吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 香港18區媽媽會› 曾梅千禧媽咪 (Part III)

香港18區媽媽會今日: 0|主題: 156994

收藏本版

發帖

返回列表

跳至頁

樓主: buymom

[北區] 曾梅千禧媽咪 (Part III) [複製鏈接]

85 868788 89...118

露比媽媽

大宅

積分: 3175

1721^#

發表於 11-9-16 10:06 |只看該作者

回覆 Yatyat 的帖子

Yatyat :

我都嚇一跳, 她要補的科目竟然係中文, 早兩日我見到張通告都嚇親 (心想點解唔係數學, 一向數學她都係一舊雲) 昨天派了張工作紙, 哦..................原來條友冇留心聽老師講話做邊條邊條, 攪到做錯哂, 唔卦得要補習啦, 俾她一個教訓, 上堂遊雲呀, 我有小小心涼, 哈哈哈哈

buymom :

我覺得唔關亞女事(我可能提早要食"靜心" ), 我覺得我的緊張程度已無小學時咁厲害, 亞女係大個了, 好多主見, 我現在只係努力學習跟她溝通.
講到細女 --- 我更加唔駛擔心, 因為她係唔鐘意讀書, 更加係迫唔到, "做戲就一流" -- 我日日打電話比她, 她都係七情上面 : 媽咪呀, 我哭得好淒涼呀, 因為我好掛住你呀, 你點解重唔返來 ?? 我真係真係好掛住你....
不過一秒鐘後, 她又對住的卡通繼續跟住她們做戲.

朗媽 :

大女現在都高過我, 我想如果她keep 住玩 (唔知她有冇咁的毅力) 她應該會有成5呎7,8吋, 我比她跳的目的係想她身体好些, 她真係好弱, 行兩步就叫攰叫暈

Sally314 :

快快現身, 好掛住你, 近況如何 ??

私人傳訊

Joy

子爵府

積分: 12241

1722^#

發表於 11-9-16 14:00 |只看該作者

本帖最後由 Joy 於 11-9-16 14:02 編輯

buymom, 歌莉亞, yatyat, foggy, 露比, jac, chock, kanax, 朗媽各位靚媽..... 好排住你地呀........

哈哈, 好耐沒上來, 一上來看到各位中學台柱媽媽仲在此, 真係開心. 看下你地講中學生活真係得意. 我自己由暑假前就忙到暈, 對ah仔都關心少左, blog 已沒有同佢寫.... 這個暑期呢, 就靠佢自己寫日記, 我唯一奉獻係同佢挨更抵死看左佢人生中第一本武俠小說 - 笑傲江湖. 都叫左有d 共同話題既. 小四了, 我個仔依然唔鐘意痴住學校, 近來佢養左5隻蝸牛, 2隻龜, 2隻小鳥, 加埋原來的小狗, 真係忙到佢暈. 一回家就好多野等佢換水, 照顧...... 佢仲會同我最驚的蝸牛抹pat pat..... 我li個做阿媽的, 只好....忍忍忍忍忍....... 自己安慰自己, 有愛心係好事, 好過芹欺凌小動物呀..... 上星期又玩搞洛神花...... 唔知點解, 佢對讀書就唔上心.... 我又安慰自己, 都好, 都係學到知識既.....

仔大仔世界, 我現在已甘心認命, 不多苛求lu....

我係天天豬, 爸爸媽媽好愛我呀!

私人傳訊

foggy

大宅

積分: 1684

1723^#

發表於 11-9-17 11:03 |只看該作者

星期六少d野做, 又上來吹下水!

Dear Joy, 我發覺細仔真係同你囝囝好多相似地方呀 ------ 同樣是”讀書唔上心”, 鍾意養寵物 (屋企有兩隻狗---貴婦, 4隻龜, 一缸魚, 本來仲有一隻貓, 不過佢日前因貪玩意外地過身了.)同種花; 唔鍾意看書, 最多都係看漫畫 ….. 可喜的是他還算緊張功課 (小二和小三兩年都只係欠交一次), 但每次都是儘快完成交了差便算. 兩老都是沒辦法, 總之見佢每日都開開心心度過, 那就無謂強求其他了.

大仔同細仔兩個都係咁樣教, 生活條件兩個都一樣, 但性格就真係兩個完全不同.

大仔暑假學結他, 好有心機, 老師都讚佢, 而家佢晚晚都練, 好有興趣, 老師仲安排佢同一班北區同學仔(有夾人燉蜆學生)一齊夾band, 遲下可能會公開演出(如果彈得好).

塵容有個音樂獎勵計劃我覺得幾好, 大仔入左管弦樂團, 負責打鼓, 學校請外面專業導師教授, 學費每年$2500, 但係如果出席率有95%同埋老師評為優良, 可以有$2000 refund, 大仔已連續兩年有得 refund, 我話呢d已出之物我都唔要番咯, 當係留比你當零用啦, 佢不知幾開心.

私人傳訊

Yatyat

大宅

積分: 1890

1724^#

發表於 11-9-17 13:46 |只看該作者

Joy and foggy,

似乎男仔對大自然嘅生物好似特別感興趣,我囡囡對貓狗之類嘅寵物都有興趣,不過昆蟲佢就怕怕囉.

foggy,

如果大仔有機會公演,要通知大家去捧場.

露比媽媽,

你囡囡補習要補幾耐?會唔會聖誕節都唔可以去旅行?

私人傳訊

歌莉亞

伯爵府

積分: 18024

1725^#

發表於 11-9-17 18:51 |只看該作者

回覆 Joy 的帖子

我成日都同個女講，我唔駛你係最叻，但亦唔好做最差那個，當然唔好要欠功課，我唔想見家長。讀書有時除左家庭環境，仲要天分，好難強求，我見好多朋友，同一家庭環境長大，兩個細路既成績都可以好大分別，但我認為，個人品格亦都好好重要:
在譏評中長大的孩子，苛於責人

在敵對中長大的孩子，常懷敵意

在嘲笑中長大的孩子，畏首畏尾

在鼓勵中長大的孩子，滿懷信心

在讚賞中長大的孩子，懂得尊重

在公平中長大的孩子，有正義感

在安全感中長大的孩子，對人信賴

在贊可中長大的孩子，能夠自愛

foggy:
你細仔讀四年級定五年級?

foggy & Joy:
我個人覺得愛寵物的人大都是有愛心的，你地應慶幸自己位小朋友喜歡小動物。

buymom:
有無沖洛神花茶飲呀 ?

私人傳訊

foggy

大宅

積分: 1684

1726^#

發表於 11-9-17 21:03 |只看該作者

歌莉亞發表於 11-9-17 18:51
回覆 Joy 的帖子

我成日都同個女講，我唔駛你係最叻，但亦唔好做最差那個，當然唔好要欠功課，我唔想見家 ...

歌莉亞, 細仔今年四年班呀, 大仔就中四~~

私人傳訊

Jac

男爵府

積分: 7877

1727^#

發表於 11-9-17 21:20 |只看該作者

本帖最後由 Jac 於 11-9-17 21:22 編輯

Joy

MUD天天養左咁多竉物呀!! 好玩BOR! 又可以鍛鍊到責任心，very good

我舊年都養過隻蝸牛，係洗菜時發現，用菜葉養左個多星期，不過兩個仔純粹好奇睇下，都無理過隻牛，后來放左佢落樓下公園，我兒時養過好幾次都養唔大，今次算好成功喇!

你屋企都有落神花呀? 真係想去你屋企參觀下，今天學校生態園又抽唔到，睇黎同學校的活動都係無MUD緣，唯有靠你認識下先!!

Foggy

今年你囝囝會唔會繼續游泳隊? B象初初話唔游，宜家又話游，先日又話有機會入田徑隊，宜家又學緊打網球，我唯有同佢講攪得掂D功課先可以玩GA，唉!仲有交通安全隊，我睇怕佢都係要取捨一下!

私人傳訊

buymom

大宅

積分: 4110

1728^#

發表於 11-9-17 23:40 |只看該作者

回覆 hinhei 的帖子

【你個仔係MST多唔多功課?? OK嗎??
我見我仔放學有疲態.........(佢本來係一個精力過盛的人) , 我估原因係好嚴.........佢話成日好易比人罰企!!】

hinhei,
我係呢度覆你, 廢事比人針對性抨擊~

MST 功課超少, 可能剛開學, 每天2-3樣, 好輕鬆!
不過 MST 需要小朋友主動學習, 譬如備課、查字典...
你仔係唔係上堂好專心, 所以特別累?! 因我仔都係十分用神專注, 因此好費神的~~

私人傳訊

buymom

大宅

積分: 4110

1729^#

發表於 11-9-17 23:54 |只看該作者

回覆露比媽媽的帖子

露比媽媽,

你知唔知而家唔興 "靜心" 啦, 有隻新產品叫 "寬欣" 呀...
你細囡咁有潛質, 第日一定要參加曾梅劇團啦~
引用番你當年個句：『咁你大囡返學開心嗎?!』開心就ok啦...

分享下...... 之前有朋友係FB度寫, 問：「順利」, 你幾時會出現呀???
我答：要「知足」+「樂觀」, 「順利」就肯出現啦~

尋日同朋友飯聚, 阿仔話：食得、瞓得、痾得, 其實就好幸福啦！ ---> 知足‧常樂。

私人傳訊

buymom

大宅

積分: 4110

1730^#

發表於 11-9-18 00:00 |只看該作者

回覆歌莉亞的帖子

歌莉亞,

好多謝你的卡樂B & 洛神花呀! 遲些才沖來飲...
個人品格絕對比成績重要好多!
所以我都成日提醒阿仔呢~

私人傳訊

sally314

大宅

積分: 3807

1731^#

發表於 11-9-18 08:48 |只看該作者

露比媽媽：

你係咪想得太多、諗得太遠，己經諗大女讀邊間大學而心煩？ヌ担心女女跟唔上？

露比媽媽、buymom、朗媽、Yatyat、歌莉亞：

女女英文科重未教書，只係教緊本故事書，數測1次，默書1不。同隔離班唔同，人地數測己2次，默書2次，己經教英文書。

功課好少，得1-2樣，查吓字咁，試過無功課做，但好嚴，連黑色頭cool都唔用得，帶電話要申請，又要寫信、填表，帶電話返去比佢睇咩model，但到而家未有回音，星期五有位同學私下帶電話，可能要記缺點。亞女申請入手鈴班和紅十字，未知收唔收佢？

我問亞女你慣唔慣呀？明唔明老師講咩？佢話都ok喎！

buymom多謝你呢位名譽會員，鼎力相助，我實預埋你

仔仔返婆婆度食飯，好呀

婆婆有寄託,仔仔ヌ唔洗食咁多咪精

foggy:
大仔好識為自己安排，真"鄧"你高興！！

私人傳訊

buymom

大宅

積分: 4110

1732^#

發表於 11-9-18 20:19 |只看該作者

回覆 Joy 的帖子

Joy,

真係比你囝笑C ---- 【同我最驚的蝸牛抹pat pat!】
家有一子如此 funny, 的確增添無限歡笑聲!

之前小學都有幾個家長都問過我, 點樣同阿仔溫習?! 我真係答佢地唔到喎...
我答：「我已經無同佢溫習啦~ 係佢自己鍾意讀書, 鍾意鑽研新事物......」
所以我一向認為, 如果小朋友喜歡的東西唔係壞方面的, 就盡量投其所好, 話唔定佢係呢方面有發展呢~

不過都係個句, 唔係唔理佢地, 係 "遙遠監察" 佢地咯...

foggy,

明顯你大仔較成熟、穩定, 細仔就比較活潑、好動; 幾好, 兩個各有所長呀~~

Jac,

你阿囝都熱愛運動喎~ 運動多, 身體好!
我仔就係呢方面的弱項啦...
星期六阿仔都有份返曾梅幫手呀~

私人傳訊

buymom

大宅

積分: 4110

1733^#

發表於 11-9-18 20:32 |只看該作者

回覆 sally314 的帖子

sally314,

你終於肯出現啦! 最近好忙嗎?!

你阿囡係唔係讀番派到個間中學? 佢地有分精英班?? 所以默書、測驗有唔同???

學你同Yatyat話齋, 阿仔返婆婆度食飯, 她有d寄托, 忙下個零鐘, 又可以見到愛孫, 真係一舉數得!

嘩~ 咁誇獎... 我係名譽會員?! 哈哈~ 閒人C9者...
得閒call我飲茶啦~~

Yatyat,

你講得無錯~ 男仔真係對大自然嘅生物特別感興趣!
好似阿仔咁, 係街見到隻蝴蝶/昆蟲, 都要停低研究一番...

你打算聖誕節去旅行?
你囡覺得多唔多功課?! 聽講 TH 十月中已開始測驗了...

私人傳訊

露比媽媽

大宅

積分: 3175

1734^#

發表於 11-9-18 20:54 |只看該作者

歌莉亞 :

唔記得你講洛神花係加什麼糖 ?? 我買了都未得閒整來飲.

buymom :

"寬欣"

現在的產品名字越來越 "貼題" 由初初的太太口服x, 到靜心, 再到寬欣

大女返學不知多開心, 日日都有活動, 個家政學會唔受F1 生玩, 她下個月開始以學校為家, 星期一到星期日, 日日都要返去.

Sally314 :

我發覺 "ok啦" 係現在時下的口頭禪, 我亞女都係成日咁答我 : ok 啦

Yatyat :

還未有計劃何時會去旅行, 所以唔緊要了

私人傳訊

foggy

大宅

積分: 1684

1735^#

發表於 11-9-19 08:43 |只看該作者

Jac 發表於 11-9-17 21:20
Foggy

今年你囝囝會唔會繼續游泳隊?

Dear Jac,

會繼續游呀! 阿仔無乜特別專長, 游水係佢少有的強項, 幾大要佢參加, 而佢自己亦好鍾意游.

早排趙sir打電話來, 話一個星期操兩課, 希望佢努力d可以代表到學校出賽啦!

講開又講, 佢自從游水之後, 身體好好, 連一般傷風感冒都少晒~~

私人傳訊

hinhei

男爵府

積分: 9835

1736^#

發表於 11-9-19 10:37 |只看該作者

本帖最後由 hinhei 於 11-9-19 10:41 編輯

回覆 buymom 的帖子

hahaaaa, 你知我成日來偷睇你哋!!
聽你咁講, 真係要小朋友夠自發, 我仔比較適合學校安排功課. 因為佢唔會主動自己走去攞本書來溫~~~

亞仔話學校好嚴, 一開學巳比人罰企幾次........因為扭轉個頭, pa係枱.....hahaaaa, 好彩佢都仲係好鐘意間學校!! 可能佢又要專心上堂, 又要專心唔好做咁多無謂小動作, 所以咁倦啦!!

星期六我囡都有去參觀, 佢係黑色組 , 我自己就唔見有學生. 佢好enjoy!

好失敗呀!! 居然記錯時間, 記錯咗兩點半開始, 好彩我哋早到咋......去到巳兩點二三啦!! 一入禮堂......明顯我遲到走入去.......@@

私人傳訊

Yatyat

大宅

積分: 1890

1737^#

發表於 11-9-19 14:40 |只看該作者

真高興,大家好似又返哂嚟傾,好熱鬧.
我阿囡都好適應中學生活,TH功課係多,不過唔算太過份,揀得佢都預咗.
最緊要阿囡唔覺有壓力,讀得幾開心.

私人傳訊

Joy

子爵府

積分: 12241

1738^#

發表於 11-9-20 10:46 |只看該作者

HINHEI,

加油呀, 等你入來為tmms效力

jac

要採洛神花就快手啦, now 一批一批開花中

ah仔好可憐, 佢兩隻小鳥無端一起死左, 傷心得佢......

foggy,

讀書唔上心不是大問題, 但對功課.自己的事要負任, 做到學校的1.1~., 之後2.1....... 這樣識思考, 有愛心, 就ok啦.
我們做大人的, 從旁俾些鼓勵和磨練他們, 就很好了.

buymom,
看得出, 你家下好 "歡欣" + "寬欣"啦. 嘻

我係天天豬, 爸爸媽媽好愛我呀!

私人傳訊

buymom

大宅

積分: 4110

1739^#

發表於 11-9-21 20:36 |只看該作者

回覆露比媽媽的帖子

露比媽媽,

點解大囡星期日都要返校?! 有開門咩??!

hinhei,

哈~ 我唔係知你成日來偷睇我哋, 而係我click左回覆你的帖子, 咁你就會有「提醒」指示架啦~
我當年幫阿仔揀小學 & 剛剛揀中學都同樣咁專一, 無三心兩意架! 好彩一擊即中者~~

Yatyat,

哈哈~ 真係「百鳥歸巢」呀!!!

Joy,

雀鳥會有禽流感, 小心d啊~~
我家下的確好 "歡欣" + "寬欣" 啦, 無壓力, 人都Happy好多!