方麗娟 ，睇下係囝囝個schedule先～～
上午
(5-6點) 仲訓緊但紥醒, 要食<一邊>
(8-9點) 同上/或有時會食完起身<一邊or兩邊>
(11:30-12:00) 粥仔／糊仔, 但因眼訓所以好多時食少少就要食奶
下午
(2點) 訓醒, 有時要食奶<兩邊>
(5-6點) 粥仔／糊仔, 有時可以食好多. 食完通常都要食d奶因為又扭眼訓. 食d奶就訓.
(9-10點幾不定) 食奶<兩邊>
(12點) 食奶, 訓覺<一邊or兩邊>
(半夜3-4點) 多數要食<一邊>
睇嚟你同我差唔多～～BB個人肉奶咀，我隻豬扒妹都係只要我喺度，點都要埋身先肯瞓，有時明明食完冇耐，佢因為眼瞓扭計，都要俾佢食先瞓，平日我媽湊，我媽都話佢要食住瞓，好少可以拍倒佢瞓，我而家都度緊，點可以要佢戒當我係奶咀，我俾個奶咀佢又唔肯食喎，激C。你不如試下唔好等佢眼瞓之前俾粥仔糊仔佢食，即係8－9點俾粥仔糊仔，11：30－12：00埋身，5－6點埋身，9－10點餵粥，睇下可唔可以BB食得好D，咁你可以試改其中一餐先，定咗先再轉另一餐。
飲水方面, 佢成日玩水e.g.:含住隻匙, 或者噴水. daddy响度就氹住佢嚟飲, 會飲到1oz. 用杯直頭係玩, 加上可能個咀出水太快, 佢飲唔切, 漏到成身濕晒. 有冇試過用樽俾水呀？我個女都好有性格，佢唔飲我地點餵都冇用，唔係漏番出嚟就係拎開個咀同塊面，死唔俾我地餵，我係每餐都用匙餵，我都俾湯佢飲，開奶茶涼茶果汁都俾，一來俾佢習慣飲，二來要佢大便暢順。
生果唔係日日比, 小食...唔知可以比咩小食, 不過間中會比麵包, 牙仔餅, 乳酪, 算唔算係小食呢? 我差不多每日都俾生果，囡囡已經食過蘋果、蕉、蜜瓜、peach、車厘子、士多啤梨、啤梨、西瓜、提子等等，基本係我地食佢又食。小食可以係生果、麵包、星星餅、餅乾，乳酪我暫時未俾，你都要留意BB食完反應，有DBB唔受得會疴，而且乳酪用全牛奶做，一歲前都最好唔好食住。
我覺得係少水份, 所以呢兩日又冇大便了. 但真係唔知有咩方法可以令佢肯飲水. 就算比果汁佢都係噴水
咁囝囝有冇食菜呀？生果菜都有fibres，可以幫助大便架。
至於紥醒, 有時係安全感問題, 所以如果佢係醒咗而冇喊, 或者唔係喊得勁, 又仲有d睡意, 就會輕拍佢訓返. 但好多時係一醒就大喊或大叫, 遲少少食奶都唔得...真係餓得咁緊要???? 我估唔係一定話肚餓，佢又係唔係真係食得好快，啜得好大力呀？因為慣咗啜住瞓，所以醒咗點都要食囉，豬扒妹有時都係咁。
睡方面, 由細到大都會逢係就嚟訓就播特定的cd, 佢都習慣咗一聽果d音樂就有睡意, 但大大下就難d入睡, 明明有睡意, 甚至勁眼訓都唔肯訓, 係要扭, 喊, 典... 其實都已經幾唔錯，我都係習慣張被仔兩個B，而家只要俾被，佢地都知要瞓覺，如果真係好攰，真係一攬住就瞓，所以如果要出街耐D，我都拎埋一張被仔。
我都知我湊佢, 其實有好多問題要改善, 例如抱/拍佢/行來行去氹佢訓, 抱住訓, 讓佢同大人一齊訓...可以講呢d都唔係好習慣. 不過我當初唔"狠心"由得佢喊, 自己訓, 一來當然係初為人母容易心軟啦, 二來唔想佢成日大喊, 擔心傷害到佢弱小心靈. 事實証明, 原來所有湊bb方法, 都係"有得必有失". 好認同你講”有得必有失”，世上冇一套湊仔必殺技，每個BB受果套都唔同，即使我兩個B都係我湊都要用唔同方法。而家如果你想改就要諗定D方法，試下得就用，唔得就再試其他。狠心係要架，唔係BB成日以為只要佢地要，媽咪都會滿足，大大吓就有問題，到兩三歲果陣真係顽皮的黃金時期，而家唔改，到時改要用多幾擔心機同時間仲死啦。
花旗太太生活在花旗國，留意時差，你問我未必即時答到。
我想要9999呀...
發表於 
自從有亞仔係，好久未去過族行，對上果次係06年3月
返回列表
