今日好嬲呀,我早上揍完 Esme 去畫班就立即去 Agent 度投訴,依個 Agent 我已經幫襯 4 年架啦,原本想上去問下可唔可以換個個我啦,佢就話我講嘅嘢唔係 point 所以冇得換喎,我話我請時已經講明要識聽、講、睇英文,但現在個個唔識睇我真係好擔心架,好似連 brush teeth、wake up at 6:30 都唔識睇喎,如果要佢餵藥我寫“每隔 4 小時 1 次”,佢唔識睇嘅可能就會變左 1 個小時 4 次,原本冇事都變有事啦,又或叫佢坐幾多號車去邊,佢只識睇數目字但唔識睇架車去邊,到時都唔知佢去左邊呀,我兩公婆都要返工,Esme 下午放左學就會沖涼、食飯、瞓下午覺,跟住就會起身睇書,佢唔識睇唔通兩個係到數手指咩?個 Agent 話印傭有 99.5 %都係唔識寫 & 睇英文,我話唔係喎之前係你依度請親都識架,有咩理由今次彈件文盲比我呀,我身邊好多朋友都請印都識睇英文架,佢話咁你 d 朋友好彩囉請著之前個僱主肯教佢地英文,我心想你冇嘢呀咁講嘢,佢甘本就唔想幫我解決問題,而係求其講 d 嘢想打法我走,我當然覺得有問題至會上黎“姐”,只識叫我有咩咪叫佢地翻譯囉,如果係咁我咪好唔得閒,又或如果 Esme﹝touch wood﹞半夜發燒要食退燒藥,咁我點搵佢地幫我翻譯呀?咁嘅 Agent 我又點可以繼續用 & 介紹比人呢?好似之我同個工人續約佢又話實唔會完約架,大佬呀人地搵到個好工人乜唔係“鄧”人地開心咩,點解要咁樣講呀?個工人都係係你度請返黎架喎
我鐘意你同我講 I Love U, I Love U Too!
You are the sunshine of my life. That's why I'll always stay around. You are the apple of my eye. Forever you'll stay in my heart.