少年成長 今日: 0 | 主題: 16098

積分: 33215

1582^#

發表於 11-8-26 23:26 |只看該作者

Muimuipig 發表於 11-8-25 13:44
Dear Sandra,
你好! 我都因為個女一d壞行為而上星期開始睇呢個post 1 頭30 頁( 如我有時間会繼續睇落去), ...

Muimuipig :

答住一半先：
「但我想問佢嘅行為應該係在發洩情緒多過似attention seeking, 我應該繼續ignore佢呢個壞行為嗎? 但我又唔知點樣處理佢嘅情緒發洩...」 ~~ 無論係發洩情緒定係attention seeking, 呢個方法都可以令呢個行為減少至冇, 点解你會覺得兩歲幾小朋友會有咁多「情緒」要發洩呢？佢有好多寃屈？細個嘅小朋友有陣言語能力未可以俾佢即時表達, 會忟憎少少, 偶然發現大叫或掉玩具媽咪會即刻有反應, 咁咪持績咁做 lor, 呢d 唔係情緒, 唔好諗咗咁遠............

私人傳訊

積分: 4442

1583^#

發表於 11-8-27 00:06 |只看該作者

引用：Quote:ShingYan1+發表於+11-8-25+09:57+真

原帖由 SandraLo 於 11-08-26 發表
ShingYan1 :

我明白响外人面前有一定的壓力, 但為咗外人而因此無法改正, 你係咪都要繼續咁做呢？你可以再 ...

我想問讚佢時應該點講？「好叻喎，識得答媽媽」or「好叻喎，冇講個打字」

私人傳訊

積分: 4442

1584^#

發表於 11-8-27 00:11 |只看該作者

引用：Quote:ShingYan1+發表於+11-8-25+09:57+真

原帖由 SandraLo 於 11-08-26 發表
ShingYan1 :

我明白响外人面前有一定的壓力, 但為咗外人而因此無法改正, 你係咪都要繼續咁做呢？你可以再 ...

SandraLo, 忘記咗添，唔該哂你呀。

私人傳訊

積分: 4442

1585^#

發表於 11-8-27 00:23 |只看該作者

引用：Quote:ShingYan1+發表於+11-8-25+09:57+真

原帖由 SandraLo 於 11-08-26 發表
ShingYan1 :

我明白响外人面前有一定的壓力, 但為咗外人而因此無法改正, 你係咪都要繼續咁做呢？你可以再 ...

唔好意思，想問多少少，如果佢出手打或用物件（例如玩具）打我地，有時佢會打到爸爸副眼鏡都跌落嚟，咁都係唔比反應佢？因如我地冇反應，佢會追住我地打。

私人傳訊

Muimuipig

積分: 2361

好媽媽勳章醒目開學勳章

1586^#

發表於 11-8-27 13:50 |只看該作者

回覆 SandraLo 的帖子

Sandra，好多謝你百忙之中的回覆!
其实我覺得亞女係好忟憎自己好多野都做唔到玩唔到(如, lego) 而發脾氣大叫掉玩具，初初我地會解釋比佢聽唔啱，玩具唔係攞嚟掉，係開開心心玩等等...希望可以改變佢，但原來冇用! ...所以我明白喇! 我會繼續用呢個方法，亦發覺佢哭鬧嘅時間減短，好快會自己收聲繼續玩...我會繼續努力，希望可以改善佢嘅壞行為!
感謝你!

私人傳訊

積分: 33215

1587^#

發表於 11-8-27 23:43 |只看該作者

各位：

抱歉因要搬 office 所以極忙, 要遲多一兩天才答得到, 我現在才剛由公司回到家, 明早8時又要到 office 了！

私人傳訊

積分: 33215

1588^#

發表於 11-8-28 22:27 |只看該作者

Muimuipig 發表於 11-8-25 13:44
Dear Sandra,
一個星期後的今天, 我如常出門前大讚她好乖冇推小朋友，亦事前講定如果推小朋友就唔比玩即刻返屋企, 跟住我地出去會所玩... 點知佢又係一野打落個小朋友到，我即刻say sorry抱佢出去著鞋走, 話佢知打人唔啱所以媽媽唔比佢玩要即刻返屋企，佢有大喊大叫, 但又係好快收聲(5分鈡內) 安靜拖住我行返屋企...返到屋企我再同佢講推/打人唔啱，所以罰佢坐naughty chair, 佢完全冇喊過仲叫'媽媽開心d呀!' , 我再同佢講打人唔啱，唔可以再有下次...

Muimuipig :

續前

做法大致ok 架.......... 不過我覺得你即時離開會所冇得玩已經係罸, 返屋企唔駛再罸naughty chair......... (獎罸都要即時)
你現在用的是讚 + 罸, 係work的, 所欠缺的只是一個預告. 即走如你在和他去會所前預告定打人推人就冇得玩要即返屋企, 咁樣佢印象會深d, 記得個指令要清晰, 打人推人就罸, 而唔係「唔乖」, 唔乖太抽象！

私人傳訊

積分: 33215

1589^#

發表於 11-8-28 22:34 |只看該作者

king-cow 發表於 11-8-25 22:48
回覆 SandraLo 的帖子

hihi.SandraLo :
咁我應該點樣話佢知咁樣扭計係唔啱呢.同埋咩時候係最好時機?

king-cow :

我相信你已經話過好多次啦.......... 都係冇用吖嘛........
係讚佢嘅好行為, 等佢持績好行為, 咁就唔會做壞行為, 我唔係已經講咗啦咩？

私人傳訊

積分: 33215

1590^#

發表於 11-8-28 22:57 |只看該作者

joyceyyk 發表於 11-8-26 12:35
回覆 SandraLo 的帖子

SandraLo,
多謝哂，我會努力試下，都會叫婆婆同爸爸配合。
你話用讚，但會唔會讚反而提醒左佢去做呢？有時佢係聽到一樣野即刻做

joyceyyk :

只係頭一兩次會......... 唔信可以肯定咗自己搞唔掂先試我嘅方法.
「我之前係同佢講你如果想食野就坐靚靚，咁佢會坐一陣（幾分鐘都無），跟住又要再提。咁樣會唔會係用左條件叫佢乖呢？定純用讚，咁佢唔乖時我地要點？佢有時會爬上桌上，或企在highchair 勁危險囉。」 ~~ 係獎勵. 定係用條件叫佢乖, 只係一線之差, 效果/影響確實不同, 試比較下面兩句：

1/ bb好乖喎, 坐得好好冇搞碗碟, 好啦, 一齊食腸粉
2/ 快d 坐好就有食腸粉, 唔係就冇得食

看不看得出1/是用獎勵 (正面), 而2/是嚇、罸和負面的？

私人傳訊

積分: 33215

1591^#

發表於 11-8-28 23:05 |只看該作者

Muimuipig 發表於 11-8-27 13:50
回覆 SandraLo 的帖子

Sandra，好多謝你百忙之中的回覆!

Muimuipig :

明就好啦........ 要注意一下程度的問題, 一件玩具在設計上如玩法太深不適合小朋友, 你可能要幫幫他, 和他一起玩, 或找些較易玩的, 讓他逐步得到成功, 增加自信.

私人傳訊

積分: 33215

1592^#

發表於 11-8-28 23:07 |只看該作者

本帖最後由 SandraLo 於 11-8-28 23:10 編輯

ShingYan1 發表於 11-8-27 00:23
唔好意思，想問多少少，如果佢出手打或用物件（例如玩具）打我地，有時佢會打到爸爸副眼鏡都跌落嚟，咁都係唔比反應佢？因如我地冇反應，佢會追住我地打。
...
我想問讚佢時應該點講？「好叻喎，識得答媽媽」or「好叻喎，冇講個打字」

ShingYan1 :

Sorry 睇漏, 亂了次序, 明績.

私人傳訊

kaka1128

男爵府

積分: 8433

1593^#

發表於 11-8-29 00:21 |只看該作者

HI Sandra,
我囝囝今年3歲, 一直都係由6299湊, 最近呢幾個月我就全職湊返佢.
佢有d行為就以前到宜家都仲有, 我好想請教下用咩方法去改善:
1) 打人/推人 - 由佢around歲半度, 6299成日打狗, 佢就開始識得呢個動作, 再加上, 有時佢自己kick到/跌到, 6299都會教佢打地板/打柜, 久而久之佢就開始打人, 以前一出街見到人不論係大人定小朋友就打人, 我同佢講, "我知你想同人做朋友, 但係你咁樣打人, 人地會痛, 會唔開心, 如果人地打返你, 你都會痛同唔開心, 所以你唔好再打人啦, 你想同人做朋友就say hi / hello 啦", 最近, 佢呢個行為真係有改善到, 出街say hi 多過打人, 但有時都仲會有打人/推人, 咁我應該點做呢? 到底我個方法係未開始唔work呢? 我係未應該鬧佢呢?

2) 帶佢去玩具反斗城, 佢自己玩緊玩具, 而其他小朋友只係起佢身邊玩緊其他玩具(冇爭玩既意思), 佢都會走去打人

3) 當佢得唔到想要既野時候, 就會發脾氣, 以前, 當佢一大喊大叫, 6299就會比佢, 宜家, 佢一大喊大叫, 我會唔理佢, 而且會走去做其他野, 之後佢慢慢就會收晒聲自己玩. 但有時, 佢會喊到打自己同埋撞到頭, 咁我應該點做呢????

私人傳訊

joyceyyk

積分: 4309

1594^#

發表於 11-8-30 21:41 |只看該作者

回覆 SandraLo 的帖子

唉，我教到都好唔開心，個女唔鍾意跟我，爸爸在家一定跟爸爸（佢係超錫囡的），我叫爸爸唔好就哂個囡就成日幫佢搵借口。

講返個囡，我今日特登隔開耐點先餵，食唔夠十啖又扭，咁我無鬧佢，俾左兩次機會後就叫佢落地，無得食我地既野。到我地食飯時佢又狂扭爸爸，搞到爸爸無得食，我食完抱住佢（佢狂掙扎）爸爸先可以食，搞到咁我都好唔開心，就係為左食飯搞到個關係好唔好咁。

私人傳訊

積分: 33215

1595^#

發表於 11-8-30 23:40 |只看該作者

ShingYan1 發表於 11-8-27 00:23
唔好意思，想問多少少，如果佢出手打或用物件（例如玩具）打我地，有時佢會打到爸爸副眼鏡都跌落嚟，咁都係唔比反應佢？因如我地冇反應，佢會追住我地打。
...
我想問讚佢時應該點講？「好叻喎，識得答媽媽」or「好叻喎，冇講個打字」

ShingYan1 :

你可以蹲低捉住佢手, 睜大眼望住佢簡單講：唔可以打人, 但唔好鬧同有其他反應, 佢再打都係咁........
佢正經應人嗰陣可以讚：「答得好好呀」; 冇講打嗰陣, 就anytime都可以讚：「好乖喎, 冇講打！」

私人傳訊

積分: 33215

1596^#

發表於 11-8-30 23:45 |只看該作者

kaka1128 發表於 11-8-29 00:21
HI Sandra,
我囝囝今年3歲, 一直都係由6299湊, 最近呢幾個月我就全職湊返佢.
佢有d行為就以前到宜家都仲有 ...

kaka1128 :

你嘅問題同 ShingYan1 大致一樣, 你可追前一版睇睇先.......
你睇咗点用讚未？未睇要睇咗先, 2/同3/ 都係用讚就處理到！

私人傳訊

積分: 33215

1597^#

發表於 11-8-31 00:01 |只看該作者

joyceyyk 發表於 11-8-30 21:41
回覆 SandraLo 的帖子

唉，我教到都好唔開心，個女唔鍾意跟我，爸爸在家一定跟爸爸（佢係超錫囡的），我叫爸爸唔好就哂個囡就成日幫佢搵借口。 ...

joyceyyk :

佢食到十啖, 期間你有冇讚？例如三啖讚一次：食得好好喎, 冇走咗去, 好乖
可唔可以安排佢同你地一齊食飯？有伴好d, 你地亦可以demo 點食飯 (e.g.唔會離桔), 咁成件事就冇咁複雜,
因如佢鍾意同你地一齊食, 又鍾意食你地d 餸, 佢点會有心機食自己個d ？点會想食飽哂？咁你咪搞亂佢囉？同埋, 「無得食我地既野」對於佢嚟講就係罸架啦, 但你事先有冇講.定呢個罸則？即係佢知唔知食得少過十啖就會被罸冇得食你地d 餸？

私人傳訊

積分: 4442

1598^#

發表於 11-8-31 11:25 |只看該作者

SandraLo 發表於 11-8-30 23:40
ShingYan1 :

你可以蹲低捉住佢手, 睜大眼望住佢簡單講：唔可以打人, 但唔好鬧同有其他反應, 佢再打都係 ...

Dear SandraLo,

好多謝你的回覆呀。我會照著做的。另外，想分享一下呢幾日囝囝的情況。

1.
我發覺囝囝都好反叛，有d野如果我地要求佢做，例如落樓時係lift度我會提佢陣間見到看更姨姨要叫姨姨，咁佢一見到姨姨就話「打打打打打」。咁呢六、七日我冇要求佢叫，亦都冇係lift度提佢，頭個一、兩天，佢仍然講打，咁我地就冇話佢，亦都冇比反應佢，由得佢。跟住個幾日，我抱佢落樓時我冇要求及提佢叫姨姨，但我自己會如常咁同姨姨講早晨，但我會比平時大聲d及表情誇張d，囝囝居然跟我講早晨喎，我都好突然，跟住我即刻大讚佢好乖喎，識得叫人早晨，跟住佢呢幾日落樓見到看更姨姨，佢都有講早晨。不過，當佢返到學校，可能唔願返學，佢見到老師們(學校門口會有幾位老師企係度，有d負責探熱，有d負責接小朋友入課室)，佢仍然有講個打字，但我叫工人姐姐自己照同老師講早晨，及唔好話囝囝。

2.
另一情況，我咪話佢係酒樓時有侍應或點心姨姨送野埋嚟時佢都會講個打字，咁星期日同佢飲茶，頭一、兩次有人送埋嚟時佢都有講過打字，我同先生冇話佢，但我地就大聲d及誇張d同人地講唔該哂唔該哂，咁佢跟住我地咁講，唔該哂呀。

3.
另外，佢未返學時比較少出街，淨係星期六及日我地先會帶佢出街，咁而家番學後就每日都要出街，有兩次當我同佢搭緊輕鐵途中，佢突然講個打字，有一次更出手打我，我估有人撩佢，可能向佢扮鬼臉，咁佢就有呢d反應喇，咁我係咪應該同佢解釋只係有人同佢玩，唔係打呢? 我驚我ignore佢，佢會唔明呀。

4.
呢幾日囝囝有講個打字及用手打我地時，我地都冇發脾氣或鬧佢，我自己反而覺得舒服咗、平靜咗，唔洗成日家嘈屋閉，因為以前佢有上述行為，我就大聲鬧佢或罰佢，而囝囝亦都會大聲繼續回應我「打呀打呀」，呢幾日如果佢淨係講個打字，我就唔回應佢，有時我會行開d，但佢居然行去同爸爸講，你睇吓，媽咪嬲，跟住佢就會行埋嚟叫番我話，媽咪媽咪對唔住呀。咁我就話，我唔係嬲，媽咪只係唔想你講個打字姐。其實我咁做啱唔啱呢? 我冇比反應佢，佢反而覺得我嬲。

5.
有d情況我唔識用ignore，例如我見佢爬梳化(近窗位置)，我就會比較緊張及大聲同佢講，唔好爬呀，你跌咗落街以後見唔到媽媽，咁佢就大聲答番我，打打打。係咁嘅情況下，其實我跟住都係冇野同佢講，咁點用ignore呢? 其實而家好多情況，佢一唔喜歡，佢嘅應對就係個打字，例如叫佢瞓覺，佢應我地，打呀，叫咗幾次，佢嘅反應都係打，咁我就同我先生講，爸爸我地入房瞓覺lor，隔咗一陣，佢就自己走入嚟搵我地瞓覺，其實我咁處理啱唔啱呢?

私人傳訊

積分: 33215

1599^#

發表於 11-8-31 22:17 |只看該作者

本帖最後由 SandraLo 於 11-8-31 22:20 編輯

ShingYan1 發表於 11-8-31 11:25
Dear SandraLo,好多謝你的回覆呀。我會照著做的。另外，想分享一下呢幾日囝囝的情況。1.
我發覺囝囝都好反 ...

ShingYan1 :

你有冇覺得囝囝已有改變？你已經踏出成功嘅第一步啦！

1/ 返學個度照做, 好快搞掂.

2/ ok 呀, 你睇幾易, 事實係你愈話佢, 愈叫佢唔好做, 佢愈會去做, 你一用 ignore, 佢根本冇興趣再講個打字！

3/ 你可以講解一次, 最多兩次就夠, 你依架應該明, 幾錯都好, 唔係講得次數多佢就會聽！

4/ 「我唔係嬲，媽咪只係唔想你講個打字姐」 ~~ 如佢覺得你嬲, 你嘅 ignore 可能過咗少少位, 表情上, 冇表情同嬲應該有分別, 你不作反應, 有乜照做, 甚至不須行開 d , 而「媽咪只係唔想你講個打字姐」呢句都可以慳番, 你淨係話冇嬲就得, 但点解唔順便讚一句「你好乖喎冇講打」？嬲就唔會讚啦！

5/. 查實有冇窗花？係咪會跌落街？危險當然要阻止, 但阻止唔代表要對佢講個打字有反應喎！

私人傳訊