又來瓜了！
1）趙麗穎全球粉絲後援會組織反二搭，聯合趙麗穎微吧、趙麗穎網宣特工隊、趙麗穎掛黑舉報站發聲，仲換埋頭像，反對趙同王一博二搭新劇，但其實只係劇組接觸過王，王未落實會參與演出，該劇亦都溜過唔少其他男演員，一直未官宜未落實，劇組應該仲搵緊男一男二，即使趙都未官宣演出，不過好多業內博主都已經爆料話女主定咗小趙。王一博只有散粉同趙粉開撕，而趙嘅大粉、後援會居然傻到同工作室開拖上晒熱搜，最大件事係已經去到網暴層面，結果係幾個微博號被禁言，4個營銷號被禁言90日及暫停廣告共享，另外10個粉絲號被永久禁言，仲有關閉8個有嚴重問題賬號同6個相關話題，所有違規內容全部清理。。。當事態發展開始不受控時，藝人工作室被約談，後來後援會等賬戶被禁言，到尋日趙麗穎工作室出咗個無稜兩可回應，唔敢苛責粉絲，亦冇道歉，俾人感覺依然強勢，結果今日連趙麗穎工作室微博都被禁言。
有路人話粉隨正主，粉絲行為，藝人買單，特別係後援會呢種半官方組織，工作室有一定掌控力，喺事情未發酵到不可收拾前，可以勸阻粉絲作大規模開撕網暴，但呢次應該係後知後覺，因為2017年時已有一次類似操作，當時係開拍你和我的傾城時光，當時有傳想搵張翰，趙粉開撕，製造咗一D超活話題，反對兩人繼杉杉來了之後二搭，最後唔知係粉絲開撕成功定係根本張翰唔接，又或者最初只係傳言唔係真。今次呢套劇已經傳過好幾個男一男二，但一日未官宣一日未落實，粉絲是否有D管太過？下次結婚生仔是否又要問過粉絲是否同意？
而家中央開始咗打擊娛圈內嘅不良操作，其中一個就係飯圈問題，粉絲過份應援，藝人割韮菜，粉絲間互撕去到惡性影響～藝人同粉絲要好好反省同言行理智D，不竟成功不易。「粉隨正主」呢個形容詞某程度上反映真實情況。
花旗太太生活在花旗國，留意時差，你問我未必即時答到。
發表於 
我有時都有入去八卦去睇
覺得佢做戲又係好好睇
返回列表
