你好，檢察官：睇咗一集，好悶吓，有少少似之前嘅黑色燈塔，但黑色一開劇就有案件，有縣疑性。你好就有少少散，孫怡雖然年紀唔大，但感覺做初畢業女生，氣質而家有D牽強。
舍我其誰：睇咗兩集，故仔都幾得意，李蘭迪演傻白甜冇違和，同趙露思有D撞型，不過我覺得李蘭迪氣質更純。牛駿峰嘅人設係圍棋大神，超級帥哥，有少少太過呆（呢個同人設有關），睇多幾集先講。劇情加入兩個棋手好似武俠片對打，比坐定定落棋有趣，套劇有少少卡通元素，表示人物嘅想像力，都幾得意。
一生一世：睇到第8集，男女主已經講到訂婚，但兩個人之間依然係隔咗一條街咁，唔知係咪唔講得前世今生，女主因為男主嘅名而對佢一見鍾情好似有D太花痴，同小說中因為有前世記憶而認定前世愛人差咗好遠。呢套只有逢星期一二三更新兩集，要慢慢睇，唔想等。
君九齡：原本彭小苒有興趣，但男主超醜樣，真係唔多想睇。
劉墉追案：雖然係舊故事，但何冰、白冰、王鶴潤、李乃文都有興趣睇。
花旗太太生活在花旗國，留意時差，你問我未必即時答到。
發表於 
返回列表
