蛋皇哥0127 發表於 17-10-19 14:10 
做飲食 真係無得輸
都唔係個個做得好架，若係合作搞既仲衰。而唔辛苦得既又係衰架。
老公有個遠房親戚，同我老公個朋友夾份開左一間酒樓，兩個都唔識煮既，靠人地煮而自己唔識既就最唔好喇。
幾年後，個朋友返黎同我老公訴苦，話老公個遠房親戚唔啱，話佢老婆成日帶自己親戚黎食貴野，又話佢地買貨有問題.............最終間酒樓梗係執同蝕錢喇。
所以，真係力不到不為財，一定要自己落手落腳做，睇實盤數至得架。
一個係自己親戚，雖然係疏D啫，一個係以前玩大既朋友，老公講咩吖，無聲出囉。
另一個CASE，係响英國，我中同兩公婆開左間炸魚店，都好難做架。
D鬼仔蝦佢地，成日圍住佢地間舖，比如炸魚10蚊咁講啦，佢就話5蚊，要一半。你唔賣畀佢地，咁佢地就唔肯走，响度嘈嘈閉架。
直至揾個好辣既鬼妹做收銀，至搞得佢地掂咋。
另一個我個客，响英國做外賣店，林村人黎，我地傾得埋D，佢話，好辛苦架，做好長時間架。
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
返回列表
