我睇完命中注定我愛你，成個人開心晒，個個角色都好可愛又幾搞笑，淨係男一男二個名成日俾西施一家玩都可以笑好耐，連我個ABC女都識笑。尋日開咗錦繡南歌，節奏幾快，李沁呢個角色有發揮，比起慶餘年好好多，慶餘年其實佢又唔係演得唔好，係個角色麻麻地，其他角色又比較吸引，所以相對林婉兒就弱好多。今次驪歌呢個角色唔係傻白甜，識武功有智謀，奏昊個扮相麻麻地，但驚奇同隱秘的角落完全唔同氣質，佢個彭城王係越睇越順眼，其他角色沈植、師兄、竟陵王、空城都唔錯，阿奴幾靚女，可惜咁早就接飯盒走人，樂清一睇就知係奸嘅，估唔到太妃都係奸，有興趣知王帝係扮病定真係病，佢坐上皇位究竟有冇兄弟鬩牆，咁佢其實有冇心害彭王。仲有一個角色值得留意，雖然一睇就係奸角，但演陸遠嘅戚迹係少數劇入面原音嘅演員，把聲幾好聽，演技都幾好，樣又唔錯，仲要有185cm咁高，可惜一直都紅唔起。
花旗太太生活在花旗國，留意時差，你問我未必即時答到。
發表於 
返回列表
