激氣篇~~
今日同gumgum一早到機場，見到好多人等，見到有哂韓文牌，但唔知寫咩!之後見到兩個後生女，其中一個係著住之前con 嘅衫gumgum識得其中一個係fan club 嘅人，我就膽粗粗問佢係咪等hong gi ,佢就目無表情答咗一句[我地兩個係代表]，其實當時我都唔明佢講咩！我同fulfil就坐咗响隔佢地一兩個位坐低，之後再問知唔知邊d係Hong gi fan,佢答唔知，無耐就走咗去派應援物，對住d妹妹仔好好笑容問係咪等Hong gi ,但佢一直都唔過嚟我地呢邊，佢明知我地係接Hong gi 都唔派比我地，之後我地見好似就快無咪行過去問，佢地兩條倒米大王竟然唔想比我地，伊伊哦哦唔知講咩，最後只比個波仔，真係嬲爆
接機篇~
見到班實Q排成一行，就知道Hong gi 就出嚟，就叫d 妹妹仔起身執返d眼耳口鼻，好快就出嚟，我第一時間走去無咩人個度，見隔離伸手Hong gi 就同佢握手之際我就成機抽水摸佢隻手，當時勁開心，然後就開始一段路不停跑去前面影相，知道佢上車我地就立即閃，點知走失一名唔跟住媽媽嘅小朋友，我地幾個係咁叫都無反應，就決定搭lift去上車先，但唔知出口响邊，好彩見到停車場實Q問路，然後好似以為自己奧運比賽咁出盡全力咁跑咗800m ,終於見到我地book 嘅追星車，一上到車成個人虛脫咁滯，然後要接返走失咗嘅bb, 當時又興奮又辛苦差d呼吸唔到要人工呼吸。
追車篇~
因為遲咗開車，司機哥哥開得好快幾架車一齊左穿右插，真係好似警匪片，追咗好耐都唔見Hong gi 架車，點知去到龍翔道追到，當時開心到大叫，司機哥哥立即貼住架星車，我地掛哂牌，當助手見到我地架車，立即拉布，頂! 之後有機會响Hong gi 個邊，我地勁興奮Hong gi 重同我地hi ,點知助手又拉布，唔知係咪長毛f fd 咁鍾意拉布
發表於 
返回列表
