少年成長 今日: 0 | 主題: 16100

積分: 33215

1742^#

發表於 14-2-27 23:00 |只看該作者

p_olivia 發表於 14-2-27 09:42
回覆 SandraLo 的帖子

小朋友掟嘢亦唔等於發脾氣, 佢地係要探索, 同要感覺個「空間距離」-> Thanks! 真係 ...

p_olivia :
少少補充............ 佢地掟嘢時父母往往反應過「好」, 容易令小朋友以為攞到注意或者係玩, 可以試吓不俾反應先, 冇掟就讚............

私人傳訊

rachelstarlai

複式洋房

積分: 476

1743^#

發表於 14-2-28 17:30 |只看該作者

Dear Sandra,

我呢幾日先開始留意到呢個TOPIC, 亦有用到你所講既係我囡囡身上, 可能日子尚短, 暫未見成效....

不過我想講下我個囡囡既問題, 我係在職媽媽, 囡囡15個月大, 現99湊
但我囡囡由細到大都好急性, 又大脾氣, 最近仲更加犀利............
我99係好鍚我囡, 但有D方法我就覺得佢係寵壞左佢, 例如一喊即抱,
一扭就俾, 長開電視咁.............

個案一: 朝早起身一定要即刻要奶, 遲半拍都唔得,
而我係陪囡囡訓大床, 幾個月前已經唔肯訓床仔, 而家爸爸已經訓左出廳,
我通常大約七點起身, 就會叫爸爸入房頂我位, 可能有少少聲令佢醒左,
佢就即時大喊, 好話爸爸整醒佢, 咁我地就由佢喊, 佢就越喊越起勁, 見
到我仲想爬埋黎, 爸爸唔俾, 我亦唔理佢, 中途99有出黎想理, 我唔俾佢理,
而囡囡就無停過咁大喊, 由7點喊到7點40分, 先喊住走埋爸爸度鍚爸爸要
呵番佢, 爸爸先抱佢出去開奶佢飲....(我地唔知咁做啱唔啱)

不過事後我99打俾我話囡囡今日痴到佢實一實, 又話佢今日又扭又喊, 99就
抱住佢去照鏡話:「你睇你你喊得幾醜怪呀?」然後佢話我囡望住塊鏡不停話「
打打打打打..................」, 想問點解會咁呢? 我有叫99囡囡喊或扭計唔好理佢住,
唔好抱唔好講任何野, 但我99唔太接受, 仲話佢喊唔通唔乙水番佢先咩! 請問其實
我可以點做??

私人傳訊

rachelstarlai

複式洋房

積分: 476

1744^#

發表於 14-2-28 17:45 |只看該作者

半夜都有喊醒, 試過一晚醒幾次, 俾奶咀, 水又唔要, 開燈開電視都唔得,
最後開電話播英文歌先收到下聲, 然後試鎴機鎴燈訓, 又喊過..............
跟住又開番燈, 開DVD佢睇先坐定定睇無喊啦

仲有架! 我下次再講........................THANKS

私人傳訊

積分: 33215

1745^#

發表於 14-2-28 23:06 |只看該作者

jywy 發表於 14-2-27 09:53
回覆 SandraLo 的帖子

OIC~THANKS, 大約都知用讚呢個方法, 但我唔太識咩時候用呢?

jywy :
1. 佢走你追咪一個遊戲囉, 依家你齋講唔做佢咪覺得唔駛做唔駛理你囉..............

你想小朋友聽話, 你對佢每個要求都要 follow through, 唔好隨口 up 唔好乜唔好物, 但又唔阻止或者阻止唔到, 否則佢只會認定你只係齋講, 而此舉亦即係教緊小朋友唔聽你話..................
如果淨係你同囡囡去超市就簡單, 入去前 serious 咁講一次唔准走, 如果走就會即刻離開; 一入去(拖住佢唔好放手)就即讚佢乖冇走, 然後每兩分鐘就讚一次, 如果感覺佢想掙脫你隻手, 就唔好放, 持續讚, 等佢知唔走就係好行為會被讚！如過程中俾佢掙脫然後真係跑, 就要真係罸即返屋企, 係即返唔可以反口或者灘凍 (例如買埋嘢先), 要言出必行！
如果係同埋表姐, 我就唔識教你, 除非佢媽唔係一齊, 你可以管埋佢, 否則冇得搞！

2. 你肯定佢打人塊面係因為開心？佢慣常開心嗰陣會打人？

我估你未必係讚錯, 可能係做錯表情, 每次佢有不恰當行為時, 你要 serious d 咁同佢請唔可以, 依家佢好似容易「收錯」當咗係玩！

私人傳訊

積分: 33215

1746^#

發表於 14-3-1 23:06 |只看該作者

rachelstarlai 發表於 14-2-28 17:30
Dear Sandra,

我呢幾日先開始留意到呢個TOPIC, 亦有用到你所講既係我囡囡身上, 可能日子尚短, 暫未見成效. ...

rachelstarlai :
如果囡囡係99凑, 佢又唔覺得自己有問題, 咁就算你自己就係教仔專家, 都唔會搞得掂！
你睇番前兩三版, 你會明bb 喊唔可以當佢係脾氣壞, 因佢都未識講嘢, 當然係用喊嚟要求, 喊就有甚至加快有, 就會强化咗佢喊呢個行為！換句話說, 係大人教佢地用喊, 唔關佢地事！
医生成日教人唔好同bb同床, 要爸爸瞓廳亦絕對係影響夫妻感情............ 如果bb 喊足幾年要同你瞓, 爸爸就瞓足幾年廳？
你可以買或上網揾 Super Nanny, 亦即以前明珠台嗰套" BB保你大", 當中有教點 train bb 自己瞓, 做埋俾你睇, 咁當然會要搞一排, 好彩一兩晚, 唔好彩十幾晚, 但你99唔鍾意bb 喊, 咁係冇得搞！

我唔會知点解你女講「打」, 可以係冇意思, 可以係佢知乜嘢係打, 所以話打嫲嫲以「反抗」嫲嘛話佢醜怪, 亦可以係平日唔聽嫲嫲話嗰陣, 嫲嫲就話打佢, 佢學咗.................

私人傳訊

積分: 33215

1747^#

發表於 14-3-1 23:34 |只看該作者

rachelstarlai 發表於 14-2-28 17:45
半夜都有喊醒, 試過一晚醒幾次, 俾奶咀, 水又唔要, 開燈開電視都唔得,
最後開電話播英文歌先收到下聲, 然 ...

rachelstarlai :
半夜醒係因為乜？餓？渴？日間玩太顛發惡夢？唔舒服？無論係點解, 都冇可能去開電視呀, 難道她要看電視才不哭, 你便讓她顛倒日夜？問問医生吧！

私人傳訊

babyzhang

積分: 1480

1748^#

發表於 14-3-2 01:31 |只看該作者

回覆：SandraLo 的帖子

我應由邊睇起？

認識多謝BB日常生活的事.

私人傳訊

積分: 33215

1749^#

發表於 14-3-2 17:31 |只看該作者

babyzhang 發表於 14-3-2 01:31
我應由邊睇起？

babyzhang :
你個 case 係點？

私人傳訊

jywy

積分: 4885

1750^#

發表於 14-3-3 10:13 |只看該作者

回覆 SandraLo 的帖子

Thanks 您呀SandraLo, 以下仲有問題想再請教:

1. 係超市我都試過話你走來走去咁就即刻離開, 但無話番屋企, 因仲有其他地方要去, 離開後佢只喊左一陣, 之後佢又笑番好似當無事發生.....其實佢好似唔係太知侯先發生咩事咁...

2. 開心到打人面, 或者我個樣唔夠嚴LA, 但我諗住講番比佢聽上次唔岩, 我覺得佢有少少嬲我又重提, 係到笑住打我面又推我面叫我唔好再講咁....
其實我每次話佢或吩咐佢做D野, 如收拾玩具, 佢都會笑住打我面, 嘴, 背脊, 我再叫多次收拾和數10聲要執好時, 佢開始嬲就掉玩具, 踩玩具, 但我都一直數, 佢終於都係執好左, 但佢有D唔奮氣咁, 執GE時侯係掉入箱....或我有用另一個方法, 同佢玩鬥快執好D玩具, 兩個方法執完我都有讚番佢, 但每次都咁樣做法唔係辦法, 因為我都用過幾次呢D方法LA, 我怕終有一次佢會試下唔執時睇我會點, 其實有無其他方法要佢自願執番直至佢可以自動自覺執唔駛人叫....望賜教, 謝謝

私人傳訊

postmanhk

積分: 1568

1751^#

發表於 14-3-3 22:40 |只看該作者

Dear sandra,
好開心俾我睇到呢個topic,我由part1開始睇起（不過仍未追完

），知道唔好“話”，唔好打要讚（當佢冇做啲我唔希望佢做嘅事時）但喺執行上仍唔係掌握得好，希望可以得到你既專業意見。
我個仔就黎16個月，其實佢平時都算乖同好脾氣。但喺可以下情況就會打人（照顧者），喊，咬身邊既物件＆扔野。

1）當佢想做一樣野而被阻止（我估佢呢啲反應係想講我地知佢不滿我地阻止佢）
--我依家既做法係stop佢，跟著解釋點解佢做既野被阻止。當然佢就開始發作e.g. cry，扔野，咬野，我就ignore 佢(坐埋一邊唔望佢）佢就會專登過黎打我，我會捉住佢隻手同佢講“唔得，唔可以打人”認真但盡量冇嬲 <-- 咁佢仲係咁打，我係咪應該行開去一啲佢打唔到我既地方or自己入房？咁我行開當唔當係俾左反應佢呢？如果我入房留低佢自己一個喺廳，佢會唔會真係覺得我唔要佢？佢扔野，我要即時stop 佢嗎？

2）佢想要一樣野而我唔俾佢（其實我有時根本唔知佢想要咩）

3）佢一早起身，要我即刻俾佢食奶，遲一分鐘就會打/ 推我塊面 <-- 我會捉住佢手講“唔得唔可以打人” ，咁佢會喊我會訓入啲等佢掂唔到我。（bb床喺大人床旁邊）我係咪應該等佢唔喊先俾奶佢食？咁佢喊先幾耐先可以俾奶佢食？

我希望問題未惡化前可以先解決。因我老公已開始冇耐性，用打。但我已解釋“打”係冇用，只係惡性循環。希望我老公見到我用讚同ignore 嘅成效而放棄打。

多謝你百忙中抽時間去解答我既問題。

私人傳訊

積分: 33215

1752^#

發表於 14-3-3 22:59 |只看該作者

本帖最後由 SandraLo 於 14-3-3 23:00 編輯

jywy 發表於 14-3-3 10:13
回覆 SandraLo 的帖子

Thanks 您呀SandraLo, 以下仲有問題想再請教:

jywy :

咁你睇完我上個 post, 明咗點解你咁做係冇用未？
响超市跑就要即返屋企嘅意思, 係一種懲罸, 即走冇得去街, 但如果唔係即返屋企, 係去其他可能佢更想去嘅地方, 咪變咗獎？！
我 copy 番你睇多次：
入去前 serious 咁講一次唔准走, 如果走就會即刻離開; 一入去(拖住佢唔好放手)就即讚佢乖冇走, 然後每兩分鐘就讚一次, 如果感覺佢想掙脫你隻手, 就唔好放, 持續讚, 等佢知唔走就係好行為會被讚！如過程中俾佢掙脫然後真係跑, 就要真係罸即返屋企, 係即返唔可以反口或者灘凍 (例如買埋嘢先), 要言出必行！
如果你嗰次係有d 嘢一定要買埋, 就唔好提罸即走, 全程拖到實, 記住係言出必行！

你話佢喊咗一陣就冇乜嘢, 其實罸小朋友就差唔多係咁, 做咗壞行為令佢地知會有唔好嘅後果 (consequence), 好行為出現時 (亦即係冇做壞行為嗰陣) 就會被讚, 唔好諗住要去嚇到個小朋友驚咗, 以後提起都驚, 咁係錯！

點評

jywy 好的, 下次再試下, 謝謝您耐心解答^^ 發表於 14-3-4 15:49

私人傳訊

積分: 33215

1753^#

發表於 14-3-4 23:16 |只看該作者

postmanhk 發表於 14-3-3 22:40
Dear sandra,
好開心俾我睇到呢個topic,我由part1開始睇起（不過仍未追完），知道唔好“話”，唔好 ...

postmanhk :
1) stop 佢解釋時要盡量簡單同加埋面部表情, 等佢容易明白.............
佢繼續打你, 你亦可繼續捉佢, ignore係當冇嘢發生, 如果唔係怕佢慣咗手勢連街外人都打, 打你都可以 ignore 的, 所以唔好避, 你入房只表示你對佢嘅打「有反應」, 更會引發追逐, 獨留佢响廳或房都不當, 有什麼危險你也不知！
如你選 ignore 就掟嘢都要 ignore, 不好給她打得碎的東西便是！

(待續)

私人傳訊

mama_5354

積分: 3187

1754^#

發表於 14-3-5 12:37 |只看該作者

你好,我仔仔三歲成日打人,又臭皮氣,好難教,亦都好氣餒!
佢已經開始返學,成日比老師投訴打人,今日都打傷左四個小朋友,點算?

私人傳訊

積分: 33215

1755^#

發表於 14-3-5 19:36 |只看該作者

postmanhk 發表於 14-3-3 22:40
Dear sandra,
好開心俾我睇到呢個topic,我由part1開始睇起（不過仍未追完），知道唔好“話”，唔好 ...

postmanhk :
(績昨)

3. 佢晌未識講嘢嘅時候, 乜嘢令你「有反應」嘅表達方式, 佢就會持續用！即係佢想食奶, 第一次用咗咁嘅方式係 work, 第二次就會照辦煮碗; 佢都16個月, 你可收試下教佢講奶字然後先俾........... sorry 再續

私人傳訊

postmanhk

積分: 1568

1756^#

發表於 14-3-5 22:21 |只看該作者

SandraLo 發表於 14-3-5 19:36
postmanhk :
(績昨)

真係好感動……你咁繁忙都抽時間解答我既問題，你真係好好呀！

回應第1個情況：
咁佢不斷打我，我咪要不斷重複，捉住佢隻手，同佢講唔得，唔可以打人，我放手。跟著佢又打，我又捉住佢隻手，同佢講唔得，唔可以打人，我放手……不斷loop?!

咁我咪好似不斷俾反應佢，做唔到ignore呢個效果囉？？
但我真係想好嚴肅咁俾佢知道打人係唔得架喎。咁我應該點做？請指教

回應第3個情況：
其實佢有講奶奶架。不過佢就係咁“奶奶，奶奶，奶奶”三，四聲開始就黎料，推或打我面，扮喊（即係扭）。我一捉住佢手，同佢講唔得，唔可以打人就喊得仲大聲。我估佢意思係唔鐘意我咁嚴厲/惡（可能對於佢黎講係惡，因我平時同佢講野好溫柔）。
個問題係我唔想佢一唔合佢心意就
1）打人
2）用喊去得到佢想要既野<--其實我點都會俾奶佢，我只係怕如果佢一喊，我就俾奶佢食，佢會有個錯覺，以為喊=得到佢想要既野。所以我唔知應該等佢喊完之後幾耐先好俾奶佢。但如果佢kerp住喊，我又唔可以唔俾奶佢架喎。咁我應點處理好呢？

Thanks!!!!

私人傳訊

積分: 33215

1757^#

發表於 14-3-5 22:55 |只看該作者

本帖最後由 SandraLo 於 14-3-5 23:12 編輯

postmanhk 發表於 14-3-3 22:40
Dear sandra,
好開心俾我睇到呢個topic,我由part1開始睇起（不過仍未追完），知道唔好“話”，唔好 ...

postmanhk :

唔好意思, 以為响公司可以完成.....................
3. 佢晌未識講嘢嘅時候, 乜嘢令你「有反應」嘅表達方式, 佢就會持續用！即係佢想食奶, 第一次用咗咁嘅方式係 work, 第二次就會照辦煮碗; 佢都16個月, 你之前若每次俾奶都有講「飲奶」, 咁可收試下教佢同你講奶字然後先俾...........而你當然係一開始就瞓响一d 佢手觸及不到嘅位, 要盡量俾佢好行為出現然後讚, 强化好行為; 而相反盡量唔好俾佢壞行為出現, 然後話佢又唔聽, 唔知點處理！

我係咪應該等佢唔喊先俾奶佢食？ ~~ 如果佢喊開係有嘅, 要等到佢唔喊先俾會有排等, 咁做唔係唔得, 而係你要預起碼一個鈡, 同一開始咗咁做就冇得反悔, 否則佢會以為喊得耐就會有！

p.s. 由 part 1 開始睇太多了, 由 part III 中間開始吧！

私人傳訊

積分: 33215

1758^#

發表於 14-3-5 23:11 |只看該作者

mama_5354 發表於 14-3-5 12:37
你好,我仔仔三歲成日打人,又臭皮氣,好難教,亦都好氣餒!
佢已經開始返學,成日比老師投訴打人,今日都打傷左四 ...

mama_5354 :
他在家也打人嗎？什麼情況會打？你一直是怎樣處理？
在校打傷小朋友老師又如何處理？

私人傳訊

cammyjun