本帖最後由 rose-mag 於 19-4-4 21:54 編輯
angieyu 發表於 19-4-4 05:38 
你嘅回復真係好有用, 勁實用! 好正! 一睇就知你好有經驗
今日俾老細訓話, 話每做一件事應該要列 ...
要提自己做嘢最好方法就係做筆記，呢樣喺我做第一份工時已經養成嘅習慣（唔係做秘書），每日一早review，做完就刪去，做到邊自己記低，聽日又睇過。有個方法你可以試下，我而家要onboard所有部門新人，佢地返工之前我要準備好多嘢，包括公司嘅system access（係超級多ID要申請，一個接一個）、同分公司聯絡（好多時新人唔係坐我office，要知有冇位坐，坐邊度，齊唔齊equipment）、申請電話號碼、電郵號碼、電話留言、印咭片/信封/信紙、訂電腦/monitor、訂名牌。。。咁多又各有時限，於是我自己設計一張checklist，有晒邊日落單，邊日收到資料，邊樣未齊就再跟，張表我自己用，我onboard新人要最少兩三個星期，期間得閒就睇下有咩未做，有咩未到，未到就追，咁就保證新人到果日會有齊嘢開工。不過我公司大，制度多，又成日改嘢，暫時真係好少有新人返工會齊嘢，我見勢色唔對就同老細備案，等佢有心理準備，到時唔會話我跟得唔貼。而家我有八個新人呢個月上工，system support完全唔掂，我已經同頂頭兩個同佢地頂頭果個講咗，將我解決唔到嘅問題交俾佢地處理，因為有時係要頂大，由大人出面至得，我做到嘅有限。
按時匯報俾老細知道你做緊嘢，有問題要自己諗定方案，最好係已經著手解決，但要俾老細知道你做緊嘢啦，一來等佢安心，二來亦可以請示下佢，確保方向正確，三來你做嘅嘢代表佢，老細唔滿意或有佢認為更好方案，可以盡快改，同時你又可以明白佢點諗，以後幫你更好支援佢。
我而家用outlook calendar，定好提醒，成日要做嘅嘢按時出提示，好似每個星期要開電話會議，我係set/send invitation俾所有人，有電話號碼有密碼，大家按時打入去。另外每個星期有report交，我就定好果日早兩三個鐘有提醒，有足夠時間準備。我叫老細俾access入佢地個calendar，見到佢地有會開我會提醒，以前有個老細開唔到會，會叫我代佢去開，聽就得唔駛發言。
噢，我仲有份cheat sheet，寫晒平常或重要資料，包括申請流程、link、聯絡名單之類，因為成日會重覆做某D嘢，呢份cheat sheet好有用，我每日返工開電腦後第一件事就係打開呢個檔案，有新嘢就加入去，有過期冇用就刪。我有好多資料打印出嚟後分門別類放一邊，老細問到就可以抽出嚟俾佢地，包括各種表格、聯絡電話、不同equipment manuals，我仲要做HR嘢，基本上我兩個老細下面幾十人都會搵我，呢D資料非常有用，有時間我會寫下email manual教同事點樣申請放假、點樣入紙攞refund。。。
不過你老細去到要你煮飯買餸洗菜切菜，我就覺得過份啦，你係秘書，準備咖啡下午茶叫外賣我覺得OK，但煮飯。。。你不妨問下佢，呢D係一個tea lady做嘅嘢，秘書嘅人工同能力唔係用嚟做呢D，咁樣係浪費你時間，你係應該做更多其他有用嘅嘢，有客上到嚟，見到一個老細秘書煮緊飯會點睇？唔得囉，老細都要俾到尊嚴你至係。你要proud of your job，咁至有前途，你至會俾心機做，咁點樣做到咁？你可以請教下老細。
花旗太太生活在花旗國，留意時差，你問我未必即時答到。
只係將老細下星期要做嘅嘢塞曬入去calendar 就算, 要諗佢每日晏晝食乜嘢,每日下午茶食咩, 當你好多嘢做嘅時候你點樣去提自己做嘢? 
發表於 
, set task 要指定俾佢。
返回列表
