自由講場 今日: 1935 | 主題: 1360748

積分: 14300

1581^#

發表於 07-3-14 01:19 |只看該作者

Re: 英X唱片公司 + 娛樂圈的八卦事 ~ PART ２

半生緣
梅豔芳曾說過：嫁人當嫁劉德華。在一次接受媒體采訪時，梅豔芳更大膽表白她始終暗戀著一個人，這個人就是劉德華。

愛情總是不確定，又總會受傷，倒不如友情來得有安全感，所以不敢亂想。做不了愛人，梅豔芳也甘願做他的紅粉知己。

無論是被TVB雪藏，還是跟余可欣分手，到後來一步步地走紅，梅豔芳都是劉德華的見證人，始終默默關心和支持著他。

阿梅得知自己得了癌症後，曾刻意隱瞞病情，意志消沈，終日留在家裏不願見人。直到有一天，她情緒低落打電話向朋友訴苦時，才忍不住泄露病情，而這個朋友正是華仔，他是最早知道梅豔芳得重病的圈中人。華仔聽後震驚之余，馬上趕到阿梅家中，花了整晚的時間，最後說服她接受治療。

:-( :-( :-( :-( :-( :-( :-( :-( :-(

私人傳訊

積分: 14300

1582^#

發表於 07-3-14 01:25 |只看該作者

Re: 英X唱片公司 + 娛樂圈的八卦事 ~ PART ２

亞洲廣告界最紅的十大混血美女~~~~
1.
Danielle Graham
生於：1977年
代言：歐蕾、周生生金飾、渣打銀行、Mona Lisa、玉蘭油
血統：父(愛爾蘭)母(中國、馬來西亞混血)

2.
Rosemary Vandenbrouc
生於：1982年
身高：180
代言：汽車(Maserti)、內衣、信用卡、腕表、梁家輝新片《絕種鐵金剛》（當今亞洲十大超模之一）
血統：父（法國、俄羅斯混血）母（中國）

3.
Reika Hashimoto橋本麗香
生於：1980年
代言：《瑞麗》封面
血統：父（美國）母（日本）

4.
Maggie Q
生於：1979年
身高：170
代言：信用卡、曼秀雷敦、電影
血統：美、越

5.
Amanda Strang
代言：玉蘭油清透平衡露、百事可樂叢林篇
血統：中、法

私人傳訊

積分: 14300

1583^#

發表於 07-3-14 01:27 |只看該作者

Re: 英X唱片公司 + 娛樂圈的八卦事 ~ PART ２

亞洲廣告界最紅的十大混血美女~~~~
6.
Jaymee Ong
代言：百事藍色魅力篇、西門子手機，鉆石煽動系列
血統：中、澳

7.
Lee Ann 李鞍
生於：1980年
代言：百事輕怡、潘婷、玉蘭油、和記電訊、《新戀愛世紀》、黎明的MV
血統：新加坡、法國
http://news.china.com/zh_cn/social/1007/20040206/images/11617484_170742.jpg

8.
Raeleen
代言：西門子小熊篇
血統：馬來西亞跟某國的混血

9.
Irene Santiago Casiano
代言：太太口服液、佳能印表機、吉百利巧克力、七喜汽水
血統：中國、西班牙、菲律賓

10.
Denise Keller
代言：LG手機、鷹牌花旗參、Red Earth
血統：中、德

私人傳訊

積分: 14300

1584^#

發表於 07-3-14 02:01 |只看該作者

Re: 英X唱片公司 + 娛樂圈的八卦事 ~ PART ２

各位mama goodnight~~~~~

私人傳訊

積分: 91289

好媽媽勳章畀面勳章

1585^#

發表於 07-3-14 03:26 |只看該作者

Re: 英X唱片公司 + 娛樂圈的八卦事 ~ PART ２

大玲有空姐情婦

男藝人「大玲」有妻有兒，不過俗語話齋，那有貓兒不愛腥，大玲好鍾意去酒吧媾女，話說有次佢既酒吧睇中一位空姐靚女，不過空姐靚女就叫大玲介紹佢好友「震波」畀佢識，大玲聽到後猛數震波壞話，又話佢只係逢場作興，唔夠佢咁專一同細心。
大玲經過一輪甜言蜜語，又管接管送好細心咁熱烈追求攻勢下，空姐靚女雖然明知大玲有妻有兒，仍願意做對方既情婦。依家大玲出席一 d 老友聚會，都會帶埋呢位空姐靚女亮相，大家都仲叫佢阿嫂添！

轉自生果日報

私人傳訊

積分: 91289

好媽媽勳章畀面勳章

1586^#

發表於 07-3-14 03:30 |只看該作者

Re: 英X唱片公司 + 娛樂圈的八卦事 ~ PART ２

嗲精特權招人妒

「嗲精」份人好作狀，所以係公仔箱既人緣麻麻，加上早排公仔箱大細超，更加令唔少姐仔哥仔對佢不滿。
話說公仔箱早排開兩部大製作，講到明參與既演員要 "訓" 身去做，唔准做其他野，有幾位姐仔哥仔想同公仔箱度小小期做外面工作同私人野，都俾上頭鬧到狗血淋頭。點知話口未完，o個頭就見到嗲精可以度期拍電影，個個咪 "慶" 到爆燈，覺得公仔箱咁做太過大細超咯！

私人傳訊

積分: 91289

好媽媽勳章畀面勳章

1587^#

發表於 07-3-14 03:40 |只看該作者

Re: 英X唱片公司 + 娛樂圈的八卦事 ~ PART ２

釘鳥送上門嚇鬼

混血女模「釘鳥」o岩 o岩出道 o個陣真係個個話索，不吃人間煙火咁，所以好快走紅，但冇耐就俾人知道佢私生活亂龍，加上成日俾傳媒影到佢既淫亂生活，好快 d 客就嫌佢形象太 cheap ，冇乜人肯搵佢做野。釘鳥事業不如意，就更加沉淪係迷幻世界之中。

死跟入 "車立"
早前釘鳥係中環某高級夜店見到外籍靚仔明星「朱籮」，為左引起人地注意，又叫又笑，語無倫次。好似 high high 地既釘鳥見人地唔騷佢，就走埋去捉住人地雞啄唔斷，朱籮俾佢嚇親諗住走人，但釘鳥死跟人地入 "車立" ，仲同人講話自己身體有個非比尋常既寶貝，問佢想唔想試 o下。朱籮唔單止唔領佢情，離開前仲同現場保安投訴釘鳥騷擾佢，當晚有唔少城中名人係度，見到釘鳥咁既款都擰晒頭。

私人傳訊

積分: 91289

好媽媽勳章畀面勳章

1588^#

發表於 07-3-14 03:43 |只看該作者

Re: 英X唱片公司 + 娛樂圈的八卦事 ~ PART ２

蛇果借錢削大面

歌女出身既「蛇果」是非多多，早兩年係二奶台拍劇時，就自爆俾「殭屍王」鹹濕，後來佢係二奶台撈唔掂，就投靠美容院老細「吹笛」。

關仁聽聞初時吹笛都力捧佢，仲畀錢佢去外地學跳舞，但蛇果學到唔三唔四，仲猛問吹笛借錢，打算削面骨整容，弊在佢塊面既 size 仲大過牛角扇，除非批左半邊頭啦，如果唔係都好難削得掂，所以吹笛咪唔肯借錢咯，勸佢練好唱歌同跳舞好過。點知蛇果為左呢件事而嬲左吹笛，結果劈炮唔撈兼另搵碼頭。

私人傳訊

積分: 91289

好媽媽勳章畀面勳章

1589^#

發表於 07-3-14 03:45 |只看該作者

Re: 英X唱片公司 + 娛樂圈的八卦事 ~ PART ２

整容歌手變華麗蟹后

「整容歌手」之前同阿媽買左個勁貴既豪宅，點知買完後個樓盤有跌冇升，慘成樓蟹。雖然整容歌手既老闆好睇佢，但係佢買樓前粒聲唔出，到畀錢時先同老闆講，梗係俾老闆鬧到死，因為佢老闆都唔贊成入呢 d 超晒價既樓，每個月要供咁多錢，有乜搞唔掂，咪又係由佢黎埋尾。關仁聽講整容歌手呢排同朋友呻，後悔唔聽老闆講，咁草率就買左間咁貴既樓。雖然依家仲供得起，但層樓係咁跌價，梗係覺得肉赤啦！

私人傳訊

積分: 91289

好媽媽勳章畀面勳章

1590^#

發表於 07-3-14 03:49 |只看該作者

Re: 英X唱片公司 + 娛樂圈的八卦事 ~ PART ２

阿笨臭檔犯眾憎

男藝人「阿笨」係螢光幕前好似好玩得咁，其實佢份人又小器又扮大牌。話說最近佢同女藝人「老闆」幫公仔箱主持節目，由於老闆唔係合約藝員， "渣" 車返工就可以將部車泊係錄影廠外面空地位置，其他藝員要泊番係停車場。阿笨 o個日 "渣" 車返公仔箱錄影個騷，見老闆部車泊係空地，想有樣學樣，點知個保安公事公辦，阿笨覺得好冇面，竟然發老脾 "渣" 左部車返屋企，向監製罷演示威。聽講個保安後來俾阿笨投訴，幾乎連份工都保唔住。

轉自生果日報

私人傳訊

積分: 91289

好媽媽勳章畀面勳章

1591^#

發表於 07-3-14 03:52 |只看該作者

Re: 英X唱片公司 + 娛樂圈的八卦事 ~ PART ２

山歌為外家填數

「山歌」近年復出拍電視劇，有指佢經濟不景，急急搵錢填數，事關佢既眼鏡店生意唔掂，又成日有傳佢係內地既廠房爭其他廠家錢。雖然山歌一早話以好價賣左間眼鏡店，但其實山歌係啞子吃黃連，有苦說不出。事關山歌係內地既廠房原來係佢老婆既阿哥同細佬管理，外家人炒樓炒地皮蝕到喊，爭人周街街數，又成日用山歌既名去借錢，連累山歌都俾人追數。不過山歌實在太好人，加上愛妻心切，咪惟有密密做幫外家填數咯。

轉自生果日報

私人傳訊

積分: 91289

好媽媽勳章畀面勳章

1592^#

發表於 07-3-14 03:54 |只看該作者

Re: 英X唱片公司 + 娛樂圈的八卦事 ~ PART ２

汁甜傾獎被杯葛

「汁甜」雖然係搵錢電台既分豬肉大會臨門一腳贏左「車仔」，但因此惹來其他歌手不滿，佢地覺得汁甜全靠唱片公司傾獎，搵錢電台先至臨尾個月狂谷佢 d 歌，所以好戥車仔唔抵。早幾日三色台玩歌手互投，「大細孖」聯同其他歌手一齊投車仔，話要幫佢出番啖氣，結果車仔真係最多人投票 o個個，汁甜就一個支持者都冇。不過最搞笑係「斷背姊妹花」和議大細孖之後，大細孖怕俾人知自己唔妥汁甜，冇投車仔，搞到斷背姊妹花打左個突。

轉自生果日報

私人傳訊

積分: 91289

好媽媽勳章畀面勳章

1593^#

發表於 07-3-14 03:57 |只看該作者

Re: 英X唱片公司 + 娛樂圈的八卦事 ~ PART ２

袋罧身價四級跳

舊年金股齊升，本地成班女模同樣升值，踏入新一年，佢地齊齊拉隊加價，仲要係成倍咁升，令一眾公關公司同品牌頭都痛埋。當中以有緋聞係身既升值能力最高，舊年年尾坐上跑車既「袋罧」非常 "楋俐" ，佢未紅前，由品牌畀錢幫傳媒影相，只係收開 2,000 至 3,000 蚊，家火速跳升四倍，變做 8,000 蚊，仲要求名髮型師整頭！黐開「哲學家」既「落機」由於之前加過價，所以今鋪升上去同「文肥」一樣水位，就係影輯相都要萬萬聲。

轉自生果日報

私人傳訊

積分: 91289

好媽媽勳章畀面勳章

1594^#

發表於 07-3-14 04:01 |只看該作者

Re: 英X唱片公司 + 娛樂圈的八卦事 ~ PART ２

手汗多同高層積怨

「手汗多」大熱倒灶，拎唔到三色台既當紅歌星獎，好多人都覺得好意外，其實呢個獎畀「癲神」都係合理既，只不過佢之前係咁亂講野得罪左三色台，大家就錯覺認為佢實冇運行。

份人假假地
誰不知原來三色台班高層對手汗多印象麻麻，所以投票時，佢比較蝕底，因為製作部「愛姐」同佢早有牙齒印，事關好幾年前手汗多答應簽約拍劇，但最後又反悔，激到愛姐紮紮跳。愛姐係三色台梗係有影響力啦，同「數字高層」又老友，一早篤穿手汗多背脊，加上「大師高層」又唔係特別對佢有好感，仲覺得佢份人假假地添，所以最後一次開會時，幾個高層就拍板畀癲神拎當紅歌星獎咯。

轉自生果日報

私人傳訊

積分: 91289

好媽媽勳章畀面勳章

1595^#

發表於 07-3-14 04:05 |只看該作者

Re: 英X唱片公司 + 娛樂圈的八卦事 ~ PART ２

黐俐淇母女有一手

「黐俐淇」奉子成婚嫁入豪門，佢依家就印印腳等生金豬仔，佢阿媽見愛女呢次出擊成功，於是開始培訓黐俐淇個妹，希望兩個女都吊到金龜婿。黐俐淇個妹係冇佢家姐咁省鏡，不過見家姐生活優哉游哉，都希望接受阿媽既改造，又可以執黐俐淇 d 名牌舊衫同舊袋黎用，一舉兩得。關仁覺得黐俐淇個阿媽好適合做金牌經理人，除左識包裝兩個女之外，佢回應記者都有絕招，當電話接通又唔想聽，佢最叻係扮接收得唔好，喂完一大輪就收線，呢招比 cut 線禮貌好多。

轉自生果日報

私人傳訊

積分: 91289

好媽媽勳章畀面勳章

1596^#

發表於 07-3-14 04:10 |只看該作者

Re: 英X唱片公司 + 娛樂圈的八卦事 ~ PART ２

導演險食閉門

早排改左名叫「導演」既選美傻大姐，轉左行反而仲活躍， 30 幾歲人精力仲勁過 d 後生，夜夜爛蒲，係蘭桂坊見到佢一 d 都唔出奇。話說某個星期五晚，導演就同個中坑試新野蒲新場，呢個新私竇就係中環陸羽隔籬，幾隱蔽 o下，保安仲超嚴添，所有會員要影低張相，到門口望住個「芒」，就會 check 到你係唔係會員，冇得白撞。

o個晚導演著到靚一靚蹺住個中坑去到呢個新場，雖然佢呢行冇人唔識佢，但係呢個新場唔係話指鼻哥就入得，門口 d 大隻佬保安真係執正黎做，話之你係明星定天后，一樣冇得傾，導演要吹住西北風食閉門羹，面都 "火農" 埋，見佢走又唔係，終於搭上搭話係乜水物水個 friend ，幾經辛苦先至入到去咋！

轉自生果日報

私人傳訊

積分: 91289

好媽媽勳章畀面勳章

1597^#

發表於 07-3-14 04:14 |只看該作者

Re: 英X唱片公司 + 娛樂圈的八卦事 ~ PART ２

尋運開舖抽油水

播音界老叔父「尋運」，年前同「 D 哥哥」前女友「揪牙」同埋幾個朋友夾左 100 萬開左間舖頭，結果月前做唔住執笠。原本做生意梗係有賺有蝕，但有老友同關仁講，話佢識得幾位小股東，先知原來尋運好唔老實，大大話話呃左佢地同揪牙姐起碼幾十萬。
尋運話識人做裝修，可以計平 d，點知間舖頭整完冇乜特別，都要成 50 萬，有人搵其他裝修師傅格價，發現 30 萬有找。班股東後來仲發現舖頭訂乜都貴過人，訂貨 o個幾間公司仲要係尋運自己友，擺明有人從中掠水。後來股東同尋運理論，反被佢同佢個惡死老婆鬧添！

轉自生果日報

私人傳訊

積分: 91289

好媽媽勳章畀面勳章

1598^#

發表於 07-3-14 04:39 |只看該作者

Re: 英X唱片公司 + 娛樂圈的八卦事 ~ PART ２

「減胃」唔准影擘口相

好多明星做緊訪問，都唔准人影相，怕俾人影到 d 古怪表情，或者有爛牙咪好失禮。名模圈都有一位女將係咁，就係嫁左人既「減胃」，佢份人出名貪靚貪到過火。試過幾次同記者做訪問，興高采烈講到一半，忽然無端端合埋口唔講野， d 記者以為佢講錯野，一頭霧水先發現原來係有人影相，「減胃」為免有張大口相，或者講野相見報，寧願即時收口，或者 "禁" 住個口話：「等等先！」等攝影師行開先再講，真係誇張。仲有「減胃」影親時裝專輯，向來只肯擺一、兩個佢認為顯得佢最瘦、最型既叉腰甫士，所以唔少攝影師見到佢都頭痕。

轉自生果日報

私人傳訊

sandylaw

水晶宮

積分: 58311

1599^#

發表於 07-3-14 11:47 |只看該作者

Re: 英X唱片公司 + 娛樂圈的八卦事 ~ PART ２

[size=large]開part 3 啦！

英X唱片公司 + 娛樂圈的八卦事 ~ PART ３

私人傳訊