KongSiuB,
唔知我有冇喺度講過，我又好似你咁，有人介紹咗個中醫俾我同囝囝去睇，話好叻醫BB皮膚，D幾個月大BB睇三兩次就好晒，咁咪即刻果個星期六去，嘩，要排成兩個鐘，因為太多人睇，諗住一D好掂啦。咁入到去，個醫生老婆負責執藥同收錢，未坐低佢就問咩事，我話BB濕疹，佢即刻好似教女咁話我做咩拖咁耐先同BB嚟睇，（車鬼知你呢度咩），咁我話唔知呢度有醫生可以睇好，佢即時數話佢老公有幾掂，好快好，有人專登由LA揸8個鐘車嚟睇，又有人一家大細嚟睇～～～BAH BAH～～點知隔離有個阿婆同我講話個醫生針灸就又貴又唔得～～我老公勁唔鍾意個醫生老婆，似hard sell 多Ｄ，又懶醒咁話其中一個陪病人嚟嘅女仔有病，佢話佢一睇就知佢個肝有事，又猛叫佢一起睇埋，佢唔係想賺錢，只係想幫個女仔～～～
如啦，到囝囝睇，都未坐低個醫生就話我地至少要去睇３個月，每星期一次，最少１３次（心諗咁咪好甘？），佢仲話如果囝囝感冒唔舒服，一家要同囝囝去佢度，唔好去睇其他醫生。大约１０分鐘，就叫我去等攞藥，咁佢老婆又講咗好多嘢，好多我都識。醫生叫介雞，魚只可以係咸水魚，唔可以食煎炸嘢，煲多Ｄ湯水，唔食得生冷嘢～～～承惠７０蚊美金，２包細細包嘅藥，煲３次分３次飲，仲話囝囝飲完會嘔，仲係會嘔得好勁，嘔晒Ｄ痰出嚟先好。
我細佬以前喺藥材舖做過，認得Ｄ藥，佢話主要係７星茶，即係開奶茶，要買幾蚊一包。不過唔食雞係好似有少少根據（我聽人講過），生冷嘢煎炸嘢都係啱嘅。後來我細佬問我個醫生名，佢即刻話條友唔掂，因為佢以前女朋友睇咗好耐都唔好，仲批錯病因。
點知陰差陽錯俾我地留意倒囝囝食過老公用蠔油同雞炒嘅飯之後Ｄ濕疹勁發，第日９９煮咗Ｄ有用蠔油煮嘅湯之後又發，終於俾我地知道囝囝對蠔油敏感，遲Ｄ我地會試埋雞。
所以我話你都唔好信你果個醫生啦，好似老點咁。
花旗太太生活在花旗國，留意時差，你問我未必即時答到。
發表於 
返回列表
