kit7266 發表於 15-3-7 22:25
朋友親戚A係地產經紀， 有次去粉嶺帶對夫婦睇樓，睇村屋兩層果隻， 去到街口見到村長， 村長話橫掂要去果度整d野， 跟埋去。
開門要開一陣至開到， 個客人老公就企左下層望， 客人老婆就上左2樓睇， 去廁所話試下水睇下開唔開到， 咁A跟埋上去， 見到浴缸開始放滿水， 但多左個女人（舊屋主）係浴缸入面， 水變紅色， 心知不妙， 但睇到個客若無其事， 就知得佢睇到， 咁唯有叫個客人老婆落去廚房睇。
剛落樓梯時， 客人老公走黎一手拖住個老婆走， 果時A見到有個陌生男人拎住把刀， 個陌生男人準備衝上樓上，兇神惡殺咁， 但又好似睇唔到佢地咁， 唔理咁多跟個客走人啦。 咁個客拖住老婆走去門口方向， 佢跟住跑出門口， 個客行到打開門時， 見到又有個細路仔由門口跑入屋， 仲要穿過個客身體入屋， A一早已經嚇到魂不附體， 跟住就見到個客關門， 呢下佢真係堅驚， 起勢拍門叫佢地開門啦……開門呀…… 其實正常係屋入面應該開到門既， 但係佢點開都開唔到， 起勢擰個大門把手， 更加唔敢望番轉頭， 跟住聽到村長話唔好玩野， 開門放人出去啦！跟住至開到門走。
客人老公只睇到拎刀男人，唔對路就拖老婆走， 客人老婆就咩都睇唔到， A就見到哂3個。 事後， 病左一個月。
...
發表於 
返回列表
