婆媳關係 今日: 0 | 主題: 27770

積分: 2004

162^#

發表於 17-6-20 14:04 |只看該作者

flowerbabe 發表於 17-6-20 07:22
我99都係咁
我比較林，佢成日蝦我

我奶奶聯合其他人一齊

私人傳訊

hardyhardy

積分: 2004

163^#

發表於 17-6-20 14:06 |只看該作者

MCEsc 發表於 17-6-20 07:59
（長文）

話說我囝囝講野比較遲，兩歲還是依依哦哦，咁我們已經幫仔仔做左評估同埋上緊治療。

我奶奶最中意人多蝦人少

私人傳訊

sambebe

子爵府

積分: 11475

164^#

發表於 17-6-21 10:12 |只看該作者

ky630 發表於 16-5-12 15:25
人前人後兩個樣，c6係度陰聲細氣，c6一唔係度就聲大夾惡，佢同佢個女煮餸一定好食，其他人煮就吾荒好食，佢 ...

中哂！

私人傳訊

dorasakuranbo

複式洋房

積分: 235

165^#

發表於 17-6-21 23:48 |只看該作者

回覆樓主:

講起99就火，結婚前吹自己好有米（我屋企人都知佢係吹水）。結婚果日又吾俾我向我嘅親戚針茶+影相，係甘叫男家d人上台，我親戚一上台影相就叫佢地落去

一d面都吾俾
約好食飯又甩底，仲要全家都知，就我同c6吾知，白白遊街等佢地，等左幾個鐘，尼世都吾會同佢好

私人傳訊

Peonyfruit

積分: 1659

166^#

發表於 17-6-22 07:08 |只看該作者

Ting886 發表於 16-5-11 23:12
我生之前不聞不問，生完第一時間黎。。。睇bb，我都未自己抱過bb(開刀後未起到身)就一直黎咁耐抱咁耐，又話 ...

好似我個衰奶奶呀！話我陪月煮排骨菜芯冇蝦蟹話我俾人呃！又喺我工人面前話我，扮好人成日叫工人坐低休息！

私人傳訊

Peonyfruit

積分: 1659

167^#

發表於 17-6-22 07:10 |只看該作者

sambebe 發表於 17-6-21 10:12
中哂！

我奶奶又係咁！真係好憎佢！可以點先舒服啲！

私人傳訊

cqwert

伯爵府

積分: 15044

168^#

發表於 17-6-22 11:47 |只看該作者

回覆涼亭小姐的帖子

把口賤，衰格，控制狂，以為惡就怕佢，討厭，諗唔到佢有一樣好，唔好話見到佢就討厭，諗起佢個衰樣都想嘔

私人傳訊

cocacoco

複式洋房

積分: 116

169^#

發表於 17-6-24 23:03 |只看該作者

回覆樓主:

好多喎，唔知由邊樣講起。

太小心眼呢樣我真係覺得好難同佢相處，一世溝通唔到。

其他問題上面都寫曬……

私人傳訊

積分: 671

170^#

發表於 17-6-25 14:40 |只看該作者

回覆樓主:

99有三個仔女，老公係大仔，姑仔第二，叔仔最細。
老公係公務員，我同姑仔都係做銀行，叔仔就廢人一個，書讀唔成，又唔做嘢，62搵埋工俾佢做都唔返工，三個仔女生性果兩個自己照顧自己，識讀書做嘢搵錢嘅99好似失明咁當睇唔到，99只會盲目地偏心個細仔，好似佢成世人淨係生過一個仔咁。
姑仔係最早頂唔順搬走無眼睇，我同c6結婚後也搬開住盡量少見，只係一星期返去食一餐飯，返親去食淨係見到99彈3彈4, 62係屋企一向都負責煮飯，買埋洗埋煮埋，99淨係食同鬧，鹹又話鹹淡又話淡，好討厭!
99係好活躍社區工作，好多銜頭，飲宴不斷，簡單講就係唔痴家，屋企乜嘢都唔理，垃圾堆一樣，鍾意捐錢去威飲飲食食，又話識呢個又話識果個，佢覺得自己個圈子好高上好自豪。
到我陀個仔果陣，有咗先知自己有水瘤，醫生話好小事通常自己會散，除非劇痛。我就係唔好彩劇痛果個，陀住3個幾月入院做割水瘤微創，俾人開咗4個口縫咗10針。
我好記得由入院做手術到返99屋企食飯頭叠尾先第十日，99食飯時問我而家仲有無痛，我話仲痛咖，佢覺得我好似坤佢咁，99話10日喇喎仲痛牙，我個心已經咒到佢飛街，您俾人開4個loan縫10針睇下你會點?
果餐飯就精彩囉，一枱蝦蟹笋望見都知唔岩大肚婆食，我姑仔開聲話成枱都無嘢岩亞嫂食，我好感激我姑仔為我講句人話，仲夾咗隻雞腿俾我餸飯。跟著99仲神奇問我識唔識煲薑醋，佢話佢要派喎。您派關我乜事呀？你唔識煲又懶想搵我笨實做免費勞工煲埋俾你派，發夢吖你! 當時我再一次感激我姑仔出聲丙99,我姑仔話亞嫂而家先陀第一個邊識煲呀？您生我地三個果陣無煲過咩？
到個仔出世我坐月，佢來我屋企睇個孫，順便入廚房睇我d花膠，逐隻逐隻驗話唔靚，靚唔靚關你义事咩，你收埋咁多靚花膠又唔見你施捨隻俾我食，淨係識得彈我d藥材唔靚。99只係買過一袋清補涼湯料俾我補身，即係淮山杞子池實紅棗蓮子百合果d,成大袋掃埋唔洗兩百蚊果種，到我滿咗月先發咗1條豬婆蔘俾我，真係多謝曬!

私人傳訊

積分: 671

171^#

發表於 17-6-25 14:41 |只看該作者

回覆樓主:

我個仔係99嘅頭長孫，99係好錫佢，但同時亦好種佢，讀小學之前個仔都係同我兩公婆姐姐一齊住，c6返工前車咗個仔返學，99同姐姐就去接放學，我地放工就去99屋企食埋飯接番個仔返屋企瞓。
99一直都好活躍，出席大小飲宴一定帶住工人姐姐湊埋佢個孫去威，一般飲宴都成11點先散，一個小朋友10點前乜都要瞓啦，上到小學因為學校好近99屋企，同埋有幾個月新工人未到，99就直接帶咗個仔跟佢住，去飲宴嘅情況完全無改善，佢覺得帶個孫去飲去威係好正確，個孫九點幾食食下係酒樓瞓着，99仲好意思同我講，帶親佢去飲9點幾就瞓着，食都唔食side曬。
我個心果陣好痛，做乜個仔咁慘要瞓酒樓咁淒涼，小朋友就應該有正常作息，62覺得情況唔可以再咁落去，叫我返來湊番個仔，我返來自己湊番個仔，99又唔肯放人，覺得我拆散佢同個孫。
99安排俾我個仔嘅活動，佢覺得係第一重要事，您係唔可以拒絕嘅，一個星期飲幾餐，工課未做完就攞埋去酒樓做，明天要默書就攞埋去酒樓溫，下星期四開始考試，今個星期五六日都仲要帶佢去大陸旅行，佢話不騮都係咁喎，佢個孫鍾意喎。您出言阻止叫佢唔好去，佢就算而家話好，轉頭就俾說話您聽，個仔考試默書成績唔好就同c6話係您唔識教。
99成日安排節目俾個小朋友，個細路第一玩到個心散曬，第二佢玩完返來已經疲累，根本就無精力同您去溫書，99帶佢玩飽返來就掉番俾您，同您講您睇下有咩同佢溫，我話少爺話好疲倦要休息。
一個星期得七日，如果您星期六日有節目，咁溫習就好自然要係平日做完功課後，當我要個仔食完飯後每日溫習番一部分老師教咗嘅嘢，或者寸3至5個老師已教的生字，99同c6投訴我迫個仔，話個細路都眼瞓疲倦，都仲要佢讀。
我每日3點幾接咗少爺放學，就湊佢上99屋企做功課，我教完佢做功課，教埋老師教咗嘅生字點讀點解，99都未返到屋企，當晚飯後個仔可能已經唔記得個生字點讀，99就話我無教佢個孫，話個孫又唔識讀又唔識解點溫姐，個小朋友唔記得您就賴我無教。

私人傳訊

積分: 671

172^#

發表於 17-6-25 14:42 |只看該作者

回覆樓主:

後來c6話唔好再阻止佢帶個孫去任何地方啦，您唔阻止佢個孫考得差就係佢個孫懶唔關您事，由得99鍾意點就點啦。
而家個仔小四，脾氣壞習慣同99一個模咁倒出來，脾氣嗅態度差無禮貌，無手尾着完d衫同用完嘅紙巾一樣四圍掉，遇到問題淨係識得叫，等人去服侍佢地去解決，住到d地方污糟到死都唔會去清潔。
老爺已經頂99唔順搬咗去新屋住，舊屋呢道就話裝修好之後就留番俾我叔仔同佢個大陸老婆住，99好喜歡個大陸妹，因為個大陸妹好識擦99鞋，又肯陪佢講事非，最緊要係我叔仔咁廢都肯嫁肯同佢生仔，99覺得終於搵到個人照顧佢呢個仔下半世，所以對佢好好。其實如果個大陸妹只係為咗嫁咗唔洗捱，安分守己，大家都會相安無事。
個大陸妹好識睇利害關係，佢同我叔仔結婚後頭兩次見佢，佢有主動叫聲您亞嫂，打後都係我同佢say hi,後來我say hi 佢都唔蘇我，無他嘅我老公又唔得99歡心，我一向都唔擦99鞋，佢覺得我地兩公婆係無價值，所以完全無視我地。
99仲怪我唔同佢兩公婆講嘢，話我同個嬸母有仇，我心諗如果大陸妹係我長輩，無論您幾寸唔應我，我一入屋都要叫聲佢，呢d係禮貌係對長輩嘅尊重，入屋叫人，但佢唔係我長輩，我同您say hi您都唔蘇我，咁咪您咁尼我咁去囉，您當我透明，我都時運高睇您唔到。

私人傳訊

積分: 671

173^#

發表於 17-6-25 14:43 |只看該作者

回覆樓主:

今年過年後叔仔兩公婆由大陸搬咗落尼香港新屋果邊同62住，因為方便佢老婆產檢，又美其名照顧我62, 但我62對住佢兩個生不如死，62話佢兩個完全唔尊重佢，佢兩個搬入來住乜都唔做，住到d地方污糟又唔去打掃，同99一樣紙巾用完四圍掉，仲要佢80歲人服侍埋佢兩個，佢兩公婆所謂煮埋一日三餐俾62食，係煮咗之後喝狗咁叫我62去食，佢兩公婆好識係99面前扮可憐扮孝順，我叔仔仲要同99講62唔舒服又唔肯睇醫生，佢跪係道求62去就醫，我62話邊有咁嘅事，我姑仔聽到話根本無可能，佢細佬絕對無咁孝義。
叔仔兩公婆一日到黑就打62小報告俾99聽，不斷去搬弄事非令62同99嘈交，幾點出去幾點返來，有咩朋友來過屋企搵62，基本上62柯督屎都會報告，62完全活在被監視底下。
同埋我發現叔仔醒過以前好多，以前佢無咁清楚屋企物業資產持有持份嘅人同比率，而家一提起直頭就本能咁背出來，完全無需思考完全本能。
由於房產收租事務62一早已掉曬俾99打理，錢62也唔過問，所以99係屋企就係揸數人，所以不事生產嘅叔仔兩公婆就靠攏99，對於無揸錢無權嘅62就丁多都唔尊重。枉62當年驚叔仔無人要娶唔到老婆，係大陸幫佢搵女仔相睇，拿高個肚皮俾女家睇話自己屋企有錢養得起我叔仔老婆仔女，人地女家先俾個女嫁，而家我叔仔都唔念下佢個寶貝老婆點娶返來，為咗錢就擦行99鞋打壓個老豆。
叔仔老婆陀個囡仲巴閉過人地陀個慈菇頂，62而家住村屋出面有花園，好自然就有蚊蟲，花園d果樹有蟲唔噴得殺蟲水，就連62俾蚊咬怕痕，噴蚊怕水落自己道都話唔得，叔仔話佢老婆唔聞得所以唔准62噴，連蚊怕水都幫62掉埋，在花園果樹噴殺蟲劑個大陸妹即刻就打俾99哭訴話bb無啦！
99信到十足話62好毒想迫走佢兩公婆，真係前世唔修!

私人傳訊