royal_plus 發表於 24-2-16 22:28 
我新年去求工作就中咗伏，個解籤直接翻譯籤文個故事，之後講一堆同籤文無關嘅野分散我注意力，我問佢幾時搵 ...
真有料嘅解簽師傅會對應埋個人出生年月日去解讀，最低限度都問下生肖同邊一年出世，同一枝簽唔同生肖年份會有不同解讀，因為要睇埋流年同生肖是否配合，有冇相沖。
家母好多年前求過一枝簽，分別係三次求，問同一件事，三個人解過，最初兩個解都話等下，會等到，會上到樓，但家母等咗好耐，最後一次求又係同一枝簽，咁啱果日好多簽檔都收咗工，佢見到有檔有人就去問，個師傅話：唔好等啦，枝簽係嫦娥奔月，上到月亮都冷冷清清，只有日日斬桂樹嘅吳剛同埋玉兔，今年一定冇結果。
於是家母同爸爸商量，最後去買咗間木屋住，幾年後遷拆，派到公屋(真係上到樓), 家母後來年年求簽都揾番呢個師傅，師傅有個女，同家母差不多年紀，後來繼承衣缽，我屋企幾十年來都去呢個簽檔求簽，真係準到嚇死我。
P.S. 唔好問我邊檔解簽，檔主已經早幾年退咗休，跟仔女去咗加拿大。
花旗太太生活在花旗國，留意時差，你問我未必即時答到。
發表於 
。
返回列表
