Re: 有冇四十歲左右架媽咪?? 大家一齊一入黎傾到笑爆咀呀! (Part 3)
你地有冇朋友知道關於哩種病嘅資料呀?
Cindy's case :
阿仔星期4因氣喘同不停嘔而入院，首3個鐘都以為係氣管/肺炎。點知突然急轉直下，而且休克。各種報告發現原來同氣管/肺無關，而係一個先天的新陳代謝病，令到血液裏的酸鹼度，血糖。。。完全失去平衡。至於係乜問題，點解決，到左今日，e生都重未可以好肯定禁話我知。因為e生話呢個病好小有。
e生當日花左10個鐘搶救，用D好強的藥同阿仔吊住條命。半夜1點開始同阿仔洗血。洗左兩日幾，各方面的數字開始穩定。
當時e生都沒把握，而且不停強調阿仔係危怠。叫我盡快通知老公，叫佢黎e院。當時，我真係好擔心我會無左個仔。
我離開e院時，佢開始洗血。返到屋企，每個佢坐過的地方都有佢個影。合埋眼就見到佢對住我笑。訓係床上，覺得個人好空，好似冇左一部份。成晚都訓唔到。
e生話，條命暫時已經救返，但之後的後遺症唔知係點。好好彩，血液的酸度冇影響肝，腎同心臟功能，但因為時間太長，可能會影響個腦。但係，我同老公個一刻覺得：阿仔星期4之後的日子，全部都係上天送俾我地。無論阿仔之後係點，佢都係我地既仔。而且我地會更加珍惜同保護佢。呢幾日令我感覺到，佢唔單只係我地個仔，而且重係我地身體的一部份。身邊其他的事物已經唔重要！
我係一個都幾八卦嘅人, believe in 因果, 風水命理。有果必有因 。
發表於 
返回列表
