少年成長 今日: 0 | 主題: 16098

積分: 33215

1622^#

發表於 11-9-15 22:38 |只看該作者

YC 發表於 11-9-15 18:01
Dear Sandra,

我大仔11歲半, 佢細到而家都因為面對困難便大發雷庭 (特別係做功課時),發脾氣時佢會出力, 打 ...

YC :

11歲半响學校同外面嘅時間, 已經多過响屋企, 我估佢可能係「唔衰得」性格, 接受唔到失敗, 要揾藉口逃避, 亦太睇重人地点睇佢, 因此俾咗好大壓力自己, 佢呢種性格/行為應該係經年累月咁累積出嚟, 我建議你快 d 揾學校社工幫手, 幫佢做吓輔導, 亦教吓你点處理........... 因為愈大個只會愈難處理！

私人傳訊

COCO925

別墅

積分: 684

1623^#

發表於 11-9-15 23:49 |只看該作者

回覆：SandraLo 的帖子

多謝你的意見，我地應承左佢嘅野，都會做，好少講大話係咪俾d時間就可以適應呢，我們都有用讚，亦有用惡的態度對佢。
因是婆婆照顧，所以佢蝦婆婆多d,又成日無禮貌對待爸爸，例如：爸爸唔好伶（物件）等媽咪伶、你走呀、唔要你，呢d都會對住，爸爸同婆婆，而唔會咁對我，我有解釋唔可以咁樣，亦有叫她向爸 and 婆say sorry ，但仍未有改善，有咩方法呢？d玩具倒哂出嚟又唔執，可以點教呢，佢覺得我迫佢唔鍾意做嘅事，就會發脾氣，真難教，麻煩指教指教:

私人傳訊

積分: 33215

1624^#

發表於 11-9-17 23:34 |只看該作者

COCO925 發表於 11-9-15 23:49
多謝你的意見，我地應承左佢嘅野，都會做，好少講大話係咪俾d時間就可以適應呢，我們都有用讚，亦有用惡的 ...

coco925 :

小朋友未必明乜嘢叫冇禮貌, 尤其你都會「惡」對佢嘅話, 佢都一樣會學咗惡對人！下次佢再講「媽咪伶、你走呀、唔要你」呢類說話時, 你唔駛鬧佢冇禮貌, 亦唔駛要佢講 sorry, 只須用正面d 嘅方法教番佢点表達就得, 例如你平和咁話：「嗱你想媽咪拎, 就要同 daddy 講： daddy (要佢跟住講), 唔駛拎啦, 我想媽咪幫我拎」; 然後就讚佢：「唔...... 好有禮貌喎, 咁媽咪幫你啦！」就係咁, 佢先會明乜嘢先係有禮貌、做啱, 点先會被讚！

至於執玩具, 通常佢乜嘢時間玩玩具？幾時要執？玩d 乜多？你地有冇陪玩？

私人傳訊

COCO925

別墅

積分: 684

1625^#

發表於 11-9-19 09:09 |只看該作者

回覆：SandraLo 的帖子

玩玩具，通常佢會倒哂出嚟，玩一玩，就走左去，搞第二樣嘢。。叫極都唔執。。有陣時婆婆叫佢唔好搞嘢，叫極都唔聴，（硬頸性格），你唔俾做就大咸（新招，番學後學識），依家我同婆婆都好勞氣，鬧之如，（有時我仲會打）
我上星期開始，佢發脾氣時，我無採佢，尤得佢咸，我諗佢需要5-7min ，就可以冷靜落嚟，之後才解釋，正確嗎？麻煩指教

私人傳訊

積分: 4705

1626^#

發表於 11-9-19 14:01 |只看該作者

回覆 SandraLo 的帖子

SandraLo,

我要求救呀！我尋晚比2歲3個月既女激到我喊呀！

事緣係佢成日食飯都唔食餸, 佢剩係食白飯, 肉同菜要剁到 / 剪到變碎, 放係d飯中間佢先會食 (其實係佢自己都唔知自己食咗), 如果剪得唔夠碎或者佢知道就會吐番出嚟, 永遠唔會試食新嘢, 連一般小朋友鍾意食的火腿呀, 腸仔呀都唔食, 食飯呢樣嘢真係搞到我火哂。尋晚出街食飯, 都知佢衰, 只係叫咗個螺絲粉比佢食, 我已經剩係比粉佢食, 點知佢就食兩啖吐一啖, 我好嬲話如果你唔食今晚就無奶飲。(之前試過一次, 嗰晚佢喊得好犀利我都無比奶佢飲, 只係不停同佢解釋因為你食飯唔乖, 已經講咗無奶飲所以我係唔會開奶比你, 結果嗰晚佢係喊住咁瞓覺。)點知佢就點頭話好呀, 另外因為佢食飯時好曳, 又吐飯又周圍郁, 所以我罰佢落地企, 跟住我唔睬佢, 但佢完全覺得唔係一回事, 自己摸牆摸枱係度玩, 我真係好嬲, 結果成晚都無啋佢, 食完飯我自己行先叫 daddy 湊佢, 佢仲問 daddy 點解媽咪唔等我, 總之佢就完全無懺悔的意思, 我望吓佢佢好似完全無事發生過咁叫我, 媽咪呀, 你做咩呀, 其實佢係知我仲嬲緊架, 但我真係唔夠佢鬥, 佢完全無樣嘢驚, 打佢, 好大力佢都唔驚唔會喊, 鬧佢, 佢會唔啋你, 罰佢去企 naughty corner, 佢就自顧自玩, 佢好似咩都唔驚, 結果只有我自己一個激到喊, 尋晚佢見到我喊問我咩事, 我話妹妹好曳, 食飯唔乖, 成日都唔食嘢, 所以媽咪唔開心喊, 但係佢無咩反應 (真係心淡......), 唉, 點算呀, 我個女好好好......硬頸, 我真係唔識教喇！

p.s.: 尋晚佢叫我開奶, 我話你無食飯, 食飯時好曳, 講咗無奶食架喇, 結果佢就無再話要食奶, 只係飲咗幾啖水就瞓覺喇, 我真係諗唔到可以點樣教佢, 食飯可以點樣 ignore 佢, 同埋 ignore 佢佢都好似無咩所謂, 反而自己就爆炸咗, 點算好呀, sandra, 求你救救我啦！

私人傳訊

積分: 33215

1627^#

發表於 11-9-19 18:50 |只看該作者

Ali_03 發表於 11-9-19 14:01
回覆 SandraLo 的帖子

SandraLo,
我要求救呀！我尋晚比2歲3個月既女激到我喊呀！

Ali_03 :

唔駛咁嬲喎！與其話囡囡曳, 不如話佢係未明你想点, 而佢又唔「好」食嘢！
你睇咗點用讚未？另囡囡每日食幾餐？每餐相隔幾耐？

私人傳訊

積分: 4705

1628^#

發表於 11-9-20 09:34 |只看該作者

本帖最後由 Ali_03 於 11-9-20 09:35 編輯

回覆 SandraLo 的帖子

唔該哂 Sandra 咁快就覆我。其實我覺得囡囡係知我想點架, 每次我都有話比佢知要食肉肉, 要食菜菜, 我有比佢睇我放咗”幾大嚿”的肉係個匙度, 但佢一見到就話唔食肉, 剩係要食飯。我有時都會懷疑佢係咪口肌有問題, 但係佢講嘢都ok, 食餅又無問題喎。其實我都有用讚架, 佢食咗我會話”好叻喎, 食咗d肉肉, 係咪好好食呢？我哋又試吓再食菜菜”, 又或者會氹佢食完哂d飯我會獎佢食雪糕, 但呢d都係成功過一次半次, 失敗的機會多, 又或者當我讚佢食咗d肉時, 佢好似由唔知道比我提到佢知道食咗肉, 跟住就話唔食肉喇, 真係激死！

其實我要返工, 平時係由奶奶同工人湊, 佢一般朝早飲支奶就返學, 學校會有茶點, 12:00放學返屋企就食飯, 中間午睡前會食一支奶, 之後就晚飯架喇 (通常係7:30左右), 我已經叫咗奶奶同工人唔比咁多雜食佢, 但可能真係比咗我都唔知。不過係星期六日係我自己湊, 所以我好清楚, 通常朝早一支奶+少少麵飽, 然後1:00左右食飯, 有時佢真係食得小半碗, 如果嗰餐食得唔好, 我唔會再比佢食嘢, 直至夜晚 6:30-7:00先再食晚飯。其實我覺得最大問題係:都唔係佢唔食, 如果剩比白飯佢佢會食, 但係佢唔肯食餸, 如果比佢揀, 佢寧願揀唔食成餐飯囉！

仲有一個問題係囡囡性格好硬頸, 鬧佢打佢呢招唔掂, 佢亦唔怕, (你亦都唔會贊成, 係咪？), 氹佢亦未必次次 so 你, 有時我都會用 ignore 的方法, 但佢又好似唔志在你唔理佢, 真係無佢辦法, 結果就係攪到自己無哂 eq, 發哂脾氣, 加上大仔已經開學, 我呢個星期真係到咗一發不可收拾的局面, 有時我會唔理佢哋, 免得自己再發脾氣。

私人傳訊

bb1225

積分: 2740

1629^#

發表於 11-9-20 15:51 |只看該作者

hi SandraLo
最近囡囡唔知發生什麼事, 成日發脾氣. 阿女年底便4歲了. 一向都幾聽話. 都不知從何時開始, 性格突變.
以前半夜瞓覺因為想wee wee, 但又唔想起身就會好忟.
但最迎情況都一樣, 但就總是大吵大喊叫著 '你好曳呀! 唔鍾意你, 唔要你!' 我只好在她耳邊說 '媽媽在, 爸爸媽媽錫錫' 講講下, 就好似好d, 跟住會瞓返. 然後等佢平和少少再拉佢起身去廁所. 但她還是好忟的, 但總好過大叫大喊.
日頭又好多時都好易發脾氣, 一有少少唔順就喊, 又話 '你好曳呀! 唔鍾意你, 唔要你!' 有時仲會出手打人. 仲做出'苗'人面口. 少少事唔順就會皺眉頭, 又話 ‘點解你咁曳曳’ !之前我同papa都好嬲, 打又打過, 鬧又鬧過, 都好似冇改善. 仲嚴重左. 一唔鍾意就講'唔鍾意你, 唔要你!'
我好怕佢心理有什麼問題, 為何成日話'唔鍾意你, 唔要你!'
昨晚又係咁. 我就唔啋佢, 佢就成日走來秈面前, 我就專登唔望佢, 唔同佢講野. 過左差不多20分鐘左右, 就同佢講 ‘你咁唔鍾意我, 我就唔同你講野, 以後返到屋企就會靜晒, 我唔望你, 唔同你講野’. 靜左一輪, 佢知我唔開心, 佢就開始軟化, 開始攬實我. 跟住佢仲喊, 係知錯既喊, 冇大吵大鬧. 以為, 佢真係明白, 知道自己唔啱.
點知我今日打電話返屋企, 佢又發脾氣, 又話’ 唔鍾嫲嫲, 唔要嫲嫲’ (平日都係嫲嫲湊的). 我地真係冇晒佢符. 都唔知要唔要睇心理醫生.
你有冇方法可以幫下我. 我真的好惆悵, 好擔心.
爸爸就成日話我縱佢, 話係我縱佢縱成這樣. 爸爸好想打佢鬧佢, 但我就唔主張用打, 我覺得打得多, 鬧得多, 佢就只會記住被打的時候, 一直記住, 就更加唔開心, 更加唔鍾意我地.
由於我要返工, 有時唔係咁方便上BK. 你可不可以E-MAIL覆我呢. 我PM e-mail address 給你, 好嗎?
我真係唔知可以向誰求助. 見到BK咁多人講呢個topic. 希望真你搵到幫到我的人啦. 謝謝!

私人傳訊

積分: 33215

1630^#

發表於 11-9-20 23:19 |只看該作者

Ali_03 發表於 11-9-20 09:34
回覆 SandraLo 的帖子

唔該哂 Sandra 咁快就覆我。其實我覺得囡囡係知我想點架, 每次我都有話比佢知要食肉 ...

Ali_03 :

一日三支奶肯定太多...........
想問：佢鍾意嘅食物係乜？有陣响街未必有白飯, 意粉、通粉、麫、pizza同薯蓉呢d食唔食？

私人傳訊

積分: 4705

1631^#

發表於 11-9-21 13:36 |只看該作者

回覆 SandraLo 的帖子

Sandra,
三支奶真係太多？咁係咪中午嗰餐唔比佢食？咁午餐同晚餐中間比唔比其他嘢佢食？

其實佢真係無咩特別好鐘意食, 最鐘意就係芝士, 我有買 d BB 芝士 (成條咁) 比佢食, 病咗要食藥都係靠佢。之於去街除了白飯, 意粉、通粉、麫都食, pizza同薯蓉就唔多食, 但係佢食都係指剩係食粉, 唔食肉同菜囉！

點評

bee918 三支奶真係太多. 午餐同晚餐之間可以食個下午茶, 例如佢鍾意食既芝士. 發表於 11-9-21 13:43

私人傳訊

積分: 33215

1632^#

發表於 11-9-21 23:04 |只看該作者

bb1225 發表於 11-9-20 15:51
hi SandraLo
最近囡囡唔知發生什麼事, 成日發脾氣. 阿女年底便4歲了. 一向都幾聽話. 都不知從何時開始, 性格突變. ...

bb1225 :

如你有睇「媽咪容易犯的錯誤」, 你會明「唔鍾意你, 唔要你」嗰 d 只係晦氣說話, 並冇特別意思, 如你 take it serious, 就中招啦, 你重要同佢講「你咁唔鍾意我, 我就唔同你講野」, demo 用咁嘅態度對人, 佢咪學哂你囉, 好快就輪到佢「嬲」你架啦！
你囡囡只係一個普通小朋友, 唔須要睇心理醫生, 只係你地對佢講嘅嘢反應過大, 令佢覺得咁講嘢就可以攞到你嘅 attention, 而佢又學咗你地對佢嘅講嘢方式, 就變成互相糾纏！你先睇咗我簽名位兩個主打topic 先, 睇吓有冇 idea 點用讚, 再問, 用讚 + ignore 已足夠矯正呢個壞行為！

私人傳訊

積分: 33215

1633^#

發表於 11-9-21 23:16 |只看該作者

本帖最後由 SandraLo 於 11-9-21 23:28 編輯

Ali_03 發表於 11-9-21 13:36
回覆 SandraLo 的帖子

Sandra,

三支奶真係太多？咁係咪中午嗰餐唔比佢食？咁午餐同晚餐中間比唔比其他嘢佢食？

Ali_03 :

你諗番囡囡未食固體食物時飲幾次奶？如佢冇餓嘅感覺, 点會有興趣食嘢呢？
如佢鐘意芝士, 唔好就咁俾芝士佢, 用芝士搭落其他食物, 例如試吓芝士肉醬通粉先, 如肯食先慢慢加多d 菜同肉！
蛋、生果食唔食？
揾到個舊 topic, 雖然不完全合用, 但絕對可以參考吓：
http://www.baby-kingdom.com/forum.php?mod=viewthread&tid=801720&extra=page%3D1&page=1#13865199

私人傳訊

積分: 4705

1634^#

發表於 11-9-22 13:16 |只看該作者

回覆 SandraLo 的帖子

Sandra,
嘻嘻, 我都無諗過 tim, 佢未食固體前就一日食5次奶, 不過我成日諗佢大個咗所以要食多d嘢, 飲一支奶都唔會好飽, 加上佢無支奶就好似有蟻咬咁瞓唔著, 所以都無咩點特別同佢介奶。

咁我今晚試吓用芝士餵佢食飯先, 遲d再話你知結果點？

蛋佢就唔係好食, 生果就食多d, 蕉呀、奇異果係佢的 favour, 其他的一般都會食。

私人傳訊

JKMom

複式洋房

積分: 497

1635^#

發表於 11-9-22 20:18 |只看該作者

回覆：小朋友大脾氣,可以點教 Part II

Hi
我個仔三歲，工人湊，爺爺幫手睇。但佢脾氣大，有時會拍爺爺工人。最近係公園同另一個小朋友爭野玩，竟然打左人一拳令人地流鼻血。我不在場，因為如我在場，我一見佢同人爭，就會同佢講不如讓人玩，通常佢都肯。我覺得自己好失敗。佢之後回到家，我問佢係唔係打人，佢話係呀，對唔住，佢話下次唔會，我打左佢隻手兩下。我要點它呢？

私人傳訊

JKMom

複式洋房

積分: 497

1636^#

發表於 11-9-22 20:18 |只看該作者

回覆：小朋友大脾氣,可以點教 Part II

我要點教呢？

私人傳訊

JKMom

複式洋房

積分: 497

1637^#

發表於 11-9-22 20:24 |只看該作者

回覆：小朋友大脾氣,可以點教 Part II

另外，最近佢好想買一個玩具，甘我就開始用佢的好行為有星星貼的獎勵，有一定的星星才可以換野。所以日日放工回家我會問我個仔的佢自己的表現，之後拖住佢問工人同爺爺，佢真係有改善脾氣同壞行為。我甘做又啱唔啱呢？

私人傳訊