吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 小朋友大脾氣,可以點教 Part II

少年成長今日: 0|主題: 16097

收藏本版

發帖

返回列表

跳至頁

樓主: SandraLo

84 858687 88...101

積分: 751

1701^#

發表於 11-11-14 13:39 |只看該作者

您好呀, prof. sandra~ 上次自嘲完自己就係嗰個quote人說話的人, 今次唔講笑了, 有糾正行為的問題, 要請教請教了:

我之前唔識用high chair/clam down zone去糾正我小朋友的行為啦, 所以呢, 我罰佢企, 就等於我企係佢隔離, 做我自己的事, 無論佢用手點攪我, 我都無理佢, 佢大叫大喊, 跳哂, 發哂皮四, 我都跟係同佢講, 佢冷靜左之後, 我先同佢開始講嘢. 睇落去都好似順利地過日子, 但原來我無完全ignore佢, 而家個情況係咁:

小朋友而家p.1, 出現要糾正的行為有: 出位, 上課時周圍走, 老師罰佢時, 佢挑戰老師, 老師見同佢拉鋸都無用, 結果就ignore佢, 佢就打開雙手擋住老師唔比老師講書.......佢喜歡用身體及手去嘗試"扭轉"(其實佢想老師比機會佢)情況.....

跟住, 有一次我同小朋友跟其他家庭, 星期日晚一起外出食飯, 開飯前佢話眼訓, 我同佢講: 無問題, 可以訓, 食完飯就伏在我大脾上訓啦~
起衫語氣都好好的, 後來拉鋸得太耐, 我開始有點壓力, 因想盡快回家, 第日要返學. 結果我就凝重地話:那媽咪自己食啦, 我食完就走, 回家去.
我小朋友當然唔like, 開始用手拉開我隻手, 唔比我食飯, 我無出聲及無望佢, 擺開佢隻手, 大家就好像戲裡頭的打功夫一樣, 4隻手不停擋黎擋去, 我初頭都無比影響到, 突然, 我醒起佢係學校用身體及手去擋老師時, 我終於知道, 點解佢係學校有這行為問題了!!!!

係屋企, 我比幾多時間去糾正我小朋友行為都無問題, 但一去到公眾埸所與朋友一齊時, 我就唔知係咪要即時處理, 還是可以等事後才處理? p.1應該可以留到晚上吧!? 曾經試過唔即時處理, 當晚問佢, 佢同我講佢唔記得件事@@" 好明顯完嘢

mouth:.........

要再次多謝您的寶貴時間及愛心呢, Sandra前輩~~~~

靈靈媽媽

私人傳訊

SandraLo

珍珠宮

積分: 33215

1702^#

發表於 11-11-14 23:24 |只看該作者

同心願發表於 11-11-14 13:39
您好呀, prof. sandra~ 上次自嘲完自己就係嗰個quote人說話的人, 今次唔講笑了, 有糾正行為的問題, 要請教 ...我之前唔識用high chair/clam down zone去糾正我小朋友的行為啦, 所以呢, 我罰佢企, 就等於我企係佢隔離, 做我自己的事, 無論佢用手點攪我, 我都無理佢, 佢大叫大喊, 跳哂, 發哂皮四, 我都跟係同佢講, 佢冷靜左之後, 我先同佢開始講嘢. 睇落去都好似順利地過日子, 但原來我無完全ignore佢,

靈靈媽媽：

可唔可以先講小朋友一般點解會被罸？而被罸企嗰陣, 佢係會吵鬧而你又會同佢講嘢？

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

siujanjan

珍珠宮

積分: 31395

BK Milk勳章

1703^#

發表於 11-11-15 09:18 |只看該作者

本帖最後由 siujanjan 於 11-11-15 09:21 編輯

Hi Sandra
我囡3歲, 唔知點解, 佢半夜扭計嘅次數幾頻密咁, 但我冇一次係滿足佢要求0架, 點解佢仲要晌半夜三更嚟扭計呢? 搞到大家都冇得瞓~ 我哋用嘅方法有冇問題呢? 呢d情況一再出現, 真係令人沮喪~

佢半夜咁樣扭法, 我都係抱住佢由得佢喊, 喊到咁上下, 我就話飲奶瞓番

唔知係咪我哋放工返去同佢玩, 玩得癲, 瞓得唔好, 先會係咁扭? 另外, 佢瞓前要玩玩具, 我哋話夜喇, 要瞓, 唔玩喇, 咁佢就半夜都要扭要玩玩具

唔該晒呀

私人傳訊

同心願

別墅

積分: 751

1704^#

發表於 11-11-15 11:18 |只看該作者

SandraLo 發表於 11-11-14 23:24
靈靈媽媽：

可唔可以先講小朋友一般點解會被罸？而被罸企嗰陣, 佢係會吵鬧而你又會同佢講嘢？

sandra前輩,

通常我罰都係因為佢對我的態度唔好, 例如: 會因為叫佢刷牙洗面, 穿校服, 做功課, 拾書包, 洗手食飯, 快D食飯, 刷牙洗面上床訓, 大大小小的事, 都會因為佢既姿悠, 由好聲好氣, 叫佢做, 到崔佢, 到佢都覺得阿媽好煩, 然後就態度好差, 說我好煩, 發皮四, 最後, 就係我大聲罵佢, 因為我用唔到罰企了(佢會跟住我行), 所以我就用IGNORE佢, 好似禽日個case咁:

佢呢幾日考試要溫書, 反反復復地說唔識, 好難, 好累, 唔想溫, 知道佢都辛苦, 起初都鼓勵式地教, 但後黎我開始火住教, 佢唔like喇, 用好兇恨的眼神望我(佢學我罵佢時的眼神), 心知又要開始拉鋸了. 我叫佢唔好學我, 用呢d咁兇的眼神望我, 佢唔聽, 挑戰我, 叫多好幾次都係要做, 結果我就講明唔聽話, 咁我唔同佢溫書了. 我自己攞書睇, 佢就攞走我本書, 咁我就咩都唔做, 合起眼養神, 佢就拉我, 搖我, 見我無反應, 又大叫, 又係我耳邊叫........我都繼續合起眼養神, 到最後, 佢就講: "您唔同我溫書, 即係想我攞0分啫. 咁我由聽日開始, 考試攞0分啦"的說話, 我就企左係度唔知點好喇.....應佢, 即係中左佢計(佢都學我用激漲法

, 不過我都要戎左呢個做法), 唔應佢, 又怕佢以為我真係想佢攞低分.......結果都應左, 問佢攞0分佢自己開唔開心呢(我當然知道佢唔想攞0分啦), 跟住就解釋返, 媽媽就係想同佢一齊努力讀書, 起碼知道份卷問咩, 答哂d問題就得喇.....

最後這情況玩左2個round.......我都唔知應該點先好, 想停左這個無止境的循環呢......

help help, Sandra 前輩

靈靈媽媽

私人傳訊

SandraLo

珍珠宮

積分: 33215

1705^#

發表於 11-11-15 21:14 |只看該作者

siujanjan 發表於 11-11-15 09:18
Hi Sandra
我囡3歲, 唔知點解, 佢半夜扭計嘅次數幾頻密咁, 但我冇一次係滿足佢要求0架, 點解佢仲要晌半夜三 ...

siujanjan :

你囡囡幾點瞓, 幾點起身返學？你幾点放工？一般夜晚同佢玩d 乜, 玩幾耐？

私人傳訊

siujanjan

珍珠宮

積分: 31395

BK Milk勳章

1706^#

發表於 11-11-15 21:33 |只看該作者

引用:Quote:siujanjan 發表於 11-11-15 09:18 Hi

原帖由 SandraLo 於 11-11-15 發表
siujanjan :

你囡囡幾點瞓, 幾點起身返學？你幾点放工？一般夜晚同佢玩d 乜, 玩幾耐？

我返到屋企7點左右，阿囡都11點先瞓，7點左右起身。有時佢會要我哋一齊唱學校d歌，會笑到咔咔聲咁，唔知係咪咁影響到。有時佢臨瞓仲要玩玩具，我哋唔比，夜晚又再扭。

私人傳訊

SandraLo

珍珠宮

積分: 33215

1707^#

發表於 11-11-15 23:07 |只看該作者

同心願發表於 11-11-15 11:18
sandra前輩,

通常我罰都係因為佢對我的態度唔好, 例如: 會因為叫佢刷牙洗面, 穿校服, 做功課, 拾書包, 洗 ...

靈靈媽媽

你同佢拉扯得好緊要吓喎............. 係時候要停止啊！
好多媽咪都被「催促小朋友做鎖事」困住, 搞到雙方關係差哂, 一開聲就係「話」......... 你好冲涼啦, 喂！重睇電視？做功課啦....... 重未XX呀........... 你都煩啦, 你估佢煩唔煩？一方面煩, 另一方面, 講吓拖吓, 又乜都唔駛做, 皇帝唔急太監急, 你都睇到係一個惡性循環！
你有冇睇過我講解用 timetable 嘅 post ? 平心靜氣同佢坐低, 訂一個時間表, 幾時做d 乜, 將佢鍾意玩/做嘅嘢安排响一節功課或完成某項温習之後, (點為之完成要 define 清楚), 如果到時未做完, 玩嘅時間就少咗. 要留意時間表係要按小朋友能力去訂, 你知他沒可能一次過温習1小時, 你便先給他訂半小時一節, 目的是要他百份百完成得到雙方訂下的, 讓他盡快得到成功感和你的讚許; 但若真的做不到, 你也不好再「哦」, 要由得他自己承担番後果！

私人傳訊

同心願

別墅

積分: 751

1708^#

發表於 11-11-16 13:50 |只看該作者

SandraLo 發表於 11-11-15 23:07
靈靈媽媽

你同佢拉扯得好緊要吓喎............. 係時候要停止啊！

sandra前輩, 謝謝您的回復呢~ 我都有set左個time table, 可惜又應該是我的問題, 唔知點講明佢知時間到了, 要停, 試過用學校舉例, 用我返工時間舉例, 用巴士時間表舉例. 讚就不在話下, 一定有做. 但例如食飯要收碗, 佢又想發皮四, 跟住就做唔到time table指定的飯後環節. 每次都係因發皮四, 例如:食飯３０min, 跟住溫書35min., 跟住25min. play time, 然後bed time. 佢就由收碗唔like開始唔合作, 溫書時過要保持35min, 結果play time會少左, 跟住又唔like, 溫書溫15-20min又開始唔合作, 但其實佢心情好, 溫2個鐘或以上都無問題喎

咁到play time啦, 會解釋比佢知, 因為之前花了時間, 所以play time少左, 或同佢講, 佢用緊play time的時間去哂發皮四, 會玩少左之類的說話.......不過都好似很艱難......

不過睇得多您呢個post, 都知道多少係邊度改改自己的行為先~~

題外話, 我剛收到校方電話, 我小朋友係考試時偷睇書(小朋友事前已知道考試規則), 我都不感驚奇, 因為我都知我小朋友對順服的功課, 一向做得很差(唉, 由無high chair/clam down zone的做法, 我已知我屎梗), 我想多口問一問, 其實可以點樣令小朋友知道規矩及紀律是很重要的呢?

靈靈媽媽

私人傳訊

SandraLo

珍珠宮

積分: 33215

1709^#

發表於 11-11-16 23:27 |只看該作者

siujanjan 發表於 11-11-15 21:33
我返到屋企7點左右，阿囡都11點先瞓，7點左右起身。有時佢會要我哋一齊唱學校d歌，會笑到咔咔聲咁，唔知係 ...

siujanjan :

囡囡係咪晏覺瞓得太長？佢太夜瞓啦, 咁細個10點一定要瞓, 要慢慢調較番, 而9点後要玩d 靜態d 嘅. 你不妨整個好簡單嘅時間表, 例如食完飯就玩咗玩具先, 畫吓畫, hea 吓, 跟住冲涼, 上牀, 再讀故事.
你講嘅半夜扭係瞓瞓吓起身要玩具？如佢冇飲夜奶嘅習慣, 你最好淨係同佢返上牀, 因扭最忌係「俾甜頭」, 次次扭都有好處 (又抱又有奶), 咁点解唔扭咗先？

私人傳訊

siujanjan

珍珠宮

積分: 31395

BK Milk勳章

1710^#

發表於 11-11-17 07:08 |只看該作者

引用:Quote:siujanjan 發表於 11-11-15 21:33 我

原帖由 SandraLo 於 11-11-16 發表
siujanjan :

囡囡係咪晏覺瞓得太長？佢太夜瞓啦, 咁細個10點一定要瞓, 要慢慢調較番, 而9点後要玩d 靜態 ...

Thanks Sandra, 我會試吓安排時間表，希望會好d. 而家限佢午睡兩個鐘，都好咗。

私人傳訊

SandraLo

珍珠宮

積分: 33215

1711^#

發表於 11-11-17 23:53 |只看該作者

同心願發表於 11-11-16 13:50
sandra前輩, 謝謝您的回復呢~ 我都有set左個time table, 可惜又應該是我的問題, 唔知點講明佢知時間到了, ...

靈靈媽媽：

Timetable 係你同佢一齊訂 wor, 佢都小一, 唔明時間夠嘅意思？
用時間表嘅好處, 係俾小朋友知幾知做d 乜, 與此同時, 响設計上, 係要俾佢成功地完成一d 嘢, 然後有得俾你讚！而呢d 讚, 就係要嚟俾佢乜嘢係好行為同乜嘢做得啱.
如佢跟唔到個時間表, 就即係個時間表嘅設計係有問題, 你要設計到佢做得到先得！你不妨先 target 一兩樣你覺得重要嘅嘢, 其他就唔好理住, 例如先搞功課, 食飯冲涼嗰d 又由得佢先.
另外要提一提, 「温書25 min 」係好難介定成唔成功, 起初可能要具體d, 例如要識5個生字, 而唔係温幾耐, 因佢心散d 你可能唔收貨, 咁又會引起爭拗, 而食飯太慢, 可能係零食 / 茶點太多, 導致唔夠餓, 減小食同改夜少少食飯都可能有幫助..........
規矩及紀律呢d 一般係自細要求, 如你從少對囝囝就冇呢方面嘅要求, 依家就要逐樣慢慢執, 都係用讚............ 睇嚟你之前係好寬鬆, 事事冇所謂？

私人傳訊

amymail

男爵府

積分: 7326

1712^#

發表於 11-11-18 00:08 |只看該作者

回覆 SandraLo 的帖子

Hello SandraLo

你好呀. 我好多時都有睇你的專業意見, 我覺得你講得好好, 我都有啲問題想請教. 小囡今年小二, 佢一向都要人就佢, 有啲唔順佢意就發脾氣, 細個時, 性格古怪, 有爸媽在場的地方完全唔採其他人, 無表情. 唔聽屋企人話, 有時打人鬧人, 但係學校好乖, 好聽老師話, 幫助同學, 細佬出世後, 細佬細3年, 更加厲害, 成日唔開心, 情緒唔好, 成日大聲鬧人, 如叫人"收聲", "你夠嗱", 有時整細佬, 但細佬好錫好錫佢, 幼稚園時曾經揾過私人機構, 話佢冇問題, 唔似亞氐保加等, 仲話佢講嘢好叻, 思考能力強, 最近更厲害, 日日不停鬧人, 大聲鬧人, 一鬧開人就不停口, 有時會打人, 情緒控制得唔好, 容易發脾氣, 唔受教, 有時細佬唔係屋企, 自己一個人時都會冇時停, 但亦可以坐定畫畫, 睇電視, 彈琴, 做功課唔會自動自覺, 要叫好多次, 好勞氣, 一路做一路周身郁, 一路做一路鬧, 發脾氣, 但都係坐係到, 成績中上, 經常無端端都會大聲發脾氣鬧人, 你話佢就叫人收聲, 唔尊重任何人, 成日鬧細佬打細佬, 但有時對細佬又好好, 睇得出佢都錫細佬, 如果唔曳時真係好乖, 試過講道理, 鬧, 打, 唔理佢, 獎貼紙, 罰坐都冇用, 而且更嚴重, 細佬有時都學埋大聲鬧人打人, 真係心淡, 請問有咩方法可以教好佢, 請指點

私人傳訊

同心願

別墅

積分: 751

1713^#

發表於 11-11-18 10:39 |只看該作者

SandraLo 發表於 11-11-17 23:53
靈靈媽媽：

Timetable 係你同佢一齊訂 wor, 佢都小一, 唔明時間夠嘅意思？

wakkakakakaaa(又笑到拍哂枱).........您好勁~! 係, 我之前太懶了, 而家知屎了........

咦, 係喎, 我又真係無諗到用"識5個字"為完成一樣任務播, 呢招應該得, 我阿女一定好快同我做哂, 您"丁"醒左我個方向~ 真係唔該哂前輩~~ 有您句"逐樣慢慢執"鼓勵, 我有咩唔得, 再上黎請教請教前輩~~

十萬個感激及多謝~~~~~~

靈靈媽媽

私人傳訊

SandraLo

珍珠宮

積分: 33215

1714^#

發表於 11-11-18 23:00 |只看該作者

amymail 發表於 11-11-18 00:08
回覆 SandraLo 的帖子

Hello SandraLo
你好呀. 我好多時都有睇你的專業意見, 我覺得你講得好好, 我都有啲問題想請教. 小囡今年小二, 佢一向都要人就佢, 有啲唔順佢意就發脾氣,

amymail :

我想先問：
佢自細係咪有屋企人成日鬧人俾佢學咗？佢自細响屋企打人鬧人係冇後果嘅？即係從來唔會因打人鬧人而被罸？佢一般因乜事打人鬧人？你地依家點反應嘅？你同佢有冇計傾？佢鍾意玩乜？你同佢一齊最開心係做/玩乜？
睇咗點用讚個 topic 未？

私人傳訊

SandraLo

珍珠宮

積分: 33215

1715^#

發表於 11-11-18 23:20 |只看該作者

同心願發表於 11-11-18 10:39
wakkakakakaaa(又笑到拍哂枱).........您好勁~! 係, 我之前太懶了, 而家知屎了........

咦, 係喎, 我又真無諗到用"識5個字"為完成一樣任務播 ...

靈靈媽媽：

查實你都真係可以装個 cam 或用手提電話錄低你同囡囡「糾纏」嘅情況, 之後自己再睇番, 相信你會睇到有好多改善空間, 亦可以揾到好多位去讚！你覺得囡囡「心情」不好就會影響佢能否專心温習, 你便要更加小心說話, 一般情況係小朋友(甚至大人)被「話」或「哦」, 便會產生抗拒, 想要「反擊」去駁番你, 咁就好容易演變成你一句佢一句, 永無休止, 而你地嘅關係亦只會愈來愈差！

私人傳訊

amymail

男爵府

積分: 7326

1716^#

發表於 11-11-19 01:53 |只看該作者

回覆 SandraLo 的帖子

SandraLo,

佢自細係咪有屋企人成日鬧人俾佢學咗？佢自細响屋企打人鬧人係冇後果嘅？即係從來唔會因打人鬧人而被罸？佢一般因乜事打人鬧人？你地依家點反應嘅？你同佢有冇計傾？佢鍾意玩乜？你同佢一齊最開心係做/玩乜？
睇咗點用讚個 topic 未

其實小女自細一有做錯我哋都會話唔準咁做, 可能真係會鬧, 如果唔聽係會打手或者pat pat, 佢打人之後係會打翻佢手仔話唔準打人, 試過罸坐但無效, 佢唔肯坐, 捉入房佢又出嚟, 之後我就無用這些方法. 她通常打人鬧人都係因為人哋唔就佢或者佢打/鬧細佬, 最近更小小事就發脾氣, 大聲鬧人, 通常都係細佬佢唔鍾意細佬攞佢啲嘢或者佢覺得細佬做啲嘢佢唔順眼, 或者爸爸叫佢做嘢, 例如叫佢換衫去街或者叫佢食飯, 佢就會對爸爸呼喝, 大大聲話'得嗱' 或者發脾氣, 但兩父女有時感情好好, 可以玩到好癲, 可以坐大脾睇電視, 佢對細佬有時又好好. 我同佢有計傾, 佢應該最鍾意我, 我成日叫佢乖, 聽話, 話佢知最錫佢, 叫佢改好, 前日開始我叫佢如果想發脾氣時, 自己數10下, 冷靜, 我唔知得唔得, 當佢發脾氣時, 我就提佢冷靜, 試下數10下. 佢平時最鍾意畫畫和同細佬玩, 睇卡通片, 細佬未出細時, 成日要我哋同佢玩, 細佬出細後就無叫過, 佢自己會同細佬玩, 我同佢一齊最開心應該係只要我唔鬧佢, 佢聽話, 咁無論做乜佢都好開心, 我都係一樣, 例如同佢一齊行街, 佢有時會話去行吓街先返屋企, 一齊打波啦, 佢細個時鍾意我講故事, 但因為太忙同埋做完功課都好夜, 所以好耐無講,
讚個topic我睇過, 我亦曾經上過3p親子課程, 但好似無乜效, 所以都無再用

私人傳訊

kaseykit

男爵府

積分: 5780

1717^#

發表於 11-11-19 17:03 |只看該作者

細個都好小小大個愈黎愈過份依家6years old 小小野就又打人又喊屋企個個都比佢鬧
eg1. 佢日日都唔肯食飯只係食chicken wings同豬肉一叫佢食飯同菜就喊發脾氣
2.我一出街食野佢又話要出同佢一齊出D野食岩岩到都味食佢就發脾氣要走
3.話要食河粉叫左比佢佢食幾條就唔食 daddy話佢佢就黑晒面話:我話唔食就食
4.成日要求我地做野做唔到佢就大吵大鬧上次發脾氣重趕我,daddy,62,99走話個屋企係佢一個人既
5.成日鬧99 話99黑人憎唔想再見到99 郁手郁腳趕99走(可能只係99唔比chocolate佢食)
6.愈大愈自私玩具唔會比表妹玩我地買野比表妹食佢會搶又會打表妹對屋企人都係佢中意食chicken wings 買左番黎個個都唔比食要自己一個食晒人地一拎佢又發晒癲咁平均一日喊5-7次

但佢係學校好乖係番到屋企先咁上次我話佢太過份我要錄低比校長睇佢即刻發脾氣搶我電話掉落地
請問有無人小朋友都係咁我同佢傾過好多次傾完格一陣又係咁我地無打過佢因為62,99唔比打小朋友
平時係62 99湊我同C6就番工因為我放好夜
所以我放假就我湊但有時真係好激氣
有次我地打邊爐佢竟然係TABLE下面捐黎捐去
我即刻渴住因為真係好危險點知佢就喊晒口
佢指住我個頭話:你做咩咁大聲同我講野你快D向我交代
62 99見佢喊即刻問佢做咩問佢有無事唉

PS.我係後母

私人傳訊

SandraLo

珍珠宮

積分: 33215

1718^#

發表於 11-11-19 23:21 |只看該作者

amymail 發表於 11-11-19 01:53
回覆 SandraLo 的帖子

SandraLo,
其實小女自細一有做錯我哋都會話唔準咁做, 可能真係會鬧, 如果唔聽係會打手或者pat pat, 佢打人之後係會打翻佢手仔話唔準打人, 試過罸坐但無效,

amymail :

咁你應該冇正式用過我所講嘅讚, 亦未成功地 ignore過！

依你所講, 情況不太差, 唔難搞的, 反而, 要你改變過往的做法, 這個才難, 但反正你現在也沒辦法了, 因此這是絕對值得試的.

你們一家的關係並不差, 囡囡知道你們是錫她的, 她也 enjoy 和你們一起玩, 我相信她極有可能是細佬的出世而分薄了你們給她的時間, 而她又無意中發現罵人打人便可引起你們的注意去罵她, 於是持續罵人、發脾氣.............
首先, 你要停止罵她, 打她, 話也不好, 她在這方面已青出於藍; 打人駡人是不對, 她是知道的, 但你們也罵她打罵, 那不是在教她打罵人是沒什麼大問題嗎？然後, 你們不要再對她的駡人和發脾氣「有反應」, 你叫她不要罵人, 她不會因此不罵, 她愈罵得兇, 就反而愈得到你們的注意..........
你們要做的, 是要她知道, 當她的好行為(沒打人罵人時)出現時, 是會受到你們的讚許, 她才會慢慢改變過來. 你先再温一次點用讚個 topic, 在她沒打罵人和沒發脾氣時讚她, 每天起碼5至6次, 如你真的能做到, 兩星期就應該有明顯改善！

私人傳訊

coffeejoeybb

珍珠宮

積分: 32151

畀面勳章環保接龍勳章

1719^#

發表於 11-11-19 23:37 |只看該作者

回覆：小朋友大脾氣,可以點教 Part II

我也想請教一下
我女兩歲多，學習，吸收，反應，記性都屬強，因為咁令佢會模仿大人，例如鬧人，教人，嬲人，唔彩人，差唔多兩歲到開始反叛，話唔聽，叫佢唔好做嘅野全部照做，唔佢唔可以摷野，佢答你：幫你拎姐，佢都好鐘意表現自己，當有人讚佢時佢會好開心送多幾句比歌比你。但當人叫佢坐好，細聲d說話，耐心等候，佢都好似好難控制到咁，佢完全聽得明，但永遠做唔到。當達唔到佢要求就會發嗮難渣。尤其對其他人包括爸爸，會喊，會嬲，有時仲會郁手。屋企得一個，咩都係我陪佢，有時佢曳我會罰佢企或者無視佢，但佢攬住佢張愛心嘅被時佢會好有安全感，罰企都可以唱晌歌