方麗娟，
時間真係過得快，你個B都9個月嗱？初初你開呢個topic果陣，你個B都係剛剛出世咋。湊BB的日子真係難過又過咗，下星期一我隻豬扒妹都一歲啦，好鬼唔捨得佢咁快大呀，呢排望佢真係長咗大件咗，有好多衫已經唔啱著啦。
你囝囝近排食量多咗都唔出奇，你而家餵佢個時間表係點架？幾時食奶？幾多？固體幾多餐？幾多？食D咩？有冇下午茶時間？食咩？你列出嚟睇下，試下會唔會搵到原因。你已經餵咗9個月，奶少咗一D都唔出奇，都唔駛話增奶，俾多D其他嘢佢食都得，只要唔好話唔俾佢食奶就得啦。BB肚餓係會唔肯瞓架，咁我地大人肚餓都瞓唔着啦，咁食飽後又眼瞓，仲唔9秒9瞓咩，我都會架。我而家係會安排好時間，一日兩次粥，兩三次小食，四五餐奶（囡囡每次用樽食好少奶，2－4安不等，所以要分好幾次餵）。
夜晩扎醒有機會係肚餓、熱、涷、要安全感，你可以留意下佢咩情況下佢會醒，幾時可以瞓耐D，寫低細節同日期時間，可以試吓搵出原因。
食到一啖追住一啖咪好啦，你可以換下花款，食物配搭同煮法，有研究話BB要食成十幾次同一樣食物先話會接受，所以慢慢嚟一定得架。唔知你個仔會唔會同我個女一樣，囡囡一次唔會食好多嘢，除咗菜同生果，但要時不時食，所以一日用好多時間餵佢。食完粥or糊要即刻食奶，可能係口乾喎，你俾幾多水佢飲呀？幾時飲？點俾？匙羹定水杯？
日頭你唔好抱住佢瞓呀，雖然可以訓好耐，但大大吓佢都要學自己瞓，大咗就難教好多。陪佢一齊瞓都係一樣，你可以陪到佢瞓着之後，都最好等佢自己瞓。你睇下可唔可以俾D嘢傍住佢瞓，例如被仔，你件衫等，俾佢以為你仲抱住佢，你有冇試過開音樂或者收音機？有D BB會可以瞓得好D。我個女都要人拍先瞓，而家仲慣咗吊咀，要啜住我瞓，有時可以發顛好耐，眼瞓到不得了都仲係要扭到我餵先瞓，激死我，而家我真係冇晒自由。
花旗太太生活在花旗國，留意時差，你問我未必即時答到。
我想要9999呀...
發表於 
返回列表
