go4baby 寫道:
miki, fsy,
我覺得佢地唔理解乜野叫做<自小培養x好的飲食習慣>. 進食大人的食物係遲早的事情, 但是遲食唔代表bb損失什麼,...為什麼要push我bb食? 如果當bb大d的時候唔食正餐, 佢地有機會話bb食太多"垃圾野"所以bb無胃口...咁樣邊過比"垃圾野"bb食先?
:tongue:mikitten 寫道:
尋晚出o左荃灣，老公話好耐冇探過佢阿婆(因為我唔鍾意大棚人)，就約o左佢阿婆、阿公同四姨o係酒家食晚飲，佢阿婆猛問我依家俾D咩晞嵐豬食，咁我話粥仔、糊仔同食奶囉，點D知飯餸一o黎，佢就問阿B識唔識食飯，跟住用佢食過o既"油立立"筷子夾D飯俾晞嵐豬食，我呆o左，佢仲話"食到喎~食到喎~"
過o左一陣又再夾，我就話"BB你食飯呀....."好彩老公都醒水，即刻話"你隻筷子油呀，唔好夾俾佢食啦!"，阿婆就話"邊有油呀..."老公話"你夾過晒D餸，D餸有油o架~"咁阿婆就冇再夾，但係成日o係度話晞嵐豬個樣想食，咁我咪囉D餅仔俾佢食住先。
之後有碟豆腐o黎，佢阿姨又話"俾D豆腐佢食啦~"好彩又有老公擋住，話出街食飯唔好亂俾o野佢食。
到食完差唔多走，阿婆又話，食咩都俾D佢食，乜都試下咁至好，老公就話"乜都俾佢試，唔通白粉煙仔都俾佢試咩?"阿婆話佢打橫o黎講，話舅父幾個仔女細細個就乜都食，依家咪冇事，老公話"所以變晒肥仔囉，等佢一歲先啦~"
佢地仲話要同晞嵐豬攪生日會，救命呀~~~~~~~~
發表於 
, 如果有份射12碼就唔係咁啦......
返回列表
