母乳餵哺 今日: 0 | 主題: 85707

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

1742^#

發表於 08-10-16 14:00 |只看該作者

pipi331,

睇吓澤澤個schedule先，食3餐固體加四餐奶～～都未必話太多餐，我隻豬扒妹都係差不多，佢仲衰到有時夜晚醒咗要食餐奶tim，佢要埋身餵先肯再瞓，試過想戒，佢喊咗個幾鐘都唔收聲，最後又係媽咪輸咗，因為佢嘈醒咗哥哥同爸爸，全家都冇得瞓～～撐得太遠～～咁要睇澤澤每餐奶食幾多。好似豬扒妹咁，佢係少食多餐，每餐都係食四五安，有時仲係三安，可能佢係女仔個胃細，要食得密Ｄ先夠。囡囡個時間表大約係咁：
6:00am　埋身餵
8:00am　跟婆婆舅父食早餐，通常係麥皮、通粉或麵包
10:00am　飲奶（4-5安），瞓一陣（可以係20mins-2hrs)
12:30pm　中午飯，通常係稀飯仔，有時係通粉加菜肉
3:30pm 　飲奶（3-4安），瞓一陣（20mins-1hr)
6:00pm　　晚飯，稀飯仔，加菜肉湯生果
8:30pm　埋身餵，瞓覺
夜奶時間不定，有時係２點，又可以係４點。以上時間都係大約，因為佢瞓嘅時間唔同，所以有時都未必一樣。

你要慢慢同囝囝轉食三餐固體呀，因為ＢＢ大咗，６成以上營養來自固體，如果食奶太多會影響ＢＢ食固體的胃口。而家澤澤就嚟一歲，應該全日食唔多過２０安奶，咁澤澤而家幾重？

唔好灰心，而家仲有奶，餵得幾多就幾多啦，始終餵人奶係要多方面配合。我囝囝果時我都係要補奶粉，後來仲由７成人奶變到得４成，真係好想放棄，但真係想餵到一歲，點知有咗第二個要即刻停，呢Ｄ就係人算不如天算啦，我都冇法。之前囡囡食唔晒Ｄ奶，俾囝囝食，心理上好想補償番俾囝囝，點知佢食食吓唔食～～

我以前都上網買人地用唔着果Ｄ贈品奶粉，或者人地食唔晒Ｄ奶粉，仲有衫仔、nursing pads、milk storage bags等，真係平好多，冇法啦，有咗小朋友，開支大咗好多，仲要儲將來的學費。我呢度的物價都升咗唔少，話過話好多減價，但必須品升就容易跌就難，好似奶粉尿片牛奶等，都係有升冇減。我公司又係成日layoff，好彩我而家都仲有工做，又冇買屋，只係每月交租交托兒所費最多錢。

花旗太太生活在花旗國，留意時差，你問我未必即時答到。

私人傳訊回覆引用

積分: 40343

好媽媽勳章醒目開學勳章陪月勳章

1743^#

發表於 08-11-3 08:17 |只看該作者

pipi331 & rose-mag,

好耐冇上嚟添, 見到你哋share小朋友一日的飲食schedule, 真係好有參考價值, 因為我都懷疑自己會唔會比唔夠阿仔食, 呢3-4個月體重好似冇乜增長(我哋响屋企抱住佢磅, 減返自己體重, 阿仔磅數冇變過

雖然可能屋企磅會有少少偏差, 不過作為媽咪梗係想見到個bb越嚟越大隻啦)

阿仔到今個月至可以正正式式食到兩餐固體, 不過都唔係日日得.

今個星期我被佢咬損咗一邊nipple, 傷口都幾深, 搽極nipple cream都唔埋口, 就去睇醫生攞支藥膏, 好少少啦~ 唔知係咪太耐冇泵, 好唔慣, 泵極都泵唔出, 用手擠又係咁, 搞咗半個鐘至得1-2安! 好懷疑平時阿仔究竟食緊幾多奶?

跟住又到另一邊nipple被佢啜到起水泡! 兩邊都中招, 痛C人. 呢幾日唯有改為每餐食一邊, 讓每邊nipple有多d時間休息. 可能阿仔食奶少咗, 肯食多d粥.

同埋佢d口味都幾奇怪, 放多幾種材料(e.g.2-3種蔬菜+肉類)就未必鍾意食, 放1種菜+肉就好鍾意食! 我老公話可能太雜佢唔鍾意喎~ 等我仲諗住多d材料, 味道/顏色/營養都豐富d, 吸引d添.

而家阿仔schedule係(大約):
5-6:00am 埋身, 食完再瞓
10:00am 埋身, 食完起身
12:00nn 固體
1:00pm 午睡(1-2小時, 有時會3小時)
3-4pm 埋身, 如果係4-5點才食, 咁食完就會又瞓一陣(1-2小時)
6-7pm 固體
10-11pm 埋身, 瞓覺

呢個只係大約schedule, 有時會食少一餐固體, 食多一餐奶. 有時會成個shedule"吞"遲兩個鐘, 視乎佢係咪夜咗瞓/晏咗起身. 而家一日瞓13個鐘, 夠唔夠?

私人傳訊回覆引用

積分: 40343

好媽媽勳章醒目開學勳章陪月勳章

1744^#

發表於 08-11-3 08:22 |只看該作者

至於你哋提到而家d 3號奶粉短缺, 會唔會係因為豬年好多bb出世, 而家要食3號?

生仔時, 床位緊張; 出世後, 奶粉緊張; 而家想話同佢報下playgroup, 唔係冇位就waiting list; 遲下又到讀pre-nursery, 又係爭崩頭

私人傳訊回覆引用

李小B太太

積分: 4412

1745^#

發表於 08-11-3 10:25 |只看該作者

小笨都係咁0架~~~

原文章由 方麗娟 於 08-11-3 08:17 發表
同埋佢d口味都幾奇怪, 放多幾種材料(e.g.2-3種蔬菜+肉類)就未必鍾意食, 放1種菜+肉就好鍾意食! 我老公話可能太雜佢唔鍾意喎

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

積分: 40343

好媽媽勳章醒目開學勳章陪月勳章

1746^#

發表於 08-11-4 00:14 |只看該作者

原文章由 李小B太太 於 08-11-3 10:25 發表
小笨都係咁0架~~~

咁"每餐食乜餸"咪唔駛諗咁多

小笨大個女又靚女咗呀~

私人傳訊回覆引用

積分: 174325

1747^#

發表於 08-11-5 15:04 |只看該作者

方麗娟，
你仔仔都就嚟１歲，係冇以前重得咁快架，我記得你仔仔都好似幾重磅架，唔駛咁擔心，佢如果食得瞓得，冇咩病痛應該ＯＫ。

我而家都係泵少咗，一日兩次都係得３－４安一次，唔夠囡囡日頭，平均兩日要補一次牛奶，咁因為我都計劃慢慢同佢戒奶，所以都唔會再增奶啦，ＢＢ大咗食得快咗，而且由人奶提供嘅營養都係佔一半度，１歲之後奶都變成輔助啦。你仔仔有幾隻牙呀？豬扒妹而家有９隻，好多時佢會咬到我有兩個大板牙印。

可能阿仔食奶少咗, 肯食多d粥.　所以我地要慢慢減奶加固體俾ＢＢ，等佢地有多Ｄ營養。

同埋佢d口味都幾奇怪, 放多幾種材料(e.g.2-3種蔬菜+肉類)就未必鍾意食, 放1種菜+肉就好鍾意食! 我老公話可能太雜佢唔鍾意喎~ 等我仲諗住多d材料, 味道/顏色/營養都豐富d, 吸引d添.　係呀，初初清清地ＢＢ仲鍾意，而且太快俾太多味佢會令ＢＢ習慣咗濃味，第時就唔肯食Ｄ口味淡嘅嘢。好似有ＤＢＢ只係肯飲果汁唔肯飲水。

你個schedule而家真係幾難再加多餐固體，你都唔駛太擔心住，試下遲Ｄ可唔可以將１０點果餐轉固體啦。而家豬扒妹都係有時得兩餐固體，因為佢有時瞓耐咗或者早咗要食奶都知亂咗。而家一日瞓13個鐘，ＯＫ喎?　我隻女都係１１－１２鐘一日，總之ＢＢ醒係開開心心即係瞓夠。ＢＢ大咗湊嘅方法都要有所不同，未來佢地會少瞓咗玩多咗，學嘢會快咗。你仔仔講幾多嘢？識行未呀？遲Ｄ要成日睇住佢真係好辛苦架，不過又有另一番開心嘅經歷。

花旗太太生活在花旗國，留意時差，你問我未必即時答到。

私人傳訊回覆引用

wingszew

複式洋房

積分: 311

1748^#

發表於 08-11-6 19:14 |只看該作者

想問吓各位,我生咗差不多四星期,全泵,現在一日泵7次,每次只有3安(兩邊加起),而且要用1個小時,正常嗎?
小b十分大食現在已一日六餐,每餐四安,我的奶量一直沒有增加,又不可以埋身,因BB十分狂,一埋身即損,加發燒,如何追上BB的需求, 請提供良方

私人傳訊回覆引用

linglaulau

積分: 1882

1749^#

發表於 08-11-7 10:32 |只看該作者

埋身啜損有好多原因... 有冇試過去健康院搵人奶姑娘幫手睇吓??
我覺得埋身餵係最有效嘅simulation...
泵成個鐘一日7次咪好攰?? 你用緊邊隻泵呀?? 你可以試吓泵15分鐘再手擠... 手擠嘅效果會比用泵好... 我用泵泵唔出用手擠都可以擠多一安半安架...

仲有係你要飲多d水食多d飯... 都可以試吓坊間嘅増奶湯水好似木瓜魚尾嗰d....

加油呀~~~

原文章由 wingszew 於 08-11-6 19:14 發表
想問吓各位,我生咗差不多四星期,全泵,現在一日泵7次,每次只有3安(兩邊加起),而且要用1個小時,正常嗎?
小b十分大食現在已一日六餐,每餐四安,我的奶量一直沒有增加,又不可以埋身,因BB十分狂,一埋身即損,加發燒,如何追 ...

私人傳訊回覆引用

linglaulau

積分: 1882

1750^#

發表於 08-11-7 11:00 |只看該作者

ai... 食固體呢個問題我都有d頭痛...
瞳瞳而家都係食緊一至兩餐固體咋....

我諗都係大人嘅schedule 問題la.. 都唔知點改善好.... 好似平日我返工.. 因為99係唔like 買定d野擺雪櫃嘅人.. 佢話要食就食新鮮... 咁如果得99一個人湊住佢冇買到野煮比佢食/ 約咗太婆嗰d 飲茶呀咁... 就會比多支奶佢... 咁就會食少一餐固體... 放假有時我同佢出街... 煮唔切野比佢食咁又食少一餐.... 同埋都食得唔多均衡(1份肉2份菜好少做到la...) ... 我真係有d擔心佢唔夠營養呀... 下星期三去健康院.. 唔知合唔合格呢? (屋企冇磅... 好耐冇磅過喇)

另一樣頭痛嘅都係瞓覺問題....
佢又夜瞓又瞓得少喎... 一日計埋晏覺都係10-12個鐘... 咁細個bb已經有黑眼圈同眼袋... 真係吹脹... 最慘嘅係佢一定要人暗佢先肯瞓... 唔會話眼瞓就自己瞓... 仲要係扭到爆摔哂眼都唔瞓嗰隻... 如果係我暗佢瞓佢就一定要啜住我先肯瞓.. 我諗緊係咪應該同佢戒食住奶瞓呢? 不過一定好難搞... 因為而家我一放工返到去抱佢佢就哄埋嚟架喇... 就算係啱啱食飽飯佢都會扭計要啜... 要花d功夫先可以引開佢注意力...

嗰日我放工返到去佢啱啱食完飯仔, 62好緊張咁話佢食咗好大碗飯.. 叫我唔好比奶佢食... 仲講咗好多次.. 真係唔好呀.. 食滯佢呀咁... 其實而家我都係等佢瞓先埋身餵... 好耐冇比佢食呢一餐啦!! 所以62咁講嘅時候我都有d嬲... 做乜講到我係唔係都比佢食咁... aiya... 越講越遠tim...

唔知有冇好方法可以no cry 咁等佢自己瞓呢? 好頭痛呀~~

私人傳訊回覆引用

積分: 174325

1751^#

發表於 08-11-7 14:38 |只看該作者

原文章由 linglaulau 於 08-11-7 10:32 發表
埋身啜損有好多原因... 有冇試過去健康院搵人奶姑娘幫手睇吓??
我覺得埋身餵係最有效嘅simulation...
泵成個鐘一日7次咪好攰?? 你用緊邊隻泵呀?? 你可以試吓泵15分鐘再手擠... 手擠嘅效果會比用泵好... 我用泵泵唔出 ...

同意日文老師嘅講法，啜損好大機會係餵嘅方法，會唔會試吓唔同嘅pose,例如欖球式？去健康院搵姑娘睇吓你埋身方法有冇得改善，我初初囡囡都食損，到Ｄ皮厚咗又就到位就冇問題啦。
同意，埋身餵係最好最快嘅增奶方法。
你係唔係用電泵？我都係泵加手擠先清到Ｄ奶。
你話你會發燒，係唔係乳腺炎，如果係你就唔係唔夠奶，而係個方法唔啱。
增奶我就飲豬腳豬手青木瓜湯、木瓜魚湯、花生雞腳湯，一日１２杯水或奶或湯，一見肚餓就食（一日６餐），要瞓得夠，放鬆精神，唔夠奶咪最好補奶粉，冇壓力反而會多Ｄ奶。

花旗太太生活在花旗國，留意時差，你問我未必即時答到。

私人傳訊回覆引用

積分: 174325

1752^#

發表於 08-11-7 14:59 |只看該作者

原文章由 linglaulau 於 08-11-7 11:00 發表
ai... 食固體呢個問題我都有d頭痛...
瞳瞳而家都係食緊一至兩餐固體咋....

我都認為係大人嘅schedule 問題..
你99咁得意唔like 買定d野擺雪櫃，同意食新鮮係好Ｄ，但淨食奶真係唔夠喎，你煮唔切野比佢食咁又食少一餐，同埋都食得唔多均衡(1份肉2份菜好少做到la...) 你真係要諗吓，可唔可以有Ｄ簡單Ｄ，又唔駛好多時間就可以煮好嘅嘢，例如瘦肉菜粥，麥皮等，我有個朋友會搗碎Ｄ菜，放喺雪櫃，食時加入Ｄ粥度。我媽就煲定Ｄ湯放雪櫃，每日用一樽嚟煲粥，加Ｄ菜同肉，俾豬扒妹食。

瞓覺問題.... 人奶Ｂ都係黐身Ｄ，我個女都係要啜住瞓，平日我唔喺屋企，佢會一邊樽一邊瞓，有時要放佢喺stroller度推嚟推去先瞓，夜晚就會叫奶奶，要我俾佢食先肯瞓，好多時都係邊食邊瞓着。最近，佢會自己叫”覺覺”同行去床度想爬上去，如果放佢喺床上面，佢會攬住張被，拍吓佢都可以瞓，但如果唔埋身食奶瞓，佢會中間醒要食，所以，我都會提佢要食奶先去瞓。你睇吓瞳瞳大Ｄ會唔會好Ｄ。我媽成日叫我同佢戒奶，因為大大吓會仲難戒，而家囡囡太黐身啦！

一日計埋晏覺都係10-12個鐘都係ＯＫ架，如果瞳瞳自己醒咗之後好開心去玩，咁佢應該夠瞓。佢一定要人暗佢先肯瞓，我個女有時都係，一定要好靜冇其他人（除咗我同佢），拍拍吓就會瞓。我個女自細我就俾張被仔佢，只要有張被，佢會容易瞓好多，而家出街我都要拎定一張。

花旗太太生活在花旗國，留意時差，你問我未必即時答到。

私人傳訊回覆引用

靖嵐

子爵府

積分: 11973

好媽媽勳章

1753^#

發表於 08-11-8 03:12 |只看該作者

好耐冇入黎睇喇....

我呀b都食o左成個月3餐固體, 好忙, 但好彩冇再食滯...

8:00 埋身食人奶
12:00 埋身食人奶
14:00 糊仔 (奶粉開)
16:00 生果
17:00 粥
17:30 間唔中埋身食人奶瞓
20:30 粥
11:30 埋身食人奶

食o左三餐固體後, 呀b真係好似重得快o左... 1歲時得7.9kg, 14個月已經8.8kg...
但係我o地覺得輕重都冇所謂, 尤其有大女做例子... 呀b發展我覺得都算快...

[ 本文章最後由靖嵐於 08-11-8 03:16 編輯 ]

我想要9999呀...

私人傳訊回覆引用

靖嵐

子爵府

積分: 11973

好媽媽勳章

1754^#

發表於 08-11-8 03:41 |只看該作者

哈哈... 我都好懶, 所以我第一餐固體都仲比呀b食糊仔...

我仲有d懶人煲粥材料... 就係一樽樽o個d babyfood...
我會買定淨粟米蓉做儲備(間唔中會買淨菜蓉)...
用真空壺焗落米, 焗個零鍾, 跟住煲一煲, 落樽裝粟米蓉, 再加隻蛋, 我覺得好好味...
再唔係買d甘荀, 都幾雪得o架, 要煲先磨蓉, 煲一陣, 再落焗好o左o既米, 再加隻蛋...
其實我好後悔冇買攪拌機, o係朋友屋企見到佢用攪拌機打爛d材料, 真係快同方便好多... 以前湊一個唔覺整得耐, 依家湊兩個好似冇哂d時間咁...

我呀b係唔鍾意啜住瞓, 尤其夜晚, 連"暗"都比, 唔知點解, 但日頭瞓晏覺有時又要啜喎... 好奇怪... 仲有如果有風扇穿正個頭就會快d瞓...
佢肯自己瞓o架, 不過好衰, 係都要"r"手, "r"到流哂血o個隻, 所以冇辦法, 要o係側邊拖住佢黎瞓, 唔比佢"r"... 不過出街就"暗"喇, 太多o野睇...
慢慢黎啦... 我大女滿月前都係自己瞓, 因為o係醫院冇人會抱... 但佢早產成日嘔奶, 醫生叫食完奶抱半個鐘先好放落床, 自此就一路要"暗", 到歲半慢慢戒... 初初要o係格黎陪瞓, 到兩歲左右就可以自己入房瞓...

原文章由 linglaulau 於 08-11-7 11:00 發表

ai... 食固體呢個問題我都有d頭痛...
瞳瞳而家都係食緊一至兩餐固體咋....

我諗都係大人嘅schedule 問題la.. 都唔知點改善好.... 好似平日我返工.. 因為99係唔like 買定d野擺雪櫃嘅人.. 佢話要食就食新鮮...

[ 本文章最後由靖嵐於 08-11-8 03:45 編輯 ]

我想要9999呀...

私人傳訊回覆引用

linglaulau

積分: 1882

1755^#

發表於 08-11-13 14:14 |只看該作者

呢排都唔知搞乜... 上次乳線炎只係一個月前嘅事... 尋日輪到右邊出事... 尋日朝先發現塞咗... 泵唔出奶用手擠都清唔到... 下晝開始勁痛... 埋身餵都搞唔掂... 5點幾開始覺發燒又發冷... 尋晚捱咗一晚... 好在今朝退咗燒... 頭先lunch好努力忍痛用手擠... 終於好少少... 今次擠咗d膿出嚟呀!! (上次冇架... 原來d 膿係咁黃架....

) 記得你地講過有膿唔餵得呀可?? 死la... 尋晚亞女咪食咗好多膿??

講返食固體.... 上個weekend 開始我好努力想tune 吓瞳瞳食野嘅schedule... 雖然都要出街.. 不過我就煮定野帶埋出街...
點知瞳瞳一d都唔比面.... 我煮嘅野佢食得兩啖... 好hurt...

可能吽緊第7隻牙仔la... 99 話佢呢幾日都冇乜胃口... 奶都食少咗.... only like 埋身啜... 一見我返到去就扭埋身... 食兩食又發牙痕咬我.... 已經傷痕累累喇...

佢咬住仲要扯開嗰吓真係痛到入心入肺... 唔比佢啜佢又喊... 都唔知點好.... 佢一出牙仔開始都已經成日咬我架喇... 話極都唔聽仲要好開心咁笑....

今次吽牙仔咬得比之前仲甘.... >"< 呢鑊真係驚佢有牙呀... (呢句野係咪奶媽發明架呢? 我覺得真係為奶媽而設....=0=)

私人傳訊回覆引用

積分: 40343

好媽媽勳章醒目開學勳章陪月勳章

1756^#

發表於 08-11-18 22:23 |只看該作者

原文章由 rose-mag 於 08-11-5 15:04 發表
方麗娟，
你仔仔都就嚟１歲，係冇以前重得咁快架，我記得你仔仔都好似幾重磅架，唔駛咁擔心，佢如果食得瞓得，冇咩病痛應該ＯＫ。

我而家都係泵少咗，一日兩次都係得３－４安一次，唔夠囡囡日頭，平均兩日要補一次牛奶，咁因為我都計劃慢慢同佢戒奶， ...

我個小王子15/11, 1歲生日了! 真係好似一夜之間大個咗, 識好多嘢: 成日呀呀, 又爸爸媽媽, 有時仲嗲～哋～或者媽～咪～(唔知佢係咪真係識識地, 不過有類似發音), 又識將d物件/玩具放入一個盒/杯度, 再倒返出嚟; 最開心係---自動戒夜奶! yeah~~

話說佢連續四晚由11點幾瞓到第二朝8點幾9點才食奶, 我已經好開心! 雖然有時臨近朝日(5-6點時)佢好似好想醒, 我要拍住佢瞓, 但都冇話一定要起身食奶. 今朝就冇瞓到咁長, 但都連續瞓咗6個鐘(前晚12點瞓到今朝6點)才起身食奶, 食完又瞓到10點.

佢生日冇收到任何禮物, 不過我就收到一份超級大禮: auntie M嚟咗探我

. 好辛苦呀, 點解咁多? 乜唔係第一次嚟返係好少咋咩? 人又累, 仲好似想病咁......

但我又唔覺奶量少咗好多, 同埋阿仔仲好鍾意啜

私人傳訊回覆引用

積分: 40343

好媽媽勳章醒目開學勳章陪月勳章

1757^#

發表於 08-11-18 23:08 |只看該作者

至於出牙仔, 我阿仔到而家仲係得4隻咁多咋~都已經咬得我好痛! 有時就勁大力咁咬我手指(同佢抺口), 仲痛!!!

食固體方面, 睇完你哋share的schedule, 我就試吓同佢中午食固體, 試咗半個月, 有時得有時食唔到, 不過明顯食量多過之前---以前只食到一餐, 而家算係食到1.5餐咁啦! 有時大碗d都食得晒.

仲有, 我也嘗試朝早一起身(10點幾)就俾埋固體, 不過唔係太成功. 就算食到, 下午就食唔到固體, 要到黃昏或夜d才食到. 即係埋單都係兩餐固體. 我諗應該係佢目前極限, 所以我都唔勉強, 佢鍾意食幾多就幾多啦~

回想初初餵固體(糊仔), 佢肯食10啖已經偷笑; 到而家, 佢都算幾叻仔, 唔使再氹佢都肯食, 真係好開心呀

私人傳訊回覆引用

doublei

積分: 3548

1758^#

發表於 08-11-18 23:54 |只看該作者

俾佢埋身啜係最佳良方, 如果試下在佢唔係太肚餓既時候餵佢, 可能冇咁狂, 食得冇咁心急, 另外, bb啜既咀型如果正確, 即開大口含住整個乳暈, 即該唔會捐, 如果你唔肯定姿勢是否正確, 可以去母嬰健康院請教一下姑娘

bb大食要追奶, 可能係猛長期, bb會突然有幾日食量大增, 要不斷尋食, 只要俾佢食番密d, 身體適應了新需求, 就會再造多d奶水以足夠應付bb成長所需, 這可能在bb3-4星期, 3個月或6個月出現, 又或因人而異

努力吧, 我兩個女都可以全人奶, 細女也剛餵到一歲了, 你都一定得, 加油!

原文章由 wingszew 於 08-11-6 19:14 發表
想問吓各位,我生咗差不多四星期,全泵,現在一日泵7次,每次只有3安(兩邊加起),而且要用1個小時,正常嗎?
小b十分大食現在已一日六餐,每餐四安,我的奶量一直沒有增加,又不可以埋身,因BB十分狂,一埋身即損,加發燒,如何追 ...

私人傳訊回覆引用

doublei