自由報料 今日: 66 | 主題: 298173

積分: 513

161^#

發表於 05-8-4 22:52 |只看該作者

Re: 教做衣服

Hi 丙丙, babykoala 同 albe, 好耐冇見啦, 我去左巴黎同英國北部旅行吖嘛, 所以咪咁耐冇上黎囉, 你地個個都有新作/做緊新作, 我真係有d慚愧, 不過我去旅行前都做咗d野, 我加咗個坐位起架單坐位bb車到, 變成雙人車, 有d兒戲, 但都幾好用。其實都唔係咩坐位, 只係兩塊布, 一塊比阿女攰時埃個頭仔落去, 一塊係比佢坐住, 有條安全帶等走唔甩。去咗十幾日旅行, 返到香港d小朋友時差瞓唔到, 攪到我都冇得瞓, 今日至有d時間上來睇睇。你地就好啦, 立定決心開工, 我睇怕都要等八月尾長衫班開課才會開工做衫。

丙丙:
我以前細個做過好多好多barbie衫架, 真係好難車得好, 我都係用手聯多, 特別係barbie 嘅魔鬼身材, d 胸褶腰褶好難做得好, 大頭妹個頭咁大, 係一定要由下面穿上去囉。

Wendysoft ^_^' 做媽咪真係好辛苦!

私人傳訊

albe

積分: 959

162^#

發表於 05-8-5 00:07 |只看該作者

Re: 教做衣服

wendysoft:
真係好耐無見喇，玩得開心無？幾時俾我地睇下你d開心相
先，我地都唔係造咗好多野姐。話時話，你都幾勁，你架車
係咪自己用手"聯"線？
he he~, 你咁講令我醒起我之前同bb 去加拿大嗰時，同你
一樣返到黎無得瞓~ :-( ，都幾慘﹗
等你返學學o既作品呀﹗

自家出品

私人傳訊

babykoala

複式洋房

積分: 414

163^#

發表於 05-8-5 11:29 |只看該作者

Re: 教做衣服

Wendysoft

你帶2個b去旅行,都好犀利,細女出世後都未去過旅行,仲記得帶大女第一次去旅行時佢至得9個月,已經去無咁大時差嘅澳洲,但佢係澳洲時晚晚都半夜係到喊,攪到親戚啲鄰居問係唔係小朋友唔舒服

你架車係唔係本身可以訓低果種,因為我果種車已經俾人,無得學你改裝潻 :-|

私人傳訊

wendysoft

積分: 513

164^#

發表於 05-8-5 22:47 |只看該作者

Re: 教做衣服

babykoala
係呀, 我架係可以比bb瞓低嗰種, 我本來送左比人, 不過問佢借返兩個星期來去旅行, 點知而家用到好殘, 都唔知點算。

Wendysoft ^_^' 做媽咪真係好辛苦!

私人傳訊

積分: 57382

好媽媽勳章

165^#

發表於 05-8-6 19:37 |只看該作者

Re: 教做衣服

babykoala,wendysoft,albe

呢掛忙咗啲, 要同屋企人申請護照, 暑假去泰國,
所以停工先, 見你哋話同bb去旅行好辛苦, 我都
有啲驚.....因為我要同3個大bb去(爸媽妹), 極有
可能無得瞓....晚晚喊到半夜係我...未定!

有時懶, 我車車吓公仔衫又會去整第二樣野, , 唔同做大人衫, 可以車到跑車咁快都得, 有時車到我勞氣, 太細會眼花,
所以我寧願慢工出細貨, 總之一車好立即影比你哋睇!

wendysoft
barbie衫係好難造, 我都手聯過一件...如果真人
黎講barbie既身材係40-22-38, 你造到咁多真勁!

大頭妹個頭大都唔怕, 向後/前面開opening就得

私人傳訊

albe

積分: 959

166^#

發表於 05-8-7 22:25 |只看該作者

Re: 教做衣服

babykoala, wendysoft, 丙丙:
我可唔可以八掛問下大家，你地老公 / 男朋友係邊到o既
人？點樣認識架？你地依家仲有無做野 / 做緊乜
野？

唔好意思，我真係幾八婆架~﹗
我miss 利誘我地話：「你地如果肯報高班，咁我地就會考
慮下搞特別班，即係造婚紗之類。」搞到我地嘩~嘩~聲，
心養養。

希望我可以努力到高班，再學特別班啦﹗

自家出品

私人傳訊

babykoala

複式洋房

積分: 414

167^#

發表於 05-8-9 15:15 |只看該作者

Re: 教做衣服

albe

你啲問題好似要我哋自我介紹咁!

我老公係廣東人,係工作認識,我而家係全職家庭主婦,所以家庭收入比以前少好多,個個月都唔夠洗,等細女入學,我就會搵工,因為慳,所以亦唔係咁隨便出街,要計劃好一次做好多嘢,唔好浪費啲車錢,結果到而家都未出嚟買布

你一定可以努力到高班,你咁勤力,一定得

私人傳訊

積分: 57382

好媽媽勳章

168^#

發表於 05-8-9 20:06 |只看該作者

Re: 教做衣服

albe:
男朋友同我都係hk出生....朋友介紹咁囉!
上2年ive畢業返咗2份工無返囉! 你呢?

特別班/高班幾錢先?

而你有無興趣學先?
如果有就要加油囉!
不過我比較喜歡學啲古怪cutting/ 立體剪裁,
因為好驚要買一大塊布, 裁時好煩, 車完重煩.....
因為我會諗"幾時先有機會著 :-( "

babykoala
係呵! 生咗小朋友就要慳, 家吓啲小朋友要學咩
學物, 吓吓都要"升值", 就算唔學, 買條尿片都好
貴.....哎!

私人傳訊

albe

積分: 959

169^#

發表於 05-8-9 20:25 |只看該作者

Re: 教做衣服

babykoala, 丙丙:
係喎，又幾似自我介紹喎~，我都好應該自我介紹下，我同
我老公係公司識架，佢同我都係hk人，但我老公中三時過咗
台灣，係嗰邊生活咗差不多十年，依家成日都以為自己係台
灣人架~。而我依家就專心湊仔，不過下年bb 可以入學嗰
時，我諗我可以出返黎做野，唔~以前都幾唔鍾意返工，不
過依家就想返工多過湊仔喇﹗

丙丙:
特別班未知幾$架，而高班就4百幾囉，不過我就真係好想學
喇，因為未試過吖嘛。立體剪裁？係咪好難架，點樣先剪
到？舊時讀設計嗰時好似有講過下，係咪唔洗畫紙樣架？

你講得啱呀，有細路仔真係要用好多$架，所以有多野都要
慳得就慳囉。 :-(

babykoala:
你都要加油呀，慢慢有時間先去買布，再慢慢造囉﹗

自家出品

私人傳訊

wendysoft

積分: 513

170^#

發表於 05-8-9 22:42 |只看該作者

Re: 教做衣服

我就同你地有dd唔同, 我係一個在職媽媽, 成日都想唔做野留起屋企湊仔, 不過都係諗下好啦。我老公起大陸做野, 一個禮拜留起上面三兩晚囉。有時都覺得自己好辛苦, 因為又要返工, 又要照顧屋企。而家一個返幼稚園都仲好d, 下年細女都返埋就辛苦囉, $又用得多, 時間仲多, 都唔知邊度揾時間出來做下衫開心下。

Wendysoft ^_^' 做媽咪真係好辛苦!

私人傳訊

albe

積分: 959

171^#

發表於 05-8-9 23:14 |只看該作者

Re: 教做衣服

wendysoft:
唔~原來你係在職媽媽，咁你日頭會搵邊個湊仔女？你放工
之後咪好倦囉﹗佢地出世頭兩個月，會唔會係你最辛苦o既
時候呢？咦﹗我仲諗住bb出黎讀書之後，d 時間會好d，乜
原來唔係架~。

自家出品

私人傳訊

babykoala

複式洋房

積分: 414

172^#

發表於 05-8-10 15:07 |只看該作者

Re: 教做衣服

Wendysoft,丙丙,albe

我哋得丙丙係未結婚,我和wendysoft都有2個小朋友,而albe得一個

其實我以前都返開工,大女1歲時老公叫我自己湊,返工時都係成日想自己湊,但到自己湊時就覺得返工容易啲,不過其實係因為做家務唔係叻,煮飯要林買咩餸好煩,其實細女出世前,淨係湊住大女,都好開心,同佢好close,好sweet,細女差不多出世前2個月返學,佢唔慣,我又唔摜 :-( ,都而家都唔捨得佢返學

嘩,又要返工,放工要俾晒啲時間湊仔女,仲邊有力水造衫,wendysoft,你好犀利

私人傳訊

積分: 57382

好媽媽勳章

173^#

發表於 05-8-10 18:33 |只看該作者

Re: 教做衣服

albe:
miss講過立體剪裁要"鋪"塊布o向個公仔度, 之後mark
好, 再"鋪"落張紙度裁.....但佢都係up吓, 無教過.....
高班4百幾...好平喎! 去學啦! 你又有興趣, 當消磨吓都好

我諗bb出黎讀書之後會煩啲, 又要同佢溫書, 要"吹"佢做
功課, 有時參加活動, 所有野都限時限刻, 唔係好似家吓咁
bb瞓咗, 煮好兩餐就可以偷懶.....好辛苦

babykoala:
albe講得啱, 慢慢有時間先造囉﹗我哋又唔係車衣女工

只要唔係個bb 4歲但你重車緊2歲既就得啦!

做家務唔係叻唔緊要啦! 慢慢黎, 長命工夫長命做麻!
買咩餸?個個都會煩呢啲野嫁啦! 就算出街食都咁話

wendysoft:
大陸做野好辛苦嫁, 我都試過, 尤其是過馬路好恐佈, 我試
過o向大陸布市場過馬路都過到我腰骨疼, 去咗2日我就瘦
到條褲都跌咁款
做在職媽媽好辛苦, 又要煩公司, 又要擔心bb....但無法啦!
要為bb將來好麻!

wendysoft,albe,babykoala
雖然我未婚, 但我十幾歲時都要湊妹煮飯做家務, 所以我都
知湊bb好辛苦(我妹次次擻風都要2hours), 有時都覺似佢
媽媽多啲
我就唔鍾意返工, 但我會喜歡湊仔(如果有既話)因為我喜歡
自己湊(如經濟許可)

我做件公仔衫喇! 多謝布料贊助人albe!

私人傳訊

albe

積分: 959

174^#

發表於 05-8-10 23:45 |只看該作者

Re: 教做衣服

丙丙, wendysoft, babykoala:
唔知係唔係因為我自己唔係咁鍾意小朋友，所以我覺得湊細
路真係好煩，不過佢地可愛起黎，又會令你好心甜﹗不過如
果可以，我情願出黎做野，多過湊仔~。

今日我
個仔終能夠話俾我知要去尿尿，可以戒到片，真係太感動
喇﹗ :-(

丙丙:
你好勁呀，件衫真係好靚好靚﹐唔知我幾時可以好似你咁，
造衫造到好似你咁得心應手呢？仲有無大d o既相，睇得清
楚d 呢？

自家出品

私人傳訊