吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 真係唔知點算好-深層矛盾 2

婆媳關係今日: 0|主題: 27775

收藏本版

發帖

返回列表

跳至頁

樓主: A.Yin

83 848586 87...100

Erised

積分: 5056

1681^#

發表於 12-7-17 20:58 |只看該作者

我都同意樓上所講，拎出來同你PARTNER商量，話俾佢聽佢地係咩人，如果真係落搭，有幾多煩惱跟尾。

佢地係有錢，但無野可以夾硬黎，有錢唔係大哂，你地唔肯賺佢舊錢，就算佢幾有錢都無用。我覺得你成日考慮，佢個條件有幾吸引又盛，但如果俾我，好似你話齋，知道要賺佢舊錢個代價係自己承受唔起既，咁佢講乜我都當佢廢UP！

如果你PARTNER聽完你成個故事，都係要落搭既，咁大不了你唔撈，賣哂Ｄ股份俾佢地囉，總之同佢地無瓜葛就得！

點評

beaclem agree! 發表於 12-7-17 21:18

私人傳訊

A.Yin

大宅

積分: 3719

1682^#

發表於 12-7-17 21:22 |只看該作者

JOLA_CC 發表於 12-7-17 19:43
同 partner 坦白，話佢知你同xx的關係 and 近來發生的事！件事從好處看是商機，但壞處看是一個局！我唔信你 ...

唉！我就是唔想左右佢，所以點解到今時今日都冇同佢講過呢個問題。
我同拍檔關係唔差，就是一路拍住上，點解關係咁好，一來大學同學，二來大家睇嘢理智。

如果我同佢講太多私人的事而影響佢的決定，假設商人係攪攪振都還好，如果唔係，佢好大機會會怨我，跟住關係破裂。

我覺得件事就好似去行街，如果喺冇sales的情況下買的嘢，一定係心頭好，相反有人喺側邊講好多嘢，好容易會買錯自己唔鐘意甚至唔襯的衫番屋企，所以我想等佢自己一個人的情況下作決定，佢有決定之後我再講可能性俾佢聽

而商人就如他自己話齋，會令到間公司賺錢，因為他的目的唔係我又唔係我公司，他要幫公主媽移民啫，依家移民政策收咁緊，如果公司喺公主媽加入後冇業績就十成移唔到民，他一定唔會俾呢個情況發生，所以公司往後有利可圖的機會好大，相信商人執住呢點同我拍檔傾係非常有理

另外，我根本冇可能賣哂公司股份，所以我話要局食公主媽。因為商人好醒他唔會丟低公主媽喺公司，一來股份差唔多50\50，公主媽主婦一名鬼識做我個位，二來商人一定唔會買哂我D股份，他只會買足夠申請移民的份，我話想賣哂離開公司都冇用，估計咁的情況下我partner都唔會買剩低嗰D。而如果商人真是買哂我的股份就只有一個情況，就是叫埋呀Y加入！叫埋呀Y加入我就又輸公司又輸人俾商人

我其實唔係考慮緊商人條件有幾吸引，而是代入我拍檔角色去諗，如果我都覺得吸引，

私人傳訊

A.Yin

大宅

積分: 3719

1683^#

發表於 12-7-17 21:25 |只看該作者

佢都一定會，所以我盡量知己知彼。

當然如果佢冇打算賣就最好，但如果有，咁我就要依家考慮對策。

諗好先同傾，作好打算嘛

私人傳訊

Superman-GF

禁止訪問

積分: 80245

1684^#

發表於 12-7-17 21:51 |只看該作者

回覆：A.Yin 的帖子

提示: 作者被禁止或刪除內容自動屏蔽

私人傳訊

frogb

禁止訪問

積分: 698

1685^#

發表於 12-7-17 21:54 |只看該作者

回覆：真係唔知點算好-深層矛盾 2

提示: 作者被禁止或刪除內容自動屏蔽

私人傳訊

Chrisdindin

男爵府

積分: 6262

1686^#

發表於 12-7-17 22:01 |只看該作者

回覆：A.Yin 的帖子

8妹唔係有把柄係你手咩? 有辦法宜家就送佢走，咁就唔會有人移民
商人講到咁，你點做都阻止唔到佢架啦。我只會答佢只要佢，或任何人入股，就會同佢地斷絕聯絡，呢世都唔會見到你地同BB。

點評

A.Yin 如果公主媽移到民，公主只要一路full time讀書都可以過番來發表於 12-7-17 22:04

私人傳訊

pcbu

子爵府

積分: 13022

1687^#

發表於 12-7-17 22:05 |只看該作者

引用:佢都一定會，所以我盡量知己知彼。當然如果

原帖由 A.Yin 於 12-07-17 發表
佢都一定會，所以我盡量知己知彼。

當然如果佢冇打算賣就最好，但如果有，咁我就要依家考慮對策。

做生意呢d我唔識，不過有無可能開條分線拆出去賣呢?

點評

A.Yin 以我所知要幫人移民的公司，最好係有兩年以上營運期發表於 12-7-17 22:08

私人傳訊

Erised

男爵府

積分: 5056

1688^#

發表於 12-7-17 22:13 |只看該作者

你partner既然同你咁耐朋友，而家佢未出聲，可能佢未必真係肯落搭，始終加partner落去，改變而家公司既運作模式，除左錢之外都要考慮好多野，如果合作得唔好佢都唔會想。如果佢真係心動同你商量，相信你都會將前因後果拎哂出來同佢傾。

如果你partner要賣，但又要keep埋你果份，你都可以揀唔賣！sorry呢個世界有強姦無局賭，間公司係二人份既，你唔肯，佢都唔可以單方面出賣你。總之，加公主媽，呀Ｙ落去都無得傾架啦，要不就全權退股架姐。

其實商人點解係都要搞你呢？你話齋，要幫公主一家移民，只要有錢就有大把方法，何必明知你咁反感，咁大反應，係都要搞著你，迫到你地走投無路？

私人傳訊

pcbu

子爵府

積分: 13022

1689^#

發表於 12-7-17 22:23 |只看該作者

真係唔知點算好-深層矛盾 2

如果我係你，我會老實同partner傾，你有責任話佢知發生緊咩事，賣得成有d咩要take risk，你唔想左右佢，但@#已經出招攪緊事而ABC又唔知，對佢都唔公平

私人傳訊

banbanmm

珍珠宮

積分: 39100

畀面勳章

1690^#

發表於 12-7-17 22:23 |只看該作者

你62真係好煩，點解成日要搞自己屋企人?

點評

A.Yin 因為他要趕走呀Y又想搵

發表於 12-7-17 22:34

私人傳訊

A.Yin

大宅

積分: 3719

1691^#

發表於 12-7-17 22:32 |只看該作者

Erised 發表於 12-7-17 22:13
你partner既然同你咁耐朋友，而家佢未出聲，可能佢未必真係肯落搭，始終加partner落去，改變而家公司既運作 ...

我諗呢個如意算盤係：
1）就手，唔洗周圍搵，風險細

2）有我喺度＂睇住＂

3）事實上，我公司嗰行無論商人定公主爸都可以＂幫手＂，咁先可以吸引到拍檔俾公主媽加入，又可以整靚盤數俾移民局睇

係呀，partner 可以因為我唔同意他賣而告我, 話我冇履行做股東責任，將公司利益最大化，而好大機會他會贏

我就係退唔到股因為冇人會買我的股份，我partner-他啃唔哂，商人-他只會出錢買夠移民用，假設10-20%

所以商人呢個局綁得我好死，每一步他都掌握到，除非我做D犯法嘢？

私人傳訊

alicemic

翡翠宮

積分: 92568

2025勳章蛇年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

1692^#

發表於 12-7-17 22:38 |只看該作者

A.Yin 發表於 12-7-17 21:22
唉！我就是唔想左右佢，所以點解到今時今日都冇同佢講過呢個問題。
我同拍檔關係唔差，就是一路拍住上，點 ...

表面上好吸引，但實際上呢？加埋咗呢個婆娘麻麻煩煩咁，營運一定唔可能好似而家咁有自主權，佢係唔識做，但就係唔識又要威先大鑊，入咗股之後，佢癲起上嚟就更加恃住自己有股份有話事權去搞亂檔，可能最终會都搵到錢，不過你同你拍擋甘唔甘心將自己既心血比人搞成咁先？

既然大家都係理知既，不妨將所有好醜都講比拍檔知，加上狡猾商人都搵人接觸過佢，紙始終包唔住火，主動一5一十講清楚，當你對唔住佢都好，都一定要比佢知因由！

私人傳訊

angieody

大宅

積分: 2460

1693^#

發表於 12-7-17 22:44 |只看該作者

真係唔知點算好-深層矛盾 2

你partner 有冇可能買埋你嘅shares? 如果唔可能的話，又有冇可能狠心d，close it down?

點評

alicemic 樓主顧慮太多！發表於 12-7-18 00:01

Erised 俾我就算離婚，摺左公司，抱住個女出街乞食，都唔想再同佢地有瓜葛。發表於 12-7-17 23:03

Erised 慘得過你對住Ｙ理鐵三角一世？發表於 12-7-17 23:03

A.Yin 但是禍不及妻兒，公司windup 員工咪好慘？

發表於 12-7-17 22:48

私人傳訊

Erised

男爵府

積分: 5056

1694^#

發表於 12-7-17 22:47 |只看該作者

A.Yin 發表於 12-7-17 22:32
我諗呢個如意算盤係：
1）就手，唔洗周圍搵，風險細

我就唔係好識搞公司既野，不過你PARTNER同你咁耐朋友，合作左咁耐，會唔會為左一個三五識七既「賺錢機會」而同你反面，玩到告你咁大件事呢？我相信佢同得你做朋友咁耐，都係明白事理既人，你同佢解釋佢一定可以理解。你單野，呢度幾百個版友親眼見證住，睇到有幾眼火爆，只要正常人都會明白你既決定。

而且生意既野，都係利益關係姐。唔撈都唔俾？呢個世界有無Ｄ咁既事呀？無將公司利益最大化就可以告人架啦？賺錢賺唔足十蚊，賺八蚊但舒舒服服都係個人選擇姐。呢個世界，合則來，不合則去，有咩咁大件事要搞到對簿公堂呢。你可能過慮啦。

你同你老公傾下，叫你老公叫商人收手啦。而家已經差唔多連親戚都無得做架啦（已經稱唔上呢兩個人係『家人』），再玩落去就脫離關係啦，真係扯哂白旗啦。

點評

A.Yin 所以我真係好怕講錢一講到錢咩面目都現形話唔定partner同商人一樣認錢唔人發表於 12-7-17 22:53

私人傳訊

k-k-mummy

男爵府

積分: 5048

1695^#

發表於 12-7-17 22:51 |只看該作者

真係唔知點算好-深層矛盾 2

現階段，我唔贊成同partner講，除咗唔想影響佢思維外，最重要係…如果俾佢知你@@咁麻煩，背後目的，佢極有可能諗不如自己賣哂自己嗰份俾你@@,等你哋閂埋門自己玩哂佢，作為一個外人，要錢好過，仲要係高過市值，到時唔洗焗住幫佢申請working visa,申請個對公司來說係廢人嘅人回來又要entertain佢，賣哂自己嗰啲，有錢又有本事，再開過盤好過捲入你@@個麻煩堆入面。到時你仲慘，你手持一半，另一半你@@分俾##+官太，你想清靜湊女？！no way la, 你要幫公司賺錢，保各新partners移民，@@理由充分話##幫你湊女，因為佢唔識做你公司啲野。
So, 既然你而家係放長假，放手俾partner做，如果佢睇完你@@嘅proposal又認為對公司發展有利而想俾佢入股，佢會揾你商討，你就先聽你partner點睇，可能佢真係覺得你@@會幫你公司發展而佢又滿有信心，咁到時你先同佢講你同@@咩關係，佢嘅真正目的，如果你partner覺得冇問題唔會放棄公司，那提出你抽身，條件係賣哂你自己的，專心湊女，既然你坦白咗同##相處唔到，事先聲明##移唔移到民你唔理，如果佢人在澳洲，你定一個你接受到嘅時段eg.3個月，同佢飲一次茶 or 一個lunch, 在外見一見，到時點安排由你約，of course呢樣要你自己真係接受到先好開出。如果你partner睇完個proposal都唔覺係好野，佢根本唔會揾你商量，咁無謂俾人知自己有啲咁嘅@@##

如果你係心動想賣，你要堅持全售，不過咁做好對唔住 partner 拉咗佢落水做埋你@@棋子，佢到時焗住幫冇工作能力的人申請工作簽証