洗ka la, 所以我成日都祈禱, 希望天父憐憫我比個bb我, 我99知道我係教徒, so結婚時唔使我拜神, 清明重陽都唔使我上香, 佢而家想連神櫃都唔要, 因為佢話佢百年歸老無人會上香架la, 不過我媽就好仲意拜神, 佢知我唔會拜, 佢就幫我祈福, 其實, 如果你受咗浸既, 你都不妨多為你生BB的事祈禱, 求佢比兒女的產業你, 我都會幫你祈埋, 仲有呀, 反正你99都係推晒落你度, 咁你唔使同佢上香, 因為佢都係姓"賴", 這種老人家真係好難相處, 仲意難為家嫂,

你老公都好好呀,會親自比花你, 我老公只會訂花咋, 佢連Law花都唔肯架, 怕人地笑, 所以我收到花, 都係自己Law出街,

我老公近日成日為公司d野心煩, 到而家都未開過工, 佢話留番新年喎, 不過我知佢會一日推一日, 唔知d男人係咪試過之後會減興趣呢,

加上排egg期都過咗, 都bingo無望 :-(

至於鈣片, 你其實如果有飲奶同豆漿, 豆腐, 連骨小魚, 都不用特別吃, 如果你吃營養品, 你要留意一日只需800 - 1000mg, 不用吃太多, 因為多咗都會浪費,仲要每粒份量唔多, 咁先可以吸收, 好似200mg咁, 一日吃3粒之類,
葉酸相對重要, 因為佢對BB形成28日內幫助腦脊隨發育, 你日日吃西柚都有葉酸, 蔬菜同水果都有架... 不過除葉酸, 你都要吃多D 鐵質同維他命b食物, 好似麥類, 可以補血呀!所以你可以試下一隻比女士甚至大肚婆的維他命礦物質補充品都得架, 唔會過多,
D人話生仔比埋牙D鈣比BB, 其實唔啱架, D人生完脫牙, 係因為大肚時的荷爾蒙轉變, 容易有牙周病,D牙咪會掉Law, 我都有牙周病, so 我成日半年洗一次牙, 仲脫咗3隻智慧牙, 為咗令大肚時無咁多牙患, 要看牙醫怕影響bb

祝豬年心想事成, 早生貴子, 一 take bingo

私人傳訊

積分: 1511

152^#

發表於 07-2-16 16:11 |只看該作者

Re: 今日好down.....

小寶貝兒,

我同老公拍了三年都沒收過花，點知上年臨結婚之前的情人節佢特然送花比我。開心都我死呀 !!! (因為，佢是超級實際而且唔浪漫的人) ~~ 花不是我喜愛的東西，而包得都唔特別靚...但心意我是收到

因此，今年什麼都沒，我都唔在意，因為我們是要努力將來。唔可以再花錢做了不太急需的事情

我會效法下你們要朋友說 d 好聽的說話先比利事佢地 ^.^
我今年換了 6000 元，希望有靜啦 :-(
我99都叫我唔好派咁多比人，因為我們都沒有得收入 (沒小朋友)。我心 lam 有都不是我們自己要啦...好似派得最多是去 99 外家囉 <因為 99 的媽咪仲在生，又是圍村人>

你 99 是不是覺得你槍走左佢個仔先 ~ 都好像成日要表現比你們睇佢先至是最重要及要你們時時刻刻都要記住怇一樣啊 !

timlc,
我老公家是教徒反而我唔係，我是無教的。不過，我現正都上緊學習班啦 ~ 因此，反而是我 99 不用我拜神...因此我都想了解下他們的宗教...

你們要不要周圍去拜年呀 ! 我好開心又好擔心 ... 因為我怕我比人笑我肥 :-(

今日成日都唔想做，又沒得早走...真是 ...無了呀 !!! 快 d 放工啦 ...

私人傳訊

積分: 452

153^#

發表於 07-2-22 10:44 |只看該作者

Re: 今日好down.....

各位首先恭喜大家發財先啦, 同埋早日成為媽媽啦! 大家有無個開心新年呀?

原來小寶貝兒同timlc 都係教徒嚟嫁, 但係我唔係呀同ccmssm一樣呀!
但係ccmssm既99個邊係咁應該99都係會好d先係嫁, 但係……..

妳地好勁呀可以派到咁多利是呀! 我都係換咗3千榨, 應該夠派啦! 我都唔駛去好多地方派呀! 只係屋企得家姐個女同埋d表弟要派呀! 反而同事朋友就多d呀! 好彩我係屋企最細既, 所以都係有得收返既!

仲有呀妳地情人節個個都有花收呀! 我一塊葉都無呀! 激死呀!

不過最淚死既係我99明知個日係情人節都叫我老公返去幫佢家姐整機呀! 又話我地都結咗婚啦唔駛理呢d節日喎!

到我們去派利是個陣又話自己同62 執屋執都好累都無人幫呀! 佢地d親戚又嚟話我地倆個都唔識做喎唔去幫手喎! 大路呀! 我都有自己間屋要執啦, 仲要執到年三十呀! 同埋佢家姐同佢地一齊住呀佢都唔幫手啦, 咁做咩話我地喎!

唉! 仲要年初二一早去澳門拜年喎! 又要坐成7點鐘船咁早喎!返嚟仲慘呀買咗12點半船票呀! 又只係去幾個親戚度喎邊洗咁早呀! 攪到個個都好攰呀! 最慘係我62呀, 佢都成72啦, 仲要被我99叫佢周圍去喎! 唉! 見到佢咁辛苦都唔知為咩呀!
我99自己一心想返去見吓d屋企人呀但係又唔約佢地喎! 話新年唔會出街喎! (大佬呀一定等妳咩咁大個人做野都無分串既) 好啦, 到我地上咗去又得佢媽係度喎! 個個都去咗第二度喎!又要人地走返嚟喎! 真係大哂咩!

仲有呀!佢家姐又係傻傻地既見佢倆老大包細包都唔幫手呀! 佢一家人都真係見到都激死呀!

邊有我個邊咁呀, 咩都係我地幾姊妹攪妳先叫阿媽阿爸去既, 邊駛佢地煩呀!

私人傳訊

積分: 30295

154^#

發表於 07-2-23 03:00 |只看該作者

Re: 今日好down.....

各位姊妹,
新年快樂!!
[size=x-large]祝大家年生貴子!! 三年抱兩!!

話時話, 大家下一次開彩係幾時呢??
我就真係唔知我係幾時, 因為我d經亂到九彩~~ 但聽日係day31, 我打算驗一驗, 唔中就安心等m小姐~~

timlc,
大家庭有大家庭既唔好既~~
例如過年要就晒全世界食飯就夠麻煩啦!!
就左幾年都唔就囉, 直接話年廿九食, 大家年卅晚各自各精彩囉~~

不過講到尾, 其實我都想生3個~~ 哈哈~~ 唔知老公養唔養得起姐~~~

其實我以前係基督徒, 而家就監介d, 因為我已經冇再返教會, 冇再睇聖經, 所以我都唔知而家仲算唔算係~~
哈~~ 我打算佢百年之後就一切從簡, 費事煩!! 除左初一十五會換生果, 其他d咩節日要拜神呀, 又要次次唔同野, 邊記得咁多丫!! 仲要其實佢自己都次次唔同既, 咁我點跟?? 倒不如我記得幾多就做幾多囉!!
至於同唔同佢上香, 唔關我事丫, 呢d係佢個仔既責任囉~~

係唔知點解結婚前既情人節會忽然醒覺, 識得主動訂花送花~~

點呀, 新年假有冇"梅開幾度"呀?

我呢~~~ 3度呀~~ 哈哈哈~~ 不過我都唔知有冇排卵(d體溫好亂), 所以純享樂多d~~

我唔係成日飲奶同其他妳講既野架喎.... 咁有左時咪要問醫生攞d鈣片食下?!

果隻比大肚婆既維他命好貴啊~~ 到有左就叫老公破費下啦~~ 而家都係剩係食住葉酸先啦~~

承妳貴言~~

ccmssm,
係呀, 佢都係超級實際既人, 所以收到佢送花既心意先係最開心架麻~~

嘩~~ 換6千咁多??

我頭先計一計, 今年總共準備左4千蚊利是(有d係上年剩返既!), 都仲未派晒, 睇黎有得剩~~ 好彩好彩~~

妳99係圍村人啊~~ 唔怪之得妳要唱定咁多啦~~ 有時真係好呢hea架~~ 好彩我一去到62同99條村我都足不出戶, 除非有人入到黎逗利是啦, 如果唔係就唔使派咁多!!

係呀, 我99就係想全世界24小時圍住佢轉, 最好佢未出聲我已經知佢想點同埋服侍埋佢, 仲要唔可以有怨言!!
我老公先搞笑, 同99講, "妳係咪每個月比2皮野我, 仲年年加一千先!! 係我就朝8晚5一星期5日standby係妳身邊!!! 唔係就唔該唔好再嘈啦!!"
連親生仔都頂佢唔住呀, 我點頂得佢住丫.....
唉~~ 總之遇到呢d咁既99, 梗係我前世做左好多壞事, 今世要還.... <-- 唔咁樣諗我就真係會癲架啦!!

Naiyauso,
哈哈~~ 我而家都唔知應唔應該算係教徒呢?!

唔係我想派咁多利是架 ~>"<~
唉~~ 我又係冇乜得收入, 我同老公都係大家姐大哥, 對落幾個細佬妹, 對上d表哥(我仲要冇表哥表姐架!!)又話我地結左婚唔洗比我地, 結果我地就剩係收長輩果d囉.... 同輩果d唔洗諗啦!!

我99又係好興係我生日呀, 情人節呀呢d日子就叫我老公返去幫佢手整d乜乜物物, 例如叫佢返去攞d咩咩咩比佢, 但返到去發現原來其他仔都係屋裡面(當時同住), 個個都唔叫, 偏偏就要叫個出左街既仆返黎攞野比佢!!
所以到左今年情人節, 老公話除非死人冧樓, 唔係都唔洗旨意佢會返去!!!
結果果日99咪又打電話黎!!! 好彩老公較左震機, 聽唔到, 後尾先知又係d無聊野!!

係呀, 我99又係鐘意係d親戚面前呻, 又話煮團年飯點辛苦呀, 又話我唔幫手呀, 實情我就企左係99身邊幾個鐘, 幫頭幫尾, 好彩62都睇到, 幫我講返幾句, 唔係又係屈我食死貓!!

哈, d老人家真奇怪, 個個都以為對方一定會留係屋企等你, 但係問題係, 個個都留係屋企, 仲邊有人去拜年呢???
梗係打左電話去先架啦麻!!! 發神經!!

私人傳訊

積分: 1511

155^#

發表於 07-2-23 10:34 |只看該作者

Re: 今日好down.....

各位可愛姊妹們，

新年好 !!!
這個新年我過得就唔多愉快啦 ! 因為，由最初打算唔執屋到最後十分無奈要獨力打掃一個六年沒人打掃的厠所。由最初d磚裙曬黑邊到雪白白，呢個過程真是好難忙，用左我一個下午

本來都好開心，就是因為我太小家氣同老公呻做得累，哦到我老公已一句 "唔做唔好做，做左唔好呻"做結尾後。我們進入了不理不彩的態度由年三十到初二晚，什麼花市呀 ~ 開年呀~ 我們都是面左左，連我 99 都問我做咩激親佢個仔。
:tongue:
小寶貝兒, 你就好啦 ! 梅開3度...因為太累又沒時間而家一度都沒呀。

我都是經亂到九彩...初廿五先完...昨天又來...明天又要睇 ec 了... :-( :-( :-(

Naiyauso, 你就好啦...我們而家已經派左三千啦，仲有好多朋友未派呀...真是大出血呀

我打算找個保險朋友仔問一下，佢話有個 plan 可以入去私家生 bb 而可 claim 番 $$$ ~
請問大家有沒聽過呢 ???

私人傳訊

積分: 442

156^#

發表於 07-2-23 10:42 |只看該作者

Re: 今日好down.....

小寶貝兒, ccmssm, Naiyauso,

祝開工大吉, 一擊即中, 三年抱兩, 恭喜恭喜!

今日終於返工la, Law咗二日大假, 由年三十至初五, 我同老公都做咗連體嬰, 哈哈!

小寶貝兒, 我都明白有時太大家庭有時都幾煩, 起碼利是都派多d, 我今年好似派咗$2000咋. 係封利是那晩, 我問99要封幾多比d親戚, 佢話每人$20咪夠Law, 你都無得收, 只係比, 唔使咁多la, 今年快d生返個bb la (佢第1次咁話), 我話: 我都想~你問下你個仔la, (指住個肥老公), 跟住話佢有好多衰野真係講唔出, 99話: 話比阿媽聽la, 係咪唔戒煙呀, 點知, c6竟然話: 佢怪我做得少

.... 99笑一笑無講野, 即時轉話題,,,,

有無搞錯, 這些事都咁話比長輩聽, 仲話到我好需求咁.....

Naiyauso同寶貝兒的奶奶如果識得, 似乎都會幾夾喎, 我估都係好着緊多習俗, 好似唔可以著黑衫呀, 唔可以亂講野咁, 好似我個friend個媽媽咁, 佢BF去佢家拜年唔可以買橙(慘), 買野要買雙數, 唔可以單數 (連提子都數埋架)

ccmssm: 同意寶貝兒所講, 你99係圍村人, 一定要派好多, 咁你有無去圍村吃盤菜呀?
我情人節都無收花架, 不過有份禮物咁, 因為部電話壞咗, 我叫佢買比我, 我就送部NDS比佢, 大家都開心, 我仲有SO 添, 因為NDS平D, 而家我玩部機多過佢呀

我今日都day 27 la, 我d cycle 都唔準(30-37) , 杜ec話佢一路唔單止清我d感冒, 仲幫我調理全身, 同埋經期, 希望今次見效la. 新春雖然大家好似連體咁, 但都只係開咗一次工咋 , 希望能夠一擊即中la (好似貪心咗d, 又過咗排卵期添)

私人傳訊

積分: 1511

157^#

發表於 07-2-23 15:03 |只看該作者

Re: 今日好down.....

小寶貝兒, timlc, Naiyauso~

我今日玩左個 GAME 考腦力，幾得意，大家試下呀 !!!
在 SITE 下角有分中英文兩種 ^.^

http://flashfabrica.jf.land.to/P_Flash/brain/iten.html

私人傳訊

積分: 452

158^#

發表於 07-2-23 16:33 |只看該作者

Re: 今日好down.....

Hello, 妳地都開工啦! 我就一早開啦!
小寶貝兒, 妳都真係好勁喎! 3度咁多呀! 我日日有得開工我都不知幾感恩啦! 我隻野話做就做話唔做真係可以成個星期唔做嫁! 真係無妳咁幸福呀!

Ccmssm, 咁妳同老公唔幫吓妳嫁, 我個廁所都好多黑邊呀, 但係我都係唔理啦, 清到就清啦! 邊做得咁多呀!

Timlc同小寶貝兒既99都真係好似吓喎! 唔知係唔係同一個鄉下呢?

私人傳訊

積分: 442

159^#

發表於 07-2-23 18:26 |只看該作者

Re: 今日好down.....

CCMSSM,

我之前都有問過個agent生仔有無得保, 佢話有, 不過幾貴, 好似仲要一年前買定, 一年內生效咁上下la, so 基本上佢話好少人會買, 詳情唔記得la, 總之係我記得我聽完都覺得無咩可能會去買, 除非你肯定你一年內會生得出la, 我這些試過咁耐都未bingo, so 無再想.....

小寶貝兒, 你真係令人羨慕, 可以梅開三度, 我連一度都要講咗半個月先有咋,,,,,, 唉~不過希望你快d bingo la

明天人日, 祝大家生日快樂!

私人傳訊