其他親子社群 今日: 0 | 主題: 1218

積分: 9256

1762^#

發表於 05-11-27 22:24 |只看該作者

Re: 有無做傳媒工作的媽咪

實不相瞞, 我而家已經有五間在手, 不過其中一間已經放棄左, 無留位, 果間係崇真! 於我唻講, 崇真周圍既環境,我真係無乜興趣, 所以...放棄喇!
另外四間, 係蘇淅幼稚園(北角), 啟思小學附屬幼稚園, 根德園同埋國際幼稚園囉, 全部都係中午班! 今日同佬分析過各間學校既長短處, 頂, 佢final同我講: 既然咁難決定, 咁不如睇下邊間學校升小學名校名額最多, 就果間囉!
唉...救命, 講左等於無講, 你叫我去邊樹搵呢d data呀? 玩野咩?
同埋我係問佢究竟想個女響咩環境底下學習, 佢竟然問番我一條無厘頭既問題, 真係...男人...救命呀...

私人傳訊

恩禧媽

積分: 4710

1763^#

發表於 05-11-28 13:03 |只看該作者

Re: 有無做傳媒工作的媽咪

十月,
你佬都叫做有d野諗過下，我佬完全無諗過d仔女讀邊間幼稚園呀!

佢連interview都唔同我去呀!咁你話呢?所以我禧禧今年考唔到粉嶺浸信會呂明才，個個網友都話我玩讓賽，所以咪入唔到之嘛!(因我佬無去，所以俾人out左呀!)

私人傳訊

積分: 8369

1764^#

發表於 05-11-28 17:25 |只看該作者

Re: 有無做傳媒工作的媽咪

十月：
中午班？ ?-( ?-( ?-(
SC K2全部返下午，K3全部返上午。都幾煩。

邊間學校升小學名校名額最多>>>官津學校唔睇小朋友讀邊間幼稚園喎.....

咁....你自己會如何排序？

男人，他肯俾$$$交學費就得啦，揀學校呢d「咁操重」的工作，緊係做阿媽的諗掂哂，由我阿婆那代開始已經係咁！

wandy:
因為daddy無去所以令到禧禧考唔到幼稚園？

當年我幫芝芝考左三間KG，三間都係得我兩母女去，三間都取錄喎...... ?-(

私人傳訊

恩禧媽

積分: 4710

1765^#

發表於 05-11-28 21:03 |只看該作者

Re: 有無做傳媒工作的媽咪

yy,
係呀!粉嶺呢間係咁衰架!

係呢，你而家係邊頭返工呀?我黎搵你拎書啦，好嗎?

私人傳訊

積分: 9256

1766^#

發表於 05-11-28 22:49 |只看該作者

Re: 有無做傳媒工作的媽咪

YY,
唔好意思, 係全部都係上午班先啱!
排序? 唉...我唔識排呀! 可能因為太多顧慮, 所以諗唻諗去, 都唔知自己想點!

恩禧媽,
你明知粉嶺浸記要兩公婆出席, 你又target呢間, 你就一早哦你佬, 哦到佢陪你去丫嘛, 而家入唔到喇, 你質問佢點算?
咁而家禧禧讀邊間呀? 跟家姐呀?

sunmoon,
我就係仲未觀察到個女適合邊種型式既校園生活, 所以先咁頭痛囉! 我個friend同我講: 一開波辛苦呢, 將來覺得唔適合, 想同佢轉番d輕鬆既就容易; 相反, 一開波好輕鬆, 到我發覺唔適合果陣, 想轉番佢去傳統學校, 咁就慘喇, 會好難適應喎! 唉...搞到我好驚自己揀錯路呀!

綽芝媽咪,
我同佬決定點都留左根德先, 話晒佢地係傳統學校既佼佼者, 然後再用呢幾個月時間, 詳細觀察下個女適合邊種類型既幼稚園, 先再confirm買邊間幼稚園既校服呀!

私人傳訊

積分: 8369

1767^#

發表於 05-11-29 11:17 |只看該作者

Re: 有無做傳媒工作的媽咪

十月：
傳統有傳統的好，起碼學校已累積了一套方法去教小朋友。

我都認同你個fd所講>>>「一開波辛苦呢, 將來覺得唔適合, 想同佢轉番d輕鬆既就容易; 相反, 一開波好輕鬆, 到我發覺唔適合果陣, 想轉番佢去傳統學校, 咁就慘喇, 會好難適應喎!」

如果讀到金桔園，你會不會俾婷婷再接再厲，K1時搏入CCKG，再殺入DGJS？

私人傳訊

積分: 9256

1768^#

發表於 05-11-29 15:50 |只看該作者

Re: 有無做傳媒工作的媽咪

YY,
哎吔, 我連K1都未諗掂呀, 點敢諗K2時係點丫! 況且基督堂得咁少位, 我D英文又屎到爆, 呢條咁轟烈既路, 我仲未敢行呀!

你都覺得我個FRIEND講得啱呀? 你知唔知點解佢咁講呀? 佢個女本身係將軍澳茵怡幼稚園返K1-K3, 但因為係開心愉快活動教學, 由K1到K3都無乜野功課, 又無乜野做, 但我個FRIEND本身係德望舊生, 咁佢都想個女讀番德望, 但佢好清楚德望好多功課, 如果響茵怡幼稚園升上去, 一定跟得好辛苦! 於是佢就響K2開始畀個女返公文式, 等個女習慣日操夜操果D練習, 佢話好彩畀個女操咋, 咪真係好大鑊, 因為真係比起佢讀幼稚園果陣, 好左好多功課呀!

私人傳訊

積分: 8369

1769^#

發表於 05-11-30 09:55 |只看該作者

Re: 有無做傳媒工作的媽咪

十月：
咁當初你個fd為何揀茵怡俾囡囡讀？

私人傳訊

積分: 9256

1770^#

發表於 05-11-30 11:25 |只看該作者

Re: 有無做傳媒工作的媽咪

YY,
我個FRIEND就好懶既,好怕周圍同個女考學校, 加上一唻個小朋友係工人湊, 二唻個小朋友係勁怕羞, 勁唔出聲果隻, 佢面試茵怡果陣, 個老師仲以為佢係啞架, 後尾個老師索性唔同佢傾, 由得佢自己玩, 先發覺佢原來識講野! 咁佢媽咪知道個女咁樣出去考幼稚園, 必死無疑, 所以諗都無諗過出城讀書囉! 同埋佢唔想個工人日日同個女去到咁遠返學, 所以咪淨係搵區內幼稚園囉!

私人傳訊

sunmoon

積分: 1205

1771^#

發表於 05-12-1 12:20 |只看該作者

Re: 有無做傳媒工作的媽咪

十月,

我啱啱問咗讀根德園嘅鄰居，又睇過佢啲功課，真係每日都有，加上k2要返下午班，都好忙架，但小朋友都讀得開心，其實婷婷性格係點呢?最緊要因材施教，如果覺得讀啲程度高嘅學校都可以嘅話，咪試吓law!而喺其他時間就多啲發展佢其他興趣，同埋親自培養佢對學習嘅熱誠，我holly性情係唔逼得，但好鍾意學習，係為喜歡而學，佢見到其他學校嘅小朋友有功課，好恨做，我而家成日誤導佢唔係人人都有功課做，有功課係正嘢嚟，咁遲啲佢啲肌肉成熟啲就會俾寫字去做，為升小一可能讀傳統學校做準備，咁啲程度同進度自己控制，唔駛谷死佢，不過唔知係咪冇先馨香，佢而家周不時都話要做功課，雖然都有就真係唔多，間唔中一次，所以真係冇話邊種教學方法最好，身為阿媽唯有諗計取長補短。

傳統教學填鴨但穩陣學倒嘢，又易於銜接，全人教育有理想，夠全面發展，但可能識字唔夠，而且比較新思維，不過亦具實驗性，可能真係要有勇氣同對呢種理念好堅定嘅家長，又或好似我女入到傳統名校實遭先生排斥，或佢唔會開心先會選擇，既然有猶豫就唔好放棄任何選擇，到時再揀，當然如果有小學就真係唔駛煩啦!咁你見咗浸幼未呀?

私人傳訊

積分: 8369

1772^#

發表於 05-12-1 12:47 |只看該作者

Re: 有無做傳媒工作的媽咪

十月：
你朋友的囡囡現在點呀？讀完三年幼稚園，依然怕羞還是主動了很多？

sunmoon:
請問你鄰居的小朋友，要寫甚麼字？上星期六芝芝學校開家長會，老師說小朋友在學校寫「氣」字，我當時的表情是

，雖然我一早知道聖心係會教得深，但真係無諗過咁深。

私人傳訊

sunmoon

積分: 1205

1773^#

發表於 05-12-2 09:25 |只看該作者

Re: 有無做傳媒工作的媽咪

yy,

佢現年k2，我都唔記得哂有咩字，其中有「秋」字，「氣」字係咪深我就真係唔知，不過芝芝應付得辛苦嗎?有默書嗎?

私人傳訊

積分: 9256

1774^#

發表於 05-12-2 09:27 |只看該作者

Re: 有無做傳媒工作的媽咪

yy,
而家佢肯叫人喇, 不過依然係好細聲, 有時我會覺得, 我個女叫人仲叫得大聲d, 可能我日日同佢練習, 由出門口見到看更叔叔, 清潔嬸嬸, 至到去到公園見到哥哥姐姐, 弟弟妹妹, 姨姨叔叔, 都一律會叫佢同人say hello, 講早晨, 所以相比下, 我覺得我個女無佢咁怕羞呀! 至於而家讀左小學有冇好d, 我就唔太清楚, 因為好耐無見佢個女喇!

私人傳訊

積分: 9256

1775^#

發表於 05-12-2 09:53 |只看該作者

Re: 有無做傳媒工作的媽咪

sunmoon,
你既分析真係講中晒我而家心中既疑惑呀! 婷婷既性格係點, 我真係仲未摸得好清楚, 平時同佢上pg, 佢係黐得我好實的, 但又未至於坐唔定, 唔聽老師講野既小朋友, 佢好鍾意做勞作, 又好鍾意唱歌玩遊戲, 但就唔鍾意坐定定聽老師講故事, 有時佢寧願行埋一邊, 自己拎本書唻睇, 都唔聽老師講故事! 我試過響講故事環節借尿循, 行開一陣唔陪佢, 老師話咁樣佢反而肯坐響度聽, 有時真係好唔了解佢, 都唔知佢究竟係邊一類!
平時佢響屋企, 最鍾意就係睇碟, 玩玩具反為少, 但佢一係唔玩, 佢一玩果陣, 就好投入架喇, 會拎晒d公仔陪佢一齊坐響度開tea party, 又會攬住d公仔係咁錫, 一時又話隻羊咩咩響度做緊乜, 一時又話隻熊熊做緊乜, 好似好有豐富既想像力咁架!
有時佢又會自製一d小玩意, 例如拎住張被當馬唻騎, 係咁搖, 不知幾enjoy, 有時就會拎我d fax紙唻豎起佢, 然後搵個波碌過去, 話畀我知佢玩緊保齡球, 我覺得佢好有想像力同創作力架, 連pg既老師都發覺呢一點!
問題就係在於, 傳統式教學, 好似根德呢d, 日日餵佢一d知識, 無可否認, 以佢既吸收能力, 我自問佢都真係可以應付有餘, 而我亦深信, 以佢而家所識既野, 絕對可以係比部份同齡既小朋友為多, 程度深少少, 我諗應該都可以應付得到的, 但係我擔心既係, 根德會唔會令到佢既優點(想像力等)發揮唔到, 甚至乎係埋沒咗呢?
相反, 好似浸幼呀, 啟思呀呢d, 我好相信佢地可以將我個女響呢方面既長處發揮得更好, 但係...無論我幾認同呢種教學模式, 香港既教育本身就唔係真係咁理想, 我實在無乜信心去涵接小學! 響涵接小學方面, 如果我真係final行番傳統小學, even將軍澳程度比較高既小學, 佢地都係好催谷的, 如果由浸幼or啟思呢d幼稚園畢業, 升去呢d小學, 我諗會有一段頗長既時間, 我地兩個都係辛苦既!
呢輪成日都同佬商量呢個活動教學同傳統教學既問題, 我亦講左我既疑慮, 但我佬同我講: 其實邊種教學方法唔係最重要, 反而係當我地揀定左之後, 就要灌輸畀我女知, 佢而家接受緊既係最好既, 千祈唔好響佢面前否定間學校, 咪佢會對老師同間學校都無信心, 咁到時就仲煩!
佢仲以佢自己為例, 一樣係傳統教學既成功例子! 我話: 但係你讀書讀到好似舊飯咁喎! 佢話: 你就一舊飯, 我識吹口琴, 大提琴, 樂理, 又鍾意做運動, 游水打波行山樣樣都鍾意, 我又成日睇書睇報紙, 又玩下橋牌用下腦, 不知幾全面!
咁我又諗下, 係喎, 其實佢雖然接受傳統教學, 但又真係都好全面果喎, 只係我自己係傳統教學既失敗例子, 所以我先咁驚個女係傳統教學咋喎!
所以而家final我地都決定留位根德, maybe甚至乎會讀根德, 至於浸幼, 我今年無報呀, 我諗住...如果根德佢真係讀得唔開心, 又或者讀得好辛苦, 到佢k2果陣, 我先報名插班浸幼呀! 我唔想人地今年收左我, 我又final唔讀, 到發覺真係浸幼呢類型適合喇, 又去求人地畀個位我呀! 所以留番條後路畀自己先喇! 如果k2無得插班, 咁就到考小學果陣, 先考番浸小, 畢竟我地最終都覺得, 小朋友一開始有適當既壓力係需要既, 免得將來大d先知咩叫壓力果陣, 大家都辛苦呀!

私人傳訊

積分: 8369

1776^#

發表於 05-12-2 10:44 |只看該作者

Re: 有無做傳媒工作的媽咪

十月：
婷婷的性格有點似芝芝，想像力豐富，好似昨天我陪她畫畫，畫完後她簽「芝之」，我問她：「為何第二個『芝』無了草花頭？」她解釋：「它行行下跌左個草花頭，咁未得返個『之』囉！」我當堂反白眼，但並無否定她的講解，只係叫她幫個「之」執返草花頭，否則不知行左去邊。

sunmoon:
「秋」字都不算難。老師說芝芝初時哭著說「氣」字很深很難寫，但老師不停鼓勵她做，後來她做得到又覺得好開心喎....

已經有默書呀！不過老師改了名，叫「靜靜聆聽」，老師每讀一個字，小朋友在紙字上寫一個字，寫完就貼成一串爆竹的勞作。

私人傳訊

積分: 9256

1777^#

發表於 05-12-4 19:59 |只看該作者

Re: 有無做傳媒工作的媽咪

YY,
我成日見你POST芝芝D語錄, 我都已經覺得芝芝想像力好豐富架喇! 有時我睇到你對佢D對話, 都會笑左出唻架!

各位,
前晚(即係臨交金桔留位費

私人傳訊

積分: 8369

1778^#

發表於 05-12-5 09:42 |只看該作者

Re: 有無做傳媒工作的媽咪

十月：
既然放棄金桔園，為何不重新考慮浸幼？

是否已過了報名日期？ ?-(
如果讀蘇幼，未要過海返學？

私人傳訊

sunmoon

積分: 1205

1779^#

發表於 05-12-5 10:10 |只看該作者

Re: 有無做傳媒工作的媽咪

係呀!見你POST芝芝D語錄, 我都覺得芝芝想像力好豐富，上次佢講「畢架山」，我阿女holly都係好搞笑，有一日話同佢睇個親戚嘅「畢業」，holly話帶個鏟去bug葉，查實佢放學時見到浸大啲哥哥姐姐著住袍影相已經問咗我佢哋做咩，不過佢真係以為佢哋讀完書就可以穿著啲衫去bug葉，其實小朋友都好有想像力，真係要好好發揮，有一次同佢食蛋tart，佢就話張錫紙好似個太陽，我就即刻加咗支牙簽做個風車俾佢，跟住佢郁咗少少將佢變成把傘，並不斷諗吓同創作唔同嘅物體，所以十月你都唔駛擔心婷婷會讀第二間學校就埋沒咗佢嘅天份，最緊要父母同佢產生互動，給予佢想像嘅空間，而我阿女佢好細嗰時都已經自己諗歌詞唱，所以有時反而驚佢患上妄想症添，佢而家老作愈來愈多，有一次我問佢點解隻腳損咗，holly竟然話我上次掟佢出去(喺屋企走廊)時俾怪獸咬親，我心諗佢真係好串，好話我懲罸佢。

我覺得蘇幼都好好呀!好似仲有小學，不過遠唔遠呢?

私人傳訊