少年成長 今日: 0 | 主題: 16098

積分: 4442

1602^#

發表於 11-9-1 22:50 |只看該作者

引用：Quote:ShingYan1+發表於+11-9-1+08:53+Dear

原帖由 SandraLo 於 11-09-01 發表
ShingYan1 :

教小朋友唔好靠嚇, 重要言出必行, 咁佢先建立到互信同尊重, 嚇即係唔係真嘅(或者跨大), 何必 ...

Dear SandraLo,
多謝你的回覆。我會跟著做的。再一次多謝你。

私人傳訊

積分: 33215

1603^#

發表於 11-9-2 22:29 |只看該作者

ShingYan1 發表於 11-9-1 22:50
Dear SandraLo,
多謝你的回覆。我會跟著做的。再一次多謝你。

ShingYan1 :

唔駛客氣.......... 你不妨將我地d post save 起或 print 出嚟, 到囝囝再有類似問題時, 其實可用同一方法處理！

私人傳訊

積分: 3323

畀面勳章

1604^#

發表於 11-9-4 21:42 |只看該作者

Sandralo, 我有問題請教。
我小朋友二歲半，平時由工人湊。

1. 返左學校一個月，有坐唔定，及尖叫，打人，推人問題。
2. 平時一唔滿意就大喊尖叫…但我從來無因此就比佢想要的，而係解釋比佢聽點解唔可以…我有試過ignore佢，但細時就喊住找姐姐，而家係去話比姐姐聽媽媽嬲…姐姐其實都有話佢係咪唔乖所以媽媽嬲…之後我嘗試解釋番每件事的原因後果，點解我reject佢…

我想問，佢係學校先推人，我知道後連續幾日都解釋比佢知點解唔可以…佢都答到我佢知，亦知小朋友會喊…但去到學校又再推人…並出現打人情況…佢之前都無試過要打人

我係屋企話佢係咪唔得…我覺得比左壓力佢…我已即刻停左再話佢…暫時唔知會否好轉…

另，佢而家出街扭計，我想抱佢走，佢會成條蛇咁…我有時可以夾硬抱佢走再解釋…有時抱唔郁坐左落地，就解釋比佢聽…要佢自己起番身企好收聲先抱…但都無試過答應佢要求…點解佢依然會扭相同的事情…又再次扭到坐地…試過唔理佢走離開一段距離…ignore佢…佢好硬頸係原地大喊大叫…我等左幾分鐘都仲係咁…我就返去解釋比佢聽原因…要佢收聲先再抱佢走…點解會
每次都係抱走，係因為無論咩原因扭，到最後佢的要求都會變左抱…但我點都會解釋左之前的事，並要佢停左喊先抱…

而且連老師都有發現，佢一唔想人娥…就會扯開話題…我平時會堅持解釋完為止…

我會用解釋法係因為睇左管教啊管教…但係好似唔work…

私人傳訊

積分: 33215

1605^#

發表於 11-9-4 22:52 |只看該作者

neko1234 發表於 11-9-4 21:42
Sandralo, 我有問題請教。
我小朋友二歲半，平時由工人湊。

neko1234 :

查實都唔難搞, 但如果問題只係出响佢在學校嗰陣, 就要老師識處理先得！
好啦, 你先睇我簽名位嘅兩個主打 topic 嘅第一個 post 先...........
樓上 ShingYan1 嘅case 都接近, 你都由 post # 1559 開始睇番, 會快明好多！
想問：
佢返左學就有尖叫，打人，推人問題, 返學前係点嘅？
老師除咗覺得「佢一唔想人娥…就會扯開話題」之外, 對囝囝的評價如何？

私人傳訊

積分: 3323

畀面勳章

1606^#

發表於 11-9-5 10:13 |只看該作者

本帖最後由 neko1234 於 11-9-5 10:33 編輯

SandraLo 發表於 11-9-4 22:52
想問：
佢返左學就有尖叫，打人，推人問題, 返學前係点嘅？
佢一直都好好動..我成日都怕佢係adhd…佢知我唔鐘意佢跑(係商場我一定話)..我一叫佢名..佢就會答我:慢慢走..但對腳係跑緊囉..而且自小返pg識爬時已經唔肯坐定..唔比佢爬或跑..佢會狂喊尖叫..但佢為左玩佢又肯排隊喎..
佢返學前都有試過係pg突然推人..或者攬人搞到跌落地..但係都唔係太惡意..一抱開佢就無事..而且唔係經常...幾堂先有一次…而且也從無試過想打人..
佢好鐘意同人玩..但唔識方法..鐘意同大過自己的玩…見到大的小朋友就追住人地後面....但人地又唔彩佢喎..佢又唔知..死追…每次我都只好帶佢返屋企……如果同同齡的玩...佢對熟d的朋友好d…唔係佢自己好鐘意的玩具..佢會主動或者係我叫的情況下...佢會比人玩..但係佢對自己鐘意的玩具"車"..就會有搶的行為及唔肯交還..係呢個情況下我都會阻止佢.. 如果對住唔熟的小朋友一定同一搶玩具.
佢好固執..十個月時已識發脾氣..唔理佢..佢可以坐係一邊喊十分鐘都唔會爬番來找我..而家都一樣..所以我多數係一開始喊時就解釋比佢聽..要佢自己收番聲..
而且佢自小就唔怕唔見左大人..去玩pg..或者而家返學…都從無因為分離喊過..所以想ignore佢…佢真係唔怕我地唔彩佢..佢一係自己玩…一係就夠膽喊同你鬥硬喊到嘔個隻…再唔係行去話比其他人知媽咪嬲..
佢坐地鐵..而家都唔會話落地..係坐係到玩..或者企係到睇車.因為佢想落地..就會比我夾住無左自由..都算教到而家係地鐵坐定…但係如果無位坐..佢就會想扶住扶手係到轉..我無比佢轉過..佢一轉..或者走..我就會捉住佢..夾佢扶實唔準轉…或者直接抱起佢..佢有試過指住轉緊的小朋友…示意人地都轉得啦..但我依舊唔準.. 但每次佢依然有機會企係到扶扶手..佢都想轉..
佢比較怕我..佢做壞事會望下我先..有時會停..有時會故意做..返學頭二日,我係到..而且佢觀察緊環境…老師就以為佢好乖..
之前同pg老師傾過..覺得佢尖叫問題算嚴重..但呢樣野係屋企好少發生..可能因為佢已知屋企什麼係可以做同唔可以做..所以佢只會係新地方試人地底線..而pg老師話我同佢成日糾纏係 “扭計→喊→解釋→無事”..呢個循環中..佢叫我唔好再係咁..咁即係點呢?? 我真係好唔明..所以先上來問..
而且pg老師話佢前置好強..我都覺得..佢會認定第一個見到的事物情況..如: 返學第一日玩黑色車..佢而家返學一定只玩黑色個架車..無就會同人搶...

老師除咗覺得「佢一唔想人娥…就會扯開話題」之外, 對囝囝的評價如何？
老師話覺得佢好聰明(即係古惑)..揀人蝦..而且好叻扯開話題..同埋話佢試緊老師底線..覺得佢試完會好d..因為都只係返左一個月…暫時未有其他評價..
因為我一開始已經話左比老師聽..佢識得揀人來蝦..而且一鬆開..佢覺得可以跑..點解後來又唔比佢跑..佢會更難教…老師話會嚴d對佢..佢暫時怕班主任..佢做壞事都會望下班主任..而且比老師捉住左話佢推人打人..佢其實知錯..佢會乖一陣…但係對外藉老師…佢就當人地透明..但班主住又無可能長時間係佢身邊看管佢..

私人傳訊

積分: 3323

畀面勳章

1607^#

發表於 11-9-5 12:22 |只看該作者

SandraLo 發表於 11-9-4 22:52
好啦, 你先睇我簽名位嘅兩個主打 topic 嘅第一個 post 先...........
樓上 ShingYan1 嘅case 都接近, 你都由 post # 1559 開始睇番, 會快明好多！

其實你主打的二個topic的第一個post..我一早睇左唔止一次..仲有d有睇過幾十頁...剛才也睇晒#1559之後的..但係我覺得我個case 同ShingYan1唔同..因為我仔推人打人唔會係屋企發生..而佢出街扭計..我地無可能ignore佢..
因為佢扭..一係要自己推BB車..一係要自己行/跑唔要拖..一係就係要玩唔肯走或唔讓人..而我覺得呢三樣都ignore唔到佢..我係解釋比佢聽點解佢唔可以自己推BB車..點解小朋友要拖實大人..點解我地玩完要走或者要讓人...

私人傳訊

積分: 33215

1608^#

發表於 11-9-5 23:15 |只看該作者

neko1234 發表於 11-9-5 12:22
其實你主打的二個topic的第一個post..我一早睇左唔止一次..仲有d有睇過幾十頁...剛才也睇晒#1559之後的.. ...

neko1234 :

我先答呢個 post.
基本上冇兩個case 係相同的, ShingYan1 個 case 值得睇嘅地方係解釋点 ignore.
你所講嘅三樣嘢確實係冇得 ignore, 因為有危險同影響到人, 只能用讚+ 罸.
讚好簡單, 壞行為冇出現嗰陣就可以讚：「好乖喎, 冇搞BB車」, 「好乖喎, 拖住媽咪行冇走」; 至於罸就要部署一下, 鍾意去街嘅小朋友一定唔想冇街去, 最佳罸則就係冇街去！响你講嘅三樣嘢裡面, 要優先處理係响街跑唔拖住, 咁你揾一個weekend (唔駛返學), 連績做3-4次............. 出街/去公園前, 先响屋企預告, 出街係要拖住媽咪嘅, 点解要拖, 唔拖就即刻返屋企冇得去; 一出到街就開始讚, 隔幾分鐘就讚一次, 如佢一要跑/唔拖, 即同佢返屋企, 期間唔好鬧同話, 因為返屋企已經罸咗, 如是者幾次, 佢會改善到.

私人傳訊

積分: 33215

1609^#

發表於 11-9-5 23:51 |只看該作者

neko1234 發表於 11-9-4 21:42
Sandralo, 我有問題請教。
返左學校一個月，有坐唔定，及尖叫，打人，推人問題。
2. 平時一唔滿意就大喊尖叫…但我從來無因此就比佢想要的，而係解釋比佢聽點解唔可以…我有試過ignore佢，但細時就喊住找姐姐，而家係去話比姐姐聽媽媽嬲…姐姐其實都有話佢係咪唔乖所以媽媽嬲…之後我嘗試解釋番每件事的原因後果，點解我reject佢…

neko1234 :

响學校發生嘅問題, 你响屋企係處理唔到, 而老師識講你「成日糾纏係 “扭計→喊→解釋→無事”..呢個循環中.」, 佢應該搞得掂你囝囝, 所以學校打人我暫不回覆.

「從無因為分離喊過..所以想ignore佢…佢真係唔怕我地唔彩佢..佢一係自己玩…一係就夠膽喊同你鬥硬喊到嘔個隻…再唔係行去話比其他人知媽咪嬲」 ~~ 由此看來, 你其實未明乜嘢係 ignore, ignore 係唔俾反應小朋友嘅壞行為, 而唔係嬲佢或者唔啋佢, 偏偏你做嘅係 ignore 嘅相反, 你不停解釋 (呢d 解釋好明顯佢已經知)就係 acknowledge 緊佢嘅壞行為, 俾足反應佢, 咁點算 ignore ? 呢個亦係老師所講嘅糾纏, 每次佢扭計, 都攞到你注意(去解釋), 亦冇乜嘢唔好嘅後果 (即係冇事), 咁点解唔扭咗先？

攞番佢坐地嘅例子, 佢扭計坐地明明係扭, 你以為你冇答應過佢要求, 個完場永達係「你抱佢走」, 佢都係唔駛行, 即係都係你輸, 真正 ignore, 係望住佢, 同佢講起身 (一次就夠), 然後預30-45min 等佢起身, 期間唔好主動講嘢, 亦唔好整個嬲樣, 如是者唔駛三次, 佢就唔會再坐地, 佢係要知達坐地係改變/影響唔到你, 加埋冇坐地嗰陣讚佢, 佢先唔會再坐地扭！

私人傳訊

積分: 3323

畀面勳章

1610^#

發表於 11-9-6 09:50 |只看該作者

SandraLo 發表於 11-9-5 23:51
neko1234 :

响學校發生嘅問題, 你响屋企係處理唔到, 而老師識講你「成日糾纏係 “扭計→喊→解釋→無事” ...

明白, ignore真係好難, 等我努力試下...如果有好轉或不成功..到時再請教請教, 感謝..

另, 同我講講你「成日糾纏係 “扭計→喊→解釋→無事”」的係pg老師..唔係幼稚園老師, 我未同幼稚園老師傾到教仔問問(始終老師比較忙..而我仔又未去到要大家坐埋嚴肅討論的地步)..暫時幼稚園老師只係話佢試緊底線...而我都會唔理佢學校表現住....等老師負責..唔再問佢學校有無推人打人..只問佢開唔開心就算..

私人傳訊

積分: 33215

1611^#

發表於 11-9-6 10:12 |只看該作者

本帖最後由 SandraLo 於 11-9-6 10:13 編輯

neko1234 發表於 11-9-6 09:50
明白, ignore真係好難, 等我努力試下...如果有好轉或不成功..到時再請教請教, 感謝..
另, 同我講講你「成 ...

如今晚冇人問嘢, 我作幾個 ignore 錯嘅例子放上嚟！

點評

bee918 wow! good! 發表於 11-9-11 22:37

私人傳訊

japoton

積分: 4381

1612^#

發表於 11-9-8 16:23 |只看該作者

你好

我仔仔現在10個月, 我看到教育孩子真是一門高深的學問
現在他會用大叫大喊表達不滿, 我們想從細教導他
1)我同先生食緊飯會把他放在highchair上望住我地食,不久他會大叫大喊,我老公叫我唔好理佢由得他哭, 好快他會不哭, 過一會又會扭過, 我就會用最快速度食完飯, 抱起呀仔同佢玩?

2) 我同佢玩, 佢老是要我扶住他行路, 我一放手佢又大喊,一定要我拖住行

到底怎樣可以叫停他, 唔好發脾氣?

3) 從6個月大開始,他一觸摸我地不準他接觸的東西時, 我地會大聲 say "NO" + 唔可以再把他手整開, 佢大約都會明白,有時會停止不再觸摸, 有時他也會不停重覆再做, 如果他叫不聽我會抱走佢?

問題是我地的教導方法正確嗎, 點可以令他不再一不如意就大叫大喊, 時時say no 可以嗎? 有沒有其他更好的方式去從小教導

私人傳訊

積分: 33215

1613^#

發表於 11-9-8 23:13 |只看該作者

japoton 發表於 11-9-8 16:23
你好

我仔仔現在10個月, 我看到教育孩子真是一門高深的學問

japoton :

你囝囝還是bb, 唔駛咁快担心住, 也不用太straight ...........
bb用大叫大喊表達不滿是正常的, 因他未識講：媽咪我想XXXX, 若你在他大叫大喊時就給他, 他以後便會用大叫大喊來向你「要求」, 所以你老公是對的, 長遠應該是由他哭, 但你也可以在食飯時跟他說話, 特別是他沒有哭鬧時, 讓他知道你們不是不理他, 只是要吃飯！
他要拖住行 ~~ 沒有其他玩意 / 玩具他喜歖的嗎？
bb 探索新事物也是有需要的, 若沒有危險的可以給他, 有危險的則盡量放在他看不到/搞不到的地方, 那便不用say 太多次No了, 因say no 始終較負面, 就好像讚比罸更有效一樣; say No 也不好太大聲, 否則他也會學了大聲 say no！

私人傳訊

jj511

積分: 2227

1614^#

發表於 11-9-9 00:08 |只看該作者

回覆：SandraLo 的帖子

你好，Sandra!

有問題想請教，我個囝2.8yrs，講嘢好叻，但脾氣情緒十分差！從小就很易喊，亦經常扭計，由於表達到，所以成日都扭呢樣嗰樣！情緒起伏十分大，呢刻仲大笑緊轉頭已經可能大喊！兩歲多時我有帶過佢做綜合評估，暫時冇咩問題，因我驚佢係自閉或自傾！唔知係咪返咗學，下晝班唔夠瞓，呢兩個星期特別扭，係可以嗌喊半個鐘，點氹點鬧都唔得咁！

平時係麻麻同印傭湊，佢地好耐性，好多時講道理同氹，我就火爆型，冇耐性！想問吓佢扭計嗌時係咪ignore佢就得？因我奶奶做唔到呢樣，成日唔忍心佢喊！但我發覺囝好似得寸進尺嗰種咁！

我同老公開始好擔心佢嘅情緒，因無端端都可以扭一餐！小小嘢就唔到佢就即發脾氣！明明佢唔係唔識表達，但真係唔知點解會愈嚟愈難搞！

私人傳訊

japoton

積分: 4381

1615^#

發表於 11-9-9 11:34 |只看該作者

SandraLo 發表於 11-9-8 23:13
japoton :

你囝囝還是bb, 唔駛咁快担心住, 也不用太straight ...........

他要拖住行 ~~ 沒有其他玩意 / 玩具他喜歖的嗎？我已放好多玩具在地上由他玩, 不過他總是喜歡周圍行

那我到底幾時開始可以教導他呢?

bb 探索新事物也是有需要的, 若沒有危險的可以給他, 有危險的則盡量放在他看不到/搞不到的地方, 那便不用say 太多次No了, 因say no 始終較負面, 就好像讚比罸更有效一樣; say No 也不好太大聲, 否則他也會學了大聲 say no!但有些位置不能改動, 那我可以細聲一點跟他說no 嗎, 還是什麼也不說好, 拖走他就算?

私人傳訊

積分: 33215

1616^#

發表於 11-9-9 22:49 |只看該作者

jj511 發表於 11-9-9 00:08
你好，Sandra!

有問題想請教，我個囝2.8yrs，講嘢好叻，但脾氣情緒十分差！從小就很易喊，亦經常扭計，由 ...

jj511 :

「係可以嗌喊半個鐘，點氹點鬧都唔得咁！」
「想問吓佢扭計嗌時係咪ignore佢就得？」~~ 唔係........
你一定未睇兩個主打 topic, 我簽名位嗰兩個topic 嘅第一個 post,
請睇咗先！

私人傳訊

jj511

積分: 2227

1617^#

發表於 11-9-9 22:51 |只看該作者

回覆：SandraLo 的帖子

Ok! 我再睇睇先！唔該哂！

私人傳訊

積分: 33215

1618^#

發表於 11-9-9 23:10 |只看該作者

japoton 發表於 11-9-9 11:34
他要拖住行 ~~ 沒有其他玩意 / 玩具他喜歖的嗎？我已放好多玩具在地上由他玩, 不過他總是喜歡周圍行

那 ...

japoton :

「那我到底幾時開始可以教導他呢?」~~ 你要教導他什麼？bb 係從遊戲同模仿中學習, 你的一言一行, 和你跟他玩時, 他就在學啦！

「那我可以細聲一點跟他說no 嗎, 還是什麼也不說好, 拖走他就算?」~~ 可以, 不過最好可加入在他乖時讚他冇搞XX！

私人傳訊

COCO925

別墅

積分: 684

1619^#

發表於 11-9-14 20:19 |只看該作者

回覆：SandraLo 的帖子

你好。。我囡2歲8個月，讀左1個月N 班，未番學前，唔會大咸扭計，唔會係又咸唔係又咸。依家仲每朝發脾氣，到學校門口，要我抱，（好似好驚咁），仲不停問＂婆婆一陣黎接我＂我有咩方法令佢安心，點先可以唔好成曰咸同扭計？平時同佢對答，絕對冇問題，一講到學校學左咩，原全答唔到。。麻煩幫忙解決難題

私人傳訊