懷孕前後 今日: 1 | 主題: 330576

積分: 3942

1761^#

發表於 09-4-5 23:07 |只看該作者

winnie,

牛奶妹真係叻女呀~
不過有其母必有其女啦!
牛奶妹一定sure win~
姨姨精神上幫佢打氣ar!!加油~!

私人傳訊

積分: 4703

1762^#

發表於 09-4-6 14:07 |只看該作者

原來呀夢真係想走，琴日終於問左佢，佢話想返去三個weeks，搞掂個老公同個仔，話太掛心無辦法集中做野喎，仲向我老公扮晒可憐，我聽到嬲到震，唔想做或想點咪講law，做咩日日整d野黎激我呀，一同我c6傾完做野直情兩個人，主動又準確，即係真係專登玩野啦，我地諗佢其實諗住仲有得返黎做，呢次以為係請假返去而我地批佢，我諗住呢個week等我c6返黎先再傾，怕佢如果知道事實會發癲。

[/url]

私人傳訊

積分: 4703

1763^#

發表於 09-4-6 14:14 |只看該作者

winnie,

見到牛奶妹d相真係好得意，又叻女喎，佢係咪最細呀？我見個個都高佢最少半個頭，起碼都四五歲啦。

M&M，
個日好好天我又係想帶佢地落沙灘，不過大孖岩岩好d，等佢休息下先無去。

你地easter小朋友放幾耐假？我呢幾日唔比佢地返學，間學校周圍病菌，返多四日就放假，唔返算喇，諗住睇你地邊日得閒一齊郊遊(如果好天既話）。

[/url]

私人傳訊

積分: 7177

1764^#

發表於 09-4-6 15:42 |只看該作者

LOLO,

我地都係返埋呢個星期就放假喇，星期五去長州，下星期一冇節目，好唔好一齊去迪欣湖玩下呢？不過呢輪天氣都唔係太穩定，到時先算啦。

都話O的賓係'僕人'本色架啦，都冇腦既，想人地放假比你就做好O的啦，係都要搞到成件事咁唔開心既！我呢個都係呀，請佢時講到明一個月放兩日假麻，而家放足咁多日，叫佢幫下手放少日要睇佢臉色架。

私人傳訊

積分: 6299

1765^#

發表於 09-4-6 19:02 |只看該作者

牛奶妹上左頭條日報, 我今日攞左份, 未睇到就要丟左, 睇winnie website先知. 真係似模似樣, 好在b女冇去, 唔係實攪亂檔, 佢連行近個火都唔敢.

easter我地都揾緊節目, 可能星期五join埋winnie去長州, 我姑奶個老爺一家係個到原居民, 以前幾廿人住一間大屋個種, 新年用柴燒大炉(三呎直徑大鑊)蒸年糕, 我諗都會幾得意. 睇下約唔約到我姑奶去探佢, 又可以見下牛奶妹玩.

我都諗住一日去其他地方郊遊下, 唔知大尾篤租單車有冇baby carseat, 有就想帶兩個件去下.

私人傳訊

積分: 6299

1766^#

發表於 09-4-6 19:03 |只看該作者

lo lo, 夢c真係好過份, 佢諗住幾時走呀? 重比佢返來, 佢都有問題, 唔知諗物.

私人傳訊

積分: 7177

1767^#

發表於 09-4-6 20:17 |只看該作者

FLO,

我唔知幾後悔冇拉埋B女去呀，牛奶妹隔離果兩個係表姊妹，不知幾好玩，而且佢地係無火煮食，如果唔係牛奶妹都唔敢呀。

我老公都睇唔到張相啦，係亞JO睇到打比我先知架。

星期五你地入長州就最好啦，果日有太陽天氣好好呀，我老公仲搵到有幾間食甜品既舖頭，好似好正咁。

大尾篤有家庭單車租架，你地諗住幾時去玩呀？

私人傳訊

積分: 6299

1768^#

發表於 09-4-6 21:31 |只看該作者

入大尾篤都我諗星期一好d, 雖然日日都係假期, 都重有人放勞工假, 咁星期日都多人, 我又想去嘉道理, 或者星期六去嘉道理, 又或者你話個度有水上單車係邊? 最緊要有小朋友.

winnie, 好在b女冇去就真, 你知我又唔識煮野, 重要幫佢度食譜, 去到就企哂係到都似. 佢邊有牛奶妹咁掂, 去到一陣又想走人都唔知點算.

其實我今日份頭條日報比左工人攞返屋企, 應該重係到, 如果你要我問下佢睇下掉左未.

私人傳訊

積分: 7177

1769^#

發表於 09-4-7 07:13 |只看該作者

FLO,

好呀，就星期一啦！水上單車係小白露，都係大埔區，仲可以餵羊仔添，我地可以去小白露食完野玩一陣先入大尾篤，係裡面踩一陣單車，食晚餐或者燒野食都得。

仲有邊個去呀？

我地十一點係小白露餐廳集合啦。

私人傳訊

積分: 4703

1770^#

發表於 09-4-7 13:19 |只看該作者

邊度有得餵羊仔呀？
我諗住唔係假期先去呀，我c6難得放假唔知佢有咩地方要去，星期一我未必得，其他時間好d, 不過如果你地ok唔好就我，好難就晒全部人。

winnie,

琴日先同m&m講起去迪欣湖，諗住到時見天氣ok就即去，最多早少少買定野食。

[/url]

私人傳訊

積分: 4703

1771^#

發表於 09-4-8 23:23 |只看該作者

嘩，水靜河飛 .....

flo,
b女有無話你知今日見到我呀？佢似乎真係好鍾意ballet, 一落堂就開開心心扎扎跳。

[/url]

私人傳訊

積分: 6299

1772^#

發表於 09-4-9 09:25 |只看該作者

lo lo, 我工人同我講見到你, 佢又話b女見唔到你, 因為入左去上堂. 跟住我工人問佢生日會請唔請孖b, 佢話請呀.

下次如果你唔趕時間, 上完kids' gallery可以來我屋企玩下. 琴日我地個鄰居來焗麵包 (都係三歲), 跟住隔離屋有個十個月bb又來玩左差唔多一個鐘, 我都當自己屋企係兒童樂園啦. 如果你來到, 我早d知道, 可以安排d野, 上次我個女同兩個小朋友一齊係屋企油發泡膠復活蛋, 我重買左d 超mini t shirt同 fabric油彩, 諗住約到小朋友遲d又一齊再做.

[ 本帖最後由 elmostoney 於 09-4-9 09:31 編輯 ]

私人傳訊

積分: 6299

1773^#

發表於 09-4-9 09:27 |只看該作者

我都唔想佢咁鍾意ballet, 因為呢d所謂 toddler ballet都係玩, 不如留返d精力學下第二d野, 不過佢鍾意都發癲, 冇計.

孖b而家鍾唔鍾意musical theatre呀? 我本來想五月比個女試下, 但係時間唔夾ballet, 中間有一個鐘冇野做, 等佢升左3~4歲ballet, 接住就係musical theatre, 啱啱好, 所以可能九月先join.

私人傳訊

積分: 4703

1774^#

發表於 09-4-9 12:07 |只看該作者

flo,
其實孖b上呢堂係未瞓覺，所以今次第二次上細孖無喊，大孖喊到傻，佢原本無喊，但其中一個小朋友勁喊，大孖咁啱未瞓醒又比佢嚇親咪係咁要話走囉，我都好想黎join你地，反正咁近，但我諗佢地體力不支喇，次次返屋企個程車都瞓到好冧，等我再睇定d，睇下佢地遲下係咪可以唔瞓，係就早d打比你。佢地無上musical theatre, 係上musical movement, 我諗住比佢地熟習下先，可能九月先轉。佢地其實兩次出黎都好開心，琴日細孖仲好興奮話要去玩，入去個陣仲叫我響出面等，仲bye bye晒我添，大孖放學都好開心架，上次都係，仲話要再黎，但琴日去就扭計，放學話下星期要再去喎。(下星期都放假...)

唉，琴晚又到細孖發燒，唔算嚴重不過又係我成晚無瞓，佢仲四點幾就醒左無再瞓返到而家，我陪太子天光呀，我自己都有d頂唔住，希望唔好病....

[/url]

私人傳訊

積分: 6299

1775^#

發表於 09-4-9 15:28 |只看該作者

lo lo,孖b上堂上幾點呀? b女如果上3:15, 返屋企食完飯瞓完先出來 (佢放學返到屋企早極都12:40, 琴日成一點)我由得佢瞓少d, 一個鐘多少少就叫佢起身, 咁上完堂可以玩.

小朋友d表現都難作準, 不過眼睏就實容易d扭計, 可唔可以安排到時間等佢地瞓左先出來?

[ 本帖最後由 elmostoney 於 09-4-9 15:29 編輯 ]

私人傳訊

積分: 7177

1776^#

發表於 09-4-9 17:43 |只看該作者

比個工人激到頭都痛埋，我買左一斤小唐菜返黎教牛奶妺整拌碟既玫瑰花，佢同我拆開一片片洗左，我話佢點解問都唔問我就洗菜，(原本晚餐已經有菜)好嬲咁叫佢去再買一斤返黎，佢返到黎牛奶妹係度扭計，要佢陪玩，佢話佢好忙，我入廚房倒杯水飲，見佢又係度準備洗啱啱買返黎既菜，你話佢個心去左邊吖，我問佢做乜，佢話洗菜囉，我話點解會有咁多菜既，佢答我：我點知太太點解叫我買咁多菜呀。我話因為你問都唔問我就洗菜囉，你而家仲洗？佢咁先識停手。

FLO,

聽日我地可能搭十點或十一既船入長州，你地幾多點入去呀？

私人傳訊

積分: 7177

1777^#

發表於 09-4-9 17:49 |只看該作者

LOLO,

休息唔好好易病架，保重保重！佢地放咁多日假，需要好多精力去陪玩架。我見頭痛都快快手手飲杯感冒茶，都唔知係作病定比人激親。

希望星期一見到你地啦。小白露有羊仔餵架。

私人傳訊

奶粉妹

積分: 3013

1778^#

發表於 09-4-9 18:53 |只看該作者

lo lo:
我個仔都咳呀!咳得好犀利所以要睇西醫.佢氣管咳,今次係咳得最密,好彩食左藥好好多.今個星期佢都要抖,下星期先可以出動.
呢排醫生最好生意,因為好多人病.
我希望夏天快d到,細菌都少d.
我一晚唔夠訓,個人都謝晒.真係作病咁.
下星期得,你搵我啦!

私人傳訊

積分: 4703

1779^#

發表於 09-4-9 22:30 |只看該作者

flo,

我兩個仔返三點九，放學12點，食埋飯都點半兩點，佢地又要玩一陣先肯瞓，一瞓就起碼兩三個鐘，細孖瞓唔夠會發爛渣架，佢就係唔瞓好地地，瞓一陣唔瞓就唔得囉，所以我都無咩時間比佢地快叉電。

winnie,

唉，你個工人做左咁耐都唔識你脾性，真係差少少喎，佢唔似咁唔醒目吖。我隻夢仲響度，不過等同廢喇，佢好成功呀，我已經全部接手煮餸部份，佢凈係浸菜洗野咋，最憎佢切親野都雕花，連蘿蔔仔都先打長開二再開二，再續條切開一半，一條要切7刀，你話見到火唔火，如果比著你何只激到頭痛咁簡單。

[/url]

私人傳訊