婆媳關係 今日: 0 | 主題: 27782

積分: 1600

161^#

發表於 08-6-27 12:58 |只看該作者

原文章由 wmpl 於 08-6-25 19:00 發表
幾日冇入嚟,又有新朋友,今日打風好鬼悶,有問題又未解決,個心有啲閹閹悶悶,冇乜嘢,純綷發噏風!!

你有咩問題未解決呀?講出來睇下姐姐幫唔幫到你?

私人傳訊

wmpl

積分: 3000

162^#

發表於 08-6-29 04:14 |只看該作者

原文章由 a776170 於 08-6-27 12:58 發表

你有咩問題未解決呀?講出來睇下姐姐幫唔幫到你?

我陪冷氣機又壞咗,仲抬走埋,起碼要整兩個禮拜,妳鬼熱,好難頂,我而家諗諗吓都係笨實,應該迫個代理換部新機俾我,整乜Q?買咗一年都唔夠整咗五次,你話我係咪低B?舊年我都諗緊應該要咁做,但係今年又唔記得應該要咁做,自從我做完個手術全身麻醉之後,到而家都係溫溫炖炖冇嚟記性,諗嘢又慢咗好多,仲成日都抽筋,有冇辦法解決哩個問題?有冇食療可以幫到我?

私人傳訊

a776170

積分: 1600

163^#

發表於 08-6-29 08:55 |只看該作者

原文章由 wmpl 於 08-6-29 04:14 發表

我陪冷氣機又壞咗,仲抬走埋,起碼要整兩個禮拜,妳鬼熱,好難頂,我而家諗諗吓都係笨實,應該迫個代理換部新機俾我,整乜Q?買咗一年都唔夠整咗五次,你話我係咪低B?舊年我都諗緊應該要咁做,但係今年又唔記得應該要咁做,自 ...

都唔係低b的,就算你想迫都未必迫到...而你身體方面你去睇睇中e,似係血氣不足所至,而全身麻醉對你的身體損傷也有影響,但睇中e可以調理好佢的,唔使擔心

私人傳訊

積分: 7723

164^#

發表於 08-6-29 16:21 |只看該作者

原文章由 wmpl 於 08-6-29 04:14 發表

我陪冷氣機又壞咗,仲抬走埋,起碼要整兩個禮拜,妳鬼熱,好難頂,我而家諗諗吓都係笨實,應該迫個代理換部新機俾我,整乜Q?買咗一年都唔夠整咗五次,你話我係咪低B?舊年我都諗緊應該要咁做,但係今年又唔記得應該要咁做,自 ...

你要保重身體呀，全身麻醉之後，成個人 d 反應好似慢半拍，尤其是記憶力好似加快衰退咁，我都試過一次全身麻醉，當時都唔知要食 d 乜，更無人會煲 d 乜俾，只知道唔可以任由記憶力係咁衰退，咪迫自己乜都要記一餐，希望盡快提升記憶力

所以而家我都好怕聽到要全身麻醉

你部冷氣買咗差不多一年，我諗代理未必肯換過一部新既俾你，不過佢哋而家攞咗去整，仲要成兩個禮拜先俾番你，又好似耐咗d噃，熱起上嚟，又無冷氣用，咁有買冷氣機同無買有乜分別呀？你問吓佢哋可唔可以俾一個合理解釋，點解一部新機可以維修五次咁多，定呢部係二手返新機？

私人傳訊

積分: 7723

165^#

發表於 08-6-29 16:23 |只看該作者

a776170
你而家咪可以迫自己練吓打字囉

私人傳訊

wmpl

積分: 3000

166^#

發表於 08-6-29 16:30 |只看該作者

原文章由 a776170 於 08-6-29 08:55 發表

都唔係低b的,就算你想迫都未必迫到...而你身體方面你去睇睇中e,似係血氣不足所至,而全身麻醉對你的身體損傷也有影響,但睇中e可以調理好佢的,唔使擔心 ...

Thanks !

貧血我就不嬲都有架啦,冇乜記性都唔係今時今日嘅事,只係而家我連我最鍾意嘅嗜好都影響埋,就係睇書,我根本都集中唔到精神去睇書咁滯,好似人哋有啲老花咁,又記唔到前文內容,成日都要返轉頭睇,搞到我都冇癮再睇書,我諗我都真係要去睇吓中醫調理吓至得~~

私人傳訊

wmpl

積分: 3000

167^#

發表於 08-6-29 17:05 |只看該作者

原文章由 Leomummy 於 08-6-29 16:21 發表

你要保重身體呀，全身麻醉之後，成個人 d 反應好似慢半拍，尤其是記憶力好似加快衰退咁，我都試過一次全身麻醉，當時都唔知要食 d 乜，更無人會煲 d 乜俾，只知道唔可以任由記憶力係咁衰退，咪迫自己乜都要記一餐，希望盡快提升記憶 ...

唉~~我都唔想全身麻醉,但係你都知啲醫護人員梗係話有乜嘢架,做完手術我仲嘔咗三日潻呀,醫院啲姑娘仲搞笑,成日嗌我個名,跟住又問我做咩成日都訓?我心諗唔訓做乜呀?同埋我唔係真係好想訓,係我雙眼都睜唔大咁又有咩計?
我知佢哋諗咩,想我快啲出院唔駛佢做咁多嘢吖嘛,但係有得走我唔走咩?訓醫院又好過癮呀?成間房走剩我一個你做我又唔驚?但係我出咗院就關人鬼事,我又唔係住得近,有咩事唔舒服嗰陣,仲要頻頻撲撲咪仲辛苦又揾嚟搞?

一講我部冷氣機就火滾,都唔知而家啲人係乜嘢嘅工作態度?你話唔想孭鑊驚飯碗不保哩一點我都好明,但係咁大個人出嚟工作都要有番些少自尊心啩?一啲都唔尊重自己嘅専業,明明都知唔係小問題架la,但係就只係識得頭痛醫頭,腳痛醫腳,得過且過,仲係都要我發晒火咁鬧先至會認真啲做嘢,但係都仲想馬虎了事,我唔鬧佢唔投訴佢就唔係人~~

同佢哋講有咩用吖,佢哋成班都喺度"mun"貓尾,一時又話係咁,一時又話唔係咁,叫我信得邊個?最好笑我舊年問個CS,話部冷氣壞唔關我事個噃?咁你哋要抬走先整到都唔關我事架,咁我大熱天時冇冷氣咁點過呀?你哋咁大間公司一定要預咗哩啲情況架啦,咁你哋有冇另一部冷氣俾我頂住先?咁佢一口就話冇~~

我再問佢~~而家係你哋俾部咁嘅冷氣機我,唔係我整壞架噃,我有咩理由要大熱天時為咗咁而捱熱啫?如果你哋係咁嘅話,咁不如你哋退返錢俾我,我買過第二部都快過你哋整多多聲啦~~
咁佢先至話去問吓,跟住覆返我嘅答案係~~我哋公司冇後備冷氣喺度,只可以借部風扇俾你~~

你話吖,同佢哋講係咪都嘥氣吖?一啲尊重客戶都冇嘅,過咗海就神仙,買咗俾晒錢就乜都拖,乜都推,我而家決定咗架la,如果今次部冷氣整咗返嚟都係壞嘅,我就唔理過唔過保養期,日日上去佢哋門巿投訴,再寄信去各大雜誌報章投訴到佢哋肯賠為止~

私人傳訊

積分: 7723

168^#

發表於 08-6-29 20:50 |只看該作者

原文章由 wmpl 於 08-6-29 17:05 發表

唉~~我都唔想全身麻醉,但係你都知啲醫護人員梗係話有乜嘢架,做完手術我仲嘔咗三日潻呀,醫院啲姑娘仲搞笑,成日嗌我個名,跟住又問我做咩成日都訓?我心諗唔訓做乜呀?同埋我唔係真係好想訓,係我雙眼都睜唔大咁又有咩計? ...

對住呢 d 咁無操守既公司，我絕對支持你去投訴，從呢件看，你對佢哋既容忍度都非常高，俾我新機返嚟要整超過兩次的話，我就要佢哋即換過一部機俾我，絕唔會俾佢哋仲可以整到第五次:;pppp:想當年我試過買過一部聲寶牌錄影機，啱啱用過一個月就壞機，親自抽返去整，整完返嚟又壞過，再抽返去，我已聲明唔可以接受，要求換機，最初佢哋仲話過咗一個月冇得換新機，只可繼續幫我維修，佢哋當係果 d 乜都唔識既 c9咁對待，都低低地既，我再打電話同佢哋講，如果真係決定唔換過部新機俾我的話，我除咗會去晒所有可以投訴既地方投訴之外，我仲會寫信去佢哋日本總公司投訴，最後‥‥佢哋可能怕咗我呢個c9煩，話公司決定換過一部新機俾我，對呢公司真係唔駛客氣，我經常都係咁同人講，如果道理喺係我度，我一定會堅持爭取合理對待，我教個仔都係咁，佢都見識過我點樣同人爭論【衰 d 咁講‥‥係點樣閙人】

私人傳訊

wmpl

積分: 3000

169^#

發表於 08-6-30 00:03 |只看該作者

原文章由 Leomummy 於 08-6-29 20:50 發表

對住呢 d 咁無操守既公司，我絕對支持你去投訴，從呢件看，你對佢哋既容忍度都非常高，俾我新機返嚟要整超過兩次的話，我就要佢哋即換過一部機俾我，絕唔會俾佢哋仲可以整到第五次:;pppp:想當年我試過買過一部聲寶牌錄影機，啱啱 ...

我真係好鬼激氣,C6成日都話我自己搞得掂就由我自己一個面對班麻甩佬,我唔係話驚,只係我真係對冷氣一無所知吖嘛,憑乜嘢去同啲専業嘅人去拗話部機肯定係壞,肯定有問題呢?

其實我喺第三次已經嘈個代理話要換機架啦,但係佢哋一人一句話冇問題,推晒落個安裝師傅度,話係人哋安裝得唔好先至會灟雪種,咁佢哋次次整完都真係冇問題噃[啱啱整好嗰陣],咁我又要發晒爛渣好似個癲婆咁死都要人哋搬部機走同我換過第二部嚟咩?唔好話我一個女人唔夠佢哋兩條pk講吖有一次C6喺度都俾佢哋講到啞口無言啦,最激氣係佢哋仲想惡返轉頭,以為靠惡就得~~

我就鬧返佢哋~~咁我哋一般人又點會識冷氣維修嘅嘢呀?就梗係要信你哋哩啲専業技師講嘅嘢架啦,咁你哋又話係安裝師傅嘅問題,個安裝師又話係你哋嘅問題,係咁將個波拋嚟拋去,我點知你哋邊個講真邊個講假?如果我係叻到可以就咁聽都知其實係邊個嘅問題,咁駛咩仲要你哋哩啲専業人員呀?我自己爬上去整都得啦,駛咩要好似而家咁勞氣啫?~~

佢兩條賤人唔夠我講先至收聲,C6就戇居居唔識出聲,佢哋最鍾意就係一人一句,你話我得我一個嗰陣點算吖?

我最嬲嘅就係,點解而家啲人係咁嘅態度嚟做嘢?做咩要面皮幾呎厚又成條軟皮蛇咁唔鬧唔得?好相與啲都當你係傻仔咁嚟玩,係都要迫到人哋發晒爛渣至肯認真少少去做嘢!!

私人傳訊

smartlulu

積分: 1181

170^#

發表於 08-6-30 15:21 |只看該作者

嘩....而家呢D天氣冇冷氣真係唔掂,佢地呢D人擺明係欺善怕惡啦!

私人傳訊

wmpl

積分: 3000

171^#

發表於 08-6-30 16:26 |只看該作者

頭先嗰條賤人打電話嚟話星期四會送部機返嚟,佢條賤人成日都以為我唔認得佢把聲,其實上次佢冇上嚟檢查但就打電話嚟問哩問路,[因為我同CS講哩個人作大冇誠信所以我要求換人]我冇出聲鬧佢唔係因為我怕咗佢或者唔認得佢,而係我都費事同佢勞氣,喺電話度同佢講乜都係冇意思,俾我鬧到佢訓喺度都冇用,不過我都有窒佢,話"你問咁多嚟做乜,你上嚟檢查咪一清二楚!"佢先至唔再問~~

佢今次又詐傻扮懵乜都話唔知,問佢架機check 到係咩問題都話唔知,叫我自己打去CS度問,我心諗你乜都話唔知唔好以為你好叻好醒或咁就唔駛孭鑊,我而家唔發火唔等於我會就咁就算數,佢哩啲咁嘅蠢人做人做事都以為斬腳指避沙蟲就得,我要鬧都兜口兜面鬧佢,我唔同佢嘈嘅另一個原因就係佢真係冇乸用,又唔識整又唔願整又縮骨又缷膊,又無能,同哩啲咁嘅人講嘢簡直嘥我時間,況且佢好明顯冇權冇能力幫我換機先至做到咁"乸西",咁我同佢嘈仲有啲咩嘅意思?同佢講多句都嫌費事~~

到星期四又睇吓點?乜都話唔知吖嗱~~

私人傳訊

wmpl

積分: 3000

172^#

發表於 08-6-30 16:37 |只看該作者

原文章由 smartlulu 於 08-6-30 15:21 發表
嘩....而家呢D天氣冇冷氣真係唔掂,佢地呢D人擺明係欺善怕惡啦!

咪就係囉~~正賤人

,想人哋好聲好氣對佢就自己尊重自己先啦,好彩上天都憐憫我,好感謝上天都對我不薄,

哩兩個禮拜都唔係好熱,不過上年就真係好辛苦,又熱又焗唔陏都熱到標油,大家都應該記得舊年係幾咁熱到痴肺,啲冷氣加晒價都賣到斷晒巿架啦~~

佢哋同個安裝師傅輪流上嚟檢查同維修,搞到我次次都要又搬又掃又抺,我啱啱新入伙冇耐,本應幅牆好靚嘅都俾佢哋搞到污糟晒又爛咗幾忽,哩筆賬我都未同佢算,佢仲想惡人先告狀?!我真係唔會放過佢呀!!

私人傳訊

a776170

積分: 1600

173^#

發表於 08-6-30 16:51 |只看該作者

真係講都無人信...我住粉嶺,張床輔左竹蓆...而家夜晚暫時不單止唔使用冷氣...有時半夜仲要涼到關風扇添

私人傳訊

wmpl

積分: 3000

174^#

發表於 08-6-30 18:04 |只看該作者

係呀,啲天氣好反覆無常,不過都全因為咁我先唔駛捱熱咋,感恩感恩~~我哩兩晚都係開住風扇訓咋,仲要冚被潻,不過C6就唔同,我張床都舖咗蓆,而佢仲連枕頭都舖埋蓆,但係佢唔冚被都嗌晒熱~~

私人傳訊

積分: 7723

175^#

發表於 08-6-30 18:09 |只看該作者

wmpl,

係呢話時話，你部係乜牌子冷氣，質素咁差

私人傳訊

wmpl

積分: 3000

176^#

發表於 08-6-30 18:19 |只看該作者

飛歌~~窗口分體式==

私人傳訊

bigbigsnake

積分: 5569

177^#

發表於 08-6-30 18:40 |只看該作者

原文章由 wmpl 於 08-6-30 18:19 發表
飛歌~~窗口分體式==

你要大佢再有問題就交比消委會follow!!特別係一D佢promise 左又唔對現既....

每次同佢地CS傾都先問佢全名, mark 時間, 內容, 上次我同one 2 3 傾就係咁做佢地至跟得足, 我又唔係無癩, 而若果佢跟足都唔怕留全名..1年5次你都好有恆心...我第3次一定要佢換新一係退錢...唔係既就搵apple 去 follow......呢D大型電器有咩事爆炸咁點呀!!! 佢都負責唔起啦!!!

私人傳訊

wmpl

積分: 3000

178^#

發表於 08-6-30 20:50 |只看該作者

原文章由 bigbigsnake 於 08-6-30 18:40 發表
你要大佢再有問題就交比消委會follow!!特別係一D佢promise 左又唔對現既....

每次同佢地CS傾都先問佢全名, mark 時間, 內容, 上次我同one 2 3 傾就係咁做佢地至跟得足, 我又唔係無癩, 而若果佢跟足都唔怕留全名. ...

好多謝你嘅意見~~

點解會整咗咁多次呢?就係因為佢同個安裝師傅你話佢,佢又話你咁樣,我都真係俾佢哋玩死咁滯,同埋呢,我唔係睇少自己係女人,但事實就係嗰啲死八公尤其是一啲幾乎只有男人先可以做嘅專業人員好多都係咁,佢哋見得你一個女人就會恰你,如果喺哩一方面我係識嘅話就梗係唔會俾佢哋玩到,個問題就係,我又真係一無所知,咁佢哋次次都一人一把口,佢講得專業啲我都唔知佢噏乜?

C 6又成日都唔想佢哋抬走部冷氣機去檢査,咁我都好體諒,事關舊年又的確係熱到黐肺,今次都係我堅持之下佢先至唔出聲,之前佢都仲同我講話唔覺得部冷氣有咩問題,我就喺成班男人之中兜兜轉轉,我都知自己之前太過容忍佢哋,所以今次我點都要撐到底先得!!

嗰啲人嘅工作態度就係無癩,抱住做又三十六唔做又三十六嘅態度,求求其其是是但但冇嘢做得好,根本就迫人哋做無癩,我好討嗰啲咁樣嘅人!

私人傳訊

wmpl

積分: 3000

179^#

發表於 08-7-1 01:03 |只看該作者

頭先十點幾個代理打嚟,話改聽日下午送返部冷氣機嚟~~但係聽日係公眾假期噃,奇怪~~

私人傳訊

wmpl