Re: 有無煲粥好介紹
正! 好arm用! 
Thanks so much! 
nnfonder 寫道:
肉類: 肉片 / 牛肉 / 魚 / 鴨腎 / 鴨心 / 雞肉
蔬菜: 冬瓜 / 節瓜 / 蕃茄 / 紅蘿蔔 / 木瓜 / 菜心 / 菠菜 / 南瓜
另類: 雞蛋 / 芝士 / 蜜棗 / 淮山 / 龍牙百合 (黃色O既, 未漂過果種)
我煲過一次淮山粥仔, 不過我個仔就唔多鐘意食. 所以冇再煲, 如果你想煲淮山粥仔, 可以用野山淮山(黃色), 磨成粉, 一匙羹淮山粉,凍水連米一同落, 煲好就食得.
蜜棗粥仔, 一至兩粒蜜棗, 洗乾淨, 凍水同米一齊落, (食味架咋, 蜜棗唔駛俾bb食), 煲好就食得. 呢味粥仔可以去痰火, 如果bb 岩岩起啖又或者傷風尾有幾聲痰聲, 食呢味都幾好. 亦都可以加入龍牙百合,先洗一洗D百合,然後浸佢半個鐘與蜜棗同下
雞蛋粥仔, 可以配一d蔬菜, 六個月大o既bb 只可以食蛋黃, 九個月之後先可以試食蛋白. 先將雞蛋烚熟, 去殼去蛋白, mashed 左d 蛋黃, 到d粥仔差唔多煲好, 就加入蛋黃. 九個月大之後, 可以先用四分之一隻蛋白, 加入蛋黃, 攪云, 到粥仔差不多煮好, 就可以加入準備好D雞蛋, 再煮, d蛋花都熟哂就食得架喇.
芝士, 都係九個月大之後先開始試, 煲好左o既粥仔 (肉類加菜o既粥仔), 加入一粒笑牛牌芝士 (原味), d 芝士會溶入d粥仔到o既. 又食得喇.
鴨腎 同 鴨心都有去奶積o既功效, 又係食味唔食材料o既, 洗鴨腎要去哂d黃衣, 洗鴨心要去哂d血, 用鹽黎洗就最好架喇.記住要過清哂d鹽喎
:wave: 我和我的唐BB~Matthew
;-) 我要盡心盡力愛我的囡囡和囝囝, 更要加陪地盡心盡力照顧我這個特別的唐寶寶。:-P 無論發生甚麼事都對他們不離不棄。
發表於 
返回列表
