婆媳關係

收藏本版
發帖
返回列表
跳至頁

首頁
678910

尾頁
   5
ACB@2011


大宅

積分: 1280


161#
發表於 10-12-3 17:21 |只看該作者
原帖由 均均媽 於 10-12-3 15:41 發表
哈，你c6同佢d屋企人真係巴Q之閉
淨係識怪你唔食佢地揀嘅餸，又唔諗下佢地一d都唔細心，點解唔揀一兩個你可以食嘅餸？！
至於拜山佢地應該主動叫你唔洗去，出年先去可以抱埋bb見先人 ...


蝦...妳講起里家嘢, 我又唸起 D 嘢想 share 下......
話說我見佢地咁堅持; 次次都要撼家人一齊嚟去掃墓里家嘢, 咁又見 C6 今次咁頻撲都要應承話去, 我咪晌臨到果日之前同個同事呻起里壇嘢囉, 點知我同事話:"嗱...我唔知妳 99 D 例係點架, 不過我屋企就拜山里家嘢係唔可以拜兩次嘅, 人地話拜山只可以拜一次架啫, 所以我年年都要總動員咁出席架, 妳 99 會唔會都係咁呀? 不過又如果妳 99 係有里條例嘅話, 妳大緊肚係唔去得拜山個喎, 所以妳不如問清楚先啦, 費事又俾人話啦" (我同事已經好清楚我 99 係一個咩人嚟嘅) 聽完之後我即刻打俾 C6 問啦, 佢又話冇 D 咁嘅嘢個喎, 仲話如果佢地係咁唸嘅話, 佢就更加一定要帶我去添喎.......咁點解........一定要撼家同時出席架呢????? 到依家都仲係一個迷.......V?V
私人傳訊

rainbowlamlam


複式洋房

積分: 176


162#
發表於 10-12-5 00:43 |只看該作者
你C6屋企人都冇咩野好講架喇igiveup: 九唔搭8,打橫黎.....
總之對佢地有利既就o岩,就唔到佢地既就唔會o岩架喇
我想問吓樓主,你話唔想bb冇爸爸,但其實我覺得有個咁既爸爸仲衰過冇啦.....即使你同佢離婚,佢都仍然可以睇個仔,可以盡佢爸爸既責任架,但至少你唔洗再對住佢,再應付佢屋企人先啦!!
私人傳訊

ACB@2011


大宅

積分: 1280


163#
發表於 10-12-5 19:17 |只看該作者
原帖由 rainbowlamlam 於 10-12-5 00:43 發表
你C6屋企人都冇咩野好講架喇igiveup: 九唔搭8,打橫黎.....
總之對佢地有利既就o岩,就唔到佢地既就唔會o岩架喇
我想問吓樓主,你話唔想bb冇爸爸,但其實我覺得有個咁既爸爸仲衰過冇啦.....即使你同佢離婚,佢都仍 ...


其實我都有考慮過里點嘅, 之不過我晌道唸, 就當佢肯每個月俾返萬五蚊過我地都冇 So , 因為佢依家雖然冇 cash 過我手, 但係 whatever 佢冇收入; 全頭家嘅開支都係佢俾晒嘅, 我又有工人用, 又唔洗出任何錢, 自己揾到嘅又可以儲多 D (仲要係我媽咪幫我儲, 離起婚上嚟都唔洗分俾佢喎), 何樂而不為呀....
再者到個囝出埋世, 我就更加多藉口唔見佢屋企人啦, 如果佢真係連舊殼種都食晒都仲冇收入嘅時候; 我先撇佢都仲唔遲啦, 我連張結婚証書都攞返晌手架啦, 就當佢依然唔肯簽, 我咪搞單方面離婚囉...我又唔係趕住再嫁~~~
私人傳訊

均均媽


大宅

積分: 2249

好媽媽勳章


164#
發表於 10-12-6 19:05 |只看該作者
你地係咪仲住晌99間傀儡屋呀？咁典解仔仔出世後可以少左見佢地呀？ 佢地唔會更加密剷上你度睇bb咩？你之前仲話你地住得近添mouth:
我陀住大仔時都有跟c6家人去拜過山，個時5個月度，都頻撲架。。好在係下午，而且唔趕囉，但個日好似去左一日遊咁，拜完山要去行街，沙田幾個商場行晒，去公園影相 夜晚再上山食乳鴿，行到命都冇！冇理由唔跟大隊麻 我又係唔叻拒絕人，而人地又未必會體諒你。。。
我覺得樓主你已好識大體，無論對你c6，佢家人同埋你個朋友

私人傳訊

ACB@2011


大宅

積分: 1280


165#
發表於 10-12-7 09:34 |只看該作者
原帖由 均均媽 於 10-12-6 19:05 發表
你地係咪仲住晌99間傀儡屋呀？咁典解仔仔出世後可以少左見佢地呀？ 佢地唔會更加密剷上你度睇bb咩？你之前仲話你地住得近添mouth:mouth:" />
我陀住大仔時都有跟c6家人去拜過山，個時5個月度，都頻撲架。。好在係 ...


唔係............我地從來都冇同過 99 住嘅 (里個都係我擇偶條件之一), 住得近我地果個係我媽咪呀..........我 99 從未嚟過我地屋企嘅, 佢係九龍人嚟架嘛, 覺得我地住埋 D 山卡啦嘅地方, 唔識摸入嚟架, 62 嚟過一次幫我地裝洗衣機嘅, 不過上次第二轉嘅中秋飯局中; 佢都講到明咁話:"佢地 (我父母) 唔好話我地妳依家咁樣 (陀得咁唔穩定) 都唔嚟睇下妳呀! 我去過都唔記得點樣再去呀..." 所以我覺得就算佢地會嚟揾我 (生咗之後), 都只會叫我 C6 揸車 (啱啱買咗車) 接佢地過嚟, 再者, 上次我講明 BB 日後有工人湊, 我媽咪都會經常過嚟睇住, 佢即時勁黑面啦, 所以我估佢就算嚟, 都唔會好密囉.........我估查實佢都幾慶我 C6 肯就我; 住得咁近我媽咪架, 正如我之前提過, 佢都嘈過話我地少返去佢道食飯啦.............
其實佢地都幾食米唔知米貴咁架, 我 C6 同 KN 各自有層樓晌新界西, 有次佢地嗌話晌九龍某處食飯, KN 揸車出去; 同我地搭車出到去嘅時間差唔多, 62 竟然晌樹勁鬧話我地好咁遲, 又話佢地好買到咁遠...乜乜差差咁, 點知俾 KN 同我 C6 勁剷返佢轉頭, 佢極度冇癮咁走出酒樓, 行咗幾個字; 99 就打俾佢, 佢先至返入嚟食嘢咋~~~
其實我都會好似妳咁架, 覺得要拒絕人係好難開口嘅事嚟咁, 尤其係長輩級人馬添..........
多謝...^^
私人傳訊

均均媽


大宅

積分: 2249

好媽媽勳章


166#
發表於 10-12-8 00:54 |只看該作者
哎呀，sorry,我追連續劇追到亂晒 記錯左添。。
咁你c6而家冇野做，點養你同bb呀？佢有好多儲蓄呀？仲有而家有冇同你去買bb野呀?
私人傳訊

ACB@2011


大宅

積分: 1280


167#
發表於 10-12-9 13:18 |只看該作者
原帖由 均均媽 於 10-12-8 00:54 發表
哎呀，sorry,我追連續劇追到亂晒 記錯左添。。
咁你c6而家冇野做，點養你同bb呀？佢有好多儲蓄呀？仲有而家有冇同你去買bb野呀?


唔緊要...唔洗 sorry 咁嚴重....貢多真人故事; 唔多唔少總有 D 亂, 哈哈.......^O^
佢賣咗層樓啦嘛, 咪有舊錢晌手囉......佢有揾嘢做嘅, 不過開到 D 條件高到冇公司請得起佢之嘛......U_U"" 又唔肯面對自己 D 弱點, 一味覺得自己係專業人仕, 降底條件嘅話第日上唔返正常水位喎..........都唔化架.......>~<
所有有關阿 Be 嘅嘢都係我自己一手一腳嚟去安排嘅, 包括所有用品嘅項目, 品牌, 數量, 選擇醫院, 醫生, 任何 check up 嘅排期, 請陪月嘅安排, 請工人嘅安排, 屋企位置上嘅執位 & 全部格價.......等等, 佢淨係做俾錢同一 D 冇得送貨要自取 (當然係我拎唔到先到佢做啦) 嘅嘢....
所以捱到我全個懷孕期都冇穩定過.....呢...我近派咪作緊早產囉, 但係人地仲要我執好間雜物房做工人房, 工人想早 D 上工都話唔好, 等我放假先好俾佢上工喎, 因為佢唔知俾 D 咩佢做喎, 佢唔識架喎..............T_T
私人傳訊

Manman_2211


複式洋房

積分: 404


168#
發表於 10-12-9 17:20 |只看該作者
睇黎仲有好多集wor.. 追!!
ANYWAY, 唔好咁激氣, 盞激到自己同bb, 唔抵呀! 你認得我係邊個架啦, 真係谷住就打黎發洩下啦!
原帖由 ACB@2011 於 10-12-9 13:18 發表


唔緊要...唔洗 sorry 咁嚴重....貢多真人故事; 唔多唔少總有 D 亂, 哈哈.......^O^
佢賣咗層樓啦嘛, 咪有舊錢晌手囉......佢有揾嘢做嘅, 不過開到 D 條件高到冇公司請得起佢之嘛......U_U"" 又唔肯面對自己 D 弱點 ...
私人傳訊

lynnwing


禁止訪問

積分: 247


169#
發表於 10-12-9 17:25 |只看該作者
提示: 作者被禁止或刪除 內容自動屏蔽
私人傳訊

fairyfloss


男爵府

積分: 9660


170#
發表於 10-12-10 01:16 |只看該作者
樓主，我開始唔係好明，其實你都睇穿晒你ｃ９，覺得佢冇得救，最重要係佢有向外既心，雖然經濟上佢有負責，但睇嚟佢自己都自身難保，你重要應付佢啲屋企人，淨係每個節要做兩次都難頂啦，咁你重同你ｃ９一齊？一個家庭如果父母唔和諧，咁單親可能仲好一點．你諗吓，你一日同佢一齊，就一日要應付你９９，離開咗，你樂得自在．如果你仲好愛你ｃ６，咁就唔同講法，但你又好似唔係喎．生咗之後，要用咁多精神應付你９９，倒不如留返多啲時間俾個ｂｂ．
私人傳訊

ACB@2011


大宅

積分: 1280


171#
發表於 10-12-10 01:57 |只看該作者
原帖由 Manman_2211 於 10-12-9 17:20 發表
睇黎仲有好多集wor.. 追!!
ANYWAY, 唔好咁激氣, 盞激到自己同bb, 唔抵呀! 你認得我係邊個架啦, 真係谷住就打黎發洩下啦!


又講真喎, 我真係覺得自從開咗里個 post 之後; 個人嘅情緒都穩定返好多喎, 至少我知道原來有好多人聽完我嘅經歷之後, 都會俾一 D 正面嘅意見俾我, 從而更加睇到自己係可以用另一個角度嚟分析件事, 以免自己蝕底呀......^_^
私人傳訊

ACB@2011


大宅

積分: 1280


172#
發表於 10-12-10 02:13 |只看該作者
原帖由 fairyfloss 於 10-12-10 01:16 發表
樓主，我開始唔係好明，其實你都睇穿晒你ｃ９，覺得佢冇得救，最重要係佢有向外既心，雖然經濟上佢有負責，但睇嚟佢自己都自身難保，你重要應付佢啲屋企人，淨係每個節要做兩次都難頂啦，咁你重同你ｃ９一齊？一個家庭如果父母唔和諧，咁單親可能仲 ...


晌我里個 case 嚟講, 離婚, 唔一定係最好嘅解決方案, 因為一來佢未真正有外遇 (如果我堅持離婚, 咁就係我有問題), 二來佢冇工返咁耐, 晌金錢上都冇正式依賴過我, 三來對於我嚟講, 離婚最大嘅損失就係金錢, 何必將自己同個囝擺晌個更大嘅危機上面呢?) 所以我寧願保持現狀, 反正我 99 都開始想疏遠我咁 (因為我依家見親佢都數佢個囝 D 衰嘢出嚟, 佢又駁唔返我, 吹到脹晒), 而且名義上我依家係正室嘅時候, 佢有咩對得我唔好都大把人走出嚟話佢, 仲有咩都可以 order 佢做, 咁有咩唔好呀? 第日個囝實會問點解爸爸媽媽係咁樣相處架, 佢終有一日會明白嘅...
私人傳訊

lihomahk


子爵府

積分: 13306


173#
發表於 10-12-10 13:34 |只看該作者
樓主, 保重身體, 安胎要緊!!! 工人房遲D先理啦! BB才是最重要架!!
私人傳訊

lynnwing


禁止訪問

積分: 247


174#
發表於 10-12-10 19:11 |只看該作者
提示: 作者被禁止或刪除 內容自動屏蔽
私人傳訊

sanlocama


大宅

積分: 2762

好媽媽勳章


175#
發表於 10-12-11 02:20 |只看該作者
:pint:  :hammer:  :sm:  :wave:  :lalala:  :mrgreen:  :chair:  :fighting1:  :ranting:  :tongue:  :weapon:  :adore:  :giveup:  :sleep:  :party:  :verycold:
私人傳訊

ACB@2011


大宅

積分: 1280


176#
發表於 10-12-14 10:36 |只看該作者
里幾日真係忙到黐晒肺………#~#
我 C6 咁嚟話我之後, 可能佢心知就算佢再嗌我; 我都會用 "個肚好重, 我好攰, 唔去喇" 嚟做擋箭牌, 唔會再無端端上去 99 道食飯, 所以佢都冇再嗌我, 但係就係人地面前俾說話我聽, 話依家一個月先見到佢阿媽一次, 我即刻幫佢駁落去話:"咁不如你搬返去 99 道住啦, 我絕對唔介意架"...而我 99 亦冇乜點揾我, 平靜嘅日子真係好……………^_^
直至到上個禮拜, 99 打俾 C6 話食做冬飯, 佢就問 C6 我近派點, C6 同佢講話我作早產, 可能因為今次我真係做到好絕, 所以佢地好似開始識驚咁喇………99 都依舊問邊日得唔得 & 入嚟我地住嘅果區食, 可能又係同舅父一家一齊食啩…a?a…不過我完全冇意見, 99 仲直接同我通過電話, 問我咩情況, D 態度再冇高三度, 我亦好平靜咁嚟答佢, 仲問埋佢, 洗唔洗預早 D 煲薑醋, 佢又話唔洗, 就算早咗都煲得切喎……總之就好過之前啦………
我作早產果朝, 完全冇通知我 C6, 由於我地分房瞓嘅關係, 所以我假陣痛咗成朝 + 自己換衫 + 自己去搭巴士入埋醫院, 佢都仲晌睡死中…到我入咗 PWH 幾個鐘頭後, 醫生 cfm 我要留醫之後, 我都只係 send 咗個 msg 俾佢話:"我今晚要留院觀察" 就算喇, 佢即刻打嚟問我咩事, 我都冇好詳細咁講俾佢知, 佢嚟到醫院, 我唔落得床都好, 我竟然可以做得到一滴眼淚都冇流過, 我覺得…我進步咗………………我真真正正第一次覺得自己可以唔再需要佢, 所以瞓係醫院期間, 我可以好好咁 plan 下自己同 BB 以後嘅日子要點過, 唸下個囝第日會點問我; 我應該要點答佢...............
可能佢都 feel 到我真係有 D 唔同咗, 又可能再加上佢手頭開始有 D 緊, 所以佢近派好似緊張得我同 BB 多咗, 不過……我覺得………好似太遲咁, 對住一個傷害咗自己咁多年嘅人, 原來無論佢再做 D 乜嘢都好, 都唔會再覺得受傷害 or 感動………
嚟緊又要同佢地食做節飯喇, 又唔知會點, 到時 update 你地啦………
私人傳訊

ACB@2011


大宅

積分: 1280


177#
發表於 10-12-14 10:50 |只看該作者
原帖由 lihomahk 於 10-12-10 13:34 發表
樓主, 保重身體, 安胎要緊!!! 工人房遲D先理啦! BB才是最重要架!!


多謝妳嘅關心呀, 不過真係開始覺得辛苦喇, 我個胎陀得好低, 再加上差唔多八個月喇, 好重….>~<...所以兩邊大脾好酸痛, 仲要加埋頻密嘅假宮縮, 間歇性嘅假陣痛, 返工路程又兩邊都要行返咁上下先到, 真係啞子食黃蓮, 有苦自己知…………T_T
早幾日仲因為趕返工走去學人追巴士而仆親, 好在個肚冇落到地, 如果唔係都唔知典算………*~*
個工人就快到啦, 所以間房唔執唔得啦…………V_V
私人傳訊

豆BB


大宅

積分: 3906

醒目開學勳章


178#
發表於 10-12-14 11:53 |只看該作者
我當年又係陀得好低,8個月作早產...直頭落埋產房等生嗰隻,
都好擔心...因為BB未夠重.
好在最後都無事.捱到38周先出世...
你有無試過用托腹帶??應該會舒服D.

至於工人房...你而家咁真係乜都唔好做.
你C6唔做就由佢.
等工人到左先執同清潔.
暫時買張摺床俾工人訓住先.
私人傳訊

lihomahk


子爵府

積分: 13306


179#
發表於 10-12-14 12:25 |只看該作者
樓主, 現階段你真的不易太勞累, 叫你C6做啦! 佢又冇工作, 陌生人如我, 都知道你現在最重要是休息安胎, 我個B是早產, 得30週+輕磅, 雖然大問題是無, 但小問題如氣管敏感, 腳有小小發育遲緩.....等, 都有些煩, 為個B好, 真的不是操勞!!!
私人傳訊

ACB@2011


大宅

積分: 1280


180#
發表於 10-12-15 09:22 |只看該作者
原帖由 豆BB 於 10-12-14 11:53 發表
我當年又係陀得好低,8個月作早產...直頭落埋產房等生嗰隻,
都好擔心...因為BB未夠重.
好在最後都無事.捱到38周先出世...
你有無試過用托腹帶??應該會舒服D.

至於工人房...你而家咁真係乜都唔好做.
你C6唔做就由佢.
...


我有用托腹帶架啦, 如果唔係我唸仲辛苦呀......T.T
我已經盡量唔執佢乜制架啦, 但係堆到間屋連彎都轉唔到, 我隻狗狗日日晌道好似玩迷宮咁左穿右插, 冇辦法之下先至係咁二都要執下咋.......U_U"
私人傳訊


首頁
678910

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy