吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› ♡仲有幾多媽媽餵緊人奶?互相支持吓♡ ...

大仔大女媽媽會今日: 0|主題: 177861

收藏本版

發帖

返回列表

跳至頁

樓主: amypekkle

[2004年或之前] ♡仲有幾多媽媽餵緊人奶?互相支持吓♡ [複製鏈接]

83 848586 87...103

FlorashleyTim

大宅

積分: 1986

1681^#

發表於 05-8-14 16:51 |只看該作者

Re: ?仲有幾多媽媽餵緊人奶?互相支持??

hybb,

香港單親協會
單親熱線
電話：27784849
服務時段：1000-1230(三)；1430-1700(六)

提供情緒輔導及諮詢服務。

香港九龍石硤尾大坑東東滿樓地下１－７號
電話： 2338 1303
傳真： 2337 5764
電子郵件： [email protected]
網址： www.hkspa.org.hk

I wonder if the above-mentioned info is useful for you. They have some 過來人 to be the volunteers for the hotline.

Actually, I came across many parents who were just like Fung Fung's daddy-->tend to escape from facing the reality. Sometimes, I think it's better for you to 兩手準備. So, try to get more info may be important during this stage.

私人傳訊

katherine612

公爵府

積分: 27320

1682^#

發表於 05-8-15 13:49 |只看該作者

Re: ?仲有幾多媽媽餵緊人奶?互相支持??

hybb,

聽到這個消息真的感到可惜,希望你可以冷靜面對,
可以試下搵社工幫助,有雖要的話0409媽咪會支持
你架,

私人傳訊

Momotat

大宅

積分: 4502

1683^#

發表於 05-8-15 15:41 |只看該作者

Re: ?仲有幾多媽媽餵緊人奶?互相支持??

hybb,

Sorry to hear your story....but whenever you want a 聆聽者, just online and chat with us......we, the whole Sept04 mami club, will support you and listen to you gar!
我地未必可以實際的幫到你,但會給你無限的支持!!!加油!!

momotat

私人傳訊

number13

大宅

積分: 3839

1684^#

發表於 05-8-15 16:13 |只看該作者

Re: ?仲有幾多媽媽餵緊人奶?互相支持??

Momotat 寫道:
hybb,
Sorry to hear your story....but whenever you want a 聆聽者, just online and chat with us......we, the whole Sept04 mami club, will support you and listen to you gar!
我地未必可以實際的幫到你,但會給你無限的支持!!!加油!!
momotat

hybb,
係呀!振作

私人傳訊

sweetman

男爵府

積分: 5485

1685^#

發表於 05-8-15 17:31 |只看該作者

Re: ?仲有幾多媽媽餵緊人奶?互相支持??

hybb,

振作D, 我地個個都支持你, check pm.

私人傳訊

amypekkle

珍珠宮

積分: 37980

好媽媽勳章

1686^#

發表於 05-8-15 21:05 |只看該作者

Re: ?仲有幾多媽媽餵緊人奶?互相支持??

hybb,

其實我都唔知邊自己有乜野可以幫到你. 希望你試下打去flora介紹的熱線. 有時有d野可能可以避免, 又或者真的無可避免, 但點都好, 搵多個人傾訴下你會舒服d. 有時有d野當局者迷, 同其他人講下(如社工, 朋友), 話唔定佢地會有一些有用的建議俾你.

記住無論發生乜事, 我地都會支持你的.

私人傳訊

hybb

大宅

積分: 4929

1687^#

發表於 05-8-15 23:21 |只看該作者

Re: ?仲有幾多媽媽餵緊人奶?互相支持??

真係好多謝咁多位既支持, 真係忍唔住喊左出黎....

今日搭車去湊峰峰時, 成程車都係度喊, 我真係完全唔識形容而家自己係咩感覺...你話係因為老公要話分開而覺得傷心, 我又覺得好似唔係.......可能自己都諗唔明...點解會攪到咁....

我岩岩寫好左一封信比佢, 我唔知呢封信有無用, 但係....我都係唔想呢個家就咁無....我唔想峰峰無左爸爸同佢一齊成長.....

我同我老公之間既問題, 可能係因為大家無溝通.....

其實當初結婚..係因為有左峰峰先結婚, 兩個人生活, 大家都需要時間適應, 但係...都未適應到, 峰峰就出世...可能突然間太多野要去面對....攪到大家越來越誤會

我老公都係係單親家庭長大, 我相信佢應該好明白無爸爸係點樣......但係....亦因為佢係單親出世....佢有好多野....都唔識去面對, 好似我剛剛大肚時, 佢都係逃避.....好多野唔想去諗, 就掛住打機....

但係我完全估唔到, 到峰峰出左世後....情況會越來越差

其實呢度已經係一個好好既地方比我講出我內心既感受, 我係一個鍾意用文字多過用說話既人, 因為我份人好屈, 講出黎既說話可能好難聽.....但係...我唔係有心的......可能亦都係因為呢個原因....而令我同佢既關係越來越差....

總之點都好, 我都好多謝咁多位對我既開解, 同支持......

私人傳訊

amypekkle

珍珠宮

積分: 37980

好媽媽勳章

1688^#

發表於 05-8-16 00:24 |只看該作者

Re: ?仲有幾多媽媽餵緊人奶?互相支持??

hybb,

"兩個人生活, 大家都需要時間適應, 但係...都未適應到, 峰峰就出世...可能突然間太多野要去面對...."
我都好有同感. 我結婚唔夠兩個月就有左智程, 初時大肚時老公就對我好好, 照顧周到. 但係到智程出左世之後, 一來大家都俾少左時間同注意力對方, 二來可能在照顧/教育bb上有不同的意見, 所以我都成日同智程爸

.

不過, 兩個人能夠在一起, 始終是有緣份. 要繼續, 一定要其中一個人努力d. 要給峰峰一個完整的家, 相信你要往前再走多兩三步(不止一步). 其實你亦知道你老公係一個好多野都唔識得面對的人, ("佢有好多野....都唔識去面對") 如果你仲想同佢一齊的話, 咁你就要多d向佢表達你的感受, 讓他知道你有意思大家一齊再為這個家努力, 亦要鼓勵他面對兩個人溝通不足或其他的問題. (不過, 咁多問題, 要慢慢來的. 最主要係要清楚佢係咪都係想個家完完整整. 如果係的話, 只要佢肯俾少少心機, 冇野係唔得的.)

用文字來表達自己不失為一個好辦法. 很多時我都喜歡在這個媽媽會來以文字來表達自己. 一來可以把想講的寫得一清二楚, 二來有時有些事用口來說就是說不出, 但用文字却比較容易表達.

如果你仍有一點喜歡你老公, 為了峰峰, 你要努力面對問題. 逃避是不能解決問題的. hybb, 努力啊!

私人傳訊

hybb

大宅

積分: 4929

1689^#

發表於 05-8-16 13:22 |只看該作者

Re: ?仲有幾多媽媽餵緊人奶?互相支持??

我對住佢, 就快痴線了....

佢尋晚去飲酒飲到4點幾先返, 打左比佢幾次問佢去左邊又唔講...又唔知佢同咩人一齊.......我個心...真係好痛好痛......

點解佢去逃避問題...而要我去承受佢做既野? 我真係覺得好辛苦.....我真係唔識得點去做....

今朝...係我一個人帶峰峰返學, 攪到我返工都遲晒到.....佢再咁樣落去...我真係唔知我可以忍到幾時....我都好想同佢傾, 但係...佢完全唔會比機會大家傾(出街出到半夜三更..點傾...)

尋晚, 我真係想抱住峰峰一走了之...但係...我又唔知走得去邊.....感覺真係好難受.......

私人傳訊

SumSumBB

侯爵府

積分: 23862

醒目開學勳章畀面勳章

1690^#

發表於 05-8-16 14:13 |只看該作者

Re: ?仲有幾多媽媽餵緊人奶?互相支持??

hybb ,

對方不斷逃避，要你一個人去面對問題，的而且確很難受。 :cry:

私人傳訊

hybb

大宅

積分: 4929

1691^#

發表於 05-8-16 14:23 |只看該作者

Re: ?仲有幾多媽媽餵緊人奶?互相支持??

我真係怕我會睇唔開....尋晚真係想掉低峰峰...自己死鬼左佢......真係好辛苦..點解乜都要我自己一個人去面對...........

私人傳訊

number13

大宅

積分: 3839

1692^#

發表於 05-8-16 14:28 |只看該作者

Re: ?仲有幾多媽媽餵緊人奶?互相支持??

hybb,
Pls check PM.

私人傳訊

webjen

珍珠宮

積分: 46143

1693^#

發表於 05-8-16 14:29 |只看該作者

Re: ?仲有幾多媽媽餵緊人奶?互相支持??

你真係唔好亂唸野呀

你係峰峰媽咪,你唔係到邊個理佢呀,佢仲要係你照顧架!!!!你唸下無左媽媽o既小朋友幾慘!!!!
你要支持落去呀!!!為左自己,為左峰峰!!!!
你同峰峰仲有好多路要行架,可能係辛苦d,但係點都會有將來架,你仲咁後生!!!!
你要好好照顧自己身體呀,我地係幫唔到你d咩,但係大家都好支持你架!!!!

我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!

私人傳訊

niklaus903

男爵府

積分: 8476

1694^#

發表於 05-8-16 15:05 |只看該作者

Re: ?仲有幾多媽媽餵緊人奶?互相支持??

hybb,
冷靜d, 佢做緊逃避現實既行為要你一個人面對; 如果連你都採取消極態度又逃避, 要峰峰一個人仔點去面對. 學webjen話齋 (其實我有咁唸但講唔出口), 如果事情真係冇彎轉就唔好拖, 對你地3個都冇好處; 可能峰峰仲細, 唔能夠為你分憂, 但亦因為咁, 佢唔會有太大傷害. 你作為一個愛錫峰峰既媽咪, 盡你既能力伴佢成長, 比佢一個快樂既童年, 佢將來一定會係一個好愛媽媽既孩子.

其實我估有d野佢自己都解決唔到, 佢可能而家都好痛苦, 男人係表達能力好差既動物, 女人有事會揾人講, 男人就怕比人知, 自己收埋收埋, 再試下有冇辦法同佢傾, 呢個時候佢地受軟唔受硬, 大家平心靜氣傾下, 睇下有冇辦法打動佢/令佢開口.

如果最後係要你一個面對既話, 我好贊成你揾社工, 佢地一定幫到你.

私人傳訊

oldelephant

別墅

積分: 556

1695^#

發表於 05-8-16 15:24 |只看該作者

Re: ?仲有幾多媽媽餵緊人奶?互相支持??

hybb,

聽到你這個消息，我也覺得很難過。我很同意amy所說，就是兩個人要一起生活，互相適應已很不容易，何況那麽快已經有了bb，自然是難上加難。不要說你，就是我已經結婚六年才生bb，我和我老公之間有時也會因為bb而有磨擦——最主要是他認爲我‘要仔唔要公’，覺得我冷落了他，自己在這個家中好像變得可有可無，覺得很沒趣。

雖然我在聽了他的投訴後，馬上反駁說他沒良心，不理解我這當媽媽的有多忙，但冷靜下來後，嘗試從他的角度去看，就發現：的確，以我工餘的時間來計算，十分之八是給BB的，給他的，可能大概只有十分之一或更少。有時他打電話給我，開場白竟然會是：喂？你宜家有無3分鐘時間，聽聽老公心底話？

於是我問問自己：我在家中扮演兩個角色；做媽媽我自問做得不錯，但做妻子呢？撫心自問，的確有點問題啊！我常常覺得我既要上班，晚上又因為bb經常扭計而沒有一晚睡得好，我已經累得快死了，你做丈夫的看在眼裏，應該明白我爲什麽沒有時間理你呀！

但是，原來男人理智上明白是一回事，要他們感情上接受又是另一回事。男人有時就像小孩子，需要呵護，需要照顧，
他們工作累了，希望回家後有人聽聽他們訴苦，陪陪他們聊天（所以我說，女人by definition真是比較高級的動物！）我們這些既為人母又為人妻的，真是要好好運用自己的智慧，學習如何有效地分配自己有限的時間和精力啊！

我自少在男仔堆中長大，媽媽又是個剛強得很的女人，所以我性格硬朗，一點也不溫柔。以往和老公一有什麽意見不合，我就板起面孔，絕不會認低威，結果往往為一件芝麻綠豆的小事而令自己和對方不開心一陣子。現在年紀大了，倒漸漸學會不要那麽執著：當初既有爭執，自然是公說公有理，婆說婆有理；然而夫妻之間，誰對誰錯，難道真是那麽重要嗎？有時候，如果退一步就真的可以海闊天空，就不妨嘆口氣，退後一步吧！有時，一些所謂難以解決的僵局，其實只要有一方當事人肯放下面子，主動大方地去處理，事情往往會有轉圜的餘地。

我同意你在現在這個艱難的時刻，去找社工等專業人士去談談。但談歸談，最後可以解決問題的，始終是你們自己。

我衷心祝你一切順利！

私人傳訊

SumSumBB

侯爵府

積分: 23862

醒目開學勳章畀面勳章

1696^#

發表於 05-8-16 15:33 |只看該作者

Re: ?仲有幾多媽媽餵緊人奶?互相支持??

hybb,

傻豬、傻豬，唔好亂唸呀！

我都試過拍左7年拖，個男朋友識左第二個女仔，突然變面、失蹤，那時不知幾傷心、日喊夜喊，連我阿媽都陪我一齊喊！

以前待我如公主般，但變面後...我日日都寫一封信俾佢，但對方都當我透明。

喊喊下，我覺得唔係辦法，就去圖書館借左十幾本有關如何面對失戀的書，睇完便重新做人。

現在不知幾好，真係要多謝佢當初的離開！

如果個天註定係你就係你既，勇敢面對，柳暗花明又一村，天主可能已為你安排了一條更好、更光明的前路。

現在雖然很苦，但捱過闖過，日後回頭看，已沒有甚麼大不了。

峰峰咁靚仔、咁可愛、咁得意....，媽咪，你要堅強呀！

私人傳訊

Annie926

大宅

積分: 3011

1697^#

發表於 05-8-16 16:14 |只看該作者

Re: ?仲有幾多媽媽餵緊人奶?互相支持??

hybb,
冷靜d, 唔好亂唸野呀, 如峰峰爸逃避, 而你又走左去, 咁峰峰點呀? 佢咁細個人仔, 好需要你既照顧.
雖然而家會辛苦d, 但你一定要勇敢面對, 任何問題都可以解決架!

:-P

私人傳訊

deebrown

大宅

積分: 2938

1698^#

發表於 05-8-16 22:13 |只看該作者

Re: ?仲有幾多媽媽餵緊人奶?互相支持??

hybb,

Please, please, you have to be strong for your beautiful baby. Try to speak to your family. Get them to help you to look after 峰峰 for a couple of days. Sort it out with your husband. Nothin can't be solve. Your baby needs you the most ah. There's always bright light at the end of the tunnel.

ADD OIL AH

Annie926,
What kind of camera do you use? Your photos of your baby is always so sharp and beautiful...