Re: 0601媽媽會變成獨立的討論區似的?! 還要交會費?!
用一個免費既平台去攪你地自已既嘢真係有d過份,我都贊成你地有個自已既綱咪唔洗煩囉, 你地都係有咁多家庭支持,有個自己綱都得啦!
pinkyhsy 寫道:
各位,
我係0601family呢個會嘅其中一個member,睇咗呢件事幾日,本來我都想由得呢個topic沈落去,無奈每一日上黎都仲見到呢個topic係第一版.
首先,我好大膽咁代表0601family呢個會多謝你地比咗咁多意見我地.
不過,有d野我想講出黎,我唔係要大家去認同我,只係我真係好想呢件事可以到此為止!
我地一如所有媽媽會一樣,由有咗我地嘅小寶貝開始,就上黎呢個平台,互相講下大家嘅開心,擔心野....由有咗到而家,唔經唔覺都已經年幾啦.....我地都好開心可以係度識到其他媽媽,亦都為我地嘅小寶寶認識到好多朋友仔,我地最初都係約埋出黎飲下茶傾下計,大家一齊group order買下平野,交流一下大家嘅情報.
但係我地每一次嘅聚會,都比上一次嘅多...由10個8個,到最近一次已經係18x個家庭,可想而知人數之多~~~
而我地每次出席聚會嘅費用,都係由有出席嘅人夾份嘅,幾多大人,幾多小朋友去,都要比,絕無走數....不過group order方面就有d問題啦,我唔係次次都會訂貨,不過係未成立0601family呢個會之前,就經常有有人認咗頭訂貨,但到交貨時就唔見咗人,無論留言,pm都冇人回應....最後仲唔見咗影.
果時好多時都係d義工媽媽去幫手搵d平野,去同人傾比多d discount,一心為大家攞多d著數,大家都係講個信字,點知訂咗d貨返黎之後就搵唔到人,咁你叫人地點好...自己一個bb著幾件同色同款嘅衫?日頭著一件,夜晚著一件黎瞓?訂咗d食物,多咗出黎個d,食到d野食過期都食唔哂,但都冇辦法要自己頂咗佢.好似過年之前(都幾個月架啦!)佢地開始訂做利是封,bb相貼紙,話訂嘅時候就百幾人話訂,咁d義工mami就攞住呢d 人名order去同製造商傾到個平價返黎,點知到叫人交錢個時,d人就冇哂影,咁d製造商就要加返價....最後,我地嘅主席為免再有呢d事發生,加上我地經常都有咁多人出席聚會,為咗可以方便我地book場地,於是就註冊咗個非牟利團體.
that's why而家我地d group order同聚會都要係member先可以join得.
其實由最初到而家,我真係好開心可以識到咁多朋友,我有咩問題,只要上黎同佢地傾下,好多事好快就可以解決得到!我亦都因為咁係呢度識到好多個知心嘅朋友,大家一齊傾下湊b經,約埋出席聚會,真係好感恩!我好proud of 加入咗一個咁團結嘅媽媽會.我地嘅主席,義工們係每一次嘅聚會都出盡力去幫我地去打點一齊,令我地可以開開心心,大包細包咁又食又拎返屋企.有時有d group order買到d平野真係好開心架!唔係佢地幫我地去搵料,我諗好多野我都會買貴咗!
我地呢個會係好歡迎所有合資格嘅人入,但好強調係自願,我地係唔會強迫人入會.
至於上黎bk傾計,就當然係咩人都傾得啦....我自己就係一個咁嘅人黎,總之個話題啱就會傾,有d野自己唔知就做睇個個.
呢度之前有個媽咪話我地唔睬佢係因為佢唔係會員,我諗係佢諗多咗啦...我地個個都好nice架唔會話唔睬某d人...或者佢入多d去傾多d,投入咗就知道事實係點.老實講,我只係知自己member啫,其他邊個係,邊個唔係我就真係分唔清啦!
不過,我有一點真係想清楚咁話比大家知,我地嘅會員真係好支持自己加入嘅呢個會.大家都當對方係一家人,姊姊妹妹,好關心大家.能夠係bk呢個平台上組織到208個家庭,大家都咁團結,咁和諧...我好希望可以得到你地嘅祝福,令我地可以一直團結直到我離開之日.當然,見到有人挑撥離間,我真係好唔開心!
至於錢銀方面,我地大家都好相信我地嘅財政,亦相信她們嘅為人,每一次聚會都見佢地仆心仆命,為大家著想就知啦(你地冇參與過當然唔會認同,亦唔會知道!)
如果佢地真係有心想攞哂d錢去走佬,何必要去登記註冊呢?政府會有紀錄架ma...冇人會咁蠢呱!
anyway,好多謝你地睇完我打呢段野,亦都希望你地真係可以祝福我地(我唔係要你地支持我地,贊成我地呢個會!只係就當我地好有緣咁係度相聚,可以結識到,之後做到好朋友.)祝福我地嘅友誼.
每個人都總會有每個人嘅觀點與角度,我地大家都係成年人,相信都會有足夠嘅理智去分析及處理事情.我好清楚知道自己做緊d咩,亦都好多謝大家嘅擔心與關心!
地球和火星 完美與破爛 現實對幻象 這樣的差距離還有盼望 嗎
. There is always someone 有理說不清 & 不明.
發表於 
返回列表
