自由講場 今日: 3318 | 主題: 1355338

積分: 30610

162^#

發表於 23-12-10 22:53 |只看該作者

本帖最後由 zoie_w 於 23-12-10 22:54 編輯

RoseRosa 發表於 23-12-10 22:46
你講得啱，人人感覺唔同，我只能說人生非常之順遂安逸的人，才會把朋友間、同事間的友誼破裂作為人生低潮 ...

我之前都係將同事嘅關係擺得好重要，但後來真係經歷過好多事，發覺同同事關係冇事冇幹嘅時候大家嘻嘻哈哈，到有一啲利益衝突嘅時候，大家就唔係咁講，人就係咁，牽涉到自己利益關係，就無情講，最弊係有乜嘢唔同你講，但私底下疏遠你或者同其他同事挑撥離間，杯葛你

人係群體生活，少不免避免要同人相處，但自問問心無愧，低調做人，有錯我就改，希望自己人際關係唔好咁差。

私人傳訊

積分: 30610

163^#

發表於 23-12-10 22:58 |只看該作者

roseangel 發表於 23-12-10 22:40
啱呀，自己覺得個樣嘅對自己造成好大傷害，咁都唔算人生低潮？所以有時真係唔係能夠人人明白自己，有時內 ...

我明呀！我搵我最close嘅朋友，同佢講，初頭佢都好有耐性聽，都有力撐，後來佢話覺得好大壓力，開始避開我

其實我多數會喺討論區呢度講，唔同現實朋友講，不過呢度人人都有，有時會遇到啲好mean嘅人把口，我更加唔開心，所以有時想喺呢度講，但係都取消咗唔出post, 怕受到攻擊

我啲朋友意思就係話過咗去就係過咗去，唔好諗咁多，每個人感受同處理方法都唔一樣，可能佢同佢啲好close嘅朋友反咗面之後佢沉澱咗一輪可以重新振作再去識新嘅朋友，雖然我都可以，但係我仍然會懷緬以前曾經好friend嘅朋友，不論同事都係架，有時睇返啲相，真係好感慨，會問點解要搞成咁

私人傳訊

積分: 30610

164^#

發表於 23-12-10 23:01 |只看該作者

roseangel 發表於 23-12-10 22:40
啱呀，自己覺得個樣嘅對自己造成好大傷害，咁都唔算人生低潮？所以有時真係唔係能夠人人明白自己，有時內 ...

分享多少少，有人話同事唔可以做朋友，我又唔係好認同呢句說話，因為曾經我做過一間公司同事係可以做到朋友，而家雖然係疏遠左，但係隨時可以聯絡返都係咁好感情，其實好難得

我當然明白你感受，我入職而家呢個office時同啲同事關係都好好，生日會互相慶祝，都會講心事，後來發生咗好多事，可能女人之間猜忌心比較多，發生好多誤會又或者係利益衝突工作量分配問題，大家之後已經小咗出聲亦都冇再搞生日會，只係有幾個看似關係比較好嘅同事仲會出去食飯，我已經睇化咗同事呢樣嘢，但唔代表我唔明白你感受，因為我都曾經重視過，佢哋杯葛我，喺我個位經過行出去食飯嘅時候

私人傳訊

積分: 30610

165^#

發表於 23-12-10 23:05 |只看該作者

roseangel 發表於 23-12-10 22:40
啱呀，自己覺得個樣嘅對自己造成好大傷害，咁都唔算人生低潮？所以有時真係唔係能夠人人明白自己，有時內 ...

我仲好記得嗰種難受，因為反差太大，之前成班去食飯，而家成班出去食飯淨係唔叫我一個，你覺得我會冇感受咩？仲係要經過我個位行出去。

我喺公司除咗呢班同事坐附近之外，我都仲可以搵其他同事傾訴，我將呢件事分享咗個同事知，佢同我講咗一句好有力嘅說話，佢話而家唔係佢哋杯葛你，係你杯葛佢哋，唔好同佢哋同一個層次，其實佢都講得啱架，當時喺咁嘅處境嘅我，有佢呢句說話真係幫咗我好多，希望我都可以幫到你

私人傳訊

積分: 3046

166^#

發表於 23-12-10 23:07 |只看該作者

本帖最後由 roseangel 於 23-12-10 23:13 編輯

zoie_w 發表於 23-12-10 01:52
跟住再係另一班之前識落嘅朋友其中一個女仔唔鍾意我，較早前已經明顯地感覺佢唔鍾意我，但我當時冇理佢， ...

我同你情況真係好似，又係女人之間是非問題，我就係同嬲我的同事有講過其中一個同事一d野，都唔算秘密，點知嬲我個同事講咗俾第個同事聽，我只係話左佢一句叫佢唔好將件事講出或唔好俾當事人知道你知佢d野，我估佢係老羞成怒，因為佢真係講左出去，其實佢講咗出去係佢唔啱，但而家佢居然已掉番轉頭來怪我，本身佢同我件事我諗住同佢兩個人解決唔講比任何第三者知，但佰完全拒絕同我再溝通，電話唔聽，wsp不讀，其他同事本來應該完全唔知，我估佢後來都同佢地講咗，有1日其他同事見到我都一齊當我透明……我真係好hurt，那天在公司喊咗成日，好委屈

私人傳訊

chocolatebean

翡翠宮

積分: 76730

167^#

發表於 23-12-10 23:07 |只看該作者

zoie_w 發表於 23-12-10 22:07
唔可以咁講㗎！人人感受同覺得重要嘅嘢都唔同，感受係最直接，雖然冇咗朋友或者冇咗同事對自己生命財產冇 ...

有人投資損失係人生低潮同樣有啲人話＄財身外物都可以冇嘢

私人傳訊

chocolatebean

翡翠宮

積分: 76730

168^#

發表於 23-12-10 23:13 |只看該作者

roseangel 發表於 23-12-10 23:07
我同你情況真係好似，又係女人之間是非問題，我就係同嬲我的同事有講過其中一個同事一d野，都唔算秘密，點 ...

同事從來都係過客啱傾咪傾多幾句唔啱傾咪由佢
返工目的係賺錢老闆上司同事都唔需要太 care

私人傳訊

積分: 30610

169^#

發表於 23-12-10 23:20 |只看該作者

roseangel 發表於 23-12-10 20:51
半年來都好hurt 好難受，因為原本好frd，誤會發生前的星期六仲一齊成班出去食飯去玩，突然間對我態度180度 ...

你同其中一個同事有衝突半年，再俾啲時間啦，我相信慢慢應該會好啲嘅。

我自己都唔記得咗幾時啲同事開始杯葛我，真係唔記得，唔記得係上年定上年年頭，唔記得啦，而家感情雖然冇去到以前咁（但其實大家都唔係真朋友，就算出去食飯嗰班人，都會互相數對方啦）但係就冇之前咁面阻阻，起碼都講句早晨有陣時吹吓水咁，其實咁樣都OK 㗎啦！

早幾年疫症公司冇搞聖誕食飯，嚟緊會搞返，咁啱我同班同事關係又好咗，諗返起如果係上年搞，可能我同啲同事都面阻阻冇計傾架！當中都有啲人我係超級唔鍾意，咪傾少句囉

我相信你同同事關係慢慢會轉好，因為大家多時間見，仲有機會和好

私人傳訊

積分: 30610

170^#

發表於 23-12-10 23:25 |只看該作者

roseangel 發表於 23-12-10 23:07
我同你情況真係好似，又係女人之間是非問題，我就係同嬲我的同事有講過其中一個同事一d野，都唔算秘密，點 ...

我都有試過喺公司喊，又係好委屈，所以我明白

有時誰是誰非真係觀點與角度，你點知對方點樣演繹？而其他人企喺佢嗰邊。

如果我認為自己行得正企得正對得住天地良心，我唔會喺人背後講佢半句說話，自己做好自己本分，佢鍾意講乜由得佢講，總之我冇對佢唔住

私人傳訊

積分: 3046

171^#

發表於 23-12-10 23:26 |只看該作者

本帖最後由 roseangel 於 23-12-10 23:28 編輯

zoie_w 發表於 23-12-10 23:05
我仲好記得嗰種難受，因為反差太大，之前成班去食飯，而家成班出去食飯淨係唔叫我一個，你覺得我會冇感受 ...

我而家都避開盡量唔想碰見佢地，就係一樣佢地對我反差咁大，好傷害我，現在都係返工做野放工，盡量唔再諗呢件事，唔想再觸碰到自己傷口，我另一個舊同事已經離開左宜家都算係朋友，佢都提醒我返工唔喺識朋友嘅地方，呢句說話都令我放低左啲，都好多謝你開解，我地一齊努力加油！

私人傳訊

積分: 30610

172^#

發表於 23-12-10 23:30 |只看該作者

本帖最後由 zoie_w 於 23-12-10 23:31 編輯

roseangel 發表於 23-12-10 23:26
我而家都避開盡量唔想碰見佢地，就係一樣佢地對我反差咁大，好傷害我，現在都係返工做野放工，盡量唔再諗 ...

我個比較close嘅朋友都知道我比另一班人（就係話嗰個女仔唔鍾意）杯葛緊，但係佢情願討好嗰個女仔（嗰個女仔之前都曾經唔鍾意過佢，我個close friend都喺我面前講過佢）但無奈我個close friend性格係要圓滑做人，同邊個都關係要好，嚟緊佢哋會約gathering，當然冇我份啦，我個close friend話覺得我俾咗壓力佢，而家感覺佢疏遠緊我

佢唔係幫我同嗰班人和好，反而係疏遠我，而令到嗰班人都覺得會唔會係我嘅問題，連同我咁close嘅friend都疏遠我。佢嘅諗法係覺得嗰個女仔唔鍾意我，所以都唔方便叫我，派手信派比好多人都唔會派俾我

其實佢係咪真係我嘅close friend呢？

私人傳訊

積分: 30610

173^#

發表於 23-12-10 23:34 |只看該作者

本帖最後由 zoie_w 於 23-12-10 23:34 編輯

chocolatebean 發表於 23-12-10 23:07
有人投資損失係人生低潮同樣有啲人話＄財身外物都可以冇嘢

所以人人感受都可以唔同㗎，有啲人視錢財為身外物，冇咗再搵過，有啲人覺得朋友疏遠咗或反咗面可以再識過啲新朋友，感受人人都可以唔同架。

你問我，我會重視朋友多過金錢㗎

私人傳訊

積分: 3046

174^#

發表於 23-12-10 23:37 |只看該作者

zoie_w 發表於 23-12-10 23:30
我個比較close嘅朋友都知道我比另一班人（就係話嗰個女仔唔鍾意）杯葛緊，但係佢情願討好嗰個女仔（嗰個女 ...

如果係咁，我覺佢都唔當你朋友，不如疏遠佢算，不值得留戀

私人傳訊

積分: 3046

175^#

發表於 23-12-10 23:38 |只看該作者

zoie_w 發表於 23-12-10 23:34
所以人人感受都可以唔同㗎，有啲人視錢財為身外物，冇咗再搵過，有啲人覺得朋友疏遠咗或反咗面可以再識過 ...

我都係重視關係多過金錢

私人傳訊

三國1

積分: 36987

176^#

發表於 23-12-10 23:40 |只看該作者

catlover1026 發表於 23-12-8 18:47
時間係咪治癒到？
呢排事事不順

當年係咬住牙根過，相信明天會更好

私人傳訊

積分: 30610

177^#

發表於 23-12-10 23:44 |只看該作者

roseangel 發表於 23-12-10 23:37
如果係咁，我覺佢都唔當你朋友，不如疏遠佢算，不值得留戀

因為喺佢角度嚟講，佢會覺得同好多人都可以做到朋友

而家唔係我疏遠佢，係佢疏遠我，佢識咗好多朋友，而嗰啲朋友係我都識嘅，不過我性格冇佢咁識「做人」佢會派手信俾人，整嘢食俾人，我比較少做呢樣嘢，除非比較熟嗰啲先會

好幾年前我講嗰個女仔就係無啦啦唔同佢打招呼，佢有同我講過，今年有個機會佢同嗰個女仔接觸返之後又好似冇乜嘢，跟住佢就有少少都討好下嗰個女仔，可能都知嗰個女仔性格難捉摸，所以對佢都比較討好

仲有之前又係佢自己講淨係要我哋核心朋友就ok, 唔需要識咁多人，但而家睇佢唔係囉，佢好主動去識人，反而係我唔太主動

結論就係人會變唔好咁信人講嘢

私人傳訊