影視娛樂 今日: 9 | 主題: 16085

積分: 28097

161^#

發表於 15-10-7 17:27 |只看該作者

rose-mag 發表於 15-10-7 16:41
我有時差架，你喺香港嗎？我慢香港十幾個鐘，網上睇要香港時間半夜至睇到，但果陣我已經開緊工，我係中間小 ...

原來喺咁，大家有時差。

其實小說就是小說，始終喺充滿各種巧合，始終喺邪不能勝正既。上次謝玉府果場大龍鳳其實都贏得好險。你睇返當時D箭飛埋黎，宗主個樣驚到呢，我覺得當時事態發展已經超出佢的預計同控制啦，所以佢個樣先咁驚。佢無想到言侯同譽王咁耐都沖唔入去，更加無想到長公主會出面以死逼謝玉放下屠刀。

王凱果場就是太冷靜咯，太對答如流，完全是有備而來既狀態，皇帝咁多疑，實覺得奇怪噶。應該同上一場對質戲拉翻勻少少個情緒就差唔多了。小說裡面佢既情緒雖然是假既，但是表現出來都是驚訝，愕然，無辜，仲有生氣，堂堂王子比個臣下甘樣屈，唔嫐就奇啦。我見到有王凱D粉絲喺微博鬧胡歌演技差，帶唔到王凱入戲，累王凱發揮唔好。我而家好想笑，琴晚3個老戲骨都帶唔到佢入戲啊，點辦啊？呢幾場戲，我真是覺得佢慘不忍睹。比3個老戲骨壓到……王凱可能真喺未夠班擔咁重既角色，唔好講袁弘，就算是呢套戲入面，我都可以數到3個比佢更適合演靖王的人，例如萌大哥，卓青遙，甚至列戰英。

黃維德呢次好好啊，演到果種奸雄既感覺出來，3個王子裡面，表現最好喺佢啦！

講到小說同電視劇的區別，我覺得最浪費既是宗主同郡主見完太奶奶之後出來，喺走廊上既談話，我覺得佢喺呢段對話進入到最高潮既時候，突然就被庭生打斷左，真是唔好。至於攤牌果度無打出手，我覺得喺想將宗主嘔既第一啖血留翻比郡主，哈哈

暫時對電視劇的改編都算滿意，我最唔滿意果段仲未播，遲D先講佢

私人傳訊

20462046

積分: 26129

162^#

發表於 15-10-7 18:58 |只看該作者

引用：呢排睇胡歌+d+戲睇到迷晒生活啟示錄風中奇

原帖由 heiheikwok 於 15-09-20 發表
呢排睇胡歌 d 戲睇到迷晒

風中奇緣 ~ 睇左一集好悶咁

值得追嗎？

私人傳訊

heiheikwok

侯爵府

積分: 22787

BK Milk勳章

163^#

發表於 15-10-7 20:26 |只看該作者

20462046 發表於 15-10-7 18:58
風中奇緣 ~ 睇左一集好悶咁

值得追嗎？

好睇！

如果比起琅琊榜，琅琊榜有深度

私人傳訊

Kuri

伯爵府

積分: 17258

164^#

發表於 15-10-7 23:25 |只看該作者

引用：Quote:原帖由 heiheikwok 於 15-09-20 發表

原帖由 20462046 於 15-10-07 發表
風中奇緣 ~ 睇左一集好悶咁

值得追嗎？

我係睇完風中期緣愛上九爺，八爺即時out咗

You think the only people who are people
Are the people who look and think like you
But if you walk the footsteps of a stranger
You'll learn things you never knew you never knew
-- Colors Of The Wind

私人傳訊

Kuri

伯爵府

積分: 17258

165^#

發表於 15-10-7 23:26 |只看該作者

回覆：有無人睇琅琊榜？

啱啱睇晒36集跟播……好心急等37集呀！

You think the only people who are people
Are the people who look and think like you
But if you walk the footsteps of a stranger
You'll learn things you never knew you never knew
-- Colors Of The Wind

私人傳訊

doll100

大宅

積分: 2668

166^#

發表於 15-10-8 00:17 |只看該作者

回覆樓主:

佢份劇本，好勁啊

私人傳訊

積分: 28097

167^#

發表於 15-10-8 00:49 |只看該作者

doll100 發表於 15-10-8 00:17
佢份劇本，好勁啊

佢對部分臺詞既修改，真是改得好好！無返咁上下文學修養都改唔到……

私人傳訊

積分: 7178

168^#

發表於 15-10-8 00:53 |只看該作者

引用：啱啱睇晒36集跟播……好心急等37集呀！

原帖由 Kuri 於 15-10-07 發表
啱啱睇晒36集跟播……好心急等37集呀！

我睇直播今晚好睇應該話越來越好睇

私人傳訊

積分: 174135

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

169^#

發表於 15-10-8 04:21 |只看該作者

回覆：有無人睇琅琊榜？

剛睇完一次，心情未平伏，要再睇多一兩次先寫得出感想。

花旗太太生活在花旗國，留意時差，你問我未必即時答到。

私人傳訊

積分: 28097

170^#

發表於 15-10-8 11:18 |只看該作者

本帖最後由 hugoma2015 於 15-10-8 11:34 編輯

rose-mag 發表於 15-10-8 04:21
剛睇完一次，心情未平伏，要再睇多一兩次先寫得出感想。

我都一口氣睇左3次啊！等你既感想，尤其想睇下你對胡歌呢唱戲既評價。

我先拋磚引玉講下我既睇法。主要是宗主同夏江對話呢一場。呢一場成40分鐘，得2個演員既對手戲，精彩過好多所謂的大龍鳳，高潮戲。2個人火花四濺到好似國慶煙花匯演咁！奪目到令人目不轉睛，幾乎忘記呼吸。

我中意睇波，所以請容許我用足球比賽去比喻2個演員之間既對手戲。上一場宗主VS謝玉，喺一場單邊進攻狀態既比賽，宗主始終掌握控球權，喺始終保持攻勢既一方。呢一場宗主VS夏江，就喺一場雙方互有攻守，攻防節奏轉換好快既比賽。夏江貌似喺進攻既一方，而宗主貌似喺防守反擊既一方。

所以，上一場宗主保持住好強既氣場同攻勢。而呢一場，我睇到宗主放軟左身段，猶如靈蛇一樣同夏江周旋，狡猾而靈活。夏江大力出拳，好似打喺棉花上，然後夏江回頭，宗主吐著蛇信子撩佢，似調戲，更似挑釁。夏江再出拳，又打喺棉花上。直到最後，夏江既耐性已經比佢磨得7788，佢終於利用祁王同赤焰一案，直擊夏江最痛處！一啖咬落夏江喉嚨！非常完美既一次防守反擊！

點解我上面講夏江貌似喺進攻既一方？就是因為咁，話題既發展走向，實際控制喺宗主手裡。

呢一場戲真喺值得一睇再睇，咩叫笑裡藏刀，錦里藏針，以柔制剛，學到野了！

如果講之前夏江VS言侯，是俾言侯“過左一棟”，咁呢次夏江VS宗主，就喺比宗主“耍到一棟都無”！

至於演技，我睇唔出胡歌有咩問題，對住夏江，他HOLD住左了！我想聽聽你既點評，哈哈

呢2集，我唯一唔滿意既喺，宗主入獄時響起果首插曲，真是難聽到嘔啊！咁悲壯既歌，配住咁既鏡頭，點解可以咁難頂噶！

私人傳訊

積分: 7178

171^#

發表於 15-10-8 13:07 |只看該作者

引用：Quote:rose-mag 發表於 15-10-8 04:21 剛睇

原帖由 hugoma2015 於 15-10-08 發表
本帖最後由 hugoma2015 於 15-10-8 11:34 編輯

宗主入獄播果首靖王版真係no good
另外果個版本好聽得多

係呢呢位jm可唔可以講下風流既background？我冇睇過小說但又想知

邊位高人教到佢咁好武功

私人傳訊

積分: 7178

172^#

發表於 15-10-8 13:08 |只看該作者

引用：Quote:原帖由 hugoma2015 於 15-10-08 發表

原帖由 phoenixho 於 15-10-08 發表
宗主入獄播果首靖王版真係no good
另外果個版本好聽得多

打錯字飛流先岩

私人傳訊

積分: 28097

173^#

發表於 15-10-8 13:13 |只看該作者

本帖最後由 hugoma2015 於 15-10-8 13:25 編輯

phoenixho 發表於 15-10-8 13:07
宗主入獄播果首靖王版真係no good
另外果個版本好聽得多

風流，嚇得我呢……

飛流是比東瀛的一個殺手組織收養既細路，從細就培養佢成為殺人機器，不過好似逼佢吃藥，令到佢D智力好低，但是武功好好。後來，宗主去東瀛解救左佢，仲教佢修煉左D唔記得咩心法。

私人傳訊

積分: 174135

174^#

發表於 15-10-8 13:30 |只看該作者

hugoma2015 發表於 15-10-7 19:18
我都一口氣睇左3次啊！等你既感想，尤其想睇下你對胡歌呢唱戲既評價。

我先拋磚引玉講下我既睇法。主要 ...

來了，要先貼相上相簿會可以仔細D講呢兩集，如有JM未睇就最好跳過，唔係劇透就唔係太好，謝謝見諒。

37集看點：
1）審問靜妃：丁勇岱做呢個小器又多疑嘅梁帝做得好好，佢將梁帝嘅劣根表露晒出嚟，通過佢嘅演技，我見到一個好立體嘅人，佢多疑又怕有人挑戰佢嘅權威，但其實佢都係一個人一個父親一個丈夫，明知朝堂上內宮裡都係你爭我奪，但佢都唔係一個昏君，如果佢可以氣襟廣闊一D，佢唔會有今日局面，丁勇岱演活咗呢個令人又恨又憐嘅梁帝。呢一場審靜妃，佢既知靜妃冤枉，但又唔可以表面太偏袒，佢明知唔關靜妃事，不過唔可以公開講宸妃個牌位係我叫整嘅。語氣、眼神、表情同肢體動作既自然又有變化，將梁帝嘅人物形象表現得好豐滿。

靜妃唔多動作表情，完全似一團棉花，呢個局係佢佈嘅，佢知籌碼喺邊有幾多。劉敏濤演靜妃，雖然我知你唔係好鍾意，但我又覺得幾好，初初唔起眼，但靜妃磨劍三十年，終於有人出頭，但佢唔爭寵唔害人，只有人攻擊佢佢至反擊，有母如此，靖王之福。另外要講一講言皇后，典型唔得寵東宮皇后格，呢場方曉莉最後嘅委屈難過加上不明不白失了分，眼中含淚嘅表演係令人覺得佢都係宮鬥下嘅可憐人。

點評

發表於 15-10-8 13:43

花旗太太生活在花旗國，留意時差，你問我未必即時答到。

私人傳訊

積分: 174135

175^#

發表於 15-10-8 13:43 |只看該作者

本帖最後由 rose-mag 於 15-10-7 22:13 編輯

37集看點（2）審靖王下半部
因為俾皇后告靜妃打斷咗，梁帝再審劫犯案，因為已先入為主覺得譽王有心打壓靖王，續審就變咗氣氛，仲叫靖王起身再講，

夏江見勢色有變，靖王又突然變得能言善辯，心中明白背後一定有個人教佢，於是放棄再爭辯，提出要由懸鏡司去審問梅長蘇，呢一刻靖王大驚，

王凱做到驚，佢發脾氣大罵夏江呢一下算合格，但佢個身轉右邊先扭左嘅謝賢式chok格真係要改一改，古裝片同時裝片嘅chok唔同嘅，呢D動作係無貴氣，正所謂人搖福薄樹搖葉落，堂堂一個皇子殿未來國君要穩重，相比譽王，肢體動作淡定好多，眼神唔會下下碌大就算，有深度至係，呢樣王凱想進步就要留意至得。夏江呢場朝堂上可謂輸晒，但佢意識到佢嘅真正對手係梅長蘇，所以即刻趕喺梅長蘇可以逃走或靖王可以攔阻之前去捉佢，其實係高招，起碼佢以為自己仲係處於昨日為所欲為之勢，唔知有個局已經等緊佢。

花旗太太生活在花旗國，留意時差，你問我未必即時答到。

私人傳訊

積分: 7178

176^#

發表於 15-10-8 13:47 |只看該作者

引用：Quote:phoenixho 發表於 15-10-8 13:07 宗

原帖由 hugoma2015 於 15-10-08 發表
本帖最後由 hugoma2015 於 15-10-8 13:25 編輯

知道了

私人傳訊

積分: 7178

177^#

發表於 15-10-8 13:51 |只看該作者

引用：37集看點（2）審靖王下半部因為俾皇后告靜

原帖由 rose-mag 於 15-10-08 發表
37集看點（2）審靖王下半部
因為俾皇后告靜妃打斷咗，梁帝再審劫犯案，因為已先入為主覺得譽王有心打壓靖王 ...

我有想過如果靖王呢個角色由陸毅來做的話會更完美

私人傳訊

積分: 174135

178^#

發表於 15-10-8 13:55 |只看該作者

37集看點（3）進入戲肉前之準備

教靖王喺朝堂上將罪名推得一乾二淨，那邊廂梅長蘇已經準備上佢果個更驚險嘅戰場，一個凶險萬象嘅生死戰場。知道夏江一定會嚟捉自己去懸鏡司府審問，準備食一粒藺晨整嘅續命丹，溫情脈脈嘅場境令之後嘅舖排更感傷：差人帶走飛流，因為飛流一定唔會俾人傷佢，計劃中呢個部份要計算好，之後要聯絡各個參與嘅人。

簡單兩場短片段，見到宗主手底下嘅人同佢嘅關係，蘇宅嘅日常生活真係百看不厭，次次都覺得好有暖意，可惜宗主在溫情包圍下依然敵不過寒毒。

點評

發表於 15-10-8 14:00

花旗太太生活在花旗國，留意時差，你問我未必即時答到。

私人傳訊

積分: 174135

179^#

發表於 15-10-8 14:12 |只看該作者

看點（4）捉宗主

其實好似宗主講，都唔係叫捉，係佢自己來，打開門後，長蘇整裝以待，果種氣勢已經令人折服，夏江都好意外，冇抵抗冇難度，長蘇自己走出蘇宅去懸鏡司，對比夏江帶十幾廿人去嘅大陣容，形成強烈對比，連在場排喺門口嘅懸鏡司府兵都續個回頭望梅長蘇，感覺有佩服有驚訝紛雜嘅表情。第一回合比氣勢，夏江輸咗一分。

入到去懸鏡司府，又係梅長蘇自己走入大牢，一個手無搏雞之力嘅人要由咁多府兵看守，夏江對江左盟同梅長蘇嘅實力非常忌憚，不竟之前劫犯已經領教過。

呢個截圖宗主好英氣，長袍飄動，自己走下大牢，大有去死嘅後著，但亦都會盡力考慮可以脫身嘅機會。

無錯，喺牢中梅長蘇以低視角望向大牢頂，籌謀緊究竟點樣可以脫身，亦同時感憾以前有幾多人曾經被帶入懸鏡司府而冇再正常出番嚟。

此時此刻亦只能順其自然，等待同夏江對峙嘅一刻。

隻插曲王凱真係唱得好難聽，畫面交替影住靖王行嚟行去，好心導演教下佢，表示擔心唔係淨係行嚟行去，俾D心做個表情出嚟，佢行路左搖右擺，加上古裝長袂衣袖，令得好眼花。

點評

發表於 15-10-8 14:23

花旗太太生活在花旗國，留意時差，你問我未必即時答到。

私人傳訊