linglaulau,
我都有類似問題，而家都續步減產，但因為豬扒妹唔合作，一路都唔係好得。我而家都係朝早返工前埋身餵，上午１１：３０泵一次４安（以前有５－６安，而家少咗），下午３：３０泵３安，夜晚８：３０埋身餵，好多時都係食住瞓，夜晚冇再泵，因為囡囡呢排通常都起身食，有時一次（多數係三四點），有時兩次（加埋１１點１２點醒一次）。囡囡就朝早８點食第二次早餐（係我媽同細佬食佢又要食），通常係通粉、麵、麵包，１０點幾食幾安奶然後瞓，瞓醒食粥仔飯仔，然後２點又瞓，三四點食多次奶，６點幾食晚飯（粥飯同大人食嘅餸加生果），８點半食奶瞓。其實都係大概，唔係日日都一樣。
我之所以想減產係因為佢重得唔多，上個月一歲先１９磅，醫生叫我加全脂奶俾佢食，而家我係mix俾佢食，有時係餵完人奶再俾牛奶，so far佢都好似接受，明顯豬扒妹係高咗，有Ｄ衫短咗細咗，但係兩邊面瘦咗。
你如果減產要計劃吓，慢慢推遲Ｄ泵奶時間，由兩次變一次，我而家都有時如果唔太谷，都會返到屋企先泵第二次。你而家有冇hot press先泵呀？我上次用隻唔要嘅絲襪裝Ｄ米打個結，然後放入微波爐叮熱嚟hot press，又方便又舒服。希望你快Ｄ好返啦。如果泵完都未清，試吓用手搾，我而家都係泵完再用手。
花旗太太生活在花旗國，留意時差，你問我未必即時答到。
)
發表於 
我想要9999呀...
; 又唔駛怕用到有毒的膠奶樽
咁得人驚？
返回列表
