YeungSiuB 寫道:
我就最驚佢痺氣大(而家己經好大), 成日見到街D細路係度LUR地, 又嫌呢樣嫌果樣, 同阿媽講野都好似同工人講野咁。唔好話叫佢對人有禮貎, 對亞媽都呼呼喝喝。我有一次係荃灣就見到一咁既細路, 如果係我, 我實星巴佢。話說我去食雲吞面, 坐我對面是一對母子。亞媽問個仔叫一碗兩份好唔好, 個仔話好, 之後問佢食乜, 佢就話要xx面, 不過佢淨係食餸, 叫亞媽食面(你睇佢對亞媽幾好), 之後亞媽問佢仲食唔食xxx, 個細路話"呢d野邊度係人食架"(嘩大佬, 我都食緊喎, 我咪唔係人???), 你地話呀, 個細路得6-8歲, 己經係咁, 再大d實打亞媽。最火滾係個亞媽好似賓賓咁只係say yes, 一d都唔覺得個仔有問題。
Sailo 寫道:
我屋企家下都唔知似乜, 一屋都係Gordon用既野..網床, highchair 啦..戰車啦...搖搖椅啦...玩具啦...(不過冇彤彤咁多)衫衫啦(4個櫃桶)....本來間屋會有D擺設呀, 盆栽呀咁, 自從gordon出世后我都冇時間打理, 所以瓜晒..仲有我隻狗, 我都蔬忽照顧佢搞到佢好似患上抑鬱症咁(自己柄埋一邊好自閉)..最嚴重既係我竟然忘記我老公生日, 到當日先醒起, 仲要係見到個calender mark住先發現..死喇!
wilnita 寫道:
其實我都唔想體罰，但係有時D小朋友就激到D阿媽死下死下，自己都好矛盾。其實妳地有無同老公傾過下點樣教自己嘅小朋友？我都發覺老公同我嘅做法唔一致，我就做哂惡人，每次鬧晞晞時，我老公就即刻抱走佢，咁我諗將來佢大左真係唔洗聽我話，樣樣都有爸爸「保護」，我老公成日都話「唔捨得」。點解D外人見到D小朋友曳，永遠都會怪責佢媽咪唔教佢，點解唔會怪責佢D爸爸嘅呢？
Sailo 寫道:
仲有, 我呢個朋友用一種同個女deal的方式教佢, 我覺得非常錯,好似叫人咁, 這小女孩不會自動叫人, 她媽媽就會同佢講…乖, 叫人啦…媽咪比糖糖食… 禮貌同服從係discipline係做人的basic requirement…點可以deal..養成這種習慣 ..大錯特錯!!! :-x
YeungSiuB 寫道:
死啦, 我覺得自己對奶奶越黎越無耐性, 以前我對佢的要求通常都會say yes的, 但見排我好多時都會say no。頭先我我公打俾我, 佢話我奶奶星期五做節, 咁我話亞囡點呀, 佢話湊返屋企, 星期六請假(因為之前幾次都係咁)。後來收左線我諗下諗下唔多妥, 無理由次次都要我地就佢地(即我奶奶, 姑奶同叔仔地), 為左食一餐飯要我請假, 唔係化???。我打返電話俾我老公, 叫佢地改期, 唔改咪唔帶亞囡出黎囉。
(註：因靈靈平時係婆婆度, 星期六我地要返工, 所以星期六下晏先返我地屋企)
我係唔係對我奶奶越黎越衰呢?
mcdullyiu 寫道:
小b,
生左bb個人係會有改變的，我都會為bb的事和奶奶爭﹙例：番鄉下﹚，不過我唔會出聲，係叫老公去講﹙所以表面我地好好的，她成日同我講野的﹚，不過如果往例都係咁﹙例如做節後請假﹚，我就唔會改，因為團年咁大件事一年都係一次。其實你可否星期六返晏d，湊靈靈比阿媽，咁未唔駛請假"羅"。
不過好在我奶奶今年好識做，今個星期日團年，唔駛我年三十晚趕出去﹙往年做正年三十﹚，如果她做年三十我都會返去，至多放工趕d。
YeungSiuB 寫道:
死啦, 我覺得自己對奶奶越黎越無耐性, 以前我對佢的要求通常都會say yes的, 但見排我好多時都會say no。頭先我我公打俾我, 佢話我奶奶星期五做節, 咁我話亞囡點呀, 佢話湊返屋企, 星期六請假(因為之前幾次都係咁)。後來收左線我諗下諗下唔多妥, 無理由次次都要我地就佢地(即我奶奶, 姑奶同叔仔地), 為左食一餐飯要我請假, 唔係化???。我打返電話俾我老公, 叫佢地改期, 唔改咪唔帶亞囡出黎囉。
(註：因靈靈平時係婆婆度, 星期六我地要返工, 所以星期六下晏先返我地屋企)
我係唔係對我奶奶越黎越衰呢?
我老公憎睇多字既野(報紙除外,我叫親佢睇書佢都敷衍我), 所以我成日叫佢入黎bk睇下佢都唔睇。 不過佢勁鍾意睇公仔書。wilnita 寫道:
YeungSiuB,
咪老實唔客氣同奶奶講，如果weekday做節就唔會帶靈靈啦，因為第二日會無人揍，睇下佢有乜野反應，妳講左呢句說話就要堅持到底，唔好心軟，如果唔係下次妳講乜都唔會信妳架啦。妳老公會唔會入黎BK睇我地留言架？係就慘啦，以後「軟禁」妳啦。
(註：原來事情已經解決左)
發表於 
返回列表
