吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 小朋友大脾氣,可以點教 Part II

少年成長今日: 0|主題: 16097

收藏本版

發帖

返回列表

跳至頁

樓主: SandraLo

85 868788 89...101

積分: 32151

畀面勳章環保接龍勳章

1721^#

發表於 11-11-19 23:38 |只看該作者

回覆：小朋友大脾氣,可以點教 Part II

我也想請教一下
我女兩歲多，學習，吸收，反應，記性都屬強，因為咁令佢會模仿大人，例如鬧人，教人，嬲人，唔彩人，差唔多兩歲到開始反叛，話唔聽，叫佢唔好做嘅野全部照做，唔佢唔可以摷野，佢答你：幫你拎姐，佢都好鐘意表現自己，當有人讚佢時佢會好開心送多幾句比歌比你。但當人叫佢坐好，細聲d說話，耐心等候，佢都好似好難控制到咁，佢完全聽得明，但永遠做唔到。當達唔到佢要求就會發嗮難渣。尤其對其他人包括爸爸，會喊，會嬲，有時仲會郁手。屋企得一個，咩都係我陪佢，有時佢曳我會罰佢企或者無視佢，但佢攬住佢張愛心嘅被時佢會好有安全感，罰企都可以唱晌歌

對其他人接觸佢身體或者拖拉佢，會極力抗拒，令人感覺佢好易暴燥，當眼訓時更甚

屋企得我全日對住佢，有時真係頂唔順佢，除左訓把口真係唔識停。有時真係好乖知道唔可以嘅野會話：好返先食，大個左先玩，係咪我用錯方法教佢

點解女仔都會禁難教

私人傳訊

SandraLo

珍珠宮

積分: 33215

1722^#

發表於 11-11-20 18:18 |只看該作者

kaseykit 發表於 11-11-19 17:03
細個都好小小大個愈黎愈過份依家6years old 小小野就又打人又喊屋企個個都比佢鬧
eg1. 佢日日都唔肯食飯只係食chicken wings同豬肉 ...

kaseykit :

你呢個 case, 同上面 amymail 有少少似, 小朋友都係上咗小學, 好鍾意發脾氣; 佢個case 唔難搞, 但你就............

你假設自己係教仔專家, 識處理所有呢d 問題, 但你做乜你62同99都唔俾, 或者同你做相反, 咁你可以点？重未計你唔係小朋友嘅親媽媽, 會俾人覺得你未必係真心對佢好.

一般小朋友發脾氣問題, 其實用讚+ ignore 就可以 (你可睇番置咗頂點用讚個 topic), 但唔俾(或者唔想)小朋友喊嘅, 就一定唔得, 所以, 除非你同6299坐低傾掂數, 叫佢地跟你做法, 或者搬開, 否則, 你一方面教佢乜嘢係唔好, 另一方面又容許佢做, 咁係雙重標準, 一定唔 work !

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

kaseykit

男爵府

積分: 5780

1723^#

發表於 11-11-20 19:27 |只看該作者

SandraLo 發表於 11-11-20 18:18
kaseykit :

你呢個 case, 同上面 amymail 有少少似, 小朋友都係上咗小學, 好鍾意發脾氣; 佢個case 唔難搞 ...

其實佢細細個都係咁不過無咁勁依家愈大個就當正自己係一家之主
佢今朝打電話黎太度都好差叫我地番去搵去果時買玩具比佢
每隔10分中打一次黎話點解咁耐重味到話:我叫你番黎你就要即刻番
62 99唔係唔中意我佢地成日話c6搵到我係c6既福氣但一講到教仔佢地就唔中意聽
佢地覺得小朋友係佢地湊我地只係支付小朋友開支無資格出聲
佢一喊我地都試過唔理佢但佢愈黎愈過份喊>鬧人>打人>掃抵晒屋企d野
但小朋友唔係唔中意我只係佢既脾氣太度真係好差對住老師先識收下扮下野
之前係街佢喊我大佢話依家62 99唔係到佢再係咁我就係街打佢佢即刻唔喊
但就黑晒面又話我好黑人憎又話我打佢要交代我付出過好多時間心機但我真係就黎灰心
我教個小朋友話個小朋友佢地又唔中意我唔理個小朋友佢地一樣唔中意
真係唔知佢地想我點又要番工又要諗點教佢我都就黎壓力爆煲

私人傳訊

SandraLo

珍珠宮

積分: 33215

1724^#

發表於 11-11-20 23:39 |只看該作者

kaseykit 發表於 11-11-20 19:27
其實佢細細個都係咁不過無咁勁依家愈大個就當正自己係一家之主
佢今朝打電話黎太度都好差叫我地番去搵 ...

kaseykit :

你地係全部一齊住？

私人傳訊

SandraLo

珍珠宮

積分: 33215

1725^#

發表於 11-11-20 23:44 |只看該作者

coffeejoeybb 發表於 11-11-19 23:38
我也想請教一下
我女兩歲多，學習，吸收，反應，記性都屬強，因為咁令佢會模仿大人，例如鬧人，教人，嬲人 ...

coffeejoeybb :

你睇咗我簽名位點用讚個 topic 未？
佢唔係反叛, 只係人嘅天性都係唔鍾意人話, 會辯駁...........
(明續)

私人傳訊

amymail

男爵府

積分: 7326

1726^#

發表於 11-11-21 00:51 |只看該作者

本帖最後由 amymail 於 11-11-21 01:14 編輯

回覆 SandraLo 的帖子

SandraLo,

多謝你, 我會努力嘗試, 但有一問題, 如果家姐鬧或者打細佬, 又發脾氣, 咁我應該點做, 首先我要制止佢哋先, 咁我係唔係跟住要唔理家姐, 定係要解釋比家姐知打人係唔可以的, 我以前係會鬧或打翻家姐, 最近我就會解釋比家姐知咁做係錯的, 但好似無乜用, 一陣又再打架, 定係用ignore 方法, 如果用ignore, 咁點對細佬呢, 可能我唔係太識用ignore, 請指教, 十分感激, 唔該

私人傳訊

happylily

大宅

積分: 3390

好媽媽勳章

1727^#

發表於 11-11-21 08:49 |只看該作者

回覆：小朋友大脾氣,可以點教 Part II

一路都有睇你嘅post, 亦不斷學習，近日遇到好大問題，好想請教一下。
我囡囡21個月，依家脾氣越來越大。要攞／做嘅野唔俾，就大喊，我有用讚同ignore, 但效果唔太好，唔知係唔係出錯。
我囡囡好鐘意自己行，但又唔俾拖，一落地就跑。有時乖乖俾我地拖，我就用讚，話佢乖乖拖住一齊行，唔講還好，一講馬上放手，跑咗去，我其實係唔係用錯說話讚？
另外，係屋企見到一d物件，會示意你俾佢，以前可以講唔俾，依家唔俾就大喊，我老公通常要佢收聲唔喊先俾，其實係唔係已經做錯，因為，下一次都係喊，然後收聲就有，咁一定喊咗先，最正確方法應該係點好？
我囡日間係我爹地，媽咪睇，更加變本加厲，佢地一見佢喊就俾。嗰日返屋企食飯，平時係兩邊都乖乖坐highchair 食飯，嗰日特別過份，又要生番茄，又要落地，又要抱抱，我唔俾，又喊，喊住叫婆婆，婆婆，放佢落地，叫佢唔好食，我媽咪又鬧我，冇危險嘅野咪俾佢，小朋友兩歲咁細，咪就下佢囉，結果一餐飯係喊聲，鬧聲中結束。自問接受唔倒乜都俾嘅理由，但媽咪依然固我話當年咪又係咁帶大我兩兄妹，...如果兩邊用唔同方法教佢，可以嗎？你可以俾d建議我嗎？

私人傳訊

同心願

別墅

積分: 751

1728^#

發表於 11-11-21 12:46 |只看該作者

SandraLo 發表於 11-11-18 23:20
靈靈媽媽：

查實你都真係可以装個 cam 或用手提電話錄低你同囡囡「糾纏」嘅情況, 之後自己再睇番, 相信你 ...

sandro前輩, 您講得好"一針見血", 我而家都好留意自己的情緒及說話, 亦唔同囡囡硬碰硬, 其實我冷靜地細心留意囡囡的行為時, 發現好多時候, 係我誤會左佢, 太快武斷佢, 認為佢無"立即"做, 就係逆我意的舉動, 然後無端端就轟佢(係媽咪角度查實都唔係無端端, 為左佢"犧牲"左好多嘢, 感到"好委屈", 只係無出聲, 所以一唔聽話就火起, 唉, 但其實小朋友跟本就唔明, 佢地明, 就唔係細路啦.....), 佢糊sir sir, 唔知做咩被我轟, 佢心諗: 我咪準備去做您要我做的事囉, 我都未做, 媽咪做咩事又要"話"我呀~???!!!

我而家平靜地觀察佢時, 原來佢係一個聽話的孩子, 我而家明白一個合佢能力的time table既作用了, 例如: 我叫囡囡做20題數, 佢會又話累, 又話難, 又話眼訓, 不過佢就一邊講一邊埋位, 打開筆袋, 開始做第一條數......咁我就選擇去視佢做數學的行為是合作的行為, 唔理佢既呻, 等到佢完成數學時, 才搵機會改變佢對數學的"反感"; 最後佢只能做到10題, 咁我就知道合佢能力的time table的意義了~ 佢做左10題, 如果我唔想硬碰硬而收貨, 咁佢就唔明白"完成"的意思了, 等我慬慎地"逐樣慢慢執"先~

平心靜氣, 唔好急, 原來好舒服~

多謝您, sandra前輩

靈靈媽媽

私人傳訊

SandraLo

珍珠宮

積分: 33215

1729^#

發表於 11-11-21 22:54 |只看該作者

kaseykit 發表於 11-11-20 19:27
其實佢細細個都係咁不過無咁勁依家愈大個就當正自己係一家之主
佢今朝打電話黎太度都好差叫我地番去搵 ...

kaseykit :

你的處境我是明白的........... 我諗到的唯一出路, 係同你6299 坐低好serious 咁講一次...........
例如 (係事實) 依家呢一代嘅細路已經同以前好唔同, 因多數只得一個, 沒有競爭「對手」, 所以好多時家人已經好縱, 所有好嘅嘢都留番俾佢, 但如果佢地繼續係咁令小朋友「期望」任何嘢佢地都可以俾到佢, 小朋友就唔止曳、態度唔好, 重會有好多問題, 你甚至可以嚇佢地, 有朝一日, 佢要嘅嘢真係俾唔到, 佢可能會走上絕路........... 因為佢未試過冇！依家又確係多咗年青人、細路自殺！如果可以打動到佢地, 先至有機會, 與此同時, 你睇吓點用讚個 topic, 方法其實就响嗰度, 只不過你一方面讚佢冇扭, 有禮貌, 但另一方面, 佢扭時一樣有, 咁係冇用！

私人傳訊

SandraLo

珍珠宮

積分: 33215

1730^#

發表於 11-11-21 23:09 |只看該作者

本帖最後由 SandraLo 於 11-11-21 23:19 編輯

coffeejoeybb 發表於 11-11-19 23:38
我也想請教一下
我女兩歲多，學習，吸收，反應，記性都屬強，因為咁令佢會模仿大人，例如鬧人，教人，嬲人 ...

coffeejoeybb :

你睇埋呢度第一個 post 先：

http://forum.baby-kingdom.com/viewthread.php?tid=909498&extra=page%3D1&page=4

也請你回前一版看看同心願個 case, 雖然年齡差很多, 但抽身回看是非常重要的, 你個 case 不難, 因小朋友重細, 你睇完點用讚個 topic 再上嚟問！

私人傳訊

SandraLo

珍珠宮

積分: 33215

1731^#

發表於 11-11-21 23:37 |只看該作者

amymail 發表於 11-11-21 00:51
回覆 SandraLo 的帖子

SandraLo,
多謝你, 我會努力嘗試, 但有一問題, 如果家姐鬧或者打細佬, 又發脾氣, 咁我應該點做

amymail :

打人冇得 ignore, 除非係bb 用手拍吓嗰種.............
sorry 俾人鬧...... 要去瞓, 明續

私人傳訊

coffeejoeybb

珍珠宮

積分: 32151

畀面勳章環保接龍勳章

1732^#

發表於 11-11-22 09:29 |只看該作者

引用：+本帖最後由+SandraLo+於+11-11-21+23:19+

原帖由 SandraLo 於 11-11-21 發表
本帖最後由 SandraLo 於 11-11-21 23:19 編輯

我睇左讚嘅post我尋日就將佢平時難搞嘅行為事前讚佢一次，重覆同佢講佢今日真係好乖塔車時冇大聲講嘢，真係好叻叻，小朋友肯坐定定食飯，連魚魚都望住讚你，佢又真係好開心好聽教，訓前又問佢今日媽媽比左幾多個叻你，佢就答我三個叻。我都明白了原來個女點解禁唔鐘意婆婆，因為婆婆成日話佢曳唔聽話又大大聲話佢。我都希望用讚來改正佢唔好嘅行為•••••••

私人傳訊

jeannie_cheng

大宅

積分: 2012

1733^#

發表於 11-11-22 11:13 |只看該作者

coffeejoeybb 發表於 11-11-19 23:38
我也想請教一下
我女兩歲多，學習，吸收，反應，記性都屬強，因為咁令佢會模仿大人，例如鬧人，教人，嬲人 ...

嘩!!你個囡同我個真係有99.9%一樣，又係兩歲多記性好，尤其你話除咗瞓把口唔識停及眼瞓更暴燥。成日口述自己做緊既動作，模仿我敎、鬧人

、做出嚟真係同我一樣，又成日講反話好似問佢"個玩具係咪好好玩?"佢會答"係唔好玩"，或者"你咁係咪唔乖?"佢就答"咁係乖"，真係俾佢吹漲。我個囡又係有個欖枕次次鬧佢就欖住瞓係地/床就會好有安全感唔理我鬧。佢又係我一講唔得就發難渣大喊瞓地(好彩多數係屋企)，有時俾D佢唔想要既嘢又會陏手推開/拍去樣嘢!!!!仲試過打我大脾!!!

可能我係燥底所以都係鬧多過讚，咁佢模仿出嚟既嘢都係我平時鬧佢既句子同動作，我先知"耳濡目染"既力量係咁大，我以前都有讚，可惜方法唔啱，正如sandra講讚咗又要"哦"佢"以後唔好咁........"之類讚咗等如無讚。咁我首先好努力要自己唔好做個燥媽媽，好忟都要自己冷靜，等佢唔好成日見我惡樣。我好同意Sandra講個重點，係你小朋友做得好時用讚去強化好行為，讚個方法係我個囡身上真係WORK，話/鬧/哦反而唔多WORK，不過都要D時間。好似佢每次係車用手機聽歌，之前到咗屋企都會發哂脾氣唔肯俾返個手機我，之後只要佢唔發脾我都勁讚佢乖"好乖喎，俾返電話媽媽無發脾氣"，終於係早一星期開始自動自覺到咗屋企就好開心咁俾反手機我，到真係好感動!!我可以睇到佢希望被讚既眼神，當然又有勁讚佢!!

你都試吓!!!雖然我知FTM全日無時間休息會好忟，所以你係好叻，只要找啱讚既時間去讚會慢慢改到!!!加油!!!

點評

SandraLo

發表於 11-11-22 23:22

私人傳訊

SandraLo

珍珠宮

積分: 33215

1734^#

發表於 11-11-22 12:21 |只看該作者

amymail 發表於 11-11-21 00:51
回覆 SandraLo 的帖子

SandraLo,

多謝你, 我會努力嘗試, 但有一問題, 如果家姐鬧或者打細佬, 又發脾氣, 咁我應該點做,

amymail :

續昨
有兩個一齊, 情況就冇咁簡單..........
哭鬧、無理要求等可以用 ignore, 因用哭鬧要求唔到, 佢就唔會呢個方法, 你唔須要去鬧佢, 佢就自動唔再做; 但有糾紛、打人、做錯事時, 係冇得 ignore, 係要罰.
之前佢打細佬, 你又打番佢, 佢唔會覺得打人鬧人有乜唔啱, 依家你同佢講打人唔啱, 事實係欠說服力..........
你而家要做到呢幾步：
1/ 先訂下罸則, 預先講佢知, 打架 (無論邊個出手先) 或打人就要罸, 例如一日(or X日)不准睇TV/DVD, 講咗罸就一定要執行.
2/ 同佢 say sorry, 話之前打佢係唔啱, 並承諾唔再打佢, 呢樣好緊要, 唔係你叫佢唔打人好難有說服力, 亦表示媽咪都會做錯, 但有錯就要改.
3/ 為咗要配合用讚嚟等佢知乜嘢先係好行為, 你要多d 留意佢地, 自己冇時間睇住時, 情願分開佢地一個响房一個响廳先, 減少接觸機會, keep 住讚：家姐好乖, 冇打人 (俾 attention), 等佢又再冇咁易出手.
4/ 到真係出咗手要用罸嗰陣, 唔好再鬧或者哦佢, 罸已經係一個壞行為嘅後果, 再鬧佢只會令佢亦學埋鬧同覺得鬧係應該！

私人傳訊

kaseykit

男爵府

積分: 5780

1735^#

發表於 11-11-22 14:43 |只看該作者

SandraLo 發表於 11-11-21 22:54
kaseykit :

你的處境我是明白的........... 我諗到的唯一出路, 係同你6299 坐低好serious 咁講一次....... ...

我同c6住公屋小朋友同62 99住但我地住得好近
其實講過好多次次次佢地都當聽唔到
我好認真同佢地講佢地就當聽唔到睇電視
佢上個星期先病完琴晚99又比佢食左幾盒糖
訓果時又起晒痰我話岩岩病好又比咁多糖佢食
好番一個星期依家又扯晒痰但99覺得無問題
黑晒面唔出聲我問小朋友今日有無食飯
佢地就話小朋友不嬲唔中意唔食飯
我真係好嬲錫還錫但佢地搞到小朋友一D都唔健康
小朋友6YEARS OLD 全班最細粒重細粒過D女仔
著衫都係著4YEAR OLD小朋友既衫我即刻'的'左個小朋友出街
迫佢食左一碗飯一碗菜佢番到屋企對住62 99喊晒口
唉, 我都係為小朋友好點解佢地反應會好似我害緊小朋友咁

私人傳訊

SandraLo

珍珠宮

積分: 33215

1736^#

發表於 11-11-22 23:00 |只看該作者

happylily 發表於 11-11-21 08:49
一路都有睇你嘅post, 亦不斷學習，近日遇到好大問題，好想請教一下。
我囡囡21個月，依家脾氣越來越大。要 ...

happylily :

「話佢乖乖拖住一齊行，唔講還好，一講馬上放手，跑咗去，我其實係唔係用錯說話讚？」 ~~ 頭一兩次會係咁, 之後就唔會, 重有一個竅門, 係讚嗰陣拖到實一實, 咁個讚就唔會落空

另外, 响玩具同講故事時都可以講解吓馬路上有乜嘢危險, 如媽咪唔拖住佢, 又要睇佢又要睇車, 就連媽咪都有危險！

「以前可以講唔俾，依家唔俾就大喊」~~ 大喊就由得佢, 呢d 情況, 喊就有嘅話, 咁一定喊啦！

「我老公通常要佢收聲唔喊先俾，其實係唔係已經做錯」~~ 你嘅分析完全正確, 下一次就必定喊咗先.......... 但我想問, 点解你地咁驚佢喊？而佢亦明白呢個係你地死穴！處理方法就係 ignore 佢喊, 記得唔好安撫, 唔好俾代替品, 但亦唔好鬧！
當佢喊係冇人有反應, 唔喊唔扭就有人讚嗰陣, 你就會睇到魔鬼變天使！不過你都要响佢向你要一樣嘢時諗一諗, 到底係咪唔可以俾佢？once 決定咗, 就唔可以改變主意！

如果小朋友知婆婆就得佢, 佢會揀啱天時地利先扭, 你要 override 婆婆, 就要捉佢入房, 剩番你同佢嗰陣, 佢就唔會扭得咁勁！